Ɛsidrasi 7:6 - LAWA A BOO SONBORE

⁶ Ɛsidrasi lɛ ná n toa *Baabilonii, á daa. A na á goã sɛ́wɔ-kiɛ̃li lɛa, sɛ́wɔ-kiɛ̃li mɛn nə́ ke Muizu a landa sɛ́wɔ kɛ doɛ̃ a tɔ-a. Landa mɛn lɛ á ke, Izirayeli a Lawa, Dɛnaa Lawa goã á kɔ. Ɛsidrasi goã á nɔ̀n da màn mɛn tumaa li, kii lɛ ná a yii kɔ la, a giala Dɛnaa, Lawa goã kɔn li nɛ.

LAWA A BOO SONBORE 2011

⁶ Ɛsidrasi lɛ ná n toa *Baabilonii, á daa. A na á goã sɛ́wɔ-kiɛ̃li lɛa, sɛ́wɔ-kiɛ̃li mɛn nə́ ke Muizu a landa sɛ́wɔ kɛ doɛ̃ a tɔ-a. Landa mɛn lɛ á ke, Izirayeli a Lawa, Dɛnaa Lawa goã á kɔ. Ɛsidrasi goã á nɔ̀n da màn mɛn tumaa li, kii lɛ ná a yii kɔ la, a giala Dɛnaa, Lawa goã kɔn li nɛ.

Ɛsidrasi 7:6 Iomraidhean Croise

Siin Giala 32:28

Giĩ lɛ tɔ́n nɔ̀n da la: «N tɔ n die?» A ná a lɛ si: «Ma tɔ n Zakɔba.»

Ɛsidrasi 5:5

Sɛnɛ Lawa goã giɛ Zuifun min golen lɛn walan. Pɛrsi gána minin lɛn nə ǹ kurəə dí lɛ a nyɛɛ ganaa wa, yǎa sii lɛ a boo woo dɔ Dariusu li, a binyəə dɔ wusoo á n bɔyaa á daa.

Ɛsidrasi 6:22

Ǹ nə́ *yɔ bùbaã buuru zɔ́n zɛnaa lɛawaa sɔbaa gɔ́ɔ̃ nɛ, ka nyɛnyɛɛ nɛ. Lawa na á ǹ kã ka nyɛnyɛɛ nɛ, a giala, á Asiirii gána a kii foo bɔyaa, màn mɛn bɛ́ toɛ, kii lɛ nə n yɔrɔ bǐɛ̃ da ǹ la, ka Lawa a kion lɛ a dí ni, Izirayeli a Lawa a kion dí lɛ.

Ɛsidrasi 7:21

Masɛ kii Artagizɛrɛsɛɛsi, man pii Efrati tà a lɛ̀nyɛɛn gɔn la a wɔrɔ-koalin tumaa nɛ, máa Lawa a wúlu-bɔle Ɛsidrasi mɛn lɛ á ke lon a Lawa a dí-pɛn dɔ̃li lɛa, máa bɛ bɛ́ re màn mɛn tumaa nyankoe ǹ la, máa ǹ na a lɛpiɛ̃ kɔ la.

Ɛsidrasi 7:28

A din kɛ lɛ dɔ na á bǐɛ̃ kɔ ma ganaa kii yɔrɔ-a, ka kii a yiri kɔmala wolen laanka a kiodɛnaa dadaran nɛ. Maa Lawa, Dɛnaa Lawa mɛn goã kun ka ma nɛ, bɛ bɛ́ á foo tãbaa kɔ ma la, má Izirayeli a nyɛɛnaandɛnan sɔkɔn màn mɛn bɛ́ toɛ, ǹ wo kun ma nɛ.

Ɛsidrasi 7:5

Abisuwa wɔ n ka Bukii ni, Fineasi wɔ n ka Abisuwa nɛ, Eleyazaara wɔ n ka Fineasi ni, Lawa a wúlu-bɔlen kiã Aarɔn wɔ n ka Eleyazaara nɛ.

Ɛsidrasi 7:9

Sonbore, Ɛsidrasi lɛ na á soo Baabilonii, mui bibinaa a giala kɔ pinaa. A Lawa sonbore lɛ bɛ́ kun ni, a na á dɔ Zeruzalɛmu, lɛ̀ a mui soorobaa ǹ wɔ a giala kɔ pinaa.

Ɛsidrasi 8:1

Kii Artagizɛrɛsɛɛsi a pàã biikoo li, kɛdɛnan mɛnɛn nə goã ǹ nə́ soo kun ma nɛ *Baabilonii gána nɛ, bɛn nə́ ke ka ǹ tɔrɔ basan nɛ.

Ɛsidrasi 8:18

Wɔa Lawa lɛ bɛ́ kun wɔ nɛ, bɛ lɛ na á toa ǹ nə́ tɔ́n giĩ sii-dɔ̃li goon dia wɔ la. Mayili tɔrɔ goon nə ka bɛa giĩ lɛ nɛ, Levii tɔrɔ nɛ, Izirayeli min ni, a tɔ n Serebia. A nɛgiĩn laanka ǹ dɔɔ̃nɔn man min fulukiwisi ǹ nə́ daa kun ni.

Ɛsidrasi 8:22

A giala sìi na á goã ma ganaa, ma kii lɛ nyankɔ máa a sùidɛnaa zia-baalin kɔ, ǹ wɔ tamaa zii la wɔa zɔ́ɔn ganaa. A giala, wɔ n wɔ́ goã wɔ́ pɛ kii lɛ nɛ kɛnɛn: «Min mɛnɛn bɛ́ giɛ wɔa Lawa lɛ li, a n kun ka bɛn nɛ. Sɛnɛ, min mɛnɛn bɛ́ n piɛ̃ nɛ, a foo n yoo-n bɛn li taãn-taãnɛ.»

Ɛsidrasi 8:31

Wɔ n wɔ́ n toa Aawaa tà li, mui bibinaa a lɛawaa fulupaabaa ǹ wɔ pinaa, wɔ́ woo Zeruzalɛmu. Wɔa Lawa lɛ goã kun wɔ nɛ zii tɔ lɛ gɔ́ɔ̃ nɛ, á wɔ si wɔa zɔ́ɔn la, ka kuu-kɔlen kɛn nɛ, minin mànan sii ǹ la ka pàã nɛ.

Nehemii 12:26

Zozoe a nɛgiĩ Zozakimu ke, Zozadaaki a nɔ̀ɔn lɛa, bɛa biikoo ne, bɛa minin kɛn lɛn nə́ goã dí nyɛɛ. Ǹ nə́ goã dí nyɛɛ pàãdɛnaa Nehemii dɔ a biikoo li, ka Lawa a wúlu-bɔle Ɛsidrasi, landa sii-daraali kɛ dɔ wɔ nɛ.

Nehemii 12:36

bɛ laanka ǹ dɔɔ̃nɔn nɛ, Semayia nɛ, Azareli ni, Milatayii ni, Gilayii ni, Mayii ni, Netaneyeli ni, Yewudaa nɛ, ka Hananii ni, ǹ dɔn nə́ goã tɔ lɛ we. Davida lɛ, Lawa a min lɛa, bɛa da loe li ǹ mànan man nə́ goã ǹ gɔn. Landa sii-daraali Ɛsidrasi na á goã ǹ nyɛɛnɛ.

Nehemii 2:12

Bɛ kio, má yoo tèlò-n, kun ka giĩ lɛ dan kɔn nɛ, maa Lawa lɛ goã á màn mɛn wɔ ma foo ne, mà ma zɛnaa Zeruzalɛmu wɔ paǹ li, ma bɛ boo da min kɔn nɛ wa. Tɔɔ kɔsɔ goã kun ka ma-n wa, bɛ̀ á n bɔ kɛ nɛ ma din goã má dii la.

Nehemii 2:18

Maa Lawa lɛ bɛ́ á goã kun ma nɛ ka yɔrɔ mɛn nɛ, má tɔn bɛ laakalaa ǹ nɛ. Kii lɛ goã á boon mɛnɛn dɔn da ma nɛ, má bɛn dɔn laakalaa ǹ nɛ. Ǹ nə́ tɔ́n nə n toa: «Ka yoo wɔ kion lɛ dɔ!» Ǹ yoo n ka bɛ nɛ, ǹ nə́ n we bɔ bɛa dí sonbore kɛ lɛ li.

Nehemii 2:8

N sɛ́wɔ lɛ a goon dɔ kɔ ma kɔ kii a daã-lɛduə̃li, Asaafu kɛ la, màn mɛn bɛ́ toɛ a gɔn kɔ ma la, kiwi tamaa ǹ kungɔn ke kunu Lawa a kion lɛ ganaa, ma bɛa kiɛnlɛn zɛnaa nɛ, ka kiwi lɛ a kungɔnɔn nɛ ka ma din bɛ́ re woe giɛ̃ kion mɛn dɔ nɛ.» Kii lɛ bɛa sɛ́wɔn lɛn kɔ ma la, a giala maa Lawa lɛ gɔn goã kun manɛ.

Nehemii 4:15

Wɔ́ goã dí lɛ nyɛɛ. Sɛmiɛ̃n man nə́ goã wɔa talɛɛ gɔn, a kũ wɔlɔ a fulii ganaa a wo leeren bɔ biikoo yaa.

Nehemii 8:1

Lɛ̀ a mui sɔbaabaa ǹ wɔ a lɛawaa sɔbaabaa ǹ wɔ, zaman lɛ tumaa kɔn ma, ǹ nə́ woo n lɛ sɔkɔn Zeruzalɛmu, bǎã kɛ nɛ mu kiɛnlɛ kɛ yɔrɔ-a. Ǹ nə́ tɔ́n pɛ landa sii-daraali Ɛsidrasi ni, mà a da ka dí-pɛn sɛ́wɔ kɛ nɛ, Dɛnaa Lawa goã á kɔ Muizu la Izirayeli tɔrɔn wɔ lɛa. Ɛsidrasi daa ka bɛa sɛ́wɔ lɛ nɛ zaman lɛ yɔrɔ-a. Giĩn laanka lɔn maǹ nə́ goã bǎã lɛ nɛ, ka min mɛn tumaa goã boe la, ǹ nə́ boo giala miɛ.

Nehemii 8:13

A lɛawaa paabaa ǹ wɔ pinaa, zaman lɛ tumaa a kɛdɛnan nɛ, Lawa a wúlu-bɔlen laanka Levii tɔrɔn nɛ, ǹ nə́ n sɔkɔn Ɛsidrasi landa sii-daraali genli, màn mɛn bɛ́ toɛ ǹ dí-pɛn sɛ́wɔ lɛ a boon woo ǹ bǎã yɛ sɔnbɔraanɛ.

Nehemii 8:4

Landa sii-daraali Ɛsidrasi lɛ na á goã gɔn banbaran la lon. Bɛa gɔn banbaran lɛ ná n da bii-a sii lɛ taman yii. Min mɛnɛn nə goã golee ne Ɛsidrasi lɛ genli, bɛn nə́ ke: a gusin wɔlɔ-a, Matitia nɛ, Semaa nɛ, Anaaya nɛ, Uriya nɛ, Ilkiya nɛ, ka Maaseya nɛ. A gɔsɛ wɔlɔ-a, Pedayia nɛ, Misayeli ni, Malkiya nɛ, Hasmu ni, Hasibadanaa nɛ, Zekaria laanka Mesulaamu ni.

Nehemii 8:9

Min mɛnɛn nə goã sii lɛ yɔrɔ nyɛɛ zaman lɛ nɛ, pàãdɛnaa Nehemii lɛ nɛ, Lawa a wúlu-bɔle Ɛsidrasi landa sii-daraali lɛ nɛ, ka Levii tɔrɔn lɛn nɛ, bɛn nə́ pɛ zaman lɛ tumaa nɛ: «Pelo a lɛawaa kɛ ná á n kɔ ka Lawa, Dɛnaa Lawa lɛ la. Ka foo baran goã ziziɛ̃ nɛ ka gɛ̀ na á gã ǹ la wa, ka baran wuu pɛ wa.» A giala zaman lɛ tumaa na á goã wuu pii bɛ̀ ǹ bɛ́ dí-pɛn sɛ́wɔ lɛ a boon miɛ.

Nehemii 9:13

Ń gisĩ Sinayii kele kɛ la, ń nə́ n toa lon ń boo da ǹ nɛ. Ń sii yɔrɔ bɔ ǹ boo peperen kɔ ǹ la, ka dí-pɛn boo taãnan nɛ, ka landa boon laanka gɔn waa ǹ boo sonboren ne.

Loen 109:27

Dɛnaa Lawa, toa ǹ nə n din pàã kɛ dɔ̃, toa ǹ dɔ̃, mà n din nə́ ń dí kɛ nya.

Loen 147:19

A din na a boo nyɛɛ Zakɔba tɔrɔn manɛ. A na a landan laanka a dí-pɛn koe Izirayeli minin la.

Loen 45:1

Koore a minin loe. A n boe loe-saalin goledɛnaa a sɛ́wɔ nɛ. A nə n loe tùtu wuu li. Kɔn narɛ ǹ loe ne.

Loen 80:18

N gɔn da minin kɛn la, giã nɛ n din gusin, a da n zaman kɛ la, a pàã n boe n din li.

Suusun 3:6

N sii zɛnaan tumaa gɔ́ɔ̃ nɛ, toa n na a din dɔ̃, á re n nyɛɛnaan boe.

Izayii 50:2

Ma bɛ́ ma daa, wàa na á baa ma da min kɔn yaa wa? Má lɛ dia, min kɔn ma lɛ si wa. Wàa na á baa kəni? Ka ǹ taasɛ mà maa boe la ma ka si ma ka kaa wa? Kaa kirisibaa ǹ pàã na a ba ma lon wa? A da yaa, maa paraa-mali dinsɔɔ̃ n yìsi mu piɛ̃ ka daɛ̃. Man tà bɔyɛɛ ma baa diə lɛa. Mu wɛɛ taman yii, zɔ̀nɔn man giɛ̃, ǹ bɔɔ̃.

Izayii 59:1

Taãn nɛ, Dɛnaa Lawa gɔn ba kunu á la yii ni kirisibaa ganaa wa, a too dɔ bie á tã á la yii ni boo miɛ ganaa wa!

Zeremii 8:8

A n siɛ lɔn ka á pii: «Wɔ n sii-dɔ̃len lɛa, Dɛnaa Lawa a dí-pɛ lɛ n wɔ dinin gɔn.» Sonbore, sɛ́wɔ-kiɛ̃lin lɛn man soɛ-bɔlen lɛa, maǹ dí-pɛ ǹ boon lɛn kɔkɔrɔ koe.

Matiə 13:52

Á tɔ́n pɛ ǹ nɛ: «Bɛ lɛ na á toa, landa sii-daraalin tá re yii, ǹ Lawa dɔ̃ ǹ kii lɛa. Bɛn lɛn man kɔnboe ka kiondɛnaa kɔ́n nɛ, gɔn màn dii laanka a zizi boe a naforo ne.»

Matiə 23:2

«Minin daraa Muizu a Landa siin ganaa na á n baa landa sii-daraalin laanka *Fariziɛ̃n dí lɛa.

Matiə 28:20

Ma dí mɛn tumaa pɛ ka nɛ, ka ǹ daraa ǹ ganaa ǹ nə ǹ nya. Ka dɔ̃: Ma á kun ka-n baraabaraa, yǎa kanaa a nya pinaa.»

Korɛnti1 1:20

Ka bɛ nɛ, Lawa nyaa ǹ nɛ, mà kanaa a sii-doɛ̃ siin kɛn lɛn dinin man gàãnaabaa lɛa. Sii-dɔ̃lin man pii mà wàa? Sɛ́wɔ-dɔ̃len man pii mà wàa? Boo doɛ̃ wole dadaran kɛn dɔn man pii mà wàa?

Korɛnti1 15:1

Ma dɔɔ̃nɔn lɛn, ma Boo Tii Kɔɔ̃n mɛn laakalaa ka nɛ, ka si, ka foo n tɔn doa-n a ganaa, man wusii ma á ka yiri diɛ bɛ nɛ.

Timəə dí-pɛn 28:1

Bɛ̀ ká ma bɔlɔ si, ma bɛ́ gɔn waa ǹ boon mɛnɛn tumaa koe ka la pelo, bɛ̀ ká n yiri koa bɛn li ká kɔ ǹ lɛ, kaa Lawa, Dɛnaa Lawa lɛ á re ka siɛ lon, a ka koa kanaa a tɔrɔn tumaa mìi la.

Timəə dí-pɛn 4:5

Ma á ke má ka daraa landa boon laanka sii yɔrɔ bɔ ǹ boon lɛn ganaa, ka maa Lawa, Dɛnaa Lawa bɛ́ á n gɔn waa ma-n lɔn. Ma pɛ ka-n lɔn, ka bɛ́ re kiɛ gána mɛn lɛ nɛ, ka si ka baa kaa wɔ lɛa, ka zɛnaa walan miɛ̃.