Bɔ bɛ̀rɛbaa nɛ 8:1 - LAWA A BOO SONBORE

¹ Dɛnaa pɛ Muizu ni: «A pɛ Aarɔn nɛ, mà a n gɔn saa lon, ka a bàlà lɛ nɛ, a dia tà laanka piɛɛrɛnɛn lɛn la, a toa sɔmɔnɔn nə soo ǹ kaa Ezipti gána lɛ nɛ.»

LAWA A BOO SONBORE 2011

¹ Dɛnaa pɛ Muizu ni: «A pɛ Aarɔn nɛ, mà a n gɔn saa lon, ka a bàlà lɛ nɛ, a dia tà laanka piɛɛrɛnɛn lɛn la, a toa sɔmɔnɔn nə soo ǹ kaa Ezipti gána lɛ nɛ.»

Bɔ bɛ̀rɛbaa nɛ 8:1 Iomraidhean Croise

Loen 105:30

Sɔmɔnɔn nə́ gána lɛ pã, yǎa ǹ nə́ woo kaa ǹ kiin kionən ne.

Bɔ bɛ̀rɛbaa nɛ 3:12

Lawa pɛ nɛ: «Ma á kunun n ni. Sii mɛn bɛ́ nyɛɛ n nɛ, mà masɛ din nə má n dia bɛ á ke: Bɛ̀ ń soo ka zaman lɛ nɛ ń nə́ ǹ bɔ Ezipti gána nɛ, ǹ tá re dí nyɛɛ Lawa nɛ kele kɛ la.»

Bɔ bɛ̀rɛbaa nɛ 3:18

Izirayeli a min golen lɛn tá re n too koe ka lon, ǹ laanka n din tá re woe Ezipti gána a kii lɛ li, ka pɛ-n kɛnɛn: «Dɛnaa lɛ, Ebrəən Lawa lɛa, bɛ na á n din nyaa wɔsɛn manɛ. Kanna, wɔ doamaa nɛ wɔ lɛawaa sɔɔ zii tɔ wɔ, wɔ wo don bii, wɔ *wúlu mànan bɔ wɔa Dɛnaa Lawa nɛ.»

Bɔ bɛ̀rɛbaa nɛ 4:23

Man pii n ni: Toa maa nɛgiĩ woo, a dí nya ma nɛ. Bɛ̀ n nə́ n piã n toa á woo wa, haya, man die n din a nɛgiĩ bibinaa dii a gã.»

Bɔ bɛ̀rɛbaa nɛ 5:1

Bɛ kio, Muizu laanka Aarɔn daa pɛ *Faarahɔn nɛ: – Dɛnaa lɛ, Izirayeli nɛnyaanan Lawa lɛa, bɛ n kɛ pii: «Toa maa zaman soo, ǹ zii tɔ wɔ don bii, ǹ zɔ́n zɛnaa masɛ a lɛa.»

Bɔ bɛ̀rɛbaa nɛ 5:3

Ǹ nə́ pɛ-n kɛnɛn: «Ebrəən Lawa lɛ na á n din nyaa wɔsɛn manɛ, wɔ doamaa nɛ wɔ lɛawaa sɔɔ zii tɔ wɔ don bii, wɔ *wúlu màn bɔ wɔ kɔ wɔa Dɛnaa Lawa la. Bɛ bie wa a tɔn toa piɛ̃ busu, hinlaa zia da bɔ̀n da wɔ ganaa kooro.»

Bɔ bɛ̀rɛbaa nɛ 7:16

A pɛ Faarahɔn nɛ mà Dɛnaa lɛ, Ebrəən Lawa lɛa, mà bɛ lɛ na á n dia, mà n pɛ nɛ: «Toa maa zaman lɛ soo, a wo dí nya ma nɛ don bii.» Sɛnɛ, n tɔn lɛ kɔ ka pelo yii-n wa.

Bɔ bɛ̀rɛbaa nɛ 7:25

Lɛawaa sɔbaa kiɛ̃, Dɛnaa a dɔlɔ bɔ ka tà mu-n lɛ kio.

Bɔ bɛ̀rɛbaa nɛ 8:2

Aarɔn nə́ n gɔn saa lon á dia Ezipti gána a mu bǎãn lɛn la, sɔmɔnɔn nə́ soo ǹ nə́ kɔ gána lɛ tumaa lɛ.

Bɔ bɛ̀rɛbaa nɛ 8:20

Dɛnaa sii lɛ zɛnaa miɛ̃. Nyuun sɔn-dɔlen nə́ daa kun ka giãgiã Faarahɔn a kionən ne, a kiodɛnan kionən ne, gána lɛ tumaa nɛ. Gána lɛ paǹ tumaa ziziɛ̃ nyuun sɔn-dɔlen lɛn gɔn.

Bɔ bɛ̀rɛbaa nɛ 9:1

Dɛnaa pɛ Muizu-n doo: – Wo wɔ *Faarahɔn li, n pɛ nɛ: «Dɛnaa lɛ, Ebrəən Lawa lɛa, a n pii: Toa maa zaman lɛ soo, a wo dí nya masɛ nɛ.

Zozoe 8:18

Dɛnaa Lawa tɔ́n pɛ Zozoe ne: «Sɛmiɛ̃ mɛn bɛ́ n gɔn ke, a saa n dia Ayii kiwi lɛ la. A giala, masɛ n die we n gɔn.» Sɛmiɛ̃ mɛn goã Zozoe gɔn, á saa á dia Ayii kiwi lɛ la.