Zaã a sɛ́wɔ 1:3 - LAWA A BOO SONBORE

³ Lawa na á màn tumaa zɛnaa ka bɛa Boo lɛ nɛ, màn mɛn tumaa nə n zɛnaa, ǹ kɔ́n nə n zɛnaa bɛ̀ a gòɛ̃ ná a ba a-n wa.

LAWA A BOO SONBORE 2011

³ Lawa na á màn tumaa zɛnaa ka bɛa Boo lɛ nɛ, màn mɛn tumaa nə n zɛnaa, ǹ kɔ́n nə n zɛnaa bɛ̀ a gòɛ̃ ná a ba a-n wa.

Zaã a sɛ́wɔ 1:3 Iomraidhean Croise

Siin Giala 1:1

Lɛlɛ-lɛlɛ Lawa na á lon laanka kanaa da.

Siin Giala 1:26

Bɛ kio kəni, Lawa tɔ́n pɛ: «Ka daa, wɔ minbuiin nɛ zɛnaa, wɔ dinin kɔnboe lɛa, ka wɔ dinin bɛ́ lɔn. A giã kɔ̀ mu li ǹ zɔ̀n mìi la, ka bàanan nɛ, ka piɛ mànan laanka don mànan nɛ, a dadaran laanka a bɔnboɛɛnɛn nɛ.»

Loen 102:25

Bɛ lɛ nɛ, má tɔn pɛ: máa maa Lawa, n baran ma dɛ fufuu kɛnɛn wa. Dɛnaa Lawa, nsɛ nə n tan yǎa duduu.

Loen 33:6

Dɛnaa Lawa na á lon zɛnaa ka a din a boo ne, a na á lon màn tumaa zɛnaa, ka a din lɛ gɔ́ɔ̃ ǹ piɛ̃ nɛ.

Suusun 8:30

Man má goã a li, má n dí nyɛɛ kun ni. Man má goã kɔɔ̃n a ganaa baraabaraa, ma nə n nyɛnyɛɛ biikoo tumaa li a yɔrɔ-a.

Izayii 45:12

Á bǐɛ̃ kɔ! Ma din ni má tán zɛnaa, ka minbuiin nɛn mɛnɛn bɛ́ giã-n la. Ma din ni má lon lɛ bɔ. Ma din ni leeren tumaa mìi la.

Izayii 45:18

Dɛnaa Lawa n kɛ pii asɛ mɛn nə lon zɛnaa, Lawa mɛn bɛ́ á tán zɛnaa. A na á zɛnaa, a ná a kaka kɔ. A bie á zɛnaa màn gɔ́ɔ̃ kooro-a lɛa wa. A na á zɛnaa giã ǹ bǎã lɛa. A n pii: «Ma din ni Dɛnaa Lawa lɛa. Kɔsɔ banban.»

Zaã a sɛ́wɔ 1:10

Min mɛn goã bɛa Boo lɛ lɛa, á goã kanaa kɛ lɛ gɔ́ɔ̃ nɛ, Lawa na á kanaa da ka a din lɛ barka nɛ, sɛnɛ a bɛ́ á daa, kanaa minin nə dɔ̃ wa.

Zaã a sɛ́wɔ 1:2

Min mɛn bɛ́ bɛa Boo lɛ lɛa, bɛa dɛnaa lɛ na á goã kun ka Lawa nɛ haalɛ lɛlɛ-lɛlɛ.

Korɛnti1 8:6

Sɛnɛ, wɔsɛn yii li, Lawa n goon toto, a n Díi lɛa, màn tumaa zɛnaali lɛa, wɔa tá kanaa na a din wɔ lɛa. A din yii goon ne, Dɛnaa dɔ n goon toto, Yezu *Krita nɛ. Màn tumaa na a tan a din pàã ganaa, wɔ n kanaa a din pàã ganaa.

Efɛɛzi minin 3:9

Lawa na á bǐɛ̃ zɛnaa ma-n dɔn, mà ma n dɔ minin tumaa lɛ, ǹ Lawa a sii-durii kɛ a zɛnaa ǹ gɔn yɛ foaãnɛ. Lawa n màn tumaa zɛnaali lɛa. A din na á bɛa sii kɛ lɛ duru haalɛ lɛlɛ.

Ebrəə 11:3

Golee Lawa li n toɛ, wɔ á doɛ̃ wáa Lawa na á kanaa da ka a boo ne. Bɛ lɛ nɛ, wɔ yii bɛ́ kanaa mɛn ganaa, bɛ bie á n zɛnaa ka màn yɛ ka yii-n wole-n wa.

Zaã1 5:1

Min mɛn bɛ́ golee li, mà Yezu n Minin Nyin-sili lɛa, bɛ n Lawa a nɛ lɛa. Bɛ̀ n tá min di narɛ, ma na a nɛnyaanan dɔn narɛ.

Sii-nyaan 3:14

Sɛ́wɔ kɛ kiɛ̃ n dia Lawodiseen Lawa a sɔmɔ a lon a dia dí-a wole la: «Masɛ mɛn bɛ́ ǹ nə́ ma bíi «A n miɛ̃», masɛ mɛn bɛ́ Lawa a siére bɔlɔgoondɛnaa taãn lɛa, masɛ mɛn bɛ́ Lawa a màn-zɛnaan tumaa bɔ ma nɛ, man pii n ni:

Sii-nyaan 4:11

«Wɔa Dɛnaa Lawa, n kɔnbɔ min tumaa nə n tɔ bɔ, ǹ nə n tɔ gole kɔ, ǹ nə n pàãdɛnaabaa dɔ̃. A giala, n din nə n màn tumaa zɛnaa, n din foo sii na á toa ǹ tan, n din nə́ n yiikoonaabaa kɔ ǹ la.»