Bɔ bɛ̀rɛbaa nɛ 7:1 - LAWA A BOO SONBORE

¹ Dɛnaa pɛ Muizu-n kɛnɛn: «Á ke, ma nə n boe n koɛ, ka Lawa bɛ́ lɔn *Faarahɔn gɔn, n gologiĩ Aarɔn nə die goɛ̃ n boo gii-dali lɛa.

LAWA A BOO SONBORE 2011

¹ Dɛnaa pɛ Muizu-n kɛnɛn: «Á ke, ma nə n boe n koɛ, ka Lawa bɛ́ lɔn *Faarahɔn gɔn, n gologiĩ Aarɔn nə die goɛ̃ n boo gii-dali lɛa.

Bɔ bɛ̀rɛbaa nɛ 7:1 Iomraidhean Croise

Siin Giala 19:21

Lon a dia dí-a wole lɛ ná a lɛ si kɛnɛn: «Haya! Man die bǐɛ̃ koe n ganaa doo. N bɛ́ kiwi mɛn boo diɛ ma nɛ, ma a re bɛ lɔloɛkɔn wa.

Kiin1 17:23

Yilii nɛnyaan lɛ saa á gisĩ ni á n bɔ sanabolo kion lɛ-n lon, á daa kɔ ǹ dan la. Yilii na á n toa lɔ giɔɔrɔ lɛ ganaa kɛnɛn: «Ga dɛ! N nɛginin lɛ yii á koo.»

Kiin2 6:32

Yiliizee na á goã giã-n tán a piɛ, min golen nə́ tán a genli. Kii lɛ min dia a nyɛɛnɛ. Sɛnɛ bɛa dɛnaa lɛ laan bɛ̀ a n doe Yiliizee li, Yiliizee pɛ min golen lɛn man kɛnɛn: «Ka ga! Gɛ̀-dɛle kɛ na á min dia, mà a da masɛ mìi na. Bɛ̀ bɛa dia dí-a wole kɛ lɛ dɔ lɔn gɔrɔ, ka kiɛnlɛ lɛ tã a nyɛɛnɛ, ka n da lɛ nɛ! A dɛnaagiĩ lɛ dinmaa wɔlɔ á die goɛ̃ kunu a kio.»

Loen 78:12

Lɛlɛ, Lawa na á kaãbaa ǹ siin kɛn zɛnaa wɔ digolon yii ni, Ezipti gána nɛ, Soan bǎã kɛ li.

Loen 82:6

Man pii ka nɛ: Ka n lawan lɛa, ka tumaa n Lon a Lawa Gole lɛ a nɛnyaanan lɛa.

Bɔ bɛ̀rɛbaa nɛ 16:29

Ka ga a ganaa, Dɛnaa susu ǹ pii kɔ ka la, bɛ lɛ nɛ, lɛawaa sɔrɔbaa ǹ wɔ pinaa ke, a n lɛawaa paa màn-bii koe ka la. Didie giã a bǎã nɛ. Min kɔ́n baran soo a n bɔ a piɛ lɛawaa sɔbaabaa ǹ wɔ pinaa kɛ-n wa.»

Boo-laakalaali 1:10

Ta màn tan, min nə́ boe la a boo da a wɔ paǹ li, mà ǹ ga kɛ ganaa, mà màn dii ni, bɛa màn kɛ lɛ goã a tan haalɛ bibi, bɛ̀ wɔ tɔn yɛ wa.

Zeremii 1:10

A dɔ̃ mà pelo, mà man pàã koe n la, tɔrɔn laanka gánan mìi la: N tá re màn woɛ̃, n màn dɛ n kaa. N tá re ziziɛ̃, n wuru. N tá re doe, n zumu.

Nya ǹ dín 7:7

Sɛnɛ, gána mɛn bɛ́ re ǹ biɛ bɛ̀rɛn lɛa ke lɛn, ma á re kiri kuri bɛ la. Bɛ kio, ǹ tá re soe, ǹ daa ǹ masɛ guguru kɔ gána kɛ nɛ.