Zaã a sɛ́wɔ 15:2 - LAWA A BOO SONBORE

² Bɛ̀ da gùrù mɛn tá masɛ ganaa, a ná a nɛ koe wa, a n bɛ kuri; bɛ̀ ǹ mɛn tá nɛ koe, a n bɛ karan zɛnɛ a bǐɛ̃ kɔ, màn mɛn bɛ́ toɛ, màn wusoo a mɛ a nɛ kɔ li doo.

LAWA A BOO SONBORE 2011

² Bɛ̀ da gùrù mɛn tá masɛ ganaa, a ná a nɛ koe wa, a n bɛ kuri; bɛ̀ ǹ mɛn tá nɛ koe, a n bɛ karan zɛnɛ a bǐɛ̃ kɔ, màn mɛn bɛ́ toɛ, màn wusoo a mɛ a nɛ kɔ li doo.

Zaã a sɛ́wɔ 15:2 Iomraidhean Croise

Zɔbu 17:9

Ta á n baa lɔn, min pepere gɔn na a zii ganaa. Min mɛn bɛ́ a sii la wa, màn nə́ miɛ bɛ pàã li miɛ̃ a woo.

Loen 92:14

A n goɛ̃ zumii-n Dɛnaa Lawa a Kion, a n boe a gole kɔ Lawa a sumu-n.

Suusun 4:18

Sɛnɛ, min mɛnɛn bɛ́ sii bǐɛ̃ zɛnɛɛ, bɛn yiikoonaabaa n ka baayɛlɛ a wɔlɔ fúlu bɛ́ lɔn, màn nə miɛ a fulu li yǎa penleen-n koe.

Izayii 27:9

Zakɔba tɔrɔn siɛ̃ bɛ́ re n toɛ ǹ nɛ lɔn, bɛ á ke, ǹ sii baraan toa manɛ bɛ́ re die ka sii mɛn nɛ, bɛ á ke: *Wúlu bɔ ǹ bǎã a kɔlɔn kɛn, maǹ die bɛn yɔyɔrɛ mɔnɔmɔnɔ. Wúlu bɔ ǹ bìbìn kɛn laanka ǹ da yon gìĩ kɔɔ̃n tã n mànan kɛn, bɛn kɔn ba re goɛ̃ lon doo wa.

Izayii 29:19

Min mɛnɛn foo bɛ́ ziziɛ̃ nɛ, bɛn tá re foo kɔɔ̃nbaa gole yii Dɛnaa Lawa li. Ǹ mɛnɛn tumaa bɛ́ doobaa taãn-taãnan lɛa, bɛn tá re n nyɛnyɛɛ Izirayeli a Lawa sonbore kɛ taman yii.

Ozee 6:3

Ka daa wɔ ga Dɛnaa Lawa li, ka n doa wɔ dɔ̃. Dɛnaa Lawa a daa ke a sàabiɛ wa, a n ka lɛ̀ a waa bɛ́ lɔn. A n die die wɔ li ka la á ke kiɛ lɔn, ka la giala nyɔmɔɔ á ke tán basɛ̃ lɔn.

Malakii 3:3

A n die die a yisi boe ka *gɔ̀ nɛ, ká ǹ bɛ́ sana laanka wɔrɔ yoe bɛ̀ ǹ na a yoreen kɔ lɔn. *Levii tɔrɔn kɛn Lawa a wúlu-bɔlen lɛa, á re ǹ tumaa yoreen koe. Bɛn tá re ǹ *wúlu mànan koe Dɛnaa Lawa la a zii li.

Matiə 13:12

A giala, màn bɛ́ min mɛn lon, kɔsɔ á die n diɛ bɛa dɛnaa wɔ li a gigiã kɔ. Sɛnɛ, màn bɛ́ a ba min mɛn gɔn duduu wa, boɛɛn mɛn bɛ́ a gɔn, ǹ tá re bɛ lɛ dɔ din sii la.

Matiə 13:33

Yezu wusoo á boo giməə kɔsɔ da ǹ nɛ: «Lawa a kiibaa lɛ n kɔnboe ka yɔ bù ni. Lɔ goon na á saa á kaa buuru wusu ya gigiã li, yǎa a din tumaa yoo.»

