Zaã a sɛ́wɔ 1:51 - LAWA A BOO SONBORE

⁵¹ Á tɔ́n pɛ doo: «Ka boo taãn nɛ, masɛ n pii ka nɛ, ka á re lon lɛ buĩ yii, ka Lawa a lon a dia dí-a wolen yɛ dii bɛ̀ ǹ nə́ gisĩ Min a Nɛgiĩ lalan.»

LAWA A BOO SONBORE 2011

⁵¹ Á tɔ́n pɛ doo: «Ka boo taãn nɛ, masɛ n pii ka nɛ, ka á re lon lɛ buĩ yii, ka Lawa a lon a dia dí-a wolen yɛ dii bɛ̀ ǹ nə́ gisĩ Min a Nɛgiĩ lalan.»

Zaã a sɛ́wɔ 1:51 Iomraidhean Croise

Siin Giala 28:12

A bɛ́ nyuù ni, narɛɛ daa la. A yii n kalan gɔn goon ganaa, á n toa tán a mìi la dɔ Lawa ganaa. Á Lawa a lon a dia dí-a wolen yɛ, koe lɛ dii bɛ̀ ǹ gisĩ.

Ezekieli 1:1

Masɛ Ezekieli lɛ̀ pɔsɔɔbaa ǹ wɔ li, a mui a siibaa ǹ wɔ a lɛawaa soorobaa ǹ wɔ pinaa, man má goã kun ka goa wolen kɛn nɛ Kebaara tà lɛ-a. Ma bɛ́ walan, lon nə́ n lɛ bũ, má siin yɛ Lawa a din nyaa siin lɛa.

Zakarii 13:7

Dɛnaa Lawa Pàãyiidɛnaa a da ǹ boo á ke: «Gɔya sa, n yii bũ maa tɔɔn-lɛduə̃li kɛ li, ma giaára ke. Tɔɔn-lɛduə̃li lɛ məə, màn mɛn bɛ́ toɛ, sèren lɛn nə n pɛsɛ̃ bǎã yii ni, ma tɔn da ǹ nɛ binbisinin dɛ.»

Matiə 25:31

Bɛ̀ Min a Nɛgiĩ daa ka a kiibaa nɛ, kun ka lon a dia dí-a wolen tumaa nɛ ǹ mɛn pinaa, á die giɛ̃ a kii dankan gole la.

Matiə 26:24

Min a Nɛgiĩ á re giɛ̃, ka a bɛ́ á n kiɛ̃ a wɔ gɔn la Lawa a boo-n lɔn. Sɛnɛ, min mɛn bɛ́ re Min a Nɛgiĩ we a zɔ́ɔn gɔn, bɛa dɛnaa wɔ n ka bɔ̀n nɛ! Bɛ̀ n dɛnaa din na a yɛ wa, bɛ á soɛ a ganaa!»

Matiə 3:16

A bɛ́ á batɛmu da a ganaa, Yezu soo á n bɔ mu li. A din bǎã-n gɔrɔ, lon nə́ n lɛ bũ, Yezu Lawa a Yiri Fu yɛ ka zɛrɛkantoan bɛ́ lɔn gisĩ die a din la.

Matiə 4:11

Bɛ kio, Sɛtaan kiɛ̃ á toa walan. Lon a dia dí-a wolen nə́ daa Yezu li, ǹ ná a laadoo bǐɛ̃ kɔ.

Matiə 8:20

Yezu tɔ́n pɛ nɛ: «Tolokan yalan tan, bàanan kii tan, sɛnɛ, bǎã kɔ́n ba Min a Nɛgiĩ lon á n mìi susui a-n wa.»

Matiə 9:6

Sɛnɛ, màn mɛn bɛ́ toɛ, ka dɔ̃ mà pàã tá Min a Nɛgiĩ lon kanaa kɛ gɔ́ɔ̃ nɛ a minin sii baraan toa ǹ nɛ. Bɛ lɛ na á toa, á tɔ́n pɛ giĩ paǹ tumaa gere-a lɛ nɛ: «Yoo lon, n nə n piì saa, n wo piɛ.»

