Ɛsidrasi 9:2 - LAWA A BOO SONBORE

² A giala, ǹ laanka ǹ nɛgiĩn nə́ bɛa minin lɛn nɛlɔn wɔ lɔn lɛa, ǹ nə́ Lawa a tɔrɔ yii gɔgɔɔ̃ lɛ lɔlɔkɔn bɛa yɔrɔ lɛ la ka bɛa gánan kɛn lɛn minin ni. Ǹ goledɛnan laanka minin nyɛɛnaan-bɔlen man nə́ n gòãn kaa bɛa sii baraa kɛ lɛ nɛ bibinaa nɛ.»

LAWA A BOO SONBORE 2011

² A giala, ǹ laanka ǹ nɛgiĩn nə́ bɛa minin lɛn nɛlɔn wɔ lɔn lɛa, ǹ nə́ Lawa a tɔrɔ yii gɔgɔɔ̃ lɛ lɔlɔkɔn bɛa yɔrɔ lɛ la ka bɛa gánan kɛn lɛn minin ni. Ǹ goledɛnan laanka minin nyɛɛnaan-bɔlen man nə́ n gòãn kaa bɛa sii baraa kɛ lɛ nɛ bibinaa nɛ.»

Ɛsidrasi 9:2 Iomraidhean Croise

Siin Giala 6:2

Lawa a nɛnyaanan nə́ yɛ, mà ǹ nɛlɔn lɛn tá siĩni. Ǹ nə ǹ mɛnɛn bɔ, ǹ nə́ bɛn goa lɔn lɛa.

Kiin1 11:1

Salomɔn lɔ gigiã narɛ. Eziptin kii a nɛlɔ kɛ dinsɔɔ̃ bie á goã á saa wa. Á Moabu tɔrɔn dɔn goa, Amɔn tɔrɔn nɛ, Edɔmu tɔrɔn nɛ, ka Sidɔn tɔrɔn laanka Ɛti tɔrɔn nɛ.

Ɛsidrasi 10:2

Yeyieli a nɛgiĩ Sekania ke, Elamu tɔrɔ goon lɛa, bɛ́ tɔ́n pɛ Ɛsidrasi ni kɛnɛn: «Wɔsɛn nə n baa bɔlɔgoondɛnan lɛa, wɔa Lawa lɛ-n wa. A giala, tɔrɔ kɔsɔn mɛnɛn bɛ́ gána lɛ nɛ, wɔsɛn nə́ bɛn nɛlɔn wɔ wɔa lɔn lɛa. Sɛnɛ, bɛ wɔ paǹ li, foo-doa tá tɔn a tan Izirayeli wɔ lɛa.

Ɛsidrasi 9:12

Bɛ lɛ nɛ, ka baran toa ka kaa nɛlɔn kɔ ǹ nɛgiĩn la wa, ka baran toa ka ǹ nɛlɔn wɔ, ka ǹ kɔ kaa nɛgiĩn la wa. Ka baran toa ka n taasɛ ka duduu ka ǹ là nyantoro yɛ laanka ǹ yii-nyɛɛ yɛ-n wa, màn mɛn bɛ́ toɛ, ka pàã yɛ ka gána lɛ a màn sonboren bii, ka die ka toa kaa nɛnyaanan gɔn kíɛ̃ lɛa yǎa duduu.»

Ɛsidrasi 9:14

Wɔ́ á boe la doo, wɔ n gɔn waa ǹ boon kɛn toa walan, wɔ wo n naa min bɔbɔnɛɛn kɛn ganaa, kɔn-wɔ barka nɛ? N foo ba re yui wɔ li, yǎa wɔ bɔ̀n biɛ lenlen, n nə́ n ba min kɔn toɛ walan a yii n koo wa?

Nehemii 13:17

Má tɔ́n Zudaa gána a min yii guguru-an zɛ̀rɛ baa má pɛ ǹ nɛ: «Wàa dí baraa n ke ka á nyɛɛ, ka n susu ǹ pii lɛ ziziɛ̃?

Nehemii 13:28

Zozadaa tɔrɔ goon ne, wúlu-bɔlen kiã Eliasibu a nɔ̀ɔn lɛa, bɛ na á goã Horɔn min Sanbalaa kɛ daãgiĩ lɛa. Má loo má bɔ ma li ka sɔsɔɔ.

Bɔ bɛ̀rɛbaa nɛ 34:16

Bɛ̀ ka ǹ nɛlɔn wɔ ka ǹ kɔ kaa nɛgiĩn la, ǹ nɛlɔn lɛn man die ǹ dìn guguru koe, ǹ tá re kaa nɛgiĩn lɛn dɔn kiɛ ǹ dìn lɛn guguru koe ganaa.

Izayii 6:13

Ta zaman lɛ a talɛɛ fù na á goã gána lɛ nɛ, tɛ á re bɛn kuĩ, ka da mɛn nə́ ke ǹ nə́ kuru ǹ nə́ daa, a giala piri dinsɔɔ̃ goã. Sɛnɛ, bɛa giala piri lɛ n piɛ̃ dii lɛa, a da ten sonbore baa.

Lawa a wúlu-bɔlen 21:15

màn mɛn bɛ́ toɛ, a baran tɔrɔ kɔsɔn lɔlɔ a din tɔrɔ wúlu-bɔlen kɛn ganaa wa. A giala, masɛ Dɛnaa Lawa din ni má bɔ má koa maa dí mìi la.

Malakii 2:11

Taãnɛ, Zudaa minin nə bɔlɔgoondɛnaabaa zɛnaa lɛ kɔ wɔ paǹ li wa, ǹ nə́ sii bɔbɔnɛɛn zɛnaa Zeruzalɛmu ka Izirayeli gɔɔ̃ din tumaa nɛ, ǹ nə́ Lawa a bǎã sonbore lɛ puusə kɔ, ǹ nə́ lɔn wɔ, ǹ mɛnɛn bɛ́ dìn guguru koe.

Malakii 2:15

Lawa bie á ka baa gɔ̀nɔn goon lɛa ka lɔ lɛ-n wa, gɔ̀nɔn nɛ, kun ka yiri ni, bɛa gɔ̀nɔn goon kɛ lɛ a taasiɛ n doa-n wàa ganaa? Lawa bɛ́ nɛnyaanan mɛnɛn koe ka la bɛn lɛn manɛ, ǹ na a din a nɛnyaanan baa.

Korɛnti1 7:14

Bɛ̀ á n baa miɛ̃, giĩ goleemali baãnaa lɛ n Lawa a zaman min biɛ, a lɔ lɛ taman yii, lɔ goleemali baãnaa lɛ dɔ n Lawa a zaman min biɛ, ǹ zuũ lɛ taman yii. Bɛ̀ a n baa miɛ̃ wa, ǹ nɛnyaanan man goɛ̃ ka min kooron bɛ́ lɔn, a da yaa a taãnbaa li, nɛnyaanan lɛn tá boe la, ǹ Lawa a zaman minin baa.

Korɛnti2 6:14

Ka nyan toa ka kaa sii kaa kun ka goleemali baãnaan nɛ wa. Ǹ minbaa a kɔnpii ka kaa wɔ-n wa. Kaa-kun mɛn nə màn pepere laanka màn baraa bii ni? Wɔlɔ fúlu n siɛ lɔn a n kaa kun ka wɔlɔ tì ni?

Timəə dí-pɛn 14:2

Kaa Lawa, Dɛnaa Lawa din na á ka bɔ á ka koa a din wɔ lɛa. A din na á ka bɔ tɔrɔ kɔsɔn kɛn tumaa bii kanaa, màn mɛn bɛ́ toɛ, ka a dinsɔɔ̃ gɔn màn baa.

Timəə dí-pɛn 7:6

Kaa Lawa, Dɛnaa Lawa din na á ka bɔ á ka koa a din wɔ lɛa. A din na á ka bɔ tɔrɔ kɔsɔn kɛn tumaa bii kanaa, màn mɛn bɛ́ toɛ, ka a dinsɔɔ̃ gɔn màn baa.

Zozoe 22:15

Ǹ nə́ woo Urubɛn tɔrɔn laanka Gaadi tɔrɔn li ka Manaasee tɔrɔn kɛn talɛɛ nɛ Galaati gána nɛ. Ǹ nə́ pɛ ǹ nɛ:

Zozoe 23:12

Sɛnɛ, bɛ̀ ka wusoo ka ka kio ne, ká woo n paraa tɔrɔ kɔsɔn kɛn ganaa, giã nɛ ka bii, bɛ̀ ka kɔn wɔ ma ka ǹ minin ni, bɛ̀ ka n lɔlɔkɔn-a ǹ nɛ,