Zaã a sɛ́wɔ 13:1 - LAWA A BOO SONBORE

¹ *Kiɛ̃mala ǹ zɔ́n laan bɛ̀ á dɔ, Yezu dɔ̃ mà asɛ a biikoo dɔ, a n bɔ kanaa kɛ gɔ́ɔ̃ nɛ, a wo ǹ Di Lawa li. A goã a wɔn mɛnɛn lɛn narɛ kanaa lɛ gɔ́ɔ̃ nɛ biikoo tumaa waáraa, á wusoo á bɛn narɛ doo yǎa a dan ganaa.

LAWA A BOO SONBORE 2011

¹ *Kiɛ̃mala ǹ zɔ́n laan bɛ̀ á dɔ, Yezu dɔ̃ mà asɛ a biikoo dɔ, a n bɔ kanaa kɛ gɔ́ɔ̃ nɛ, a wo ǹ Di Lawa li. A goã a wɔn mɛnɛn lɛn narɛ kanaa lɛ gɔ́ɔ̃ nɛ biikoo tumaa waáraa, á wusoo á bɛn narɛ doo yǎa a dan ganaa.

Zaã a sɛ́wɔ 13:1 Iomraidhean Croise

Suusun 8:31

Ma nə n nyɛnyɛɛ a din a kanaa kɛ dɔ gɔ́ɔ̃ nɛ. A n kɔɔ̃n ma ganaa ma goã minbuiinin bii.

Zeremii 31:3

Zaman lɛ na á goã pii: «Dɛnaa Lawa nə́ n din nyaa wɔ nɛ tiã lɛ-a.» Ǹ lɛ si kɛnɛn: Man ka narɛ ka kɔn-narɛɛ nɛ, kɔn-narɛɛ mɛn nə́ ke a nyɛɛ duduu wa. Bɛ lɛ nɛ, ma á n gɔn parɛɛ ka ganaa.

Matiə 26:45

Bɛ kio, á wusoo á daa a kialandɛnan lɛn li, á pɛ ǹ nɛ: «Ka n tɔn nyuù we ka tá n susui? Á ke, biikoo dɔ. Ǹ tá re Min a Nɛgiĩ we sii baraa-zɛnaali n gɔn.

Matiə 28:20

Ma dí mɛn tumaa pɛ ka nɛ, ka ǹ daraa ǹ ganaa ǹ nə ǹ nya. Ka dɔ̃: Ma á kun ka-n baraabaraa, yǎa kanaa a nya pinaa.»

Luku 22:53

Ma bɛ́ kun ka nɛ baraabaraa Lawa a kion ka ma kũ wa. Sɛnɛ sisia, biikoo kɛ na á n koa ka nɛ, a na á n koa wɔlɔ tì goledɛnaa Sɛtaan dɔ nɛ.»

Luku 9:51

Yezu a woo a bɔ kanaa waáraa bɛ́ doe, á n foo taã á zii kũ á n woe Zeruzalɛmu.

Zaã a sɛ́wɔ 11:55

Zuifun *kiɛ̃mala ǹ zɔ́n nə́ diri. Don kion min gigiã zɔ́n lɛ toa die, ǹ nə́ soo ǹ nə́ woo *gɔ̀ bɔ ǹ dinin ganaa Zeruzalɛmu, á kɔnpɛ ka ǹ landa nɛ.

Zaã a sɛ́wɔ 12:23

Yezu tɔ́n pɛ ǹ nɛ: «Lawa doamaa bɛ́ nɛ a gugurubaa kɔ Min a Nɛgiĩ la ǹ mɛn waáraa, a biikoo dɔ.

Zaã a sɛ́wɔ 13:29

Ǹ wɔrɔ màn bɛ́ á goã Zudaasi din gɔn, bɛ lɛ nɛ, ǹ tɛn goã taasɛ, mà Yezu na á pɛ nɛ mà a wo ǹsɛn laadoo màn pii zɔ́n lɛ taman yii, hinlaa, mà a màn kɔ́n kɔ doobaan la.

Zaã a sɛ́wɔ 13:3

Yezu dinmaa lɛ á doɛ̃ sɛn, mà asɛ a Díi na á sii din tumaa a pàã kɔ asɛ la. Á doɛ̃ mà asɛ na á bɔ Lawa li á daa, mà asɛ n wusii á woe Lawa li.

Zaã a sɛ́wɔ 13:34

«Man dí-pɛ dii koe ka la: Ka kɔn narɛ. Masɛ ka narɛ lɔn, ka dɔn nə kɔn narɛ miɛ̃.

Zaã a sɛ́wɔ 14:28

Ma bɛ́ má pɛ ka nɛ máa man woe, ma wusoo man bɔyaa ma da ka li, ka bɛ́ ka ma. Bɛ̀ ka tá ma narɛ, ka tá re n nyɛnyɛɛ masɛ a wo maa Díi li lɛ taman yii, a giala, maa Díi á gole á la masɛ nɛ.

Zaã a sɛ́wɔ 14:31

sɛnɛ, sii mɛn bɛ́ re masɛ yii, man lɛ koe a ganaa, màn mɛn bɛ́ toɛ, kanaa minbuiinin nə dɔ̃ mà masɛ tá maa Díi narɛ, ǹ dɔ̃ dɔn mà man maa dí nyɛɛ á kɔnpii ka maa Díi a da ǹ boo ne. Ka yoo wɔ woo wɔ n bɔ kànaa!

Zaã a sɛ́wɔ 16:28

Man má bɔ maa Díi li má daa kanaa gɔ́ɔ̃ nɛ. Sisia, ma nə n boe kanaa gɔ́ɔ̃ nɛ ma á woe maa Díi li.»

Zaã a sɛ́wɔ 17:1

Bɛa boon lɛn diɛ kio, Yezu nə́ n yii saa lon á pɛ: «Maa Díi, biikoo dɔ. Gugurubaa kɔ n Nɛgiĩ lɛ la, màn mɛn bɛ́ toɛ, n Nɛgiĩ lɛ gugurubaa kɔ n dɔ la.

Zaã a sɛ́wɔ 17:16

Ǹ bie kanaa kɛ wɔn lɛa wa, ka masɛ dɔ bɛ́ ma ba kanaa wɔ lɛa lɔn wa.

Zaã a sɛ́wɔ 17:26

Má n tɔ nyaa ǹ nɛ, ma á die wusii ma nyaa ǹ nɛ doo, màn mɛn bɛ́ toɛ, n masɛ narɛ lɔn, bɛa kɔn-narɛɛ kɛ lɛ goã ǹ dɔn lon, masɛ dɔ́ goã kunun ǹ ni.»

Zaã a sɛ́wɔ 17:5

Maa Díi, sisia kəni, gugurubaa mɛn goã ma lon n din li, bɛ̀ kanaa bɛ́ a tɔn nə n giala kɔ wa, wusoo n bɛ lɛ kɔ ma la n din li.

Zaã a sɛ́wɔ 18:4

Sii mɛn tumaa bɛ́ re Yezu yii a bɛ́ a yii doɛ̃, á nɔmaa á woo n da ǹ lɛ á pɛ ǹ nɛ: «Ka ǹ giɛ die li?»

Zaã a sɛ́wɔ 19:28

Bɛ kio, Yezu bɛ́ doɛ̃ mà sii din tumaa nə́ n zɛnaa á nya sisia, á n toa mà mu boro na asɛ ganaa. A na á bɛ pɛ, màn mɛn bɛ́ toɛ, Lawa a boo din tumaa lɛ pã.

Zaã a sɛ́wɔ 2:13

Zuifun *kiɛ̃mala ǹ zɔ́n bɛ́ á diri, Yezu woo Zeruzalɛmu kiwi.

Zaã a sɛ́wɔ 6:4

Bɛ na á n zɛnaa Zuifun *kiɛ̃mala ǹ zɔ́n nyɛɛn boɛɛn nɛ.

Zaã a sɛ́wɔ 7:30

Bɛ lɛ kio, ǹ nə́ ga Yezu kũ ǹ gɔn li. Sɛnɛ, min kɔ́n nə n gɔn da a ganaa wa, a giala, a biikoo tɔn dɔ wa.

Zaã a sɛ́wɔ 7:6

Yezu tɔ́n pɛ ǹ nɛ: «Maa biikoo tɔn dɔ wa; biikoo din tumaa bɛ́ n siĩni kasɛn gɔn.

Zaã a sɛ́wɔ 8:20

Yezu na á bɛa boon lɛn da Lawa a kion, bɛ̀ a bɛ́ Lawa gɔ ǹ wɔrɔ si ǹ mànan bǎã nɛ minin darɛɛ. Min kɔ́n nə n gɔn da a ganaa wa, a giala, a biikoo tɔn dɔ wa.

Rɔmu minin 8:37

Sɛnɛ, bɛ lɛ din tumaa gɔ́ɔ̃ nɛ, Krita mɛn wɔ narɛ, bɛ lɛ n wɔ biɛ gɔ̀lɔ̀n lɛa, wɔ́ la gɔ̀lɔ̀n dinin manɛ.

Korɛnti1 1:8

A din dɔ n die pàã koe ka la sɔnbɔraanɛ, yǎa giala-nyɔmiɛ biikoo li, ka goã zɛ̀rɛ baãnaan lɛa wɔa Dɛnaa Yezu Krita a kiri-kurii pinaa.

Ebrəə 3:14

Sonbore ne, wɔ ǹ wɔ́ n baa Krita a koakun wolen lɛa, wɔ goleemali mɛn wɔ a giala-koe li, bɛ̀ wɔ́ bɛ tamaa yǎa á woo kaa a giala-nyɔmiɛ lɛ.

Ebrəə 3:6

Sɛnɛ, *Krita sɛ na á Nɛgiĩ bɔlɔgoondɛnaa baa, Lawa a tɔrɔ minin mìi la. Wɔ dinin man a tɔrɔ minin lɛn lɛa, bɛ̀ wɔ gòãn tá we-n tán wɔa foo doa ǹ màn kɛ lɛ la, wɔ nə n nyɛnyɛɛ a wɔ gɔn la ka foo tãbaa nɛ.

Ebrəə 6:11

Sɛnɛ, wɔ bɛ́ giɛ màn mɛn li, bɛ ǹ ka kɛ nɛ, wáa ka gogoonmaa nə n doa, ka wo nyɛɛnɛ ka bɛa gù we yii kɛ lɛ nɛ, yǎa giala-nyɔmiɛ ganaa, màn mɛn bɛ́ toɛ, kaa foo-doa ǹ sii lɛ nə n zɛnaa.

Piɛrɛ1 1:13

Bɛ lɛ tɔ ganaa, ka n yiri toa bǎã goon ne, dí nyɛɛ a lɛa. Ka n yii dɔraa, ka n foo tumaa doa Lawa a bǐɛ̃baa ǹ màn kɛ ganaa, á n die koe ka la, Yezu Krita a daa pinaa.

Zaã1 4:19

Wɔsɛn wɔ paǹ li, wɔ ǹ Lawa narɛ, a giala, Lawa na á wɔ narɛ bibinaanɛ.

Sii-nyaan 1:5

Yezu lɛ n siére sonbore lɛa, a din yii na á kaa bibinaa nɛ á n bɔ geren bii, a n kanaa a kiin tumaa mìi la. Min mɛn bɛ́ a wɔ narɛ, a din na á wɔ si wɔa sii baraan la ka a gɛ̀ nɛ.