Zaã a sɛ́wɔ 7:4 - LAWA A BOO SONBORE

⁴ Bɛ̀ n tá li minin nə n dɔ̃, n baran n zɛnaa ǹ sii duru wa. N bɛ́ ke bɛ miã siin kɛn zɛnɛɛ, a toa min tumaa nə n yɛ.

LAWA A BOO SONBORE 2011

⁴ Bɛ̀ n tá li minin nə n dɔ̃, n baran n zɛnaa ǹ sii duru wa. N bɛ́ ke bɛ miã siin kɛn zɛnɛɛ, a toa min tumaa nə n yɛ.

Zaã a sɛ́wɔ 7:4 Iomraidhean Croise

Kiin1 22:13

Ǹ goã ǹ nə́ min mɛn dia woe lɛ diɛ Misee la, bɛ pɛ nɛ: «Á ke, boo kɔɔ̃n tá boe Lawa a boo gii-dalin lɛn tumaa lɛ-n kii lɛ wɔ paǹ li. Toa n dɔ a boo lɛ kɔn saa ka ǹ wɔ lɛ nɛ! Boo kɔɔ̃n da!»

Matiə 23:5

Ǹ zɛnaa ǹ siin dinin tumaa n din nyaa sii lɛa. Bɛ lɛ na á toa, bɛ̀ ǹ Lawa a boo bǎãn kɔnɔn kiɛ̃, bɛ̀ ǹ kìri dadaran zumu ǹ ganaa a tɔ-a, bɛ̀ ǹ wɔ ǹ mìi-a hinlaa ǹ gɔn ganaa, pàsa mɛn bɛ́ ǹ tá kiɛ ǹ mɔnaa lɛkoron ganaa, bɛn man sɔsɔrɔ taãn-taãnɛ.

Matiə 4:6

á pɛ nɛ: – Bɛ̀ n tá Lawa a Nɛgiĩ lɛa sonbore, n toa walan n furəə tán. A giala a tá kiɛ̃ nɛ Lawa a boo-n kɛnɛn: «Lawa á re pii a dia dí-a wolen manɛ, mà ǹ nə n gɔn koa n li ǹ nə n yo lon, màn mɛn bɛ́ toɛ, n baran n gòã na kɔlɔ ganaa wa.»

Matiə 6:16

Bɛ̀ ka n lɛ sɔɔ, ka baran n yɔrɔ kɔsɛ ka gɔ́ɔ̃ tì-an kɛn bɛ́ zɛnɛɛ lɔn wa. Maǹ nə́ n yɔrɔ kɔsɛ, mà min din tumaa dɔ̃ mà ǹsɛn man nə́ n lɛ sɔɔ. Masɛ n pii ka nɛ, sonbore ne, ǹ nə́ ǹ saraa yɛ á nya.

Matiə 6:5

Bɛ̀ ka á Lawa nyankoe, ka nyan nə n baa ka gɔ́ɔ̃ tì-an kɛn bɛ́ lɔn wa. Bɛ̀ ǹ tá lɛsɔkɔn kion hinlaa zii giala-a, golee lon a Lawa nyankɔ lɛ n kɔɔ̃nɛ ǹ ganaa. Maǹ giɛ li mà min din tumaa nə ǹsɛn yɛ. Masɛ n pii ka nɛ, sonbore ne, ǹ nə́ ǹ saraa yɛ á nya.

Luku 6:45

Min sonbore n bǐɛ̃ zɛnɛɛ, a giala a gɔ́ɔ̃ n fu, min baraa dɔ n baraa zɛnɛɛ, a giala a gɔ́ɔ̃ n tì. Min gɔ́ɔ̃ bɛ́ á pã ka boo mɛn nɛ, a lɛ n bɛ lɛ diɛ.»

Zaã a sɛ́wɔ 18:20

Yezu tɔ́n pɛ-n kɛnɛn: «Má boo da min tumaa-n foaãnɛ; biikoo woo biikoo, lɛsɔkɔn kionən mɛnɛn laanka Lawa a kion mɛn bɛ́ kaa lɛsɔkɔn bǎãn lɛa, má minin daraa bɛn nɛ. Ma boo kɔ́n da má duru ka la wa.

Zaã a sɛ́wɔ 7:3

Yezu ǹ dɔɔ̃nɔn nə́ tɔ́n pɛ nɛ: N ba boe la n goã kànaa wa. N ta Zudee gána nɛ, màn mɛn bɛ́ toɛ, n kialandɛnan lɛn dɔn nə boo la, ǹ nə n siin lɛn yɛ.

Zaã a sɛ́wɔ 7:5

Sonbore ne, Yezu ǹ dɔɔ̃nɔn lɛn dininmaan nə goã golee li wa.