Ɛsidrasi 7:5 - LAWA A BOO SONBORE

⁵ Abisuwa wɔ n ka Bukii ni, Fineasi wɔ n ka Abisuwa nɛ, Eleyazaara wɔ n ka Fineasi ni, Lawa a wúlu-bɔlen kiã Aarɔn wɔ n ka Eleyazaara nɛ.

LAWA A BOO SONBORE 2011

⁵ Abisuwa wɔ n ka Bukii ni, Fineasi wɔ n ka Abisuwa nɛ, Eleyazaara wɔ n ka Fineasi ni, Lawa a wúlu-bɔlen kiã Aarɔn wɔ n ka Eleyazaara nɛ.

Ɛsidrasi 7:5 Iomraidhean Croise

KZS1 6:4

Merarii a nɛnyaanan man ka kɛn nɛ: Mayili laanka Musi ni. Digolon mɛnɛn tɔ bɛ́ *Levii tɔrɔn tanlɛn ganaa, ǹ dinin lɛn man ka kɛn nɛ.

KZS2 19:11

Sii mɛn tumaa bɛ́ Dɛnaa Lawa a paǹ li, Lawa a wúlu-bɔle gole Amariya kɛ á re goɛ̃ ka mìi la. Sii mɛn tumaa bɛ́ woe kii a paǹ li, Isimayeli a nɛgiĩ Zebedia ke Zudaa tɔrɔn goledɛnaa lɛa, bɛ á re kaa mìilandɛnaa biɛ. Levii tɔrɔn tá re goɛ̃ ka li, sɛ́wɔ-kiɛ̃lin lɛa. Ka n foo taã, ka dí nya. Dɛnaa Lawa die a n dɔ sii bǐɛ̃-zɛnaalin lɛ!»

KZS2 26:20

Lawa a wúlu-bɔlen kiã Azaria laanka Lawa a wúlu-bɔle gialakunun lɛn bɛ́ giɛ a ganaa, ǹ yii n gɔ̀nɔn ki busu babaraa lɛ ganaa soe a nyanlɛ-a. Ǹ nə́ loo fufuu. A dinmaa dɔ nə n nanaa á soo, a giala, Dɛnaa Lawa gɔn kũ.

Ɛsidrasi 7:4

Zerayaa wɔ n ka Merayɔti ni, Uzii wɔ n ka Zerayaa nɛ, Bukii wɔ n ka Uzii ni,

Ɛsidrasi 7:6

Ɛsidrasi lɛ ná n toa *Baabilonii, á daa. A na á goã sɛ́wɔ-kiɛ̃li lɛa, sɛ́wɔ-kiɛ̃li mɛn nə́ ke Muizu a landa sɛ́wɔ kɛ doɛ̃ a tɔ-a. Landa mɛn lɛ á ke, Izirayeli a Lawa, Dɛnaa Lawa goã á kɔ. Ɛsidrasi goã á nɔ̀n da màn mɛn tumaa li, kii lɛ ná a yii kɔ la, a giala Dɛnaa, Lawa goã kɔn li nɛ.

Bɔ bɛ̀rɛbaa nɛ 6:25

Aarɔn a nɛgiĩ Eleyazaara na á Putiɛli a nɛlɔ goon saa lɔ lɛa. Á Pinasi yɛ la. Levii a minin kɛdɛnan man bɛn nɛ, a n kɔnpii ǹ tanlɛn nɛ.

Lawa a wúlu-bɔlen 10:12

Bɛ kio, Muizu pɛ Aarɔn nɛ, a din laanka a nɛgiĩn mɛnɛn nə goã ǹ yii n koo, Eleyazaara laanka Itamaara nɛ: Ka Lawa gɔ ǹ wùsu lɛ saa, Dɛnaa Lawa wɔ gii mɛn doamaa bɛ́ a n tã, ka bɛ bɔ a nɛ, ka tɔn gialakun kɛ da buuru lɛa, yɔ bù ná a ba li wa, ka sɔ̃ *wúlu bɔ ǹ bǎã lɛ genli. A giala, Lawa dinsɔɔ̃ a màn nɛ.

Lawa a wúlu-bɔlen 10:16

Ǹ butumu mɛn kɔ sii baraa sawaa ǹ wúlu màn lɛa, Muizu nɔ̀n da ka bɛ dɔ a sii ni. A bɛ́ re màn mɛn miɛ̃, mà ǹ ná a siĩ tã. Aarɔn a nɛgiĩn mɛnɛn lɛn nə goã ǹ yii n koo, Eleyazaara laanka Itamaara nɛ, a foo yoo bɛn li. Á tɔ́n pɛ ǹ nɛ:

Lawa a wúlu-bɔlen 10:6

Muizu tɔ́n pɛ a nɛgiĩ min paa kɔsɔn kɛn manɛ, Eleyazaara laanka Itamaara nɛ: Ka baran n mìi ka toa lɔloɛ-n kɔn wa, ka baran kaa mɔnaan tɔtoɛ̃, ka pɛ mà ka n kaa foo ziziɛ̃ nyɛɛ wa. Bɛ̀ ka bɛ zɛnaa, ka á re giɛ̃. Ka á re toɛ dɔn, Lawa foo yoo zaman lɛ tumaa li. Dɛnaa Lawa min mɛnɛn lɛn dɛ ka tɛ nɛ, ka toa ka dɔɔ̃n Izirayeli minin gialakunun tumaa bɛn gɛ̀ wuu pɛ.

Minin nimi 27:2

Ka ǹ kɔn nɛ, Selofadi a nɛlɔ sooro lɛ daa golee Muizu laanka Lawa a wúlu-bɔle Eleyazaara yɔrɔ-a, ka nyɛɛnaandɛnan laanka zaman lɛ tumaa yɔrɔ-a, kɔn yɛ ka Lawa nɛ ǹ kion kɛ a kiɛnlɛ-a, ǹ nə́ pɛ:

Minin nimi 3:32

Levii tɔrɔn lɛn goledɛnaa gole na á goã ka Lawa a wúlu-bɔle Aarɔn a nɛgiĩ Eleyazaara nɛ. Min mɛnɛn nə goã Lawa a kion lɛ a dí nyɛɛ, bɛn sii na á goã asɛ gɔn.

Minin nimi 31:31

Dɛnaa Lawa màn mɛn pɛ Muizu ni, Muizu lɛ laanka Lawa a wúlu-bɔle Eleyazaara bɛa sii zɛnaa.

Minin nimi 31:54

Sɔraasin goledɛnan lɛn nə da ka sanan mànan mɛnɛn lɛn nɛ, Muizu laanka Lawa a wúlu bole Eleyazaara bɛn tumaa si, ǹ nə́ woo ǹ ne kɔn yɛ ka Lawa nɛ ǹ kion kɛ nɛ, màn mɛn bɛ́ toɛ a n baa Izirayeli minin lɛn yiri gisĩ sii ni ǹ màn lɛa, Dɛnaa Lawa yɔrɔ-a.

Minin nimi 31:6

Muizu nə́ ǹ tumaa dia zia lɛ la, Eleyazaara a nɛgiĩ Pinasi Lawa a wúlu-bɔle kɛ ń kunun ǹ ni. Asɛ na á goã Lawa a dí nya ǹ màn sonboren kɛn guĩ, ka bɛnɛn kɛn nɛ, ǹ nə́ gòon yiɛ minin ganaa ǹ nɛ.

Ebrəə 5:4

Min kɔ́n ba boe la, a wúlu-bɔlen kiãbaa lɛ a gugurubaa kɛ kɔ a din la wa. Lawa a bíi-wɔ n biɛ a lɛa, ka a bɛ́ á n zɛnaa Aarɔn nɛ lɔn.

Zozoe 14:1

Izirayeli minin lɛn nə bǎãn mɛnɛn yɛ ǹ kíɛ̃ lɛa Kanaan gána nɛ, bɛn man ka kɛn nɛ. Lawa a wúlu-bɔle Eleyazaara nɛ, Nunu a nɛgiĩ Zozoe laanka Izirayeli tɔrɔn lɛn kɛdɛnan man nə́ bɛa bǎãn lɛn gii Izirayeli minin lɛn bii, ǹ kíɛ̃ lɛa.

Zozoe 22:13

Ǹ nə́ Lawa a wúlu-bɔle Eleyazaara a nɛgiĩ Pineyasi dia Galaati gána nɛ Urubɛn tɔrɔn li, Gaadi tɔrɔn li, ka Manaasee tɔrɔn kɛn talɛɛ nɛ lɛ̀giala-n.

Zozoe 22:31

Lawa a wúlu-bɔle Eleyazaara a nɛgiĩ Pineyasi tɔ́n pɛ ǹ nɛ: «Wɔ dɔ̃ pelo, wɔ́ Dɛnaa Lawa tá kun ka wɔ nɛ. Wɔsɛn dɔn nə goã nyɛ́ɛ biɛ sii babaraa mɛn nɛ, ka bɛ la Dɛnaa Lawa la wa. A zɛnaa kɛnɛn ke, ka n ka Izirayeli minin tumaa kanbaa Dɛnaa Lawa a dɔlɔ ganaa.»

Zozoe 24:33

Aarɔn a nɛgiĩ Eleyazaara dɔ́ gã. Kele bǎã mɛn dɔ a nɛgiĩ Pinaasi ganaa, ǹ ná a gere bĩ walan. Maǹ nə́ goã ǹ nə́ bɛa bǎã lɛ kɔ la Efrayimu kele yii ni.