Kiin2 10:15 - LAWA A BOO SONBORE

¹⁵ Zewu bɛ́ á kiɛ̃ á n bɔ walan, á n da Rekabu a nɛgiĩ Zonaadaabu lɛ, a nyɛɛnɛ die n diɛ lɛ. Zewu fòo da nɛ á pɛ nɛ: «N gɔ́ɔ̃ tá fu masɛ wɔ paǹ li ka maa wɔ bɛ́ fu n wɔ paǹ li lɔn?» Zonaadaabu ná a lɛ si: «Á fu.» Zewu nə́ n toa: «Bɛ̀ n gɔ́ɔ̃ lɛ á fu, n gɔn kɔ ma la.» Zonaadaabu nə́ n gɔn lɛ kɔ la. Zewu Zonaadaabu kũ á da a din genli, a wotoro ne,

LAWA A BOO SONBORE 2011

¹⁵ Zewu bɛ́ á kiɛ̃ á n bɔ walan, á n da Rekabu a nɛgiĩ Zonaadaabu lɛ, a nyɛɛnɛ die n diɛ lɛ. Zewu fòo da nɛ á pɛ nɛ: «N gɔ́ɔ̃ tá fu masɛ wɔ paǹ li ka maa wɔ bɛ́ fu n wɔ paǹ li lɔn?» Zonaadaabu ná a lɛ si: «Á fu.» Zewu nə́ n toa: «Bɛ̀ n gɔ́ɔ̃ lɛ á fu, n gɔn kɔ ma la.» Zonaadaabu nə́ n gɔn lɛ kɔ la. Zewu Zonaadaabu kũ á da a din genli, a wotoro ne,

Kiin2 10:15 Iomraidhean Croise

Siin Giala 47:10

Bɛ kio, á barka da Faarahɔn ganaa doo, á tɔ́n soo á n bɔ a li.

Siin Giala 47:7

Zozɛfu daa ka ǹ di Zakɔba dɔ nɛ, á nyaa Faarahɔn nɛ. Zakɔba barka da Faarahɔn ganaa.

Kiin1 20:33

Minin lɛn nə́ yɛ, mà Akaabu tá bɔlɔ bǐɛ̃ pii. Ǹ nə́ n nanaa, ǹ nə́ kũ ka a din lɛ gɔ́ɔ̃ ǹ boo ne, ǹ nə́ pɛ: «Bɛn-Adaadi lɛ nə ǹ dɔɔ̃n lɛa.» Akaabu wusoo á n toa: «Ka wo Bɛn-Adaadi lɛ kũ ka da nɛ.» Bɛn-Adaadi soo á daa Akaabu li, Akaabu da a din a zia da ǹ wotoro la.

Kiin2 10:13

A bɛ́ re doe tɔɔn-lɛduə̃lin zàã bǎã kɛ nɛ, á kaa Zudaa gána a kii Ahaazia dɔɔ̃nɔn lɛ. Zewu nɔ̀n da Ahaazia dɔɔ̃nɔn lɛn la: «Dien man ka kasɛn nɛ?» Ǹ ná a lɛ si: «Ahaazia dɔɔ̃nɔn man ka wɔsɛn nɛ. Wɔsɛn man woe fòo sonbore diɛ kii a nɛgiĩn manɛ, ka kii n dan a nɛgiĩn ni.»

Kiin2 10:14

Zewu tɔ́n nə n toa: «Ka ǹ kũ ǹ yii n koo.» Ǹ nə́ ǹ kũ ǹ yii n koo, ǹ nə́ ǹ dɛ, ǹ nə́ ǹ goa ǹ nə́ ǹ zũ Bɛti-Ekɛdi a nyankɔrɔ zuzulu kɛ nɛ. Maǹ nə́ goã, min pusi ka paa, Zewu nə ǹ kɔn toa walan wa.