Marki 1:10

Bɛa bǎã-n gɔrɔ, Yezu a soomaa mu li, á lon yɛ n lɛ buĩ, á Yiri Fu yɛ gisĩ a din la ka zɛrɛkantoan bɛ́ lɔn.

Marki 14:62

Yezu tɔ́n pɛ: «Hiĩ, masɛ n bɛ lɛ lɛa. Ka á re Min a Nɛgiĩ yii giã-n tán Lawa Pàãyiidɛnaa gusin. Ka á re yii dɔn lon a labaran bii die.»

Luku 2:13

Bɛa bǎã-n gɔrɔ lon a dia dí-a wole gigiã bɔ Lawa li, ǹ nə́ daa goon kɛ lɛ li, bɛ̀ ǹ nə́ Lawa tɔ boe, ǹ nə́ pii:

Luku 2:9

Dɛnaa a lon a dia dí-a wole goon nə́ daa bɔ ǹ li, Dɛnaa Lawa a tɛ-pɛ kaa ǹ la, nyɛ́ɛ nə́ ǹ kũ parsiini.

Luku 22:43

Lon a dia dí-a wole goon tɔ́n bɔ lon, á daa n dɔ lɛ, á pàã kɔ la.

Luku 22:69

Sɛnɛ, a kũ sisia ganaa, Min a Nɛgiĩ tá re giɛ̃ Lawa Pàãdɛnaa gusin.»

Luku 24:4

Ǹ yiri bɛ́ á n lɔlɔkɔn bɛa sii lɛ gɔ́ɔ̃ nɛ, giĩ min paa daa gɔrɔ, ǹ nə́ n dinin nyaa lɔn lɛn manɛ, mɔnaa fu ka piepie nə́ ǹ ganaa.

Luku 3:21

Min tumaa bɛ́ batɛmu lɛ yii, Yezu dɔ́ woo bɛa batɛmu lɛ si. Yezu bɛ́ Lawa nyankoe, lon lɛ nə́ n bũ,

Zaã a sɛ́wɔ 1:50

Yezu tɔ́n pɛ nɛ: «Ma bɛ́ má pɛ n nɛ, máa má n yɛ gɔ́rɔ da giulun, bɛ lɛ bie á toa n golee masɛ li wa? N tá re sii dadaran yii ǹ la bɛ nɛ.»

Zaã a sɛ́wɔ 10:1

Yezu pɛ: «Man taãn pii ka nɛ, min mɛn bɛ́ a ba we sèren kion ka a kiɛnlɛ-n wa, yǎa a kungɔn nɛ, wurumu n ka bɛa dɛnaa nɛ, mɛnaa minin la wole ne.

Zaã a sɛ́wɔ 10:7

Yezu wusoo á pɛ doo: «Man taãn pii ka nɛ, masɛ n sèren kiɛnlɛ lɛa.

Zaã a sɛ́wɔ 13:16

Man taãn pii ka nɛ, bɛ̀rɛ kɔ́n ba gole á la ǹ Dɛnaagiĩ-n wa, dia dí-a wole kɔ́n dɔ a gole á la a dia wole-n wa.

Zaã a sɛ́wɔ 13:38

Yezu pɛ nɛ: «N tá lɛ koe sonbore, mà n tá n din nyin koe masɛ a lɛa? Man taãn pii n ni, koo laan bɛ̀ a wuu pɛ, bɛ̀ n nə́ n piã ka masɛ nɛ, á dɔ gunyin sɔɔ.»

Zaã a sɛ́wɔ 14:12

Man taãn pii ka nɛ, bɛ̀ min mɛn nə́ golee masɛ li, ma bɛ́ siin mɛnɛn zɛnɛɛ, ǹ dɛnaa dɔ á die bɛn miãn zɛnɛɛ. A tá re mànan dinin zɛnɛɛ ǹ la bɛn manɛ, a giala, masɛ n woe maa Díi li.

