Ɛsidrasi 7:9 - LAWA A BOO SONBORE

⁹ Sonbore, Ɛsidrasi lɛ na á soo Baabilonii, mui bibinaa a giala kɔ pinaa. A Lawa sonbore lɛ bɛ́ kun ni, a na á dɔ Zeruzalɛmu, lɛ̀ a mui soorobaa ǹ wɔ a giala kɔ pinaa.

LAWA A BOO SONBORE 2011

⁹ Sonbore, Ɛsidrasi lɛ na á soo Baabilonii, mui bibinaa a giala kɔ pinaa. A Lawa sonbore lɛ bɛ́ kun ni, a na á dɔ Zeruzalɛmu, lɛ̀ a mui soorobaa ǹ wɔ a giala kɔ pinaa.

Ɛsidrasi 7:9 Iomraidhean Croise

Ɛsidrasi 7:28

A din kɛ lɛ dɔ na á bǐɛ̃ kɔ ma ganaa kii yɔrɔ-a, ka kii a yiri kɔmala wolen laanka a kiodɛnaa dadaran nɛ. Maa Lawa, Dɛnaa Lawa mɛn goã kun ka ma nɛ, bɛ bɛ́ á foo tãbaa kɔ ma la, má Izirayeli a nyɛɛnaandɛnan sɔkɔn màn mɛn bɛ́ toɛ, ǹ wo kun ma nɛ.

Ɛsidrasi 7:6

Ɛsidrasi lɛ ná n toa *Baabilonii, á daa. A na á goã sɛ́wɔ-kiɛ̃li lɛa, sɛ́wɔ-kiɛ̃li mɛn nə́ ke Muizu a landa sɛ́wɔ kɛ doɛ̃ a tɔ-a. Landa mɛn lɛ á ke, Izirayeli a Lawa, Dɛnaa Lawa goã á kɔ. Ɛsidrasi goã á nɔ̀n da màn mɛn tumaa li, kii lɛ ná a yii kɔ la, a giala Dɛnaa, Lawa goã kɔn li nɛ.

Ɛsidrasi 7:8

Ɛsidrasi na á dɔ Zeruzalɛmu, kii lɛ a kiibaa lɛ̀ sɔbaabaa ǹ wɔ a mui soorobaa ǹ wɔ li.

Ɛsidrasi 8:18

Wɔa Lawa lɛ bɛ́ kun wɔ nɛ, bɛ lɛ na á toa ǹ nə́ tɔ́n giĩ sii-dɔ̃li goon dia wɔ la. Mayili tɔrɔ goon nə ka bɛa giĩ lɛ nɛ, Levii tɔrɔ nɛ, Izirayeli min ni, a tɔ n Serebia. A nɛgiĩn laanka ǹ dɔɔ̃nɔn man min fulukiwisi ǹ nə́ daa kun ni.

Ɛsidrasi 8:22

A giala sìi na á goã ma ganaa, ma kii lɛ nyankɔ máa a sùidɛnaa zia-baalin kɔ, ǹ wɔ tamaa zii la wɔa zɔ́ɔn ganaa. A giala, wɔ n wɔ́ goã wɔ́ pɛ kii lɛ nɛ kɛnɛn: «Min mɛnɛn bɛ́ giɛ wɔa Lawa lɛ li, a n kun ka bɛn nɛ. Sɛnɛ, min mɛnɛn bɛ́ n piɛ̃ nɛ, a foo n yoo-n bɛn li taãn-taãnɛ.»

Ɛsidrasi 8:31

Wɔ n wɔ́ n toa Aawaa tà li, mui bibinaa a lɛawaa fulupaabaa ǹ wɔ pinaa, wɔ́ woo Zeruzalɛmu. Wɔa Lawa lɛ goã kun wɔ nɛ zii tɔ lɛ gɔ́ɔ̃ nɛ, á wɔ si wɔa zɔ́ɔn la, ka kuu-kɔlen kɛn nɛ, minin mànan sii ǹ la ka pàã nɛ.

Ɛsidrasi 8:32

Wɔ́ woo wɔ́ dɔ Zeruzalɛmu, wɔ́ n susu a nɛ wɔ lɛawaa sɔɔ.

Nehemii 2:18

Maa Lawa lɛ bɛ́ á goã kun ma nɛ ka yɔrɔ mɛn nɛ, má tɔn bɛ laakalaa ǹ nɛ. Kii lɛ goã á boon mɛnɛn dɔn da ma nɛ, má bɛn dɔn laakalaa ǹ nɛ. Ǹ nə́ tɔ́n nə n toa: «Ka yoo wɔ kion lɛ dɔ!» Ǹ yoo n ka bɛ nɛ, ǹ nə́ n we bɔ bɛa dí sonbore kɛ lɛ li.

Nehemii 2:8

N sɛ́wɔ lɛ a goon dɔ kɔ ma kɔ kii a daã-lɛduə̃li, Asaafu kɛ la, màn mɛn bɛ́ toɛ a gɔn kɔ ma la, kiwi tamaa ǹ kungɔn ke kunu Lawa a kion lɛ ganaa, ma bɛa kiɛnlɛn zɛnaa nɛ, ka kiwi lɛ a kungɔnɔn nɛ ka ma din bɛ́ re woe giɛ̃ kion mɛn dɔ nɛ.» Kii lɛ bɛa sɛ́wɔn lɛn kɔ ma la, a giala maa Lawa lɛ gɔn goã kun manɛ.

Loen 80:18

N gɔn da minin kɛn la, giã nɛ n din gusin, a da n zaman kɛ la, a pàã n boe n din li.

Izayii 66:14

Ka á re bɛ yii, ka foo á re kɔɔ̃n koe, ka wen nə wusoo ǹ yiikoonaabaa yɛ ka buu bɛ́ lɔn la kio. Min mɛnɛn bɛ́ dí nyɛɛ Dɛnaa Lawa nɛ, á re n pàã nyɛɛ bɛn manɛ. Sɛnɛ, a zɔ́ɔn kɛn tá re a foo yoo kɛa gugurubaa yii.