Kiin2 1:13 - LAWA A BOO SONBORE

¹³ Kii lɛ sɔraasi posooro mìilandɛnaa lɛ a sɔɔbaa ǹ wɔ dia doo, a laanka a kiodɛnaa posooro ne. Bɛa sɔɔbaa ǹ dɔn wɔ lɛ woo, sɛnɛ a bɛ́ á dɔ, á na á kaa tán Yilii giulun, a ná a nyankɔ á pɛ: «Lawa a min, n dí-nyali posooro ke, toa barka goã bɛn yiikoonaabaa nɛ n gɔn, ka masɛ dɔ wɔ nɛ.

LAWA A BOO SONBORE 2011

¹³ Kii lɛ sɔraasi posooro mìilandɛnaa lɛ a sɔɔbaa ǹ wɔ dia doo, a laanka a kiodɛnaa posooro ne. Bɛa sɔɔbaa ǹ dɔn wɔ lɛ woo, sɛnɛ a bɛ́ á dɔ, á na á kaa tán Yilii giulun, a ná a nyankɔ á pɛ: «Lawa a min, n dí-nyali posooro ke, toa barka goã bɛn yiikoonaabaa nɛ n gɔn, ka masɛ dɔ wɔ nɛ.

Kiin2 1:13 Iomraidhean Croise

Kiin1 13:6

Kii Zeroboamu lɛ tɔ́n pɛ Lawa a boo gii-dali lɛ nɛ mà a bǐɛ̃ kɔ a na a Lawa, Dɛnaa Lawa lɛ gòã kũ asɛ a lɛa, màn mɛn bɛ́ toɛ a foo basã, asɛ gɔn lɛ boo la a n mɔrɔ asɛ ganaa doɛ̃. Lawa a boo gii-dali lɛ Dɛnaa Lawa gòã kũ, a foo basã, kii lɛ gɔn lɛ tɔ́n boo la, á n mɔrɔ a ganaa doɛ̃, a ná a lɛlɛ ǹ bǎã saa.

Kiin2 1:12

Sɛnɛ, Yilii nə́ ǹ lɛ si á pɛ: «Bɛ̀ masɛ n Lawa a min lɛa sonbore, tɛ bɔ lon a n kũ, n din laanka n kiodɛnaa posooro lɛ nɛ!» Boo lɛ a diɛ kio, tɛ bɔ lon á kũ, a din laanka a kiodɛnaa posooro lɛ nɛ.

Kiin2 1:14

Sɔraasi mìilandɛnaa min paa mɛn da bibinaa nɛ, á ke, tɛ bɔ lon á bɛn kũ, ǹ laanka ǹ kiodɛnan nɛ. Sɛnɛ, kanna, toa masɛ a yiikoonaabaa guguru kɔ n gɔn.»

Loen 102:17

Dɛnaa Lawa bɛ́ re wusii a Zeruzalɛmu kiwi kɛ dɔ doo, a bɛ́ re wusii a n din nyaa foaãfoaã, a gugurubaa kɛ nɛ.

Loen 72:14

Min mɛnɛn bɛ́ n kakaarɛ koe ǹ ganaa, ǹ nə́ ǹ nɔmɛɛ, á re ǹ sii bɛn la, a giala, mà ǹ nyin lɛ barka á gole a yii li.

Bɔ bɛ̀rɛbaa nɛ 11:8

Bɛa biikoo li kəni, a kiodɛnan kɛn lɛn tá re die ma ganaa, ǹ kaa tán ma yɔrɔ-a, ǹ pɛ: «Soo, n laanka zaman kɛ lɛ tumaa nɛ n kio. Ma á re soe fufuu.» Muizu foo bɛ́ yoo-n parsiini, á soo á n bɔ Faarahɔn li.

Suusun 27:22

Ta n baãnaa zũ ka ǹ bɛ́ wii zuĩ lɔn, a baãnaabaa lɛ n damaɛ a ki ganaa.

Boo-laakalaali 9:3

A din sii goon a min tumaa yɛ ke, ǹ nə́ giɛ̃, bɛ n sii kaka lɛa, siin kɛn bii, n zɛnɛɛ kanaa. Bɛ lɛ dɔ nɛ, minbuiin nɛn foo pã ka sii baraa nɛ. A ǹ toa ǹ yii n koo, gàãnaabaa nə ǹ ganaa. Bɛ kio, ǹ gɔn nyɔmɔɔ ǹ bǎã n geren li.

Izayii 1:5

N mìi tumaa n busulɛ lɛa, n foo tumaa zɔzɔɔ. Man die boe la ma n dɛ n paǹ mɛn kɔsɔ-a doo nsɛ mɛn bɛ́ tɔn nə n gòãn dii gɔ́ɔ̃ nɛ?

Izayii 60:14

Min mɛnɛn nə fuu nyaa n nɛ, bɛn nɔ̀ɔnɔn tá re n mɔrɛɛ n ganaa, ǹ mìi n kuməə ne. Min mɛnɛn nə n baa màn kooro lɛa, bɛn tá re n musin koɛ tán-a n yɔrɔ-a. Ǹ tá re n bíi: «Dɛnaa Lawa a kiwi, Izirayeli a Lawa sonbore a *Siɔn.»

Izayii 66:2

Bɛa mànan kɛn tumaa, ma din gɔn nɛ á ǹ zɛnaa. Ǹ tumaa n ma din wɔn lɛa. Masɛ Dɛnaa Lawa a da ǹ boo ne. Sɛnɛ, ma yii bɛ́ doa-n min mɛn la ka makara-doɛ̃ nɛ, nɔmaa-wɔle kɛ nɛ, a foo n ziziɛ̃ nɛ, ka min mɛn bɛ́ n too koe maa boo ganaa, a n nyɛ́ɛ biɛ ma yii ni.

Zeremii 5:3

Dɛnaa Lawa, n bie giɛ sonbore taãn li wa? Ń nə́ ǹ dɛ, sɛnɛ a wɔ ǹ ganaa wa. Ń bɔ̀n da ǹ ganaa, sɛnɛ, ǹ nə́ n piã ka n doroon ne. Ǹ nə́ n mìi laa ka kɔlɔ bɛ́ lɔn, ǹ nə́ n piã mà ǹ ba die n li wa.

Zaaki 4:7

A bɛ́ miɛ̃, ka n dinin boɛɛn kɔ Lawa nɛ. Sɛnɛ, ka golee *Sɛtaan yɔrɔ-a ka n gòãn doa a ganaa. Bɛ̀ ka bɛ zɛnaa, á die woe sɔsɔɔ a n bɔ ka li.

Sii-nyaan 3:9

Min mɛnɛn bɛ́ n dinin biɛ Zuifun lɛa, ǹ nə́ ǹ ba a lɛa dɔn wa, maǹ soɛ boe, maǹ *Sɛtaan a lɛ-kaakun minin lɛa, ma á re ǹ kuĩ ka pàã nɛ, ǹ da kaa tán ka giulun. Ǹ tá re doɛ̃ ka bɛ nɛ, mà ma á ka narɛ.

Samayeli1 26:21

Sayulu nə́ n toa: «Má sii baraa zɛnaa. N bɔyaa n daa, maa nɛgiĩ Davida! Ma ba re sii baraa zɛnɛɛ n nɛ doo wa, a giala, pelo kɛ lɛ nɛ, n sàn kɔ ka masɛ a yiikoonaabaa-n wa. Taãnɛ, ma gaãnaabaa ǹ sii zɛnaa, má sã gole wɔ.»