Bɔ bɛ̀rɛbaa nɛ 7:5 - LAWA A BOO SONBORE

⁵ Ma á re dɔlɔ boe Ezipti gána minin lɛn ganaa, man pàã nyaa ǹ nɛ. Bɛ̀ má bɛ zɛnaa ǹ mɛn waáraa, má soo ka Izirayeli nɛnyaanan lɛn nɛ, má ǹ bɔ gána lɛ nɛ, Ezipti gána minin kɛn tá re doɛ̃, mà ma din lɛ n Dɛnaa Lawa lɛ lɛa.»

LAWA A BOO SONBORE 2011

⁵ Ma á re dɔlɔ boe Ezipti gána minin lɛn ganaa, man pàã nyaa ǹ nɛ. Bɛ̀ má bɛ zɛnaa ǹ mɛn waáraa, má soo ka Izirayeli nɛnyaanan lɛn nɛ, má ǹ bɔ gána lɛ nɛ, Ezipti gána minin kɛn tá re doɛ̃, mà ma din lɛ n Dɛnaa Lawa lɛ lɛa.»

Bɔ bɛ̀rɛbaa nɛ 7:5 Iomraidhean Croise

Loen 138:7

Ta man nɔmaa bii, n din nə ma kanbiɛ, n tá maa zɔ́ɔn kɛn foo-busii toɛ ǹ gɔ́ɔ̃ nɛ. N din tá re ma kirisibiɛ, ka n din pàã nɛ.

Loen 9:16

Tɔrɔ kɔsɔn nə nyankɔrɔ mɛn fɔ̃, ǹ dinin nə́ bɔ ǹ nə́ kaa a nɛ. Ǹ biɛ mɛn koa, á ǹ dinin kũ.

Bɔ bɛ̀rɛbaa nɛ 10:2

Man má baa miɛ̃, máa n na a laakalaa n nɛnyaanan laanka n nɔ̀ɔnɔn manɛ, mà Lawa sàn kɔ ka Ezipti minin ni, a ná a sii nyaa ǹ siin zɛnaa ǹ bii. Ka tá re doɛ̃ mà ma din lɛ n Dɛnaa lɛ lɛa.»

Bɔ bɛ̀rɛbaa nɛ 10:7

Faarahɔn a kiodɛnan lɛn nə́ pɛ nɛ kɛnɛn: «Giĩ kɛ n die bɔ̀n diɛ wɔ ganaa yǎa biĩ doo? A toa giĩn kɛn nə wo dí nya ǹ Dɛnaa Lawa nɛ. N ba tɔn doɛ̃ mà Ezipti gána n bɔ̀n biɛ woe wa?»

Bɔ bɛ̀rɛbaa nɛ 14:18

Bɛ̀ má ma din tɔ bɔ ǹ sii zɛnaa Faarahɔn ganaa, ka a wotoron laanka a sùi lɛ-kũlin ni bɛa yɔrɔ kɛ la, Ezipti minin tá re doɛ̃, mà ma din nə Dɛnaa Lawa lɛa.»

Bɔ bɛ̀rɛbaa nɛ 14:4

Lawa mà asɛ á re toɛ Faarahɔn too kaka kɔ, a yoo a ǹ kio loo. Sɛnɛ, mà asɛ á re a din tɔ bɔ ǹ siin zɛnɛɛ Faarahɔn laanka a pàã din tumaa ganaa. Mà Ezipti gána minin tumaa á re doɛ̃, mà asɛ din nə Dɛnaa Lawa lɛa.» Ǹ dɔn nə́ zɛnaa miɛ̃.

Bɔ bɛ̀rɛbaa nɛ 18:8

Dɛnaa sii mɛn tumaa zɛnaa Faarahɔn laanka Ezipti minin manɛ, Izirayeli a lɛa, ǹ dinin nə sii kakan mɛnɛn yɛ zii gialaa, Dɛnaa nə́ ǹ kanbaa ǹ ganaa, Muizu bɛ yii laakalaa ǹ daãgiĩ ni.

Bɔ bɛ̀rɛbaa nɛ 3:20

Ma á re n gɔn siɛ lon, ma koe sii gigiã zɛnaa Ezipti minin bii, ma fuu nyaa ǹ nɛ. Bɛn kio, kii lɛ á re toɛ ka woo.

Bɔ bɛ̀rɛbaa nɛ 6:1

Dɛnaa pɛ Muizu ni: «Kanna kəni, ma bɛ́ re màn mɛn zɛnɛɛ *Faarahɔn nɛ, n tá re bɛ yii. Ma á re sii nyɛɛ a yii ni, á re toɛ ka woo. Ma á re sii nyɛɛ a yii ni, á re ka lui dinin, a ka bɔ a gána nɛ.»

Bɔ bɛ̀rɛbaa nɛ 6:6

Bɛ lɛ taman yii, Muizu, wo pɛ Izirayeli nɛnyaanan manɛ mà ma din nə Dɛnaa Lawa lɛa. Ma á re ǹ boe Ezipti minin nɔmaa ǹ dín kɛn li. Ma á re ǹ boe bɛ̀rɛbaa kɛ nɛ ǹ gɔn. Ma á re ǹ boe ka ma din pàã taãn-taãn kɛ nɛ, ma dɔlɔ bɔ ǹ ganaa sɔnbɔraanɛ.

Bɔ bɛ̀rɛbaa nɛ 7:17

Bɛ lɛ nɛ, Dɛnaa á boo diɛ kɛnɛn: «N tá re doɛ̃ kɛ li, mà n laanka masɛ din Dɛnaa Lawa n kɔn. Man die tà lɛ a mu duwii ka bàlà kɛ lɛ-n ma gɔn, a n bɔyaa a mà baa.

Bɔ bɛ̀rɛbaa nɛ 8:10

Ǹ nə́ ǹ geren goa ka giãgiãgiã. A gìĩ na á goã boe gána lɛ paǹ tumaa ganaa.

Bɔ bɛ̀rɛbaa nɛ 8:19

Ma á re min bɔ sii ni ǹ dí nyɛɛ, ma ma din a zaman kɛ na, ma bɔ n wɔ ganaa. Bɛa sii lɛ n die n zɛnɛɛ biɛ̃.»

Bɔ bɛ̀rɛbaa nɛ 8:22

Muizu pɛ nɛ: «A siĩni a n zɛnaa miɛ̃ wa, a giala, wɔsɛn bɛ́ màn mɛn boe, wɔ́ n koe wɔa Dɛnaa Lawa lɛ la, wúlu màn lɛa, bɛ n *gɔ̀ màn lɛa Ezipti minin gɔn. Ǹ bɛ́ giɛ màn mɛn-a gɔ̀ màn lɛa, wɔ á re boe la wɔ bɛ bɔ, wɔ kɔ Dɛnaa la, bɛ̀ ǹ nə́ ǹ ba wɔ dii ka kɔlɔ-n wa?

Ezekieli 25:17

Ma á re gɛ̀ dòo baraa boe ǹ ganaa, ma dɔlɔ gole da ǹ mìi ni. Bɛ̀ má maa gɛ̀ dòo lɛ bɔ ǹ ganaa ǹ mɛn waáraa, ǹ tá re doɛ̃ bɛa biikoo li kəni, mà ma din nə Dɛnaa Lawa lɛa.»

Ezekieli 28:22

Masɛ Dɛnaa Lawa n kɛ pii: Á ke, nsɛ Sidɔn kiwi kɛ lɛ, ma á die n gialaa. Maa zɛnaa ǹ siin taman yii, minin tá re ma guguru koe Sidɔn kiwi. Ma bɛ́ re dɔlɔn mɛnɛn boe n ganaa, ma maa Lawa sonborebaa kɛ nyaa nɛ, minin tá re doɛ̃ ka bɛ lɛ-n kəni, mà ma din nə Dɛnaa Lawa lɛa.

Ezekieli 32:15

Ma á re Ezipti gána kɛ ziziɛ̃, ma baa ka diə gole bɛ́ lɔn. Bɛ̀ má gána lɛ a mànan waa má ǹ bɔ a nɛ ǹ mɛn waáraa, bɛ̀ má a minin tumaa dɛ, ǹ tá re doɛ̃ bɛa biikoo li kəni, mà ma din nə Dɛnaa Lawa lɛa.

Ezekieli 36:23

Ká ma tɔ ziziɛ̃ tɔrɔ kɔsɔn bii, ká sìi da ma ganaa. Sɛnɛ, ma á re nyɛɛ bɛn manɛ, maa ma din nə Lawa gole sonbore lɛa. Man die dí nyɛɛ ká ka dinin lɛn nɛ, ma maa Lawabaa lɛ nyaa ǹ nɛ. Ǹ tá re doɛ̃ bɛa biikoo li kəni, mà ma din nə Dɛnaa Lawa lɛa. Ma din Dɛnaa Lawa a da ǹ boo ne.

Ezekieli 39:22

A kũ bɛa pinaa kɛ lɛ ganaa kəni a woo, Izirayeli tɔrɔn lɛn tá re doɛ̃ mà ma din nə Dɛnaa Lawa lɛa.

Ezekieli 39:7

Ma á re ma tɔ a sonborebaa kɛ nyɛɛ maa minin Izirayeli tɔrɔn kɛn bii. Ma a re toɛ ǹ ma tɔ sonbore kɛ ziziɛ̃ doo wa. Bɛa biikoo li kəni, tɔrɔ kɔsɔn tá re doɛ̃, mà ma din nə Dɛnaa Lawa sonbore lɛa, Izirayeli gána nɛ.