Zaã a sɛ́wɔ 8:6 - LAWA A BOO SONBORE

⁶ Maǹ nə́ bɛ pɛ miɛ̃ ǹ tá n diɛ a gɔ́ɔ̃ li, màn mɛn bɛ́ toɛ, ǹ na a zɛ̀rɛbaa ǹ sii yɛ. Sɛnɛ, Yezu nə́ n zuməə, á bɔ á mɛ la á sɛ́wɔ kikiɛ̃ tán-a ka a gòon ne.

LAWA A BOO SONBORE 2011

⁶ Maǹ nə́ bɛ pɛ miɛ̃ ǹ tá n diɛ a gɔ́ɔ̃ li, màn mɛn bɛ́ toɛ, ǹ na a zɛ̀rɛbaa ǹ sii yɛ. Sɛnɛ, Yezu nə́ n zuməə, á bɔ á mɛ la á sɛ́wɔ kikiɛ̃ tán-a ka a gòon ne.

Zaã a sɛ́wɔ 8:6 Iomraidhean Croise

Siin Giala 49:9

Zudaa n kaka ka yàra ten bɛ́ lɔn. Maa nɛgiĩ n boe a siĩ kũ ǹ bǎã nɛ, die a waa ǹ bǎã ganaa. Á n musi yiɛ, á waa tán ka yàra sà bɛ́ lɔn. Kakaarɛ ka yàra nɛ ǹ dan bɛ́ lɔn, die n boe la a pɛ, mà a yoo?

Loen 39:1

LOE kɛ n boe loe-saalin goledɛnaa Yedutun a sɛ́wɔ nɛ. Davida a loe ne.

Suusun 26:17

Kiɛ̃ wole mɛn bɛ́ ń lɛ we zia nɛ, a na á kɔnbɔ ka min mɛn bɛ́ zoɛ̃ li mà a gin kũ a toon ganaa.

Boo-laakalaali 3:7

Màn-toɛ̃ biikoo tan, màn-nimii biikoo tan. Lɛ-tiɛ̃ biikoo tan, boo-diɛ biikoo tan.

Zeremii 17:13

Dɛnaa Lawa, Izirayeli foo n doa nɛ n din ganaa. Min mɛn tumaa bɛ́ n la boe n ganaa, sìi á re n koe ǹ lɛ. Ǹ mɛnɛn bɛ́ n dɔ̀ɔ̃ we n ne, bɛn man die goɛ̃ ka tɔ mɛn nə́ ke ǹ nə́ kiɛ̃ gusuũ li! A giala, maǹ nə́ n la bɔ nsɛ Dɛnaa Lawa ganaa, nsɛ mu yala nyantoto ke, nyin koe.

Amɔɔsi 5:10

Min mɛn bɛa lɛ koe mɛnaa mala-a wa, bɛa dɛnaa tìĩ n boe ne ka nyin ni. Bɛ̀ min mɛn tá taãn pii, bɛa dɛnaa tìĩ n boe kasɛn nyin ni.

Amɔɔsi 5:13

Bɛ lɛ n ke, min mɛn bɛ́ sii doɛ̃, á soɛ, ǹ dɛnaa nə n lɛ tã. A giala, biikoo lɛ baraa kɔ!

Minin nimi 14:22

Masɛ máa minin kɛn lɛn min kɔn ba re we gána lɛ-n wa. Ǹ nə́ maa gugurubaa yɛ, ka kaãbaa sii dadaran kɛn nɛ má ǹ zɛnaa Ezipti gána laanka diə gole gɔ́ɔ̃ nɛ. A laanka bɛ yii ni, ǹ nə n da ma gɔ́ɔ̃ li lɛ da wa. Ǹ nə́ ma bɔlɔ dɔ tii. Bɛ lɛ n ke, ma n lɛ kɔ ǹ digolon la ka gána mɛn lɛ nɛ, ǹ min kɔn yii ba re miɛ bɛ-a wa, a giala ǹ nə́ ma daa.

Matiə 10:16

Haya! Masɛ n ka diɛ ka sèren bɛ́ woe don ginin bii lɔn. Bɛ lɛ taman yii, ka yiri bɔ ka dinin li ka miɛ̃ bɛ́ yiri boe a din li lon, sɛnɛ, ka goã basiɛ̃-n ka zɛrɛkantoan bɛ́ lɔn, ka baran basaã kɔ wa.

Matiə 15:23

Sɛnɛ, Yezu nə n lɛ da lɛ wa. A kialandɛnan nə́ n zɔ̃ ǹ nə́ dɔ a li, ǹ ná a nyankɔ mà a pɛ lɔ lɛ nɛ mà a woo, á n bɔ ǹsɛn kio ka bɛa lɛ-dɛ kɛ-n miɛ̃.

Matiə 16:1

*Fariziɛ̃n laanka *Sadusɛɛ̃n nə́ n zɔ̃ ǹ nə́ dɔ Yezu li. Ǹ bɛ́ giɛ ma ǹ nə n da a gɔ́ɔ̃ li, ǹ nə́ nɔ̀n da la, mà a nyaa ǹsɛn manɛ ka kaãbaa ǹ sii ni, mà a pàã lɛ n boe Lawa li.

Matiə 19:3

*Fariziɛ̃n kɔnɔn nə́ n zɔ̃ ǹ nə́ dɔ a li, ǹ nə́ nɔ̀n da la ǹ tá n diɛ a gɔ́ɔ̃ li: «Wɔa landa lɛ á lɛ koe giĩ na a lɔ loo haalɛ ta a mìi n ka sii mɛn nɛ?»

Matiə 22:18

Sɛnɛ, Yezu bɛ́ á ǹ gɔ́ɔ̃ a baraabaa dɔ̃, á tɔ́n pɛ ǹ nɛ: «Gɔ́ɔ̃ tì-an kɛn! Wàa na á baa ka tá ǹ diɛ masɛ gɔ́ɔ̃ li?

Matiə 22:35

Ǹ goon ne, a n landa sii-daraalin goledɛnaa lɛa, bɛ́ nɔ̀n goon da Yezu la, á n da a gɔ́ɔ̃ li ni:

Matiə 26:63

Sɛnɛ, Yezu nə́ n lɛ tã. Wúlu-bɔlen kiã tɔ́n pɛ nɛ: «Ká Lawa yiikoonaa tɔ nɛ, bɛ̀ n din ni Minin Nyin-sili lɛa, bɛ̀ Lawa a Nɛgiĩ n ka n din lɛ nɛ, a pɛ wɔsɛn manɛ.»

Marki 10:2

*Fariziɛ̃n kɔnɔn nə́ n zɔ̃ ǹ nə́ dɔ a li, ǹ nə́ nɔ̀n da la mà ǹsɛn landa lɛ á lɛ koe min na a lɔ loo ya? Maǹ nə́ bɛ pɛ ǹ tá n diɛ a gɔ́ɔ̃ li.

Marki 12:15

Sɛnɛ, Yezu bɛ́ á dɔ̃ mà sii kɔsɔ tá ǹ gɔ́ɔ̃ nɛ, á pɛ ǹ nɛ: «Wàa na á baa ka á n diɛ ma gɔ́ɔ̃ li? Ka da ka wɔrɔ we goon ne, ma ga a ganaa.»

Marki 3:2

Min mɛnɛn bɛ́ ǹ nə́ goã walan, bɛn man nə́ goã giɛ Yezu gɔn li sɔnbɔraanɛ, bɛ̀ á die giĩ lɛ a busu nyɛɛ *susu ǹ pii pinaa, ǹsɛn nə́ dɔ̃. A giala, maǹ giɛ a zɛ̀rɛbaa ǹ gɔn li.

Marki 8:11

*Fariziɛ̃n kɔnɔn nə́ daa ǹ ná a giala kɔ ǹ nə́ liere kɔ kɔn ka Yezu ni. Ǹ bɛ́ giɛ li mà ǹ nə n da a gɔ́ɔ̃ li, ǹ nə́ tɔ́n pɛ nɛ: «Bɛ̀ n pàã lɛ n boe Lawa li sonbore, kaãbaa ǹ sii zɛnaa n nyaa wɔsɛn manɛ.»

Luku 10:25

Á ke, landa sii-daraali goon na á yoo, á boo da á n da Yezu gɔ́ɔ̃ li á pɛ: «Mìinaa, masɛ doamaa nɛ ma wàa zɛnaa, masɛ tɔn nyin nyabaã yɛ saraa lɛa?»

Luku 11:16

Ǹ gialakunun man nə́ goã giɛ a lɛ li ǹ da sii zɛnaa ganaa, mà a na a din tɔ bɔ ǹ sii kɔ́n zɛnaa ka Lawa pàã nɛ, a nyaa ǹsɛn manɛ.

Zaã a sɛ́wɔ 8:2

Baayɛlɛ yiisoon ne, á wusoo á daa Lawa a kion. Zaman tumaa daa a li, á giã tán, á goã ǹ darɛɛ.

Korɛnti1 10:9

Wɔ nyan toa wɔ n da Dɛnaa gɔ́ɔ̃ li, ka ǹ dɔn min tɛnɛn bɛ́ ǹ nə́ zɛnaa lɔn wa. Bɛ lɛ nɛ, miɛ̃ nə́ ǹ tumaa yaga ǹ nə́ gã.