Matiə 15:13

Yezu tɔ́n pɛ ǹ nɛ: «Da mɛn tumaa bɛ́ masɛ Di Lawa ná a zumu wa, bɛ tumaa á die n wɛɛ̃.

Matiə 21:19

Á gɔ́rɔ da kɔ́n yɛ zii para-a, á kanaa á ga ǹ dan la, a màn kɔ́n yɛ wa, bɛ̀ á n bɔ a luu ni. Yezu tɔ́n pɛ gɔ́rɔ da lɛ nɛ: «Nsɛ kɛ a nɛ koe doo duduu wa.» A din bǎã-n gɔrɔ, gɔ́rɔ da lɛ laa.

Matiə 25:29

A giala, màn bɛ́ min mɛn lon, kɔsɔ n die n diɛ bɛa dɛnaa wɔ li a mɔnaa. Sɛnɛ, màn kɔ́n bɛ́ a ba min mɛn lon wa, a boɛɛn mɛn dɔ din bɛ́ a lon, bɛ lɛ dɔ n die n sii la.

Matiə 3:10

«Lawa a kiri-kurii lɛ a biikoo dɔ á nya, a n die n biɛ ka sɛ̀miɛ̃ dɔ da giala-n bɛ́ lɔn. Da mɛn din tumaa bɛ́ a nɛ sonbore koe wa, maǹ die bɛ kuri ǹ zũ tɛ-n.

Matiə 3:12

A n die min sonboren laanka min baraan niɛ̃ a ǹ bɔ kɔn, ka buu-kɔsɔli bɛ́ màn nàn laanka a kaása niɛ̃ á boe kɔn lɔn, màn mɛn bɛ́ toɛ, a na a màn nàn bɔ a kaa dɔǹ nɛ. Sɛnɛ, á die màn kaása kɛ sɛ tiɛ̃ tɛ-n, tɛ mɛn bɛ́ a ba nimi duduu wa.»

Matiə 7:19

Da mɛn din tumaa bɛ́ a ba nɛ sonbore koe wa, bɛ lɛ nə n kukuri a n kaa tɛ-n.

Marki 4:20

Sɛnɛ, min tɛn nə goon ka tán sonbore mɛn bɛ́ ǹ nə́ màn tɔrɔ pɛsɛ̃ a nɛ. Bɛ̀ ǹ nə́ Lawa a boo lɛ ma, maǹ sii, ǹ nɛ dɔ kɔ, ǹ tɛn wɔ n pɔsɔɔ, ǹ tɛn wɔ n pɔsɔrɔ, n tɛn dɔ wɔ n paabiɛ.»

Luku 8:13

Min tɛnɛn dɔn man goon ka bǎã mɛn bɛ́, a tataã a sɔsɔɔ wa. Maǹ boo lɛ miɛ, ǹ si ka nyɛnyɛɛ nɛ. Sɛnɛ, ǹ ba toɛ boo lɛ giã ǹ wɔlɔ taãn yɛ ǹ foo-n wa. Ǹ golee Lawa li lɛ n biikoo boɛɛn kooro siɛ. Bɛa dɛnan lɛn, bɛ̀ sii kaka nə́ ǹ yɛ lɔn gɔrɔ, maǹ wusii ǹ golee Lawa li kio.

Zaã a sɛ́wɔ 15:1

Masɛ n *rezɛ̃ da nɛ-kɔle taãn-taãn lɛa, maa Díi n wuru lɛ a dɛnaa lɛa.

Zaã a sɛ́wɔ 15:16

Kasɛn bie ka masɛ bɔ wa, masɛ n má kasɛn bɔ, má ka dia máa ka woo, ka dí nya, kaa dí lɛ a là goã. Bɛ lɛ n toɛ, bɛ̀ ka màn woo màn nyankɔ masɛ a Díi lon ka masɛ tɔ nɛ, á re bɛ koe ka la.

Zaã a sɛ́wɔ 15:3

Ma boon mɛnɛn pɛ ka nɛ, bɛn lɛn dinin nə́ ka bǐɛ̃ kɔ gɔrɔ dɔn.

Zaã a sɛ́wɔ 15:6

Bɛ̀ min mɛn ba doa-n kɔn ka masɛ-n wa, bɛa dɛnaa nə n zuĩ kanaa ka da gùrù bɛ́ lɔn, a laa. Bɛ kio, maǹ bɛa da gùrù geren lɛn goɛ ǹ nə ǹ kaa tɛ-n ǹ kũ.

