Zaã a sɛ́wɔ 6:6 - LAWA A BOO SONBORE

⁶ (A na á pɛ miɛ̃ á n diɛ a gɔ́ɔ̃ li. A bɛ́ re sii mɛn zɛnɛɛ, a din tá bɛ doɛ̃.)

LAWA A BOO SONBORE 2011

⁶ (A na á pɛ miɛ̃ á n diɛ a gɔ́ɔ̃ li. A bɛ́ re sii mɛn zɛnɛɛ, a din tá bɛ doɛ̃.)

Zaã a sɛ́wɔ 6:6 Iomraidhean Croise

Siin Giala 22:1

Bɛa siin lɛn kio, Izaaki bɛ́ á gole kɔ, Lawa nə́ n da Abrahamu gɔ́ɔ̃ li. Á lɛ dia la, Abrahamu ná a lɛ si: «Ma á ke!»

KZS2 32:31

Sɛnɛ, ka bɛ yii ni, Baabiloniin kiãn bɛ́ ǹ nə́ minin dia mà ǹ da nɔ̀n da ka kaãbaa ǹ sii gole kɛ nɛ, á n zɛnaa gána lɛ nɛ ǹ boo la ǹ na a woo n bǎã yɛ, bɛa nɔ̀n-diɛ lɛ gɔ́ɔ̃ nɛ Lawa Ezekiasi toa walan. A na á n da a gɔ́ɔ̃ li, sii mɛn tumaa bɛ́ a foo ne, a boo la a bɛ dɔ̃.

Korɛnti2 13:5

Ka n dinin zɔɔ̃, ka n taasɛ ka ga a ganaa, bɛ̀ ka á goleemali gɔ́ɔ̃ nɛ. Ka á doɛ̃ mà Yezu Krita tá ka bii sɛn, ta mà lɔn? Yǎa tan, bɛ̀ ka a boe la ka a goleemali a siin zɛnɛɛ wa.

Timəə dí-pɛn 13:3

Bɛa kaãbaa ǹ sii lɛ á boe la a n zɛnaa, ka a bɛ́ á pɛ lɔn. Sɛnɛ, bɛ̀ ǹ dɛnaa pɛ ka nɛ mà ka daa ka kɔ lawa kɔsɔn kio lɛ ka bɛn guguru kɔ, lawan mɛnɛn dinin nə́ ke ka a ǹ doɛ̃ wa,

Timəə dí-pɛn 33:8

*Levii tɔrɔn wɔ paǹ li, a na á kɛ pɛ: «Dɛnaa, ń nə́ n din dùũ dɔ̃ ǹ mànan kɔ ǹ dí-nyali sonboren kɛn la. Ń nə́ n da ǹ gɔ́ɔ̃ li Masaa, ń dɔlɔ bɔ ǹ ganaa Meribaa mu lɛ a boo-a.

Timəə dí-pɛn 8:16

Á din don kɛ lɛ nɛ, á maánə kɔ ka la ká bii, ka digolon dinin nə goã bɛa màn-bii lɛ doɛ̃ wa. A ka yii puusə kɔ miɛ̃, á n da ka gɔ́ɔ̃ li, màn mɛn bɛ́ toɛ kaa biɛ̃ ǹ bǐɛ̃ kɔ.

Timəə dí-pɛn 8:2

Kaa Lawa, Dɛnaa Lawa zii sɔsɔɔ mɛn tɔ wɔ ka nɛ, lɛ̀ pusi don bii, ka n yiri koa bɛ li. A na á fuu nyaa ka nɛ, á n da ka gɔ́ɔ̃ li, màn mɛn bɛ́ toɛ, a ka gɔ́ɔ̃gɔ́ɔ̃ ǹ taasiɛ dɔ̃, bɛ̀ ka á re asɛ a gɔn waa ǹ boon kɛn tamaɛ, hinlaa bɛ̀ ka a re ǹ tamaɛ wa.

Sii-nyaan 2:2

N sii mɛn tumaa zɛnaa, má dɔ̃, n nə n doa ka yɔrɔ mɛn nɛ, má dɔ̃, n nə n foo kũ ka yɔrɔ mɛn nɛ, má bɛ dɔ dɔ̃. Ma á doɛ̃ máa n ba min baraan sii sii n ganaa doɛ̃ wa. Min mɛnɛn bɛ́ n dinin biɛ maa dia dí-a wolen lɛa, n nə́ n da ǹ gɔ́ɔ̃ li, n dɔ̃ mà soɛ-bɔlen manɛ.