Zaã a sɛ́wɔ 3:5 - LAWA A BOO SONBORE

⁵ Yezu tɔ́n pɛ nɛ: «Masɛ n pii n ni, sonbore ne: Bɛ̀ min mɛn bie a wusoo a yɛ Lawa wɔ baa-n ka mu laanka Yiri Fu pàã-n wa, ǹ dɛnaa a boe la a wɔ Lawa a kiibaa-n wa.

LAWA A BOO SONBORE 2011

⁵ Yezu tɔ́n pɛ nɛ: «Masɛ n pii n ni, sonbore ne: Bɛ̀ min mɛn bie a wusoo a yɛ Lawa wɔ baa-n ka mu laanka Yiri Fu pàã-n wa, ǹ dɛnaa a boe la a wɔ Lawa a kiibaa-n wa.

Zaã a sɛ́wɔ 3:5 Iomraidhean Croise

Matiə 18:3

á tɔ́n pɛ: «Man pii ka nɛ, sonbore ne: Bɛ̀ ka kaa tɔ wɔ ǹ gɔn bɔyaa ka n dinin kiɛɛrɛ kɔ ka nɛnyaanan bɛ́ lɔn wa, ka a re we lon a kiibaa-n wa.

Matiə 19:24

Masɛ n pii ka-n doo: Nyɔɔmaa a wɔ mɛ́sɛn yala-n tá naanaa pàãma a wɔ Lawa a kiibaa-n nɛ.»

Matiə 21:31

Ǹ mɛn na á ǹ díi lɛ foo sii zɛnaa? Ǹ nə́ tɔ́n pɛ: «A bibinaa lɛ nɛ.» Yezu tɔ́n pɛ ǹ nɛ: – Masɛ n pii ka nɛ sonbore: Wusuru-silin laanka lɔ kɔrɔn tá re doe *Lawa a kiibaa ǹ bǎã nɛ ka nyɛɛnɛ.

Matiə 28:19

Bɛ lɛ taman yii, ka woo, ka tɔrɔ tumaa baa maa kialandɛnan lɛa, ka *batɛmu da ǹ ganaa, ka Díi Lawa laanka a Nɛgiĩ ka Yiri Fu tɔ nɛ.

Matiə 3:11

Masɛ n má batɛmu da ka ganaa mu li, man nyɛɛ máa ka n taasɛ ka wusoo kaa sii baraan kio. Sɛnɛ min mɛn bɛ́ die masɛ kio, bɛ á die ka kiɛ Lawa a zii ni ka Yiri Fu pàã nɛ, a dɔlɔ bɔ ka tɛ nɛ. A pàã á gole á la masɛ wɔ nɛ. Haalɛ masɛ nə n zuməə ma a kɔsɔ biɛn fore, ma mìi á kiɛɛrɛ bɛ ganaa.

Matiə 5:20

Masɛ n pii ka nɛ, bɛ̀ kaa peperebaa la landa sii-daraalin laanka *Fariziɛ̃n kɛn wɔ-n wa, ka a re we lon a kiibaa-n wa.

Marki 10:14

Yezu bɛ́ á bɛ yɛ, a foo busu ǹ li, á pɛ ǹ nɛ: «Ka toa nɛnyaanan lɛn nə da ma li, ka baran ǹ kurəə wa. A giala, min mɛnɛn bɛ́ ka nɛnyaanan bɛ́ lɔn, *Lawa a kiibaa lɛ n bɛn wɔ lɛa.

Marki 16:16

Bɛ̀ min mɛn golee li, ka *batɛmu da a ganaa, Lawa á re bɛa dɛnaa kirisibiɛ. Bɛ̀ min mɛn golee li wa, Lawa á re dɔlɔ boe bɛa dɛnaa ganaa.

Marki 9:47

Bɛ̀ n yii goon tá n diɛ sii baraa nɛ, a gɔsɛ n bɔ n yɔrɔ nɛ. A giala, n wo giã Lawa a kiibaa ǹ bǎã nɛ ka n yii goon ne, bɛ á sóɛ, n nə n yiin paanan toa ǹ yɔrɔ nɛ n wo ǹ ne tɛ-n.

Luku 13:24

– Ka n doa, màn mɛn bɛ́ toɛ, ka wɔ ka kiɛnlɛ boɛɛn kɛ nɛ. A giala, man pii ka nɛ, min gigiã á re giɛ li, mà ǹ wɔ, ǹ ba re boe la wa.

Luku 13:3

Haayii! Masɛ n pii ka nɛ, bɛ̀ ka n taasɛ ka wusoo kaa sii baraan kio wa, ka dɔn man die bɔ̀n biɛ miɛ̃.

Luku 13:5

Haayii. Masɛ n pii ka nɛ, bɛ̀ ka n taasɛ ka wusoo kaa sii baraan kio wa, ka dɔn man die bɔ̀n biɛ miɛ̃.»

Zaã a sɛ́wɔ 1:13

Ǹ bie yii díi laanka náa la ka minbuiinin wɔ bɛ́ lɔn wa, sɛnɛ Lawa din nə yiikoonaabaa dii koe ǹ la.

