Zaã a sɛ́wɔ 7:1 - LAWA A BOO SONBORE

¹ Bɛ kio, Yezu goã n bibiĩ Galilee gána nɛ. Bibiə̃ Zudee gána-n goã kɔɔ̃n a ganaa wa, a giala, Zuifun pàãdɛnan man nə́ goã giɛ li mà ǹ dɛ.

LAWA A BOO SONBORE 2011

¹ Bɛ kio, Yezu goã n bibiĩ Galilee gána nɛ. Bibiə̃ Zudee gána-n goã kɔɔ̃n a ganaa wa, a giala, Zuifun pàãdɛnan man nə́ goã giɛ li mà ǹ dɛ.

Zaã a sɛ́wɔ 7:1 Iomraidhean Croise

Matiə 10:23

Bɛ̀ minin nə́ fuu nyaa ka nɛ kiwi mɛn nɛ, ka baa si ka wo kiwi kɔsɔ nɛ. Man pii ka nɛ, sonbore: Ka laan bɛ̀ ka Izirayeli kiwin kɛn tumaa kaa kɔn la ka nya, bɛ̀ masɛ Min a Nɛgiĩ wusoo má daa.

Matiə 21:38

Sɛnɛ, wuru dí-nyalin lɛn bɛ́ ǹ nə́ yɛ die, ǹ nə́ pɛ kɔn nɛ: «Haya, a kíɛ̃-saali lɛ á ke. Ka daa, wɔ dɛ, wɔ wuru lɛ si.»

Marki 11:18

Lawa a wúlu-bɔlen goledɛnan laanka landa sii-daraalin bɛ́ ǹ nə́ bɛ ma, ǹ nə́ ga Yezu dɛ ǹ gɔn li. Ǹ nə́ goã nyɛ́ɛbiɛ nɛ, a giala, a daraa lɛ zaman lɛ din tumaa kũ.

Zaã a sɛ́wɔ 1:19

Zuifun goledɛnan nə́ n toa Zeruzalɛmu, ǹ nə́ wúlu-bɔlen dia kun ka ǹ dɔmalɛ wole *Levii tɔrɔn nɛ, mà ǹ wo nɔ̀n da ZAÃ la mà a n die lɛa. ZAÃ boo mɛn da a din wɔ gɔn la, bɛ n ka kɛ nɛ.

Zaã a sɛ́wɔ 4:3

Yezu bɛ́ á dɔ̃ mà Fariziɛ̃n nə́ bɔ a siére-a, á soo Zudee gána nɛ, mà a n wusii woe Galilee gána nɛ.

Zaã a sɛ́wɔ 4:54

Bɛ lɛ na á n baa Yezu a kaãbaa ǹ sii paabaa ǹ wɔ lɛa á zɛnaa á ná a boo sii la nyaa nɛ, bɛ̀ a bɛ́ á bɔ Zudee gána nɛ á daa Galilee gána nɛ.

Zaã a sɛ́wɔ 6:1

Bɛ kio, Yezu woo Galilee tà kio, a din ni ǹ tá bíi Tiberiadi tà.

Zaã a sɛ́wɔ 7:11

Zuifun goledɛnan man nə́ goã giɛ li zɔ́n lɛ biikoo li, ǹ nə́ goã pii: «A n maa dinin koɛ?»

Zaã a sɛ́wɔ 7:13

Sɛnɛ, min kɔ́n yii goã we a n boo diɛ a wɔ gɔn la foaã wa, Zuifun goledɛnan lɛn lɛa.

Zaã a sɛ́wɔ 7:19

Táa Muizu na á Lawa a dí-pɛn lɛn kɔ ka dinin lɛn la? Sɛnɛ, ka kɔ́n bɛ́ ka a ǹ tamɛɛ wa. Ka n giɛ li dinin ka masɛ dɛ?»

Zaã a sɛ́wɔ 7:25

Zeruzalɛmu minin kɔnɔn man nə́ goã pii: «Minin bɛ́ giɛ giĩ mɛn lɛ li mà ǹ dɛ, a din lɛ bie ke wa ya?

Zaã a sɛ́wɔ 7:35

A kũ bɛ lɛ ganaa, Zuifun man nə́ goã pii kɔn nɛ, mà a n die woe maa kəni, ǹsɛn nə ǹ ba yii doo wa? Mà Zuifun mɛnɛn bɛ́ pɛsiɛ̃-n bǎã kɔsɔn nɛ, mà a n die woe n doe kun bɛn nɛ, a Lawa doɛ̃baã wolen kɛn daraa kəni?

Zaã a sɛ́wɔ 8:37

Ka n Abrahamu tɔrɔn lɛa, ma á bɛ doɛ̃. Sɛnɛ, ka n giɛ li ka tá masɛ dii, a giala, maa boo lɛ na a ba ka foo sii wa.

Zaã a sɛ́wɔ 8:40

Masɛ sonbore mɛn ma Lawa li, man má bɛ lɛ pɛ ka nɛ; sɛnɛ, ka ǹ giɛ li ka tá masɛ din dii kanna. Abrahamu bɛ miã zɛnaa wa koe!

Nya ǹ dín 10:38

Ka á doɛ̃, mà Yezu mɛn bɛ́ boe Nazarɛti, mà Lawa na á bɔ, á Yiri Fu kɔ la parsiini, ka pàã dɔ nɛ. Á woo bǎã tumaa nɛ, á bǐɛ̃ zɛnaa. *Sɛtaan goã min mɛnɛn tumaa nɔmiɛ, á bɛn yii kaka kɔ, a giala, Lawa na á goã kun ni.