Ɛsidrasi 3:1 - LAWA A BOO SONBORE

¹ Lɛ̀ a mui sɔbaabaa ǹ wɔ daa á dɔ, Izirayeli nɛnyaanan lɛn nə́ goã ǹ kiwin ni. Zaman lɛ tumaa tɔ́n na a wɔ baa goon, ǹ nə́ n sɔkɔn Zeruzalɛmu.

LAWA A BOO SONBORE 2011

¹ Lɛ̀ a mui sɔbaabaa ǹ wɔ daa á dɔ, Izirayeli nɛnyaanan lɛn nə́ goã ǹ kiwin ni. Zaman lɛ tumaa tɔ́n na a wɔ baa goon, ǹ nə́ n sɔkɔn Zeruzalɛmu.

Ɛsidrasi 3:1 Iomraidhean Croise

Nehemii 7:72

Bɛ kio, Lawa a wúlu-bɔlen ne, Levii tɔrɔn nɛ, kiɛnlɛ-lɛduə̃lin ni, kɔlɔn nɛ, zaman lɛ gialakun ni, Lawa a kion dí-nyalin ni, ka Izirayeli minin tumaa nɛ, ǹ nə́ giã ǹ kiwin ni. Lɛ̀ a mui sɔbaabaa ǹ wɔ dɔ á daa yaa, bɛ̀ Izirayeli tɔrɔn lɛn tá giã nɛ ǹ kiwin ni.

Nehemii 8:1

Lɛ̀ a mui sɔbaabaa ǹ wɔ a lɛawaa sɔbaabaa ǹ wɔ, zaman lɛ tumaa kɔn ma, ǹ nə́ woo n lɛ sɔkɔn Zeruzalɛmu, bǎã kɛ nɛ mu kiɛnlɛ kɛ yɔrɔ-a. Ǹ nə́ tɔ́n pɛ landa sii-daraali Ɛsidrasi ni, mà a da ka dí-pɛn sɛ́wɔ kɛ nɛ, Dɛnaa Lawa goã á kɔ Muizu la Izirayeli tɔrɔn wɔ lɛa. Ɛsidrasi daa ka bɛa sɛ́wɔ lɛ nɛ zaman lɛ yɔrɔ-a. Giĩn laanka lɔn maǹ nə́ goã bǎã lɛ nɛ, ka min mɛn tumaa goã boe la, ǹ nə́ boo giala miɛ.

Nehemii 8:14

Dɛnaa Lawa goã á Muizu da dí-pɛn sɛ́wɔ mɛn lɛ a kɔ ganaa Izirayeli minin lɛn la, ǹ nə́ yɛ kiɛ̃ nɛ bɛ gɔ́ɔ̃ nɛ, mà lɛ̀ a mui sɔbaabaa ǹ wɔ a zɔ́n kɛ li, mà Izirayeli minin lɛn doamaa nɛ ǹ giã siãn giulun.

Lawa a wúlu-bɔlen 16:29

Kɛ n landa lɛa, ka mìi-n miɛ̃ duduu, a ná a ba n bɔyɛɛ wa: mui sɔbaabaa ǹ wɔ a lɛawaa fùbaa ǹ wɔ pinaa, ka n lɛ sɔɔ, min baran dí kɔn dɔ nya bɛa pinaa wa. Ta gána lɛ a min ni, ta gùli ni giã nɛ ka bii.

Lawa a wúlu-bɔlen 23:24

Boo da ka Izirayeli minin lɛn nɛ, n pɛ ǹ nɛ: mui sɔbaabaa ǹ wɔ a lɛawaa bibinaa ke, ka bɛ koa kaa susui pinaa lɛa. Ka bɛnɛn pɛpɛ bɛa pinaa lɛ nɛ, ka n lɛ sɔkɔn ka masɛ guguru kɔ, a giala, ma yiri tá ka nɛ.

Sofonii 3:9

Ma á re tɔrɔn tumaa *yoreen koe, màn mɛn bɛ́ toɛ, ǹ boo la ǹ masɛ Dɛnaa Lawa nyankɔ, ǹ dí nya ma nɛ ka foo goon ne.

Nya ǹ dín 2:46

Ǹ goã nyaabiɛ Lawa a kion wa. Maǹ nə́ goã n lɛ kiɛ kun bɛ̀ ǹ wo baraabaraa. Maǹ nə́ goã màn bii kɔn a piɛn nɛ kun, ka nyɛnyɛɛ nɛ ka foo sonbore ne.

Nya ǹ dín 4:32

Minbuiin gigiã mɛn din tumaa golee Lawa li, bɛn gɔ́ɔ̃n laanka ǹ taasiɛn man nə́ goã goon, ǹ kɔ́n dɔ goã giɛ a din gɔn màn kɔn-a a din wɔ lɛa wa, sɛnɛ, ǹ tumaa na á goã ǹ gɔn màn yii kiɛ kun.

Korɛnti1 1:10

Ma dɔɔ̃nɔn lɛn, man ka nyankoe, ka wɔa Dɛnaa Yezu Krita tɔ nɛ, máa ka kɔn ma, ka nyan toa tatala kɔn yɛ ka bii wa. Ka toa ka goã doa-n kɔn ka taasiɛ goon ne, ka yiri goon ne.

Timəə dí-pɛn 16:16

Kaa Lawa, Dɛnaa Lawa din bɛ́ re bǎã mɛn lɛ boe, lɛ̀ goon gɔ́ɔ̃ nɛ, kaa giĩn tumaa doamaa nɛ ǹ wo n dinin nyaa a yɔrɔ-a walan, gunyin sɔɔ: *yɔ bùbaã buuru zɔ́n li, kaa-piɛ ǹ zɔ́n li ka giã siã giulun zɔ́n nɛ. Sɛnɛ, ǹ nyan toa ǹ wo Lawa yɔrɔ-a ka ǹ gɔn kooro-n wa.

Sii yɔrɔ-bɔlen 20:1

Izirayeli minin lɛn tumaa soo, a saa Dan kiwi ganaa gɔsɛ a lɛ̀gɔn la, yǎa Bɛɛr-Sebaa kiwi gusin a lɛ̀gɔn la, a wo Galaati gána kɛ yaa. Zaman lɛ tumaa nə́ ǹ wɔ kaa kun, ǹ nə́ n lɛ sɔkɔn Dɛnaa Lawa yɔrɔ-a Mispaa.