Zaã a sɛ́wɔ 2:11 - LAWA A BOO SONBORE

¹¹ Bɛ lɛ na á n baa Yezu a kaãbaa ǹ sii bibinaa lɛa, á zɛnaa Kaanaa kiwi, Galilee gána nɛ, a ná a gugurubaa nyaa nɛ. Bɛ lɛ na á toa a kialandɛnan nə́ golee li.

LAWA A BOO SONBORE 2011

¹¹ Bɛ lɛ na á n baa Yezu a kaãbaa ǹ sii bibinaa lɛa, á zɛnaa Kaanaa kiwi, Galilee gána nɛ, a ná a gugurubaa nyaa nɛ. Bɛ lɛ na á toa a kialandɛnan nə́ golee li.

Zaã a sɛ́wɔ 2:11 Iomraidhean Croise

Kiin1 17:24

Lɔ lɛ pɛ Yilii ni: «Sonbore, ma á doɛ̃ kanna, máa man Lawa a min lɛa, a giala n bɛ boo mɛn diɛ Lawa a boo gii lɛa, sonbore ne.»

Loen 72:19

Barka tá Lawa Gole lɛ ganaa, yǎa duduu. Kanaa din tumaa die a pã ka a gugurubaa nɛ. A n baa miɛ̃, a n baa miɛ̃!

Loen 96:3

Ka a gugurubaa lɛ pɛ gána kɔsɔn minin bii, ka a nya ǹ dí sonboren kɛn dɔn pɛ, tɔrɔn tumaa bii.

Bɔ bɛ̀rɛbaa nɛ 14:31

Izirayeli nɛnyaanan nə́ Dɛnaa Lawa Pàãyiidɛnaa kɛ a sii nyaa Ezipti minin ni ǹ gɔn yɛ. Zaman lɛ nyɛ́ɛ baa Dɛnaa nɛ. Ǹ nə golee Dɛnaa li, ka Muizu mɛn dɔ bɛ́, a dí-nyali lɛa.

Bɔ bɛ̀rɛbaa nɛ 4:9

Bɛ̀ ǹ golee bɛa sii nyaa ǹ sii paa kɛ lɛ li, ǹ nə́ n too kɔ n lon wa, n die n tà lɛ a mu si n kaa tán. N mu mɛn si tà lɛ nɛ ń kaa tán, bɛ á re mà biɛ.»

Boo-laakalaali 9:7

Bɛ lɛ n kaa, màn bii ka nyɛnyɛɛ nɛ. N duvɛ̃ mi ka foo kɔɔ̃nbaa nɛ, a giala Lawa lɛ kɔ n nya ǹ dín ganaa gɔrɔ.

Izayii 40:5

Ka bɛ-n kəni, Dɛnaa Lawa a siĩnbaa á re n doɛ̃. Minbuiin nɛ tumaa á re yii, ǹ dɔ̃ mà Dɛnaa Lawa boo da.

Malakii 2:2

Ka n too kɔ ma lon, ka n doa gugurubaa mɛn bɛ́ maa wɔ lɛa ka bɛ kɔ ma la. Bɛ bie wa, ma á re lɛn baraa bíi ka li, ma yii-nyɛɛ mɛn lɛ kɔ ka la ma á re bɔyɛɛ ma baa lɛn baraa lɛa ka ganaa. Hiĩ, a giala kaa sii kɔn kuĩ ka ka parasii-n wa.

Zaã a sɛ́wɔ 1:14

Bɛa Boo kɛ lɛ na á n baa minbuiin nɛ lɛa, á giã wɔ bii. Wɔ́ a gugurubaa yɛ, Díi Lawa din bɛ́ á gugurubaa mɛn kɔ a Nɛgiĩ goon toto la. Bǐɛ̃baa laanka sonborebaa tá a lon parsiini.

Zaã a sɛ́wɔ 1:17

Lawa na á dí-pɛ kɔ Muizu la, mà a ǹ pɛ wɔ nɛ, sɛnɛ, Yezu *Krita na á daa a bǐɛ̃baa kɛ laanka a sonborebaa nɛ.

Zaã a sɛ́wɔ 1:43

Bɛa lɛawaa, Yezu yoo mà a n die woe Galilee gána nɛ. Á Filipi yɛ, á pɛ nɛ mà a kɔ asɛ kio lɛ.

Zaã a sɛ́wɔ 1:50

Yezu tɔ́n pɛ nɛ: «Ma bɛ́ má pɛ n nɛ, máa má n yɛ gɔ́rɔ da giulun, bɛ lɛ bie á toa n golee masɛ li wa? N tá re sii dadaran yii ǹ la bɛ nɛ.»

Zaã a sɛ́wɔ 10:41

Min gigiã daa a li, ǹ nə́ goã pii mà ZAÃ kaãbaa ǹ sii kɔ́n zɛnaa sɛn wa, sɛnɛ, mà a boo mɛn tumaa da giĩ kɛ lɛ wɔ gɔn la, mà taãn nɛ.

Zaã a sɛ́wɔ 11:15

Ma bɛ́ ma goã walan wa, bɛ din nə kɔɔ̃n masɛ-a kasɛn kɛn lɛn taman yii, màn mɛn bɛ́ toɛ, ka golee masɛ li taãn-taãnɛ. Sɛnɛ, ka daa wɔ n tan!»

Zaã a sɛ́wɔ 11:47

Lawa a wúlu-bɔlen goledɛnan laanka Fariziɛ̃n nə́ woo kɔn yɛ, ǹ nə́ pɛ mà ǹsɛn man die wàa zɛnɛɛ? Mà giĩ lɛ á ke kaãbaa ǹ sii gigiã zɛnɛɛ!

Zaã a sɛ́wɔ 12:18

Bɛ̀ ń yaa bɛa zaman lɛ woo n da Yezu lɛ, maǹ nə́ bɛa kaãbaa ǹ sii kɛ lɛ boo ma.

Zaã a sɛ́wɔ 12:37

A laanɛ Yezu kaãbaa ǹ sii gigiã zɛnaa ǹ yɔrɔ-a, ǹ golee li wa.

Zaã a sɛ́wɔ 12:41

Izayii na á kɛ lɛ pɛ Yezu wɔ gɔn la, a giala á goã á Yezu a gugurubaa yɛ.

Zaã a sɛ́wɔ 14:13

Bɛa biikoo li, ka bɛ́ re màn woo màn nyankoe ka masɛ tɔ nɛ, ma á die bɛ koe ka la, màn mɛn bɛ́ toɛ, ma maa Díi a gugurubaa nyaa.

Zaã a sɛ́wɔ 16:27

A giala, maa Díi dinmaa tá ka narɛ. A n ka narɛ a giala, ka dɔn tá masɛ narɛ, ka waa la dɔn, mà masɛ n má bɔ Lawa li má daa.

Zaã a sɛ́wɔ 16:30

Sisia kəni, wɔ á doɛ̃ wáa nsɛ ke, wáa n tá minbuiinin taasiɛ din tumaa doɛ̃, n laadoo ba a ganaa min nɔ̀n da n la wa. Bɛ lɛ din taãn na á toa, wɔ waa la wáa ma nə n bɔ Lawa li n daa.»

Zaã a sɛ́wɔ 2:1

Bɛa siin kɛn lɛn zɛnaa a lɛawaa sɔɔbaa ǹ wɔ pinaa, kɔn-wɔ kɔ́n na á goã Kaanaa kiwi, Galilee gána nɛ. Yezu a náa goã walan,

Zaã a sɛ́wɔ 2:23

Yezu bɛ́ Zeruzalɛmu, kiɛ̃mala ǹ zɔ́n biikoo li, min gigiã bɛ́ á yɛ kaãbaa ǹ siin zɛnɛɛ, ǹ nə́ golee li.

Zaã a sɛ́wɔ 3:2

Ǹ kɔ́n pinaa tèlò-n, á daa Yezu li á pɛ nɛ: «Mìinaa, wɔsɛn tá doɛ̃, wáa Lawa na á n dia mà n da wɔ daraa. A giala, n bɛ́ kaãbaa ǹ siin mɛnɛn zɛnɛɛ, min kɔ́n ba boe la a bɛn zɛnaa, bɛ̀ Lawa ná a kun ka ǹ dɛnaa-n wa.»

Zaã a sɛ́wɔ 4:3

Yezu bɛ́ á dɔ̃ mà Fariziɛ̃n nə́ bɔ a siére-a, á soo Zudee gána nɛ, mà a n wusii woe Galilee gána nɛ.

Zaã a sɛ́wɔ 4:46

Yezu wusoo á woo Kaanaa kiwi, Galilee gána-n doo, a bɛ́ á mu bɔyaa á baa duvɛ̃ lɛa bǎã mɛn lɛ nɛ. Kii a dí-nyalin goledɛnaa goon na á goã Kafaranaamu kiwi, a nɛgiĩ goã lon wa.

Zaã a sɛ́wɔ 4:54

Bɛ lɛ na á n baa Yezu a kaãbaa ǹ sii paabaa ǹ wɔ lɛa á zɛnaa á ná a boo sii la nyaa nɛ, bɛ̀ a bɛ́ á bɔ Zudee gána nɛ á daa Galilee gána nɛ.

Zaã a sɛ́wɔ 5:23

màn mɛn bɛ́ toɛ, min tumaa Nɛgiĩ lɛ guguru kɔ, ka ǹ bɛ́ a Díi guguru koe lɔn. Bɛ̀ min mɛn ba Nɛgiĩ lɛ guguru koe wa, a Díi mɛn dia, bɛa dɛnaa na a ba bɛ dɔ guguru koe wa.

Zaã a sɛ́wɔ 6:14

Minin bɛ́ ǹ nə́ bɛa kaãbaa ǹ sii kɛ lɛ yɛ á n zɛnaa, ǹ nə́ tɔ́n pɛ: «Lawa a boo gii-dali mɛn doamaa bɛ́ a da kanaa gɔ́ɔ̃ nɛ, a din lɛ n ka kɛ-n sonbore!»

Zaã a sɛ́wɔ 6:2

Zaman gigiã goã koe a kio lɛ, a giala, a goã kaãbaa ǹ siin mɛnɛn zɛnɛɛ busulən ganaa a nə́ ǹ kaka koe, minin nə́ bɛn yɛ.

Zaã a sɛ́wɔ 6:26

Yezu tɔ́n pɛ ǹ nɛ: «Man taãn pii ka nɛ, ka bɛ́ ka buuru sɔ̃ ka kã, bɛ lɛ na á toa, ka tá giɛ masɛ li, a bie ka ka n ka kaãbaa ǹ siin kɛn giala ma wa.

Zaã a sɛ́wɔ 6:30

Ǹ nə́ Yezu lɛ si ǹ nə́ pɛ nɛ: – Sɛnɛ, ma n boe la n wàa kaãbaa ǹ sii zɛnaa n nyaa wɔ-n kəni wɔ tɔn golee n li? Wàa ǹ dí ni n tá nyɛɛ?

Zaã a sɛ́wɔ 7:31

Zaman lɛ bii, min gigiã golee li, ǹ nə́ goã pii: «Bɛ̀ Minin Nyin-sili lɛ daa ǹ mɛn waáraa, Lawa nə n lɛ kɔ ka ǹ mɛn lɛ nɛ, a n die kaãbaa ǹ siin zɛnɛɛ a la giĩ kɛ wɔn manɛ?»

Zaã a sɛ́wɔ 9:16

Bɛ lɛ nɛ, Fariziɛ̃n lɛn tɛnɛn nə́ goã pii mà Lawa din bie á kɛa giĩ kɛ dia wa, a giala, mà a ba susu ǹ pii tamaɛ wa. Sɛnɛ, ǹ tɛn dɔ na á goã pii mà bɛ̀ sii baraa-zɛnaali ni, mà á n siɛ lɔn a boo la a kaãbaa ǹ siin kɛn miãn zɛnaa? Ǹ lɛ kaa kɔn para-a.

Korɛnti2 3:18

Wɔsɛn mɛnɛn tumaa bɛ́ tapara nə́ n bɔ wɔ siã, wɔsɛn man Dɛnaa a gugurubaa a siĩnbaa nyɛɛ. Wɔ́ n bɔyaa wɔ́ kɔnbɔ ka Dɛnaa din ni, wɔ́ wusoo wɔ́ gugurubaa yɛ, bɛ ń gole á la lɛlɛ wɔ kɛ nɛ. Dɛnaa din na á bɛa dí kɛ lɛ nya ka a Yiri Fu barka nɛ.

Korɛnti2 4:17

Bǎã goon fuu mɛn bɛ́ ma mìi ni, bɛ n gugurubaa gole nyabaã wole yɔrɔ boe koɛ ma nɛ. Fuu kɛ a màn kɔ́n lɛa bɛ li wa.

Korɛnti2 4:6

Lawa mɛn bɛ́ á pɛ mà wɔlɔ fúlu yɛ wɔlɔ tì bii, a din na á toa wɔlɔ fúlu tɛ pɛ ma dɔ foo ne. Lawa a gugurubaa mɛn bɛ́ tɛ pii Yezu Krita yɔrɔ nɛ, a n mà minin nə boo la ǹ bɛ dɔ̃.

Timəə dí-pɛn 5:24

Ǹ nə́ pɛ: «Wɔa Lawa, Dɛnaa Lawa lɛ á ke á ná a gugurubaa laanka a golebaa nyaa wɔ nɛ. Wɔ́ a lɛ ma tɛ lɛ bii. Wɔ́ yɛ pelo kəni, wɔa Lawa á boe la a boo da ka min ni, ǹ dɛnaa yii wusoo a goã koo.

Zaã1 5:13

Kasɛn mɛnɛn bɛ́ ka golee Lawa a Nɛgiĩ tɔ li, man boo kɛ kiɛ̃ diɛ ka la, màn mɛn bɛ́ toɛ ka dɔ̃, mà nyin nyabaã tá ka li.