Ɛsidrasi 1:1 - LAWA A BOO SONBORE

¹ Lɛlɛ lɛlɛ, Dɛnaa Lawa goã á boo da a boo gii-dali Zeremii ni. Pɛrsi gána a kii Siirusu a kiibaa lɛ̀ bibinaa li, Dɛnaa Lawa na á wɔ Pɛrsi gána a kii Siirusu lɛ yiri ni, mà a lɛ dia a gána lɛ tumaa nɛ, a sɛ́wɔ dɔ din kiɛ̃ a pɛ

LAWA A BOO SONBORE 2011

¹ Lɛlɛ lɛlɛ, Dɛnaa Lawa goã á boo da a boo gii-dali Zeremii ni. Pɛrsi gána a kii Siirusu a kiibaa lɛ̀ bibinaa li, Dɛnaa Lawa na á wɔ Pɛrsi gána a kii Siirusu lɛ yiri ni, mà a lɛ dia a gána lɛ tumaa nɛ, a sɛ́wɔ dɔ din kiɛ̃ a pɛ

Ɛsidrasi 1:1 Iomraidhean Croise

Ɛsidrasi 1:5

Bɛ kio, Zudaa tɔrɔn laanka Bɛnzamɛn tɔrɔn kɛdɛnan nɛ, Lawa a wúlu-bɔlen laanka *Levii tɔrɔn nɛ, min mɛnɛn tumaa bɛ́ Lawa sii lɛ wɔ ǹ yiri ni, ǹ nə́ yoo ǹ nə́ woo, ń giɛ ǹ tá Dɛnaa Lawa a kion lɛ doe, Zeruzalɛmu.

Ɛsidrasi 4:3

Sɛnɛ, Zorobabeli ni, Zozoe ne, ka Izirayeli a kɛdɛnan lɛn gialakunun ni, bɛn nə́ pɛ ǹ nɛ kɛnɛn: «A kɔnbɔ, ka laanka wɔsɛn nə kion dɔ kun wɔa Lawa wɔ lɛa wa. Wɔ dininsɔɔ̃nɔn doamaa nɛ wɔ kion dɔ Izirayeli a Lawa, Dɛnaa Lawa lɛ wɔ lɛa, ka Pɛrsi gána a kii Siirusu pɛ wɔsɛn man lɔn.»

Ɛsidrasi 6:14

Zuifun min golen lɛn nə́ boo la ǹ nə́ woo nyɛɛnɛ ka kion lɛ a doe ne, ka Lawa goã á ná a boo gii-dali Azee laanka Idoo a nɛgiĩ Zakarii da a pɛ ganaa lɔn. Ǹ nə́ kion lɛ a dɔ gɔn nyɔmɔɔ á kɔnpɛ Izirayeli a Lawa a gɔn-waa nɛ, ka Pɛrsi gána a kiin kɛn dɔn gɔn-waa nɛ, Siirusu ni, Dariusu ni ka Artagizɛrɛsɛɛsi ni.

Ɛsidrasi 6:22

Ǹ nə́ *yɔ bùbaã buuru zɔ́n zɛnaa lɛawaa sɔbaa gɔ́ɔ̃ nɛ, ka nyɛnyɛɛ nɛ. Lawa na á ǹ kã ka nyɛnyɛɛ nɛ, a giala, á Asiirii gána a kii foo bɔyaa, màn mɛn bɛ́ toɛ, kii lɛ nə n yɔrɔ bǐɛ̃ da ǹ la, ka Lawa a kion lɛ a dí ni, Izirayeli a Lawa a kion dí lɛ.

Ɛsidrasi 6:3

«Kii Siirusu a kiibaa lɛ̀ bibinaa li, á goã á boo da Lawa a kion kɛ wɔ gɔn la Zeruzalɛmu: kion lɛ n die wusii a n dɔ, a n baa bǎã lɛa, bǎã mɛn nə́ ke, ǹ nə́ Lawa a wúlu boe a nɛ. Ǹ die ǹ kion lɛ giala wɔ tán kaka. A wo lon die a goã mɛtərə pɔsɔɔ, a gùrù kunun dɔ goã mɛtərə pɔsɔɔ.

Ɛsidrasi 7:27

Barka tá Dɛnaa Lawa ganaa, wɔ digolon Lawa kɛ lɛ, á wɔ kii lɛ foo ne, mà a gugurubaa kɛ tɔrɔ da Dɛnaa Lawa a kion kɛ la Zeruzalɛmu.

Loen 106:46

Min mɛnɛn nə goã pàã nyɛɛ ǹ nɛ, ka kòso-nɛn manɛ, á toa bɛn nə́ wusoo ǹ nə́ ǹ makara dɔ̃.

Suusun 21:1

Kii foo n mu zii lɛa Dɛnaa Lawa gɔn. Bǎã mɛn bɛ́ kɔɔ̃n a ganaa, a na a yɔrɔ diɛ walan.

Izayii 44:28

Man kɛ pii kii Siirusu a paǹ li: «Maa zaman-lɛduə̃li ni.» Sii mɛn tumaa bɛ́ kɔɔ̃n ma ganaa, a n bɛ zɛnɛɛ. Á re pii mà ǹ wusoo ǹ Zeruzalɛmu kiwi dɔ, ǹ wusoo ǹ Lawa a kion lɛ dɔ.

Izayii 45:1

Dɛnaa Lawa n kɛ pii kii Siirusu ni, a ǹ mɛn lɛ bɔ á koa, á kũ a gɔn ganaa, á tɔrɔn kaa a pàã giulun, màn mɛn bɛ́ toɛ a kiin pàã si ǹ la, kiwin mɛnɛn kiɛnlɛn bɛ́ tiɛ̃ nɛ, a bɛn bũ a nyɛɛnɛ:

Zeremii 1:1

Ilkia a nɛgiĩ Zeremii boo mɛn da, bɛn man kiɛ̃ nɛ sɛ́wɔ kɛ nɛ. Zeremii na á goã Lawa a wúlu-bɔlen kion min lɛa, ǹ nə́ giã nɛ Anaatɔti, Bɛnzamɛn a tanlɛ minin gána nɛ.

Zeremii 29:10

Dɛnaa Lawa n kɛ pii: – Bɛ̀ Baabiloniin kii a pàã kɛ dɔ lɛ̀ pɔsɔbaa, ma á re die kaa gú ganaa. Ma á re maa lɛ kɔ kɛ lɛ piɛ̃: Ma á re soe ka-n kànaa ma wo ka nɛ Zeruzalɛmu.

Ezekieli 38:5

Pɛrɛsi sɔraasin ni, Etiopii wɔn nɛ, Puuti wɔ nɛ, ǹ tumaa á re ǹ góoron goɛ ka ǹ ziabaa ǹ bafolon ne, ǹ da kunun n ni.

Zaã a sɛ́wɔ 1:23

ZAÃ tɔ́n pɛ ǹ nɛ: «Min mɛn bɛ́ n lɛ dii diə gole ne mà ǹ zii pepere zɛnaa ǹ koa wɔa Dɛnaa nɛ, ka Lawa a boo gii-dali Izayii bɛ́ á pɛ lɔn, masɛ din ni.»