Kiin2 1:9 - LAWA A BOO SONBORE

⁹ Kii lɛ tɔ́n sɔraasi posooro mìilandɛnaa goon laanka a kiodɛnaa posooro dia, mà ǹ wo Yilii gialaa. Yilii na á goã giã-n tán kele mìi ni. Sɔraasin goledɛnaa lɛ pɛ Yilii ni: «Lawa a min, kii mà n da gisĩ.»

LAWA A BOO SONBORE 2011

⁹ Kii lɛ tɔ́n sɔraasi posooro mìilandɛnaa goon laanka a kiodɛnaa posooro dia, mà ǹ wo Yilii gialaa. Yilii na á goã giã-n tán kele mìi ni. Sɔraasin goledɛnaa lɛ pɛ Yilii ni: «Lawa a min, kii mà n da gisĩ.»

Kiin2 1:9 Iomraidhean Croise

Kiin1 17:18

Lɔ lɛ pɛ Yilii ni: «Wàa dɔ n wɔ biin ni, Lawa a boo gii-dali? Ma nə ń daa ma li, n tá ma yiri gisĩ ka maa sãn nɛ, n maa nɛ dɛ ń kɔ ma la.»

Kiin1 18:10

N Lawa, Dɛnaa Lawa Yiikoonaa lɛ tɔ nɛ, gána kɔn din goã bɛ̀ maa dɛnaagiĩ Akaabu lɛ na a minin dia woe giɛ n li wa. Bɛ̀ ǹ nə́ pɛ mà ǹ nə n yɛ gána mɛn nɛ wa, Akaabu n bɛa gána lɛ diɛ liɛ ganaa.

Kiin1 18:4

Zezaabeli bɛ́ Dɛnaa Lawa a boo gii-dalin lɛn dii ǹ mɛn wàaraa, Obadia lɛ na á goã á Lawa a boo gii-dali paabiɛ kũ á ǹ duru kele yala paa gɔ́ɔ̃ nɛ min poposooro. Á goã màn-bii laanka mu koe ǹ la.

Kiin1 18:42

Akaabu woo màn bii á màn mi. Sɛnɛ Yilii sɛ dii Karmɛli kele mìi ni, á ǹ kuməə tán, a mìi ná a gòãn bii ni.

Kiin1 19:2

Zezabɛli min dia woe pii Yilii-n kɛnɛn: «N dɔ Baali a wúlu-bɔlen nyín bɔ lɔn, ma dɔ n die n dɔ wɔ boe miɛ̃ biɛ̃ kɛnɛn yirəə. Bɛ̀ ma bɛ zɛnaa duduu wa, dìn die ǹ dɔlɔ babaraa bɔ ma ganaa.»

Kiin1 22:8

Izirayeli gána a kii lɛ pɛ Zozafati nɛ: Giĩ goon tá tɔn a tan, min nə́ boe la a n doa a ganaa a nɔ̀n da Dɛnaa Lawa la. Sɛnɛ bɛa giĩ lɛ sii ba masɛ ganaa wa, a giala, a ba Lawa a boo gii-dalibaa ǹ boo kɔɔ̃n pii masɛ wɔ paǹ li wa, yǎa a baraa dinsɔsɔɔ̃. Yimulaa a nɛgiĩ Misee ne. Zozafati nə́ n toa mà kii lɛ baran pɛ miɛ̃ wa.

Kiin2 2:25

Yiliizee nə́ n toa walan, á woo Karmɛli kele la, á n toa walan dɔ nɛ á n bɔyaa á woo Samarii.

Kiin2 4:25

Lɔ lɛ woo, á woo dɔ Lawa a min lɛ li Karmɛli kele la. Lawa a min lɛ bɛ́ á yɛ tìãlɛa lɔn gɔrɔ, á pɛ a dí-nyali Geazi ni: «Wɔa Sunɛmun lɔ lɛ á ke!»

Zeremii 35:4

Á woo ǹ ne Lawa a kion, Idigaliya a nɛgiĩ, Lawa a min Hanan a nɛgiĩn kion nɛ kɛ nɛ. Bɛa kion nɛ lɛ n kiãn kion genli, Salumu a nɛgiĩ Maseya a kion nɛ kɛ lalan, ke Lawa a kion a wɔ ǹ kiɛnlɛ lɛduĩ.

Amɔɔsi 7:12

Bɛ kio, Amasiya tɔ́n pɛ Amɔɔsi ni: «Lawa a boo gii-dali, woo n nə n bɔ kànaa. Baa si n wo Zudaa gána nɛ. N tá re n Lawa a boo gii-dali baa ǹ dí nyɛɛ walan, n nə n lɛ-a ǹ bii yɛ walan.

Matiə 14:3

Sonbore ne, Erɔdi dinmaa na á pɛ, mà ǹ ZAÃ kũ ǹ yii ǹ da kòso-n. A giala Erɔdi na á ǹ diɛ̃ Filipi a lɔ Erɔdiadi saa lɔ lɛa.

Matiə 26:68

bɛ̀ ǹ pɛ nɛ: «Minin Nyin-sili lɛ, min mɛn bɛ́ á n dɛ, bɛa dɛnaa pɛ wɔsɛn man kən le!»

Matiə 27:29

Ǹ nə́ kii bafolo tã ka nyan gùrùn ni, ǹ nə́ wɔ a mìi ganaa, ǹ nə́ bàbàla wɔ a gusin a gɔn, ka n pɛ mà maǹ koɛ kii lɛa. Bɛ kio, ǹ nə́ n musi lɛn kurumaa tán a giulun, ǹ nə́ yaa wɔ a ganaa, bɛ̀ ǹ tá pii: «Fòo le, Zuifun kii!»

Marki 15:29

Min mɛnɛn bɛ́ ǹ nə́ goã kiɛ̃ walan, bɛn man nə́ goã sɔ kiɛ la, bɛ̀ ǹ nə n mìi papasa ǹ nə́ pii ni: «Ebe! N din mɛn bɛ́ mà nsɛ n die Lawa a kion lɛ wurii, n wusoo n kɔsɔ dɔ lɛawaa sɔɔ gɔ́ɔ̃ nɛ,

Marki 15:32

Bɛ̀ a n Izirayelin kii, Minin Nyin-sili lɛ lɛa sonbore, a gisĩ sisia kəni a n bɔ dere ǹ gɔn ganaa, wɔsɛn nə yɛ, wɔ tɔn golee li. Ǹ min mɛnɛn dere gɔn ganaa a paran li, bɛn dɔn man nə́ goã sɔ kiɛ la.

Luku 9:54

Kialandɛnaa Zaaki laanka ZAÃ bɛ́ ǹ nə́ bɛ yɛ, ǹ nə́ pɛ: «Dɛnaa, n tá li wɔsɛn nə pɛ wáa tɛ bɔ lon a kaa minin kɛn la a ǹ kũ?»

Ebrəə 11:36

Gialakunun dɔn nə́ nɔmaa da-yaa lɛa gɔn, ka sɛ̌n nɛ, ka fɔlɔ biɛn kaamaa nɛ, ka da kòso-n ne.

Samayeli1 19:21

Ǹ ná a boo da Sayulu ni, á min kɔsɔn dia, ǹ dɔn nə́ bɔ ǹ nə́ kaa Lawa a boo gii-dali baa ǹ siin la ǹ nə́ ǹ zɛnaa. Sayulu minin dia, a sɔɔbaa ǹ wɔ; ǹ dɔn nə́ kaa la, ǹ nə́ Lawa a boo gii-dalibaa ǹ siin zɛnɛɛ.