Zaã a sɛ́wɔ 16:20

Man taãn pii ka nɛ: Ka á re wuu pii ka n lala da, bɛ̀ kanaa minin kɛn tá yaa we. Ka yɔrɔ á re kɔsɛ, sɛnɛ, kaa yɔrɔ-kɔsiɛ á die n bɔyɛɛ a nyɛnyɛɛ baa.

Zaã a sɛ́wɔ 16:23

«Bɛ̀ bɛa pinaa dɔ, ka a re nɔ̀n diɛ masɛ la ka sii kɔ́n nɛ doo wa. Man taãn pii ka nɛ: Bɛ̀ ka màn mɛn nyankɔ maa Díi lon ka masɛ tɔ nɛ, á re bɛ koe ka la.

Zaã a sɛ́wɔ 21:18

Man taãn pii n ni: N bɛ́ nɛnyaan lɛa ǹ mɛn waáraa, n din ni n maabɛlɛ yii, bǎã mɛn bɛ́ kɔɔ̃nɛ n ganaa n soo bɛ̀ n wo walan. Sɛnɛ, bɛ̀ n zizi kɔ ǹ mɛn waáraa, n tá re n gɔnɔn goɛ lon, min kɔsɔ n die yii, n bɛ́ n ba li n wo bǎã mɛn nɛ wa, a n kũ a wo n ne walan.»

Zaã a sɛ́wɔ 3:3

Yezu tɔ́n pɛ nɛ: «Masɛ n pii n ni, sonbore ne: Bɛ̀ min mɛn bie a wusoo a yɛ wa, ǹ dɛnaa a boe la a *Lawa a kiibaa yɛ wa.»

Zaã a sɛ́wɔ 3:5

Yezu tɔ́n pɛ nɛ: «Masɛ n pii n ni, sonbore ne: Bɛ̀ min mɛn bie a wusoo a yɛ Lawa wɔ baa-n ka mu laanka Yiri Fu pàã-n wa, ǹ dɛnaa a boe la a wɔ Lawa a kiibaa-n wa.

Zaã a sɛ́wɔ 5:19

Yezu wusoo á n lɛ da boo lɛ nɛ, á pɛ ǹ nɛ: «Man taãn pii ka nɛ: Díi bɛ́ dí mɛn tumaa nyɛɛ, a din lɛ nɛ a Nɛgiĩ dɔ á nyɛɛ. A boe la a sii kɔ́n zɛnaa a din ganaa wa.

Zaã a sɛ́wɔ 5:27

A din na á kiri wɔ ǹ pàã kɔ la, a giala, a n Min a Nɛgiĩ lɛa.

Zaã a sɛ́wɔ 6:26

Yezu tɔ́n pɛ ǹ nɛ: «Man taãn pii ka nɛ, ka bɛ́ ka buuru sɔ̃ ka kã, bɛ lɛ na á toa, ka tá giɛ masɛ li, a bie ka ka n ka kaãbaa ǹ siin kɛn giala ma wa.

Zaã a sɛ́wɔ 6:32

Yezu tɔ́n pɛ ǹ nɛ: «Man taãn pii ka nɛ, Muizu bie á lon a buuru lɛ kɔ ka la wa, sɛnɛ, masɛ a Díi n lon a buuru taãn koe ka la.

Zaã a sɛ́wɔ 6:47

Masɛ n taãn pii ka nɛ, bɛ̀ min mɛn golee masɛ li, nyin nyabaã n bɛa dɛnaa wɔ lɛa.

Zaã a sɛ́wɔ 6:53

Yezu tɔ́n pɛ ǹ nɛ: «Man taãn pii ka nɛ: Bɛ̀ ka bie ka Min a Nɛgiĩ siĩ sɔ̃, ka a mà mi wa, ka a re yiikoonaabaa yii wa.

Zaã a sɛ́wɔ 8:34

Yezu tɔ́n pɛ ǹ nɛ: «Man taãn pii ka nɛ, min mɛn bɛ́ sii baraa zɛnɛɛ, bɛa dɛnaa n sii baraa a bɛ̀rɛ lɛa.

Zaã a sɛ́wɔ 8:51

Man taãn pii ka nɛ, bɛ̀ min mɛn masɛ a boo si, bɛa dɛnaa a giɛ̃ duduu wa.»

Zaã a sɛ́wɔ 8:58

Yezu tɔ́n pɛ ǹ nɛ: «Man taãn pii ka nɛ, Abrahamu laan bɛ̀ a yɛ, bɛ̀ masɛ tan.»

Nya ǹ dín 10:11

Á goã giɛ lon lɛ ganaa buĩ ni. Màn kɔ́n nə́ bɔ lon, ka mɔnaa gole bɛ́ lɔn, kuĩ ni a gùrù sii tumaa ganaa, á n die gisĩ.

Nya ǹ dín 7:56

Á pɛ: «Á ke, masɛ yii-n lon lɛ ganaa buĩ ni, Min a Nɛgiĩ n golee-n Lawa gusin.»

Tesaloniki2 1:7

Sɛnɛ, kasɛn mɛnɛn bɛ́ nɔmaa we sisia, á re susui koe ka la, kun ka wɔsɛn nɛ. Bɛ á re n zɛnɛɛ Dɛnaa Yezu a daa pinaa. Á re n din nyɛɛ kun ka a dia dí-a wole pàãdɛnan kɛn nɛ.

Tesaloniki2 1:9

Dɔlɔ mɛn bɛ́ re n diɛ ǹ mìi ni, bɔ̀n gole á re ǹ yii, ǹ wɔlɔ á re lui Dɛnaa ganaa, ka a pàã sonbore kɛ nɛ.

Timote1 3:16

Sonbore ne, sii-durii mɛn bɛ́ wɔa golee Yezu li ǹ sii lɛa, á n nyaa, bɛ á gole á la yii ni: Á n din baa minbuiin nɛ lɛa, á daa, Lawa Yiri ná a peperebaa nyaa, Lon a dia dí-a wolen nə́ yɛ miɛ̃. A boo nə́ n kalaa tɔrɔn bii, kanaa minin nə́ golee li, Lawa tɔ́n saa á woo-n lon.

Ebrəə 1:14

Lon a dia dí-a wolen kɛn tumaa n yirin dininsɔɔ̃nɔn lɛa, dí nyɛɛ Lawa nɛ, ǹ nə́ n doe kirisibaa-yɛlen kɛn lɛ.

Zude 1:14

Enɔɔki mɛn bɛ́ á goã Aadã a nɔ̀ɔ fulupaa lɛa, bɛ́ Lawa a boo gii da lɛlɛ bɛa minin kɛn lɛn dɔlɔ wɔ gɔn la á pɛ: «Á ke! Dɛnaa n die ka lon a dia dí-a wole duu damata kɛ nɛ,

Sii-nyaan 19:11

Má lon yɛ a lɛ n buĩ ni, má tɔ́n sùi fu yɛ bii-a. Min mɛn bɛ́ á dii la, a tɔ n "Bɔlɔgoondɛnaa", ǹ nə́ bíi dɔn mà "Taãnɛ". A n kiri kuri, a n zia biɛ ka peperebaa nɛ.

Sii-nyaan 4:1

Bɛ kio, má kiɛnlɛ yɛ á n bũ lon. Ma goã má lɛn mɛn ma boe lɛlɛ ka bɛn wɔ bɛ́ lɔn, bɛ́ tɔ́n pɛ ma nɛ: «Da dii kànaa, sii mɛn bɛ́ re n zɛnɛɛ bɛ kio, ma á re nyɛɛ n nɛ.»