Ɛsidrasi 6:1 - LAWA A BOO SONBORE

¹ Kii Dariusu tɔ́n pɛ, ka ga sɛ́wɔ zizin kɛn nɛ, koa nɛ kii gɔn mànan koa ǹ bǎã nɛ, *Baabilonii lɛ-n walan.

LAWA A BOO SONBORE 2011

¹ Kii Dariusu tɔ́n pɛ, ka ga sɛ́wɔ zizin kɛn nɛ, koa nɛ kii gɔn mànan koa ǹ bǎã nɛ, *Baabilonii lɛ-n walan.

Ɛsidrasi 6:1 Iomraidhean Croise

Ɛsidrasi 4:15

màn mɛn bɛ́ toɛ, ǹ sii gɔsɛ ǹ ga a woo ǹ bǎã li, n din digolon boo zizin sɛ́wɔ kɛ nɛ. Bɛa sɛ́wɔ lɛ nɛ, n tá re yii, mà kiwi kɛ lɛ n kiwi piã-wɔle lɛa, kiin laanka gána a bǎãn sii ziziɛ̃. A kũ biikoo sɔsɔɔ ganaa, maǹ gòãn dii ǹ siin zɛnɛɛ a nɛ. Bɛ lɛ nɛ ǹ nə́ bɛa kiwi kɛ lɛ yu, ǹ nə́ ziziɛ̃.

Ɛsidrasi 4:19

Má pɛ máa ǹ sii lɛ gɔsɛ ǹ ga a woo ǹ bǎã li. Ǹ nə́ yɛ, mà a kũ biikoo sɔsɔɔ ganaa, mà kiwi kɛ lɛ n yui kiin gialaa, mà a dí n ka gòãn-dii ni.

Ɛsidrasi 5:17

Kanna kəni, bɛ̀ á kɔɔ̃n kɔ kii lɛ ganaa, ka die ka ga kii gɔn mànan koa ǹ bǎã kɛ-n walan Baabilonii, màn mɛn bɛ́ toɛ ka dɔ̃, bɛ̀ kii Siirusu lɛ pɛ sonbore, mà wɔ Lawa a kion kɛ lɛ dɔ Zeruzalɛmu. Bɛ kio, kii lɛ lɛ die a dɔ wɔsɛn ganaa, a na a taasiɛ nyaa wɔsɛn manɛ bɛa sii lɛ wɔ paǹ li.

Ɛsidrasi 6:22

Ǹ nə́ *yɔ bùbaã buuru zɔ́n zɛnaa lɛawaa sɔbaa gɔ́ɔ̃ nɛ, ka nyɛnyɛɛ nɛ. Lawa na á ǹ kã ka nyɛnyɛɛ nɛ, a giala, á Asiirii gána a kii foo bɔyaa, màn mɛn bɛ́ toɛ, kii lɛ nə n yɔrɔ bǐɛ̃ da ǹ la, ka Lawa a kion lɛ a dí ni, Izirayeli a Lawa a kion dí lɛ.

Ɛsidrasi 7:13

Man kɛ pii: maa gána lɛ nɛ, Izirayeli tɔrɔn lɛn bii, a wúlu-bɔlen lɛn laanka a Levii tɔrɔn lɛn bii, bɛ̀ min mɛn bɔ a din ni, mà asɛ á woe Zeruzalɛmu, ǹ dɛnaa die a wo kunun ǹ ni.

Zɔbu 29:16

Nɔmaa-wɔlen kɛn, man má goã bɛn díi lɛa. Tii a kiri sii, man gɔsiɛ taãn-taãnɛ.

Loen 40:7

N lɛ kɔ *wúlu màn laanka gɔ ǹ màn ganaa wa. Ń bɛ pɛ, á kaa ma too yala-n. N lɛ kɔ wúlu màn tiɛ̃ laanka sii baraa sawaa ǹ wúlu màn ganaa wa.

Suusun 25:2

Dɛnaa Lawa a sii zɛnaa ka durii-n na a tɔ guguru koe. Sii duriin doɛ̃ n tɔ koe kiin la.

Zeremii 36:29

N tá re pii Zudaan kii Zozakimu ni mà Dɛnaa Lawa n kɛ pii: «Zeremii goã á kiɛ̃ mà sàabaa ba la wa mà Baabiloniin kii á re die gána kɛ ziziɛ̃, a na a minbuiin nɛn laanka a tɔɔn dɛ. N nə́ n Zeremii zɛ̀rɛbaa ka bɛ lɛ nɛ, n tɛ da sɛ́wɔ munii lɛ ganaa.»

Zeremii 36:32

Zeremii sɛ́wɔ munii kɔsɔ saa, á kɔ Neriya a nɛgiĩ sɛ́wɔ-kiɛ̃li Baruku la. Zeremii goã boon mɛnɛn pii ni, á bɛn kiɛ̃ la: Sɛ́wɔ munii bibinaa kɛa boon manɛ Zudaan kii Zozakimu nə́ ǹ tã, ka a kɔnboe kɔsɔn dɔn nɛ.

Ezekieli 2:9

Ma bɛ́ giɛ, bɛ̀ gɔn goon nə́ ke dia-n ma la, ka sɛ́wɔ-munii ná a nɛ.

Ezekieli 3:1

Min mɛn lɛ bɛ́ boo diɛ ma nɛ, bɛ́ tɔ́n pɛ: Nsɛ minbuiin a nɛ, sɛ́wɔ-munii kɛ si n sɔ̃, bɛ kio, n tɔn wo boo da ka Izirayeli tɔrɔn lɛn nɛ.

Sii-nyaan 5:1

Min mɛn bɛ́ giã-n tán kii dankan nɛ, má sɛ́wɔ yɛ a gusin a gɔn nɛ, sɛ́wɔ lɛ gɔ́ɔ̃ kiɛ̃maa nɛ, ka a dɔ̀ɔ̃ nɛ, ǹ ná a lɛ tã ka zoo gón ne wɔlɔ sɔbaa, ǹ nə́ n gòon bǎã da a nɛ.