Kiin2 9:21

Zoramu nə́ n toa: «Ka wotoro yɔrɔ bɔ!» Ǹ nə́ tɔ́n na a wotoro yɔrɔ bɔ. Izirayeli gána a kii Zoramu lɛ soo, a laanka Zudaa gána a kii Ahaazia nɛ, didie ná a ziabaa ǹ wotoro ne, ǹ nə́ woo n da Zewu lɛ. Maǹ nə́ woo yǎa Zizereyɛli min Naabɔti a wuru-n.

KZS1 2:55

ka Sofra a tanlɛn kɛn minin ni, giã-n Zaabɛsi. Bɛa tanlɛn lɛn man ka Tiraa a tanlɛ nɛ, Simeyati a tanlɛ nɛ, ka Sukaa a tanlɛ nɛ. Bɛa minin kɛn lɛn man Kenii tɔrɔn lɛa. Maǹ nə́ bɔ Amaati ni, ke Rekabu tɔrɔn digolo lɛa.

Ɛsidrasi 10:19

Ǹ nə́ lɛ kɔ, mà ǹsɛn tá ǹ gɔn boe ǹ lɔn lɛn ganaa, ǹsɛn nə sère gɔ̀lɔ̀ bɔ ǹ zɛ̀rɛ lɛ a sawaa ǹ wúlu màn lɛa.

Nehemii 3:14

Yisi kaa ǹ bǎã a kiɛnlɛ ke, Rekabu a nɛgiĩ Malkiya mɛn nə́ ke Bɛti-Kerɛmu gána mìi la, bɛ na á bɛ zɛnaa. A din na á dɔ, á ná a kiɛnlɛn wɔ lɛ ka a tã a sɔɔ ǹ mànan nɛ.

Loen 94:16

Die n die boe ma lɛ-a, a yoo min babaraan kɛn gialaa? A maa zia gii si, a da baraa-zɛnaalin kɛn-a?

Zeremii 35:2

«Wo dɔ Rekabu tɔrɔ minin li, n pɛ ǹ nɛ mà ǹ da wɔ Lawa a kion lɛ a kion nɛ goon ne. N tá re duvɛ̃ koe ǹ la walan ǹ mi.»

Ezekieli 17:18

A liɛ mɛn wɔ, á n lɛ bɔ, a lɛ kɔ kɔn la lɛ ziziɛ̃. Á goã á n lɛ kɔ taãn-taãnɛ, sɛnɛ, a din na á wusoo á siin kɛn lɛn tumaa zɛnaa. Bɛ lɛ na á toa, a ba re n boe a-n wa.

Nya ǹ dín 8:31

Giĩ lɛ Filipi lɛ si: «Man siɛ lɔn ma a giala ma, bɛ̀ min na a yɔrɔ pɛ ma-n wa?» Á lɛ dia Filipi la, á wɔ wotoro lɛ nɛ á giã a li.

Galaasi minin 2:9

Zaaki ni, Piɛrɛ nɛ, ka ZAÃ nɛ, bɛn lɛn man nə́ goã nyɛɛnaan-bɔlen lɛa. Ǹ nə́ dɔ̃ mà Lawa na á bɛa bǐɛ̃baa ǹ dí kɛ lɛ kɔ masɛ la. Ǹ nə́ n gɔn wɔ masɛ gɔn ka Barnabaasi ni. Bɛ nə́ n baa wɔa kaa kun mìi lɛa, màn mɛn bɛ́ toɛ, wɔsɛn nə wo tɔrɔ kɔsɔn li, ǹsɛn nə wo Zuifun li.

Galaasi minin 4:12

Ma dɔɔ̃nɔn lɛn, man ka nyankoe, ka giã ká masɛ bɛ́ lɔn. A giala, mà ma dɔ nə́ n din baa ka ka bɛ́ lɔn. Ka sii baraa kɔ́n zɛnaa ma-n lɛlɛ sɛn wa.