Zaã a sɛ́wɔ 15:8

Bɛ̀ ka á sii gigiã zɛnɛɛ, ka n nyɛɛ mà ka n masɛ a kialandɛnan lɛa, bɛ lɛ n maa Díi tɔ guguru koe.

Zaã a sɛ́wɔ 17:12

Masɛ bɛ́ má goã kunun ǹ ni, n din pàã mɛn kɔ ma la, man má goã ǹ tamaɛ ka bɛ lɛ nɛ. Má ǹ tamaa, ǹ goon din bɔ̀n baa wa, bɛ̀ á n bɔ bɔ̀nbaa wole kɛ lɛ nɛ, màn mɛn bɛ́ toɛ, Lawa a boo lɛ pã.

Rɔmu minin 11:17

Izirayeli tɔrɔ lɛ n kɔnboe ka *olivie da kɔ́n nɛ min zumu, a ná a gùrùn tɛnɛn kuru. Nsɛ mɛn bɛ́, n ba Zuifu lɛa wa, man kɔnboe ka don a olivie da gùrù ni, ǹ nə́ kuru, ǹ nə́ daa wɔ gùrù taãnan lɛn bǎã nɛ. Ǹ olivie da mɛn zumu lɛn, bɛ lɛ gòonən manə n dɔ toe sisia.

Rɔmu minin 11:22

N yiri kɔ sii màn paa kɛ li: Lawa a bǐɛ̃baa kɛ laanka a kakaarɛbaa kɛ nɛ. A n kakaarɛ a piãman wolen ganaa, a n bǐɛ̃ zɛnɛɛ nsɛ dɔ nɛ. Sɛnɛ, yǎa n goɛ̃ bɛa bǐɛ̃ kɛ lɛ nɛ, bɛ bie wa, á re n dɔ kuri a n daa.

Rɔmu minin 8:28

Wɔ á doɛ̃ dɔn, wáa min mɛnɛn bɛ́ Lawa narɛ, Lawa n dí nyɛɛ sii din tumaa nɛ bɛn bǐɛ̃ a lɛa. A din na á bɛn bíi, á kɔnpɛ ka a din a sii yɔrɔ bɔ nɛ.

Korɛnti1 13:1

Haalɛ ta má minbuiinin bɔlɔ pɛ, má lon a dia dí-a wole dinin wɔ pɛ, bɛ̀ kɔn-narɛɛ ba ma lon wa, maa boo laakalaa lɛ a màn kɔ́n lɛa wa. A n goon ka màn wuu n boe, hinlaa ka fɔlɔ màn wuu bɛ́ lɔn.

Tiitii 2:14

A na á n din kɔ wɔa lɛa, mà a wɔ si sii baraa tumaa la. A na á bɛ zɛnaa mà a wɔ baa zaman yoreen lɛa, wɔ na a dinsɔɔ̃ wɔn lɛa, wɔ goã din kɔ sii ganaa wolen lɛa, wɔ dí sonboren nya nɛ.

Ebrəə 12:15

Ka n yiri kɔ ka dinin li, min kɔ́n baran da ka bɔ Lawa a bǐɛ̃baa kɛ li wa, min kɔ́n baran n baa da kɔɔsɛ lɛa, a bɔ tán a yoo, a minin tumaa lɔlɔkɔn, a ǹ ziziɛ̃ wa.

Zaã1 2:19

Bɛa minin kɛn lɛn man nə́ soo wɔ dinin li, sɛnɛ ǹ bie ǹ nə́ goã wɔa wɔn lɛa wa. Taãn nɛ, bɛ̀ maǹ nə́ goã wɔa wɔn lɛa, bɛ̀ ǹ nə́ goã kun ka wɔ nɛ. Sɛnɛ, ǹ na a bɔ wɔ ganaa kɛ lɛ na á nyaa foaãnɛ, mà ǹ kɔ́n ba wɔa wɔ lɛa sonbore wa.

Sii-nyaan 3:19

«Min mɛn bɛ́ kɔɔ̃n ma ganaa, man doree ka ma we ne. N gù kaa, n wusoo n sii baraan kio.