Zaã a sɛ́wɔ 3:11 - LAWA A BOO SONBORE

¹¹ Masɛ n pii n ni, sonbore ne: Wɔsɛn bɛ́ màn mɛn doɛ̃, wɔ n boo diɛ bɛ wɔ gɔn la, wɔ bɛ́ wɔ́ màn mɛn yɛ, wɔ n siére biɛ bɛ wɔ gɔn la, sɛnɛ, ka bɛ́ ka a lɛ koe wɔsɛn boo-a wa.

LAWA A BOO SONBORE 2011

¹¹ Masɛ n pii n ni, sonbore ne: Wɔsɛn bɛ́ màn mɛn doɛ̃, wɔ n boo diɛ bɛ wɔ gɔn la, wɔ bɛ́ wɔ́ màn mɛn yɛ, wɔ n siére biɛ bɛ wɔ gɔn la, sɛnɛ, ka bɛ́ ka a lɛ koe wɔsɛn boo-a wa.

Zaã a sɛ́wɔ 3:11 Iomraidhean Croise

Izayii 50:2

Ma bɛ́ ma daa, wàa na á baa ma da min kɔn yaa wa? Má lɛ dia, min kɔn ma lɛ si wa. Wàa na á baa kəni? Ka ǹ taasɛ mà maa boe la ma ka si ma ka kaa wa? Kaa kirisibaa ǹ pàã na a ba ma lon wa? A da yaa, maa paraa-mali dinsɔɔ̃ n yìsi mu piɛ̃ ka daɛ̃. Man tà bɔyɛɛ ma baa diə lɛa. Mu wɛɛ taman yii, zɔ̀nɔn man giɛ̃, ǹ bɔɔ̃.

Izayii 53:1

Wɔ boo mɛn ma, die na á golee li? Die na á Dɛnaa Lawa a boo sii la dɔ̃?

Izayii 55:4

Á ke, man má n baa maa siére lɛa tɔrɔn bii, má n baa kiã lɛa zaman mìi la.

Izayii 65:2

Duduu, má n gɔn dia tɔrɔ bɔlɔgoonbaã wole la. Sɛnɛ maǹ koe zii bɔnɛɛ lɛ ǹ nə́ ǹ dinin foo siin zɛnɛɛ.

Matiə 11:27

Maa Díi Lawa na á màn din tumaa sii toa ma gɔn. Min kɔ́n ba Nɛgiĩ doɛ̃ wa, bɛ̀ á n bɔ Díi dinsɔɔ̃ nɛ, min kɔ́n ba Díi doɛ̃ wa, bɛ̀ á n bɔ a Nɛgiĩ lɛ dinsɔɔ̃ laanka Nɛgiĩ lɛ bɛ́ li a nyaa min mɛn nɛ.

Matiə 23:37

Zeruzalɛmu kiwi ganaa, nsɛ mɛn bɛ́ Lawa a boo gii-dalin dii, bɛ̀ n Lawa a dia dí-a wolen dɛ ka kɔlɔ nɛ ǹ gã. Ma gunyin damata n ke giɛ li, ma tá n minin lɛ soekɔn ma din li, ka koo dan bɛ́ a nɛn lɛ soekɔn-a a nyàa kan giulun lɔn, sɛnɛ, ka bɛ́ ka lɛ kɔ wa!

Luku 10:22

«Masɛ Di Lawa na á màn din tumaa sii toa ma gɔn. Min kɔ́n ba doɛ̃ Nɛgiĩ lɛ bɛ́ min mɛn lɛa wa, bɛ̀ á n bɔ Díi din ni. Min kɔ́n ba doɛ̃ Díi lɛ bɛ́ màn mɛn lɛa wa, yǎa Nɛgiĩ lɛ din, ka bɛ̀ Nɛgiĩ lɛ lɛ kɔ á nyaa min mɛn nɛ.»

Zaã a sɛ́wɔ 1:11

Á daa a din a gána nɛ, sɛnɛ a din tɔrɔn nə́ ǹ piã nɛ.

Zaã a sɛ́wɔ 1:18

Min kɔ́n bin Lawa yɛ ka a yii-n wa, sɛnɛ, Nɛgiĩ goon toto kɛ lɛ Lawa lɛa, giã-n Díi Lawa din li, bɛ lɛ na á nyaa wɔ nɛ, wɔ dɔ̃.

Zaã a sɛ́wɔ 12:49

Ma bie má boo da ma din gɔn wìi a lɛa wa, sɛnɛ, maa Díi mɛn nə ma dia, bɛ màn mɛn pɛ ma nɛ, man bɛ lɛ pii, man minin darɛɛ bɛ lɛ ganaa.

Zaã a sɛ́wɔ 14:24

Min mɛn bɛ́ a ba masɛ narɛ wa, bɛa dɛnaa ba masɛ a boon sii wa. Ka bɛ́ boo mɛn miɛ masɛ lɛ-n dinin, masɛ din gɔn tɔ boo bie wa, maa Díi mɛn ma dia, bɛ lɛ a boo ne.

Zaã a sɛ́wɔ 3:12

Siin mɛnɛn bɛ́ n zɛnɛɛ kanaa gɔ́ɔ̃ nɛ ka dinin yii nə́ ǹ ganaa, bɛ̀ masɛ tá bɛn boo diɛ, bɛ̀ ka a wɛɛ la wa, siin mɛnɛn bɛ́ n zɛnɛɛ lon, ka yii ná a ba ǹ ganaa wa, bɛ̀ man bɛn boo diɛ ka nɛ, ka n die siɛ lɔn ka tɔn waa bɛ la dɔn?

Zaã a sɛ́wɔ 3:13

A giala, min kɔ́n dii lon á wusoo á gisĩ tán wa, bɛ̀ á n bɔ Min a Nɛgiĩ ni, asɛ nə́ n toa lon á gisĩ tán.

Zaã a sɛ́wɔ 3:3

Yezu tɔ́n pɛ nɛ: «Masɛ n pii n ni, sonbore ne: Bɛ̀ min mɛn bie a wusoo a yɛ wa, ǹ dɛnaa a boe la a *Lawa a kiibaa yɛ wa.»

Zaã a sɛ́wɔ 3:5

Yezu tɔ́n pɛ nɛ: «Masɛ n pii n ni, sonbore ne: Bɛ̀ min mɛn bie a wusoo a yɛ Lawa wɔ baa-n ka mu laanka Yiri Fu pàã-n wa, ǹ dɛnaa a boe la a wɔ Lawa a kiibaa-n wa.

Zaã a sɛ́wɔ 5:43

Maa Díi na á ma dia, ka n piã mà ka a lɛ koe masɛ-a wa. Bɛ̀ min kɔsɔ na á daa a din li ke, Lawa ná a dia wa, ka n lɛ koe bɛa dɛnaa ganaa!

Zaã a sɛ́wɔ 7:16

Yezu tɔ́n pɛ ǹ nɛ: «Maa doɛ̃ kɛ lɛ bie boe masɛ din ni wa, min mɛn ma dia, bɛ lɛ na á kɔ ma la.

Zaã a sɛ́wɔ 8:14

Yezu tɔ́n pɛ ǹ nɛ: «Sonbore ne, masɛ n siére biɛ masɛ din wɔ gɔn la, sɛnɛ, ma bɛ́ màn mɛn pii, taãn nɛ. A giala, ma tá ma din a bɔ ǹ bǎã doɛ̃, ma tá maa woo ǹ bǎã dɔ doɛ̃. Sɛnɛ, kasɛn kɛn, ka a maa bɔ ǹ bǎã doɛ̃ wa, ka a maa woo ǹ bǎã dɔ doɛ̃ wa.

Zaã a sɛ́wɔ 8:26

Ka dinin wɔ paǹ li, boo gigiã tá masɛ lɛ-n ma pɛ ka nɛ, ma kiri dɔ wɔ ka ganaa sii gigiã a lɛa. Sɛnɛ, min mɛn masɛ dia, sonbore-pɛle ne. Ma boo mɛn ma a li, man bɛ lɛ pii kanaa minbuiinin manɛ.»

Zaã a sɛ́wɔ 8:38

Ma sii mɛn yɛ maa Díi li, man bɛ lɛ pii. Sɛnɛ, ka dɔn nə màn mɛn ma kaa díi li, ka ǹ bɛ lɛ zɛnɛɛ!»

Nya ǹ dín 22:18

Dɛnaa nɛ, á pɛ ma nɛ: «Haya! Soo fufuu n nə n bɔ Zeruzalɛmu, a giala, n bɛ́ re siérebaa ǹ boo mɛn pii masɛ lɛa ke, kiwi lɛ a minin ba re sii wa.»

Korɛnti2 4:4

A n tì a goleemali baãnaan kɛn dɔn ganaa. A giala, *Sɛtaan mɛn bɛ́ kanaa kɛ mìi la, bɛ na á ǹ yiri tã, màn mɛn bɛ́ toɛ, ǹ nyan Boo Tii Kɔɔ̃n a wɔlɔ fúlu kɛ yɛ wa. Bɛa wɔlɔ fúlu lɛ n *Krita a tɔ golebaa nyɛɛ, asɛ mɛn bɛ́ Lawa din a kɔnboe lɛa.

Sii-nyaan 1:5

Yezu lɛ n siére sonbore lɛa, a din yii na á kaa bibinaa nɛ á n bɔ geren bii, a n kanaa a kiin tumaa mìi la. Min mɛn bɛ́ a wɔ narɛ, a din na á wɔ si wɔa sii baraan la ka a gɛ̀ nɛ.

Sii-nyaan 3:14

Sɛ́wɔ kɛ kiɛ̃ n dia Lawodiseen Lawa a sɔmɔ a lon a dia dí-a wole la: «Masɛ mɛn bɛ́ ǹ nə́ ma bíi «A n miɛ̃», masɛ mɛn bɛ́ Lawa a siére bɔlɔgoondɛnaa taãn lɛa, masɛ mɛn bɛ́ Lawa a màn-zɛnaan tumaa bɔ ma nɛ, man pii n ni: