Bɔ bɛ̀rɛbaa nɛ 5:6 - LAWA A BOO SONBORE

⁶ Bɛa pinaa lɛ nɛ, Faarahɔn pɛ dí mìilandɛnan kɛn manɛ, Ezipti minin lɛa, ka zaman-lɛduə̃lin kɛn nɛ, Izirayeli minin lɛa:

LAWA A BOO SONBORE 2011

⁶ Bɛa pinaa lɛ nɛ, Faarahɔn pɛ dí mìilandɛnan kɛn manɛ, Ezipti minin lɛa, ka zaman-lɛduə̃lin kɛn nɛ, Izirayeli minin lɛa:

Bɔ bɛ̀rɛbaa nɛ 5:6 Iomraidhean Croise

KZS2 26:11

Oziasi a sɔraasin tan ǹ nə́ boe ziabaa la. Maǹ tatalɛɛ-n kɔn kuru lɛ yii li. Sɛ́wɔ-kiɛnli Yeyieli laanka sii yɔrɔ-bɔle Maseya nə ǹ nimii, a giala kii a sɔraasin goledɛnaa Anania na á ǹ da bɛa zɛnaa ganaa.

Bɔ bɛ̀rɛbaa nɛ 1:11

Bɛ lɛ taman yii, Ezipti minin lɛn nə́ kənən koa ǹ mìi la, maǹ nə ǹ kaa pàã dí nyɛɛ ganaa. Ǹ nə́ màn-bii koa ǹ kiwin dɔ Ezipti gána a kii *Faarahɔn nɛ, Pitomu laanka Ramusɛsi kiwin kɛn manɛ.

Bɔ bɛ̀rɛbaa nɛ 3:7

Dɛnaa pɛ: «Má maa zaman lɛ a nɔmaa yɛ Ezipti gána nɛ, má ǹ lɛ-dɛ ma ǹ lɛduə̃li baraan kɛn dɛ gɔn. Sonbore, ma tá ǹ fuun lɛn doɛ̃.

Bɔ bɛ̀rɛbaa nɛ 5:10

Dí mìilandɛnan laanka zaman-lɛduə̃lin lɛn nə́ soo, ǹ nə́ pɛ zaman lɛ-n kɛnɛn: «Faarahɔn pɛ, mà asɛ a buu koe ka la doo wa.

Bɔ bɛ̀rɛbaa nɛ 5:19

Izirayeli nɛnyaanan-lɛduə̃lin lɛn nə́ dɔ̃, mà sii lɛ kɔsɛ ǹsɛn ganaa, a giala, maǹ nə́ pɛ ǹ nɛ mà ǹ baran màn bɔ ǹ toopaa lɛ lɛ wa, mà lɛ mɛn nə n pɛ ǹ nɛ, mà ǹ bɛ lɛ bɔ baraabaraa.

Bɔ bɛ̀rɛbaa nɛ 5:7

«Ka baran buu kɔ zaman lɛ la doo, ka lɛlɛ bɛ́ lɔn, ǹ toopaa bɔ-n wa. Ka ǹ toa ǹ dinin nə wo buu goa.

Suusun 12:10

Min pepere tá n yiri koɛ a tɔɔn li. Sɛnɛ min baraa ba makara goon din doɛ̃ wa.

Minin nimi 11:16

Dɛnaa Lawa tɔ́n Muizu lɛ si: – Min yii guguru-a pɔsɔbaa sɔkɔn, ń bɛ́ ǹ mɛnɛn doɛ̃ zaman lɛ a min golen laanka a nyɛɛnaandɛnan lɛa. N die n wo ǹ ne kɔn yɛ ka Lawa nɛ ǹ kion kɛ yɔrɔ-a, ǹ giã bii-a kun n dinmaa nɛ masɛ yɔrɔ-a.

Timəə dí-pɛn 1:15

Má nɔmaa má tɔrɔ gogoonmaa a mìilandɛnan sɔkɔn, giĩn lɛa, sii doɛ̃, ǹ tɔ bǐɛ̃ dɔ n minin lɛ-n. Má bɛn lɛn koa ka mìi la. Ǹ tɛnɛn man min duu goon a mìilandɛnan lɛa, ǹ tɛnɛn man min paabiɛ wɔn lɛa, ǹ tɛnɛn man min posooro wɔn lɛa, ǹ gialakunun man min fù wɔn lɛa. Má ǹ gialakunun dɔn koa pàãdɛnan lɛa, ka tɔrɔn lɛn bii ni.

Timəə dí-pɛn 16:18

Ka die ka sii yɔrɔ-bɔlen laanka zaman-lɛduə̃lin koa kaa tɔrɔn lɛn wɔ lɛa, kiwin lɛn tumaa nɛ, kaa Lawa, Dɛnaa Lawa bɛ́ re kiwin mɛnɛn koe ka la. Bɛn tá re zaman lɛ a sii yɔrɔ boe ka peperebaa nɛ.

Zozoe 24:1

Ǹ kɔn pinaa, Zozoe Izirayeli minin lɛn tumaa lɛ sɔkɔn Sisɛmu. Á lɛ dia ǹ min golen la, ǹ nyɛɛnaandɛnan nɛ, ǹ sii yɔrɔ-bɔlen ne ka ǹ landa sii-daraalin ni. Ǹ nə́ daa golee Lawa yɔrɔ-a.

Zozoe 24:4

ma tɔ́n Zakɔba laanka Ezawu kɔ Izaaki la. Ma din ni má Seyiiri a kele yii kɛ kɔ Ezawu la má a giã a nɛ. Zakɔba laanka a nɛnyaanan sɛn nə́ woo Ezipti gána nɛ.

Zozoe 8:33

Bɛa biikoo li, Izirayeli minin lɛn tumaa, ǹ min golen ne, ǹ landa sii-daraalin laanka ǹ sii yɔrɔ bɔlen ne ka tɔrɔ kɔsɔn mɛnɛn bɛ́ ǹ bii, ǹ tumaa woo golee Lawa a *lɛ kɔ kɔn la ǹ goo lɛ wàãn paanan li, Levii tɔrɔ wúlu-bɔlen kɛn yɔrɔ-a, ǹsɛn mɛnɛn bɛ́ lɛ kɔ kɔn la ǹ goo lɛ guĩ. Zaman lɛ a talɛɛ na á giã Garizimu kele kɛ yɔrɔ-a, a talɛɛ dɔ́ giã Ebaali kele kɛ yɔrɔ-a. Dɛnaa Lawa a dí-nyali Muizu na á goã á pɛ ǹ nɛ mà ǹ zɛnaa miɛ̃, ǹ barka da Izirayeli zaman lɛ ganaa bɔrɔ.