Zaã a sɛ́wɔ 3:3

Yezu tɔ́n pɛ nɛ: «Masɛ n pii n ni, sonbore ne: Bɛ̀ min mɛn bie a wusoo a yɛ wa, ǹ dɛnaa a boe la a *Lawa a kiibaa yɛ wa.»

Zaã a sɛ́wɔ 3:4

Nikodɛmu tɔ́n pɛ nɛ: «Bɛ̀ min mɛn zizi kɔ, bɛ n boe la a wusoo a yɛ lɔn doo? Á boe la a wɔ ǹ dan gɔ́ɔ̃ nɛ a wusoo a yɛ gunyin paa?»

Nya ǹ dín 2:38

Piɛrɛ nə́ ǹ lɛ si: «Ka wusoo kaa sii baraan kio. Kaa didie lɛ kɔ, wɔsɛn nə batɛmu kɛ da ka ganaa ka Yezu *Krita tɔ nɛ, màn mɛn bɛ́ toɛ, Lawa kaa sii baraan toa ka nɛ. Bɛa biikoo li, Lawa á die a Yiri Fu gisĩ ka la.

Nya ǹ dín 3:19

Ka wusoo kaa sii baraan kio ka da Lawa ganaa, màn mɛn bɛ́ toɛ, Lawa kaa sii baraan tuturu.

Rɔmu minin 14:17

A giala, *Lawa a kiibaa ǹ sii bie màn-bii laanka màn-mii sii lɛa wa. Sɛnɛ, a n peperebaa sii lɛa, là nyantoro ne, ka nyɛnyɛɛ nɛ, Yiri Fu bɛ́ ǹ mɛnɛn lɛn koe.

Rɔmu minin 8:2

Sonbore ne, Lawa a Yiri Fu mɛn bɛ́ nyin nyabaã koe ma la, maa kaa kun ka Yezu Krita-n barka nɛ, bɛ pàã na á ma si sii baraa laanka gɛ̀ pàã la.

Korɛnti1 15:50

Ma dɔɔ̃nɔn lɛn, ma bɛ́ boo mɛn pii ka nɛ, bɛ á ke: màn mɛn nə n zɛnaa siĩ lɛa ka mà nɛ, bɛ gii ba *Lawa a kiibaa ǹ bǎã-n wa. Màn mɛn dɔ bɛ́ giɛ̃, bɛ gii ba nyin nyabaã kɛ-n ma.

Korɛnti1 2:12

Ǹ bie ǹ nə́ kanaa a yiri kɔ wɔsɛn la wa, sɛnɛ, Lawa na á ná a din a Yiri Fu kɔ wɔ la, ń giɛ, a din bǐɛ̃baa ǹ mànan mɛnɛn kɔ wɔ la, wɔ boo la wɔ bɛn dɔ̃.

Korɛnti1 6:11

Ka tɛnɛn man ka goã miɛ̃. Sɛnɛ, Lawa sii baraa pii á bɔ ka ganaa, á ka bɔ ka gɔrɔn a din wɔn lɛa, á lɛ kɔ ka ganaa min peperen lɛa a din yɔrɔ-a, ka Dɛnaa Yezu *Krita tɔ nɛ, wɔa Lawa a Yiri Fu kɛ dɔ pàã ganaa.

Galaasi minin 6:15

Kurii ni ka kuriibaã nɛ, bɛ kɔ́n ba màn lɛa wa. Lawa a wusoo a wɔ baa min dii lɛa ke, bɛ dinsɔɔ̃ n màn lɛa.

Efɛɛzi minin 5:26

a ná a *yoreen kɔ ka *batɛmu da ǹ mu ni, ka boo-n kun ni, ń giɛ á boe la a tá Lawa wɔ biɛ.

Piɛrɛ1 1:2

Díi Lawa din na á ka bɔ, á kɔnpɛ ka a din a saa lɛlɛ a sii yɔrɔ bɔ nɛ, á ka bɔ á ka koa ka gɔrɔn, a Yiri barka nɛ, màn mɛn bɛ́ toɛ, ka Yezu Krita bɔlɔ si, a mà lɛ *gɔ̀ bɔ ka ganaa. Lawa die a bǐɛ̃ gigiã zɛnaa ka nɛ, a là nyantoro gigiã dɔ kɔ ka la.

Piɛrɛ1 3:21

Bɛa sii lɛ na á goã *batɛmu kɛ a kɔnboe lɛa. Bɛa batɛmu kɛ lɛ bie gɔ̀nɔn ganaa ǹ *gɔ̀ boe min-a wa, a n din kɔ Lawa la ka foo sonbore-n sii nyɛɛ. Lawa bɛ́ á Yezu Krita yii kaa á bɔ geren bii ke, a na á barka wɔ batɛmu kɛ nɛ, á n ka kirisibiɛ nɛ kanna.

Zaã1 2:29

Ka á doɛ̃ mà Krita n pepere. Ka dɔ̃ dɔn mà min mɛn dɔ bɛ́ sii pepere zɛnɛɛ, mà bɛ n Lawa a nɛ lɛa.

Zaã1 5:1

Min mɛn bɛ́ golee li, mà Yezu n Minin Nyin-sili lɛa, bɛ n Lawa a nɛ lɛa. Bɛ̀ n tá min di narɛ, ma na a nɛnyaanan dɔn narɛ.