Izayii 1:11 - LAWA A BOO SONBORE

¹¹ Dɛnaa Lawa n pii: Kaa *wúlu màn damata kɛ là n ka wàa nɛ ma ganaa? Ka bɛ́ sère kuturun mɛnɛn tiɛ̃ lenlen maa wɔ lɛa, tɔɔ kasiɛ̃ wolen nyɔɔ ke ka á koe wúlu màn lɛa, bɛn tumaa tìĩ bɔ ma yin ni kanna. Dii gɔ̀lɔ̀n mà ke, sère nɛ tenən wɔ nɛ, ka butumun wɔ nɛ, ma ba ǹ li doo wa.

LAWA A BOO SONBORE 2011

¹¹ Dɛnaa Lawa n pii: Kaa *wúlu màn damata kɛ là n ka wàa nɛ ma ganaa? Ka bɛ́ sère kuturun mɛnɛn tiɛ̃ lenlen maa wɔ lɛa, tɔɔ kasiɛ̃ wolen nyɔɔ ke ka á koe wúlu màn lɛa, bɛn tumaa tìĩ bɔ ma yin ni kanna. Dii gɔ̀lɔ̀n mà ke, sère nɛ tenən wɔ nɛ, ka butumun wɔ nɛ, ma ba ǹ li doo wa.

Izayii 1:11 Iomraidhean Croise

Loen 40:6

Dɛnaa Lawa, maa Lawa, n siin mɛnɛn yɔrɔ bɔ wɔa lɛa, ń kaãbaa ǹ siin zɛnaa, ǹ tá dadara. N miã din banban. Man li ma bɛ lɛ pɛ, ma timəə la, sɛnɛ, ǹ bɛ́ ǹ nə́ mɔnaa ǹ nə́ la yii ni.

Loen 50:8

N wúlu mànan kɛn lɛa bie ma tá n zɛ̀rɛ biɛ wa. N tá wúlu mànan tiɛ̃ ma yɔrɔ-a baraabaraa.

Loen 51:16

Ma sii mɛn la, a dɔlɔ n ka gɛ̀ nɛ. Maa Lawa, ma kirisibaali Lawa, n din ma si mà kaa la, ń giɛ ma tá n lɛ dii ka n peperebaa kɛ nɛ.

Suusun 15:8

Min baraan *wúlu màn ba kɔɔ̃n Dɛnaa Lawa ganaa wa. Sɛnɛ, min peperen Lawa nyankɔ n kiɛ foo la.

Suusun 21:27

Min baraan wúlu màn nə màn bɔnɛɛ lɛa, sanparɛ bɛ́ ǹ nə́ zɛnaa ka gɔ́ɔ̃ tìbaa nɛ.

Suusun 21:3

Giã ǹ gɔn sonbore, a n pepere, á kiɛ Dɛnaa Lawa foo la á la *wúlu màn nɛ.

Izayii 58:2

Lɛawaa tumaa li, maǹ nɔ̀n diɛ maa taasiɛn nɛ. Maǹ giɛ li ǹ ma foo siin dɔ̃. Maǹ nə́ kɔnbɔ ka tɔrɔ mɛn nə́ ke, koe peperebaa lɛ, ǹ nə́ ǹ ba ǹ Lawa a dí-pɛn tii wa. Maǹ kiri pepere li. Maǹ li ma goã mɔrɛɛ nɛ ǹ ganaa.

Izayii 66:3

A da yaa, wúlu mànan wɔ paǹ li, minin man diin dii, ǹ wusoo doo ǹ minbuiin nɛn dɛ. Maǹ sèren bɔlɔ kuri, bɛ̀ ǹ tá ginin dɔn dii. Maǹ die ka Lawa gɔ ǹ màn nɛ bɛ̀ ǹ tá biriin mà kiɛ tán. Maǹ da yon gìĩ kɔɔ̃n tiɛ̃ maa wɔ lɛa, bɛ̀ ǹ tá dìn dɔn guguru koe. Maǹ nə ǹ dinin foo siin zɛnɛɛ, sii bɔbɔnɛɛ n kɔɔ̃nɛ ǹ ganaa.

Zeremii 6:20

Ka bɛ́ boe da yon gìĩ kɔɔ̃n nɛ Sabaa ka n die ne, ka gána sɔsɔɔ buu gìĩ kɔɔ̃n kɛ nɛ masɛ wɔ lɛa, bɛ là n ka wàa-n kəni? Kaa *wúlu màn tiɛ̃n kɛn, ma ba ǹ li wa. Kaa wúlu mànan kɛn ba kɔɔ̃n ma ganaa wa.

Zeremii 7:21

Dɛnaa Lawa Pàãyiidɛnaa, Izirayeli a Lawa a da ǹ boo á ke: – Ka kaa *wúlu màn lɛ piɛ̃ lɛ laanka kaa wúlu màn kɔsɔn kɛn siĩn kaa kun ka dininmaan nə sɔ̃.

Ozee 6:6

Sii zɛnaa ka kɔn-narɛɛ nɛ, bɛ á kɔɔ̃n ma ganaa á la wúlu mànan kɛn manɛ. Ma dɔ̃ Lawa lɛa, bɛ á kɔɔ̃n ma ganaa á la *wúlu màn tiɛ̃n kɛn manɛ.

Ozee 8:13

Maǹ wúlu boe ma ganaa ka tɔɔn nɛ, ǹ siĩ soɛ̃ á lɛa. Sɛnɛ, masɛ Dɛnaa Lawa a lɛ koe ǹ wúlu mànan lɛn ganaa wa. Sisia, ma yiri a boe ka ǹ sã ǹ siin kɛn nɛ wa, ma nə ǹ sii baraan kɛn nimii. Ǹ doamaa nɛ, ǹ wusoo ǹ wo Ezipti.

Amɔɔsi 4:5

Izirayeli minin lɛn, ka kaa yɔ bù buurun lɛn tã, ka kaa Lawa gɔ ǹ mànan lɛn boo da, ka lɛn gole ne, a giala, bɛ lɛ n kɔɔ̃n ka ganaa. Dɛnaa Lawa a da ǹ boo ne.

Amɔɔsi 5:21

Kaa zɔ́nɔn kɛn lɛn bɛ̀ ká n zɛnaa, ma ba ǹ li wa, ǹ tìĩ bɔ ma nyin ni. Kaa lɛ-sɔkɔnɔn kɛn bɛ̀ ka ǹ wɔ, á ma gɔ̀nɔn bɔ.

Amɔɔsi 5:22

Ka bɛ́ wúlu mànan mɛnɛn tiɛ̃ lenlen maa wɔ lɛa, ka bɛ́ ma goe ka mànan mɛnɛn nɛ, ǹ kɔn ba kɔɔ̃n ma ganaa wa. Ka bɛ́ tɔɔ kasiɛ̃n mɛnɛn koe ma la barka da ǹ *wúlu màn lɛa, ma din ba giɛ ǹ ganaa wa.

Misee 6:7

Dɛnaa Lawa n giɛ sère gɔ̀lɔ̀ duu damata li wúlu màn lɛa? Hinlaa a n giɛ nyɔɔ gigiã li? Ma doamaa-n ma maa nɛgiĩ bibinaa kɔ, maa bɔlɔ-tii kɛa lɛa? Ma doamaa-n ma maa yɛ ǹ nɛ kɔ, maa sii baraan kɛn lɛa?

Azee 2:14

Azee tɔ́n wusoo a boo saa á pɛ ǹ nɛ: «Zaman kɛ n miɛ̃. Tɔrɔ kɛ n miɛ̃ masɛ yɔrɔ-a. Ǹ gɔn màn tumaa dɔ n miɛ̃ ǹ bɛ́ màn mɛn yii koe masɛ la, a tumaa n gɔgɔrɛ». Dɛnaa Lawa a da ǹ boo ne.

Zakarii 7:5

«Boo da zaman tumaa nɛ ka Lawa a wúlu-bɔlen ne n pɛ ǹ nɛ: A lɛ̀ pɔsɔbaa n ka kɛ nɛ, ka nə n lɛ-sɔɔ, ka n gɛ̀ loen loe, mui sooro laanka a sɔbaabaa ǹ wɔ li. Taãn nə n pɛ, ka n bɛa lɛ soɛ lɛ zɛnɛɛ masɛ tɔ la?

Malakii 1:10

Bɛ̀ kaa min goon na á woo Lawa a kion kɛa kiɛnlɛn tã á soɛ. Ka a re woe tɛ koɛ wúlu bɔ ǹ bǎã kɛ-n kooro wa. A bɛ miɛ̃ kaa yɛ ka ma yiin din ba foo kɔɔ̃n goon din lɛa ma ganaa wa, ka bɛ́ wúlu bɔ ǹ mànan mɛnɛn dɔn koe ma la, man pii ka nɛ, ma ba ǹ li wa, masɛ Dɛnaa Lawa Pàãyiidɛnaa mà miɛ̃.

Matiə 22:4

Á wusoo á dí-nyali kɔsɔn dia, mà ǹ wo pɛ ǹ nɛ: «Á ke, man má màn-bii gole zɛnaa, má maa dii gɔ̀lɔ̀n laanka maa tɔɔ nyɔɔnaan dɛ, sii din tumaa nə́ n yɔrɔ bɔ á nya. Ka da kɔn wɔ ǹ màn bii.»

Matiə 9:13

Lawa pɛ a boo ne: «Man giɛ li ka makara bɔ minin ganaa, ma bie giɛ li ka *wúlu mànan kɔ ma la wa.» Ka woo ka n daraa bɛ ganaa, ka a giala ma. A giala, min mɛnɛn bɛ́ n dinin biɛ min peperen lɛa, ma bie má daa bɛn taman yii wa, min mɛnɛn bɛ́ n dinin doɛ̃ sii baraa- zɛnaalin lɛa, man má daa bɛn taman yii.

Samayeli1 15:22

Samayeli pɛ: «Dɛnaa Lawa bɔlɔ si bɛ́ kɔɔ̃nɛ Dɛnaa Lawa ganaa lɔn, *wúlu màn tiɛ̃n laanka wúlu mànan tá kɔɔ̃nɛ a ganaa miɛ̃ ya? Haayii dɛ! Á ke, bɔlɔ si á soɛ wúlu màn nɛ, doree si á soɛ sère pian nyɔɔ nɛ.