Bɔ bɛ̀rɛbaa nɛ 6:4 - LAWA A BOO SONBORE

⁴ Man má lɛ kɔ kɔn la wɔ ka ǹ dinin lɛn nɛ, máa ma á die Kanaan gána koe ǹ la, gána mɛn bɛ́ ǹ nə́ tiibaa zɛnaa a nɛ.

LAWA A BOO SONBORE 2011

⁴ Man má lɛ kɔ kɔn la wɔ ka ǹ dinin lɛn nɛ, máa ma á die Kanaan gána koe ǹ la, gána mɛn bɛ́ ǹ nə́ tiibaa zɛnaa a nɛ.

Bɔ bɛ̀rɛbaa nɛ 6:4 Iomraidhean Croise

Siin Giala 12:7

Dɛnaa nə́ n din nyaa Abramu ni, á pɛ nɛ: «Man die gána kɛ koe n din tɔrɔn la.» Dɛnaa nə n din nyaa nɛ bǎã mɛn nɛ, Abramu *wúlu bɔ ǹ bǎã dɔ walan Dɛnaa wɔ lɛa.

Siin Giala 15:13

Dɛnaa tɔ́n pɛ nɛ: «A dɔ̃ taãnɛ, mà n tɔrɔn tá re giɛ̃ gána kɔ́n nɛ, gána mɛn bɛ́ a ba ǹ wɔ lɛa wa. Min kɔsɔn tá re ǹ biɛ bɛ̀rɛn lɛa, ǹ fuu nyaa ǹ nɛ lɛ̀ biɛsii (400) gɔ́ɔ̃ nɛ.

Siin Giala 15:18

Bɛ lɛ a pinaa, Dɛnaa lɛ kɔ kɔn la doa kɔn ka Abramu ni, á pɛ-n kɛnɛn: «Man die gána kɛ lɛ koe n din tɔrɔn la, a saa Ezipti a tà ganaa, a wo Efrati tà gole kɛ yaa:

Siin Giala 17:13

Bɛ̀rɛ mɛn bɛ́ re yii n kion, hinlaa n bɛ́ re ǹ mɛn pii ka wɔrɔ nɛ, ǹ tumaa doamaa nɛ ǹ nə n kuru. Lɛ kɔ kɔn la mɛn bɛ́ lɛ bɔ ná a ba a-n wa, bɛ lɛ a sii nyaa ǹ sii n ka bɛ nɛ ka gɔ̀nɔn ganaa.

Siin Giala 17:4

«Ma bɛ́ lɛ kɔ kɔn la mɛn we ka n nɛ, bɛ á ke: N tá re tɔrɔ gigiã a díi biɛ.

Siin Giala 23:4

«Man ka li ka gùli bɛ́ lɔn, tii lɛa kun ka nɛ. Ka gere bĩ ǹ bǎã kɔ masɛ la, bɛ maa wɔ baa, màn mɛn bɛ́ toɛ, ma maa lɔ lɛ gere bĩ a nɛ.»

Siin Giala 26:3

Giã bɛa bǎã lɛ nɛ, ma á die goɛ̃ kunun n ni, ma barka wɔ n nɛ. Ma á die bɛa bǎã lɛ koe n din laanka n tɔrɔn la. Man liɛ n di Abrahamu-n ka sii mɛn nɛ, man die bɛ zɛnɛɛ nɛ.

Siin Giala 26:4

Ma á die a tɔrɔn mɔnɛɛ, ka lon a leeren bɛ́ lɔn, ma bǎãn kɛn lɛn tumaa kɔ ǹ la. Kanaa a tɔrɔn tumaa á die lɛn bǐɛ̃ bíi kɔn li, ǹ pɛ: «Lawa die a barka wɔ n nɛ, ka Abrahamu tɔrɔn wɔ bɛ́ lɔn.»

Siin Giala 28:13

A yii n Dɛnaa ganaa golee-n a nyɛɛnɛ, á n pii ni: «Masɛ n Dɛnaa, Abrahamu a Lawa lɛa, man Izaaki a Lawa lɛa. Ń bɛ́ waa-n tán mɛn la, man die koe n din laanka n tɔrɔn la.

Siin Giala 28:4

Lawa barka mɛn wɔ Abrahamu ni, a die a bɛ lɛ miã wɔ n dɔ laanka n tɔrɔn nɛ. Lawa gána mɛn kɔ Abrahamu la, a bɛ́ gùli lɛa gána mɛn lɛ nɛ, Lawa die a toa a n wɔ baa.»

Siin Giala 6:18

Sɛnɛ, man die lɛ kɔ kɔn la we n ni. Wɔ goo lɛ nɛ, n din laanka n nɛnyaanan nɛ, ka n lɔ nɛ, ka n manaan nɛ.

Samayeli2 23:5

Lawa n bɛ lɛ miã zɛnɛɛ maa kion wɔ paǹ li. A giala, á lɛ kɔ kɔn la wɔ ka masɛ nɛ yǎa duduu. A lɛ kɔ sii mɛn ganaa, bɛa sàabiɛ wa. A n lɛ kɔ ka sii mɛn nɛ, a ba bɛ bɔyɛɛ wa. Á die sii tumaa yɔrɔ boe maa kirisibaa a lɛa, màn mɛn bɛ́ toɛ, sii mɛn bɛ́ kɔɔ̃n ma ganaa bɛ nə n zɛnaa.

Loen 105:11

A na á pɛ a gɔ́ɔ̃-n kɛnɛn: Man die Kanaan gána kɛ koe n la, a kaa wɔ baa.

Loen 105:12

Bɛa biikoo li, bɛ̀ ǹ ba gigiã wa. Maǹ nə́ goã tii kuru boɛɛn kooro lɛa gána lɛ gɔ́ɔ̃ nɛ.

Bɔ bɛ̀rɛbaa nɛ 13:4

Pelo ne ka á soe, mui bibinaa kɛ lɛ nɛ.

Bɔ bɛ̀rɛbaa nɛ 13:5

Dɛnaa n woe ka kiɛ Kanaan minin gána kɛ nɛ, Ɛti minin gána ke ka Amɔɔrɔ minin wɔ nɛ, Ivii minin laanka Zebuzu minin gána kɛ nɛ, a din bɛ́ á n lɛ kɔ, mà a n die gána mɛn lɛ koe ka digolon la. Tɔɔ-too laanka tán-kɔsiɛ n bǐɛ̃ koe bɛa gána kɛ lɛ nɛ. Bɛ̀ Dɛnaa ka kaa bɛ nɛ ǹ mɛn waáraa, ka die ka toa ka bɛa sii kɛ lɛ zɛnaa mui bibinaa kɛ lɛ nɛ.

Bɔ bɛ̀rɛbaa nɛ 6:8

Ma din nə n liɛ, máa ma á re gána mɛn koe Abrahamu la, ka Izaaki laanka Zakɔba nɛ, man woe bɛa gána lɛ koe ǹ dinin kɛn lɛn la, ǹ nɛnyaanan lɛa. Man die koe ǹ la, a ǹ wɔ baa. Ma din lɛ n Dɛnaa Lawa lɛa.»

Izayii 55:3

Ka n too da, ka da ma li. Ka n too kɔ, ka yii á re goɛ̃ koo.» Dɛnaa Lawa pɛ: «Ma á re lɛ kɔ kɔn la we ka ka nɛ yǎa duduu, man lɛ kɔ ka ǹ mɛn lɛ nɛ Davida la, maa bɔlɔgoondɛnaabaa gɔ́ɔ̃ nɛ.

Minin nimi 10:29

Rewuyeli a nɛgiĩ Obaabu ke Madiã gána min lɛa, Muizu daãgiĩ lɛa, Muizu pɛ bɛ nɛ: «Dɛnaa Lawa bǎã mɛn lɛ boo da, á kɔ wɔ la, wɔsɛn man woe walan. Kiɛ̃ n nə n ta kun ka wɔsɛn nɛ. Dɛnaa Lawa nə n lɛ kɔ Izirayeli minin la ka yii-nyɛɛ mɛn nɛ, wɔsɛn tá re toɛ n dɔ wɔ yɛ bɛ nɛ.»

Nya ǹ dín 7:5

Lawa tán kɔ́n din kɔ Abrahamu la gána lɛ-n wa, haalɛ gòã da ǹ bǎã boɛɛn kooro din. Sɛnɛ, á n lɛ kɔ la mà gána lɛ na a din wɔ lɛa, ka a nɛnyaanan nɛ a kio, a da yaa, Abrahamu tɔn nɛ yɛ a biikoo li wa.