Zaã a sɛ́wɔ 10:6 - LAWA A BOO SONBORE

⁶ Yezu na á bɛa boo giməə kɛ lɛ da ǹ nɛ, sɛnɛ, a bɛ́ màn mɛn giala pii, ǹ dɔ̃ wa.

LAWA A BOO SONBORE 2011

⁶ Yezu na á bɛa boo giməə kɛ lɛ da ǹ nɛ, sɛnɛ, a bɛ́ màn mɛn giala pii, ǹ dɔ̃ wa.

Zaã a sɛ́wɔ 10:6 Iomraidhean Croise

Loen 106:7

Wɔ digolon nə goã, ǹ nə́ màn kɔn giala ma, n kaãbaa ǹ siin kɛn zɛnaa gɔ́ɔ̃ nɛ Ezipti wa. Ǹ yiri bɔ ka bǐɛ̃ gigiã kɛ nɛ, ń zɛnaa ǹ nɛ. Ǹ bɛ́ ǹ nə́ dɔ Sawɛɛ tà kɛ lɛ-a, ǹ nə́ n gɔ́ɔ̃ tii Lon a Lawa gole kɛ ganaa.

Loen 82:5

Sɛnɛ, ka a màn kɔn doɛ̃ wa, ka a màn kɔn giala miɛ wa. Ka n tɔ we wɔlɔ tì li, ka nə́ n gɔn tatalɛɛ. Bɛ lɛ a lɛa nɛ, kanaa lɛ lɛ á kanaa nɛ, á n giɛ li a bɔ̀n baa.

Suusun 28:5

Min baraa ba boo kɔn giala miɛ dí-pɛn gɔ́ɔ̃-n wa. Sɛnɛ, min mɛnɛn bɛ́ giɛ Dɛnaa Lawa li, bɛn ta a tumaa giala miɛ.

Izayii 56:11

Maǹ kuruun lɛa, ǹ ba màn kɔn toɛ wa. Ǹ ba kiɛ̃ wa. Wɔlɔ-lɛduə̃lin manɛ, ǹ ba sii kɔn giala miɛ wa. Maǹ nə ǹ dinin foo siin zɛnɛɛ. Ǹ didie n giɛ a din a là li.

Matiə 13:34

Yezu na á bɛ din tumaa pɛ zaman lɛ nɛ ka boo giməə ne. A ba boo diɛ ǹ nɛ kooro bɛ̀ a na a boo giməə da wa.

Matiə 13:51

Yezu tɔ́n nɔ̀n da ǹ la: «Ka kɛ din tumaa giala ma?» Ǹ dɔn nə́ pɛ: «Hiĩ.»

Marki 4:34

A boo kɔ́n diɛ ǹ nɛ, bɛ̀ boo giməə gòɛ̃ ná a ba a-n wa, sɛnɛ, bɛ̀ a laanka a kialandɛnan lɛn dininsɔɔ̃nɔn tá kun, a na a tumaa giala pii ǹ ni.

Zaã a sɛ́wɔ 16:25

«Man má kɛ din tumaa pɛ ka nɛ ka boo giməə ne. Sɛnɛ, biikoo á die doe, ma a re boo diɛ ka nɛ miɛ̃ doo wa, sɛnɛ, sii mɛn bɛ́ maa Díi wɔ a paǹ li, ma á die bɛ toɛ̃ ka-n foaã-foaãnɛ.

Zaã a sɛ́wɔ 16:29

A kialandɛnan nə́ tɔ́n pɛ-n kɛnɛn: «Sisia kəni, boo foaã nə ke n tá diɛ, boo giməə bie doo wa.

Zaã a sɛ́wɔ 6:52

Bɛa boo lɛ taman yii, Zuifun nə́ bɔ ǹ nə́ mɛ la ǹ nə́ liere bibiɛ kɔ kɔn bii n ni, ǹ nə́ goã nɔ̀n didiɛ kɔn la mà bɛa giĩ kɛ nə n gɔ̀nɔn siĩ koe ǹsɛn la lɔn ǹsɛn nə sɔ̃?

Zaã a sɛ́wɔ 6:60

Yezu a kialandɛnaa gigiã ná a boo lɛ ma, bɛ kio, ǹ ná a giala kɔ ǹ nə́ goã pii mà bɛa boo kɛ á kaka dɛ! Mà die n boe la a lɛ kɔ kɛ ganaa?

Zaã a sɛ́wɔ 7:36

Mà bɛa boo ke á da, mà a giala n ka wàa nɛ: «Ka á re giɛ ma li, sɛnɛ, ka a re ma yii wa, masɛ bɛ́ bǎã mɛn nɛ dɔn, kasɛn ba boe la ka da walan wa?»

Zaã a sɛ́wɔ 8:27

Ǹ na a giala ma mà a n Díi Lawa boo diɛ ǹ nɛ wa.

Zaã a sɛ́wɔ 8:43

Wàa na á baa ka ba maa boo giala miɛ wa? A giala, ka a boe la ka n too kɔ masɛ a boo ganaa wa.

Korɛnti1 2:14

Lawa a Yiri Fu bɛ́ a ba min mɛn lon wa, bɛa boe la a lɛ kɔ Yiri Fu a boo taãnan ganaa wa. A n gàãnaabaa lɛa ǹ dɛnaa yii li, a boe la a tá a giala miɛ wa, a giala, Yiri Fu dinsɔɔ̃ n boe la á sii a bɔkɔnlɛ doɛ̃.

Piɛrɛ2 2:22

Boo giməə kɛ bɛ́ màn mɛn pii, bɛ na á n zɛnaa ǹ nɛ: «Gin na á wusoo á woo a pisəə goa á bii.» Ka bɛ dɔ-n doo: «Birii a zoo a nyamaa nɛ, á wusoo á woo n dɔ bɛrɛɛ nɛ.»

Zaã1 5:20

Wɔ á doɛ̃, wáa Lawa a Nɛgiĩ na á daa, á yiri kɔ wɔ la, mà wɔ Lawa Taãn kɛ dɔ̃. Wɔ ǹ goɛ̃ kun ka Lawa Taãn kɛ nɛ, a din a Nɛgiĩ Yezu Krita pàã ganaa. A din Yezu lɛ n Lawa Taãn lɛ lɛa, a din dɔ n nyin nyabaã dɔ lɛa.