Bɔ bɛ̀rɛbaa nɛ 4:21 - LAWA A BOO SONBORE

²¹ Dɛnaa pɛ Muizu-n doo: – Á ke, n bɛ́ wusii woe kanna ma pàã kɔ n la máa n kaãbaa ǹ siin mɛnɛn tumaa zɛnaa, n die n bɛn zɛnaa *Faarahɔn yɔrɔ-a. Sɛnɛ, ma din tá re a too kaka koe, a re toɛ zaman lɛ woo wa.

LAWA A BOO SONBORE 2011

²¹ Dɛnaa pɛ Muizu-n doo: – Á ke, n bɛ́ wusii woe kanna ma pàã kɔ n la máa n kaãbaa ǹ siin mɛnɛn tumaa zɛnaa, n die n bɛn zɛnaa *Faarahɔn yɔrɔ-a. Sɛnɛ, ma din tá re a too kaka koe, a re toɛ zaman lɛ woo wa.

Bɔ bɛ̀rɛbaa nɛ 4:21 Iomraidhean Croise

Siin Giala 6:3

Dɛnaa tɔ́n pɛ kɛnɛn: «Ma fɔfoã mɛn kɔ minbuiin nɛ la, ma a re lɛ koe, bɛ goã a nɛ yǎa duduu wa. A bɛ́ gɔ̀nɔn siĩ gɛ̀-wɔle lɛa, a die kiɛ̃ lɛ̀ paabiɛ ka fuə (120) la kanaa doo wa.»

Kiin1 22:22

Yiri lɛ pɛ Dɛnaa Lawa nɛ: «Man die woe ma Akaabu a Lawa a boo gii-dalin lɛn tumaa kaa soɛ bɔ ganaa.» Dɛnaa Lawa tɔ́n pɛ nɛ: «Woo n na a mìi dɔ li, n tá re boe la. Wo zɛnaa miɛ̃.»

Loen 105:25

Lawa din toa Ezipti minin lɛn yiri nə́ n bɔyaa, ǹ ná a zaman lɛ baa zɔ́ɔ, ǹ na a dí-nyali Izirayeli minin lɛn kũ ka soɛ nɛ.

Loen 78:43

Á sii a kɔnbɔn nyaa Ezipti minin manɛ, á kaãbaa ǹ sii kakan nyaa Soan minin manɛ.

Bɔ bɛ̀rɛbaa nɛ 10:1

Dɛnaa pɛ Muizu-n doo: «Wo wɔ *Faarahɔn li. A giala, ma din ni má a laanka a kiodɛnan too kaka kɔ, ń giɛ ma tá ma din nyaa ǹ siin zɛnɛɛ ǹ bii.

Bɔ bɛ̀rɛbaa nɛ 10:20

Sɛnɛ, Dɛnaa toa Faarahɔn too kaka kɔ, a Izirayeli nɛnyaanan lɛn toa ǹ nə́ soo, ǹ nə́ woo wa.

Bɔ bɛ̀rɛbaa nɛ 10:27

Sɛnɛ, Dɛnaa toa Faarahɔn too kaka kɔ, a lɛ kɔ á toa Izirayeli nɛnyaanan lɛn nə́ soo, ǹ nə́ woo wa.

Bɔ bɛ̀rɛbaa nɛ 11:10

A laanka Aarɔn bɛa kaãbaa ǹ siin kɛn lɛn tumaa zɛnaa Faarahɔn yii ni, Dɛnaa na á toa a too kaka kɔ, a toa Izirayeli nɛnyaanan lɛn nə́ soo, ǹ nə́ woo, ǹ nə́ n bɔ a gána lɛ-n wa.

Bɔ bɛ̀rɛbaa nɛ 11:9

Dɛnaa pɛ Muizu-n kɛnɛn doo: «Faarahɔn ba re n too koe ka lon, a toa ka woo wa, bɛ á re toɛ man din pàã gole kɛ nyaa gána kɛ gɔ́ɔ̃ nɛ, ma wo-n nyɛɛnɛ.»

Bɔ bɛ̀rɛbaa nɛ 14:17

Ma á re toɛ Ezipti minin lɛn too kaka kɔ, màn mɛn bɛ́ toɛ, ǹ wɔ mu lɛ li ka kio. Má tɔn ma din tɔ bɔ ǹ sii zɛnaa Faarahɔn ganaa, ka a ziabaa ǹ mànan tumaa nɛ, a wotoron ne, ka a sùi lɛ-kũlin ni.

Bɔ bɛ̀rɛbaa nɛ 14:4

Lawa mà asɛ á re toɛ Faarahɔn too kaka kɔ, a yoo a ǹ kio loo. Sɛnɛ, mà asɛ á re a din tɔ bɔ ǹ siin zɛnɛɛ Faarahɔn laanka a pàã din tumaa ganaa. Mà Ezipti gána minin tumaa á re doɛ̃, mà asɛ din nə Dɛnaa Lawa lɛa.» Ǹ dɔn nə́ zɛnaa miɛ̃.

Bɔ bɛ̀rɛbaa nɛ 14:8

Dɛnaa toa Ezipti gána a kii Faarahɔn too kaka kɔ. Á yoo á Izirayeli nɛnyaanan loo, Izirayeli nɛnyaanan mɛnɛn nə soo, ǹ nə́ n bɔ bɛ̀rɛbaa nɛ.

Bɔ bɛ̀rɛbaa nɛ 3:19

Sɛnɛ, ma á doɛ̃ máa Ezipti gána a kii lɛ a re lɛ koe ka soo wa, yǎa bɛ̀ pàã nə́ n nyaa nɛ.

Bɔ bɛ̀rɛbaa nɛ 3:20

Ma á re n gɔn siɛ lon, ma koe sii gigiã zɛnaa Ezipti minin bii, ma fuu nyaa ǹ nɛ. Bɛn kio, kii lɛ á re toɛ ka woo.

Bɔ bɛ̀rɛbaa nɛ 7:13

Ka bɛ din yii ni, Faarahɔn too goã a kakabaa gɔ́ɔ̃ nɛ, a n too kɔ Muizu laanka Aarɔn lon wa, ka Dɛnaa din bɛ́ á goã á pɛ lɔn.

Bɔ bɛ̀rɛbaa nɛ 7:3

Sɛnɛ, ma din tá re Faarahɔn too kaka koe. A laanɛ n tá re sii nyaa ǹ sii dadaran zɛnɛɛ ǹ mɔnaa Ezipti gána nɛ,

Bɔ bɛ̀rɛbaa nɛ 8:11

Faarahɔn bɛ́ á yɛ mà dɔlɔ sii lɛ nya, á n too kaka kɔ doo. A n too kɔ Muizu laanka Aarɔn lon wa, ka Dɛnaa din bɛ́ á goã á pɛ lɔn.

Bɔ bɛ̀rɛbaa nɛ 8:15

Kɔ́lɔnbaalin lɛn nə́ pɛ Faarahɔn nɛ: «Lawa a dí n ka kɛ nɛ.» Sɛnɛ, Faarahɔn too goã a kakabaa gɔ́ɔ̃ nɛ. A n too kɔ Muizu laanka Aarɔn lon wa, ka Dɛnaa bɛ́ á goã á pɛ lɔn.

Bɔ bɛ̀rɛbaa nɛ 9:12

Sɛnɛ, Dɛnaa toa Faarahɔn too kaka kɔ, a n too kɔ ma laanka Aarɔn lon wa, ka Dɛnaa din bɛ́ á goã á pɛ masɛ Muizu-n lɔn.

Bɔ bɛ̀rɛbaa nɛ 9:35

Faarahɔn too lɛ goã kaka miɛ̃, a toa Izirayeli nɛnyaanan lɛn nə soo ǹ nə́ woo wa, ka Dɛnaa din bɛ́ á goã, á pɛ Muizu-n lɔn.

Izayii 6:10

Ǹ yiri lɔlɔkɔn, n nə ǹ too tã, n nə ǹ yii tã màn mɛn bɛ́ toɛ, ǹ yii nyan wɔlɔ yɛ wa, ǹ too nyan boo ma wa, ǹ yiri tã. Ka bɛ-n kəni, ǹ ba re wusii ǹ da ma li wa, ǹ ba re kaka koe wa.

Izayii 63:17

Dɛnaa Lawa, wàa na á baa ń toa wɔ papaã sɔsɔɔ n zii kɛ ganaa. Ń toa wɔ n foo lɛ tã n boo nyɛɛnɛ, wɔ́ n piã wɔ n guguru kɔ wa. Bɛ n siɛ lɔn kəni? Wusoo n daa n kɔn-narɛɛ taman yii, wɔsɛn taman yii n dí-nyalin lɛa, Wɔsɛn kɛn, n din a zaman lɛa.

Zaã a sɛ́wɔ 12:40

«Lawa na á ǹ yiin tã, màn mɛn bɛ́ toɛ, ǹ baran wɔlɔ yɛ wa. Á ǹ yiri tã, màn mɛn bɛ́ toɛ, ǹ baran boo giala ma wa, màn mɛn bɛ́ toɛ, ǹ baran ǹ lɛ-mui sii kaa ǹ wusoo ǹ da masɛ Lawa li wa. Bɛ̀ maǹ kiɛ, bɛ̀ má ǹ busu nya!»

Rɔmu minin 1:28

Ka bɛ dɔ-n doo, ǹ lɛ kɔ ǹ nə́ Lawa doɛ̃ sii toa ǹ gɔ́ɔ̃-n wa. Bɛ lɛ nɛ, Lawa nə́ ǹ toa ǹ dinin yiri gɔgɔrɛ kɛ gɔn, màn mɛn bɛ́ toɛ, siin mɛnɛn doamaa bɛ́ n bie ka zɛnaa-n wa, ǹ bɛn zɛnaa.

Rɔmu minin 9:18

Bɛ lɛ nɛ, bɛ̀ a din golee li, mà a n makara boe min mɛn ganaa, a n boe a ganaa, bɛ̀ á golee li, mà a n toɛ min mɛn dɔ too kaka kɔ, a n toɛ bɛa dɛnaa too kaka kɔ.

Korɛnti2 2:16

Papaã wolen yii li, gìĩ kɛ lɛ n gɛ̀ gìĩ lɛa, a n gɛ̀ dii; kirisibaalin yii li, a n yiikoonaabