Ɛsidrasi 3:5 - LAWA A BOO SONBORE

⁵ Bɛ kio, wúlu mɛn doamaa bɛ́ nɛ a n bɔ baraabaraa ka wúlu màn tiɛ̃ nɛ, ǹ nə́ goã bɛ boe. Ǹ nə́ goã wúlu dɔ boe ka wúlu màn tiɛ̃n nɛ, ǹ mui dii zɔ́nɔn wɔn lɛa, ka biikoon mɛnɛn tumaa bɛ́ ǹ nə́ ǹ kɔ Dɛnaa Lawa la. Bɛ̀ á yoo bɛ la, wúlu mànan kɛn manɛ didie goã giɛ li mà a bɔ foo sii màn lɛa Dɛnaa Lawa nɛ.

LAWA A BOO SONBORE 2011

⁵ Bɛ kio, wúlu mɛn doamaa bɛ́ nɛ a n bɔ baraabaraa ka wúlu màn tiɛ̃ nɛ, ǹ nə́ goã bɛ boe. Ǹ nə́ goã wúlu dɔ boe ka wúlu màn tiɛ̃n nɛ, ǹ mui dii zɔ́nɔn wɔn lɛa, ka biikoon mɛnɛn tumaa bɛ́ ǹ nə́ ǹ kɔ Dɛnaa Lawa la. Bɛ̀ á yoo bɛ la, wúlu mànan kɛn manɛ didie goã giɛ li mà a bɔ foo sii màn lɛa Dɛnaa Lawa nɛ.

Ɛsidrasi 3:5 Iomraidhean Croise

KZS2 31:14

Imunaa a nɛgiĩ Koree ke Levii tɔrɔ lɛa, bɛ n lɛ̀ giala kiɛnlɛ kɛa lɛduə̃li lɛa. Foo sii mànan kɛn ǹ tá ǹ koe Dɛnaa Lawa la, a din ni bɛn mìi la. Ǹ mànan mɛnɛn kɔ Dɛnaa Lawa wɔ lɛa, ka màn sonboren kɛn nɛ, a din nə bɛn gii.

Ɛsidrasi 3:6

Lɛ̀ a mui sɔbaabaa ǹ wɔ lɛ a giala kɔ pinaa gɔrɔ, ǹ ná a giala kɔ, ǹ nə́ wúlu mànan tã Dɛnaa Lawa wɔ lɛa, a da yaa Lawa a kion lɛ gòã tɔn nə n daa bɔrɔ wa.

Nehemii 10:34

buuru ke ǹ ná a pàla boe Lawa yɔrɔ-a, bɛ wɔ lɛa, *wúlu màn ke ǹ nə́ Lawa goe ne baraabaraa, bɛ wɔ lɛa, wúlu màn ke ǹ nə́ tiɛ̃ baraabaraa, bɛ wɔ lɛa, susu ǹ pii wɔ lɛa, mui dii zɔ́nɔn wɔ lɛa, zɔ́n kɔsɔn wɔ lɛa, ǹ mànan mɛnɛn kɔ Lawa la bɛn wɔ lɛa, Izirayeli a sii baraan sawaa ǹ wúlu mànan wɔ lɛa, wɔa Lawa a kion lɛ a dí tumaa wɔ lɛa.

Zeremii 33:18

*Levii tɔrɔn tá re yii biikoo yii li ǹ Lawa a wúlu-bɔle baa ǹ dí nya masɛ nɛ. Ǹ tá re *wúlu màn tiɛ̃n boe, ǹ Lawa gɔ ǹ mànan gìĩ kaa ma nyin ni, ǹ wúlu mànan kɔ ma la baraabaraa.»

Lawa a wúlu-bɔlen 1:2

A pɛ Izirayeli minin lɛn manɛ: Bɛ̀ ǹ mɛn tá die Lawa gɔ ǹ màn koe Dɛnaa Lawa la, a doamaa nɛ a da ka tɔɔ gole hinlaa ka a boɛɛn nɛ, Lawa gɔ ǹ wɔ lɛa.

Lawa a wúlu-bɔlen 1:3

Bɛ̀ tɔɔ gole ne, a n die biɛ *wúlu màn tiɛ̃ lɛa, a doamaa nɛ a da ka dii gɔ̀lɔ̀ nɛ, wɔ̀lɔ ná a ba a ganaa wa. A doamaa nɛ a da nɛ kɔn yɛ ka Lawa nɛ ǹ kion lɛ a kiɛnlɛ-a, Dɛnaa Lawa tɔn lɛ kɔ, bɛa dɛnaa golee a yɔrɔ-a.

Lawa a wúlu-bɔlen 23:2

Boo da ka Izirayeli minin lɛn nɛ n pɛ ǹ nɛ: Masɛ Dɛnaa Lawa lɛawaa dadaran mɛnɛn koa, ka doamaa nɛ, ka n lɛ sɔkɔn bɛa lɛawaan lɛn li, ka ma guguru kɔ. Maa lɛawaa dadaran lɛn man ka kɛn nɛ:

Minin nimi 28:14

Ǹ Lawa gɔ ǹ duvɛ̃ litiri sɔɔ da kun ka dii gɔ̀lɔ̀ lɛ gogoonmaa nɛ, a litiri paa nə n da kun ka sère gɔ̀lɔ̀ kɛ nɛ, a litiri goon ka talɛɛ nə n da kun ka sère nɛ lɛ a gogoonmaa nɛ. Ǹ bɛ́ re wúlu mànan mɛnɛn boe lɛ̀ a mui gogoonmaa a giala kɔ li, bɛn man ke.

Minin nimi 28:19

Ka dii gɔ̀lɔ̀ paa kɔ Dɛnaa Lawa la wúlu màn tiɛ̃ lɛa, ka sère gɔ̀lɔ̀ goon laanka lɛ̀ goon sère nɛ sɔbaa nɛ, wɔ̀lɔ̀ ná a ba ǹ kɔn ganaa wa.

Minin nimi 28:27

Ka die ka dii gɔ̀lɔ̀ paa baa wúlu màn tiɛ̃ lɛa, ka sère gɔ̀lɔ̀ goon laanka lɛ̀ goon sère nɛ sɔbaa nɛ. A gìĩ kɔɔ᷉n Dɛnaa Lawa ganaa.

Minin nimi 29:13

A lɛawaa bibinaa li, ka dii gɔ̀lɔ̀ fulusɔɔ baa wúlu màn tiɛ̃ gìĩ kɔɔ̃n lɛa, ka sère gɔ̀lɔ̀ paa laanka lɛ̀ goon sère nɛ fulusii ni, ka ǹ kɔ masɛ Dɛnaa Lawa la. Ka baran toa wɔ̀lɔ̀ goã ǹ kɔn ganaa wa.

Minin nimi 29:2

Ka die ka dii gɔ̀lɔ̀ goon baa wúlu màntiɛ̃ gìĩ kɔɔ̃n lɛa, ka sère gɔ̀lɔ̀ goon laanka lɛ̀ goon sère nɛ sɔbaa nɛ, ka ǹ kɔ Dɛnaa Lawa la. Ka baran toa wɔ̀lɔ̀ goã ǹ kɔn ganaa wa.

Minin nimi 29:39

Ka die ka bɛa mànan kɛn lɛn kɔ Dɛnaa Lawa la, kaa lɛawaa dadaran pinaa, ka ǹ kaa kaa lɛ kɔ ǹ wúlu mànan kɛn la, ka ka bɛ́ wúlu mànan mɛnɛn boe ka dinin li, wúlu màn tiɛ̃n nɛ, Lawa gɔ ǹ wùsu ni, Lawa gɔ ǹ duvɛ̃ nɛ, ka barka da ǹ wúlu mànan nɛ.»

Minin nimi 29:8

Ka die ka dii gɔ̀lɔ̀ goon baa wúlu màn tiɛ̃ gìĩ kɔɔ̃n lɛa, ka sère gɔ̀lɔ̀ goon laanka lɛ̀ goon sère nɛ sɔbaa nɛ, ka ǹ kɔ Dɛnaa Lawa la. Ka baran toa wɔ̀lɔ̀ goã ǹ kɔn ganaa wa.

Timəə dí-pɛn 12:17

Mànan fùbaa ǹ wɔ mɛn doamaa bɛ́ nɛ a n kɔ Lawa la, ka doamaa bie ka bɛ bii ka dinin piɛ wa: *Belee ne, duvɛ̃ nɛ, nyɔɔ nɛ, tɔɔ dadaran laanka a bisinin nɛ bibinaan nɛ, ka bɛ́ re n lɛ koe Lawa la ka mànan mɛnɛn nɛ, foo kɔɔ̃nbaa ǹ wúlu mànan laanka Lawa gɔ ǹ wɔn nɛ.

Timəə dí-pɛn 12:6

Ka á re die ka kaa *wúlu màn tiɛ̃n nɛ walan, kaa barka da ǹ wúlu mànan nɛ, kaa mànan fùfùbaa ǹ wɔn nɛ, kaa Lawa gɔ ǹ mànan nɛ, kaa lɛ kɔ Lawa la ǹ wɔn nɛ, foo kɔɔ̃nbaa ǹ wɔn nɛ, kaa tɔɔ dadaran laanka a bisinin nɛ bibinaan nɛ.