Kiin2 11:11 - LAWA A BOO SONBORE

¹¹ A saa kion lɛ a gusin a wàã ganaa, a wo kaa a gɔsɛ a wàã lɛ, bǎã-lɛduə̃lin lɛn nə́ ǹ doa bii-a kunu *wúlu bɔ ǹ bǎã lɛ laanka kion lɛ ganaa, ziabaa ǹ mànan nə́ ǹ didie gɔn, ǹ nə́ kii lɛ lɛnpɛnɛ.

LAWA A BOO SONBORE 2011

¹¹ A saa kion lɛ a gusin a wàã ganaa, a wo kaa a gɔsɛ a wàã lɛ, bǎã-lɛduə̃lin lɛn nə́ ǹ doa bii-a kunu *wúlu bɔ ǹ bǎã lɛ laanka kion lɛ ganaa, ziabaa ǹ mànan nə́ ǹ didie gɔn, ǹ nə́ kii lɛ lɛnpɛnɛ.

Kiin2 11:11 Iomraidhean Croise

Kiin2 11:10

Sɛmiɛ̃n laanka goóron mɛnɛn nə goã Dɛnaa Lawa a kion, Davida wɔn lɛa, Lawa a wúlu-bɔle lɛ bɛn goa á ǹ kɔ sɔraasi paabiɛ mìilandɛnan lɛn la.

Kiin2 11:12

Zozadaa tɔ́n kii a nɛginin lɛ kũ á soo ne, á kii bafolo wɔ a mìi-a, á lɛ kɔ kɔn la ǹ sɛ́wɔ kɔ la. Ǹ nə́ kii a nɛginin lɛ koa kii lɛa, ǹ nə́ nyɔɔ lɔ a ganaa. Bɛ kio, ǹ nə́ ǹ gɔn dɛ, ǹ nə́ n lɛ dɛ: Kii lɛ die a nyin sasa yɛ.

Kiin2 11:8

Ka die ka kii lɛ lɛnpɛnɛ, ziabaa ǹ mànan nə́ didie gɔn, bɛ̀ min mɛn nə́ n mɔrɔ ka ganaa, ka ǹ dɛnaa dɛ a gã. Ka die ka goã kii lɛ genli a soo biikoo li ka a wɔ biikoo ne.

KZS2 6:12

Salomɔn golee lon Dɛnaa Lawa a *wúlu bɔ ǹ bǎã nyɛɛnɛ, Izirayeli a zaman tumaa yɔrɔ-a, á n nyàan goa lon, a n Lawa nyankoe.

Bɔ bɛ̀rɛbaa nɛ 40:6

Ń die n *wúlu bɔ ǹ bǎã kɛ koa kɔn yɛ ka Lawa nɛ ǹ kion lɛ a kiɛnlɛ yɔrɔ-a.

Ezekieli 8:16

Bɛ kio, á n bɔyaa ma nɛ, á woo Lawa a kion lɛ a sumu gɔ́ɔ̃ nɛ. Ma bɛ́ Lawa a kion lɛ a wɔ ǹ kiɛnlɛ-a, bɛ̀ giĩ fuəwensooro á ke golee-n siã kɛ laanka wúlu bɔ ǹ bǎã kɛ bii, ǹ nə́ n dɔ̀ɔ̃ wɔ Dɛnaa Lawa a kion lɛ din ni, ǹ nə́ n yɔrɔ dia lɛ̀giala li, bɛ̀ ǹ kaa tán bɛ̀ ǹ wasa guguru kɔ.

Zowɛli 2:17

Wúlu-bɔlen kɛn dí nyɛɛ Dɛnaa Lawa a kion, bɛn nə golee wɔ ǹ kiɛnlɛ kɛ laanka *wúlu bɔ ǹ bǎã kɛ bii, ǹ wuu pɛ, ǹ Lawa nyankɔ kɛnɛn: – E, Dɛnaa Lawa, makara bɔ ǹ zaman lɛ-a. N nyan toa sìi nə n din wɔn kɛn kũ wa, n nyan toa tɔrɔ kɔsɔn nə ǹ da yaa lɛa wa. «Ǹ Lawa lɛ á maa kəni?» N nyan toa tɔrɔ kɔsɔn nə bɛ pɛ wɔ-n ma.

Matiə 23:35

Bɛ lɛ n toɛ, ka digolon nə Lawa bɔlɔ-silin mɛnɛn dɛ kooro, a saa Lawa bɔlɔ-sili Abeli a dɛ biikoo ganaa a wo Baraaki a nɛgiĩ Zakarii a dɛ biikoo yaa, ǹ nə ǹ mɛn dɛ Lawa a kion, Lawa laanka a wúlu-bɔlen kɔn yɛ ǹ bǎã laanka *wúlu bɔ ǹ bǎã bii ni, bɛ lɛ din tumaa a dɔlɔ á die kasɛn kɛn lɛn kuĩ.

Luku 11:51

A kũ Abeli a gɛ̀-a a da Zakarii wɔ yaa, ǹ Zakarii mɛn dɛ *wúlu bɔ ǹ bǎã laanka wúlu-bɔlen kɔn yɛ ǹ bǎã bii ni, sonbore, dɔlɔ á die n boe pelo minin kɛn lɛn-a bɛa gɛ̀-dɛ kɛ lɛ tumaa a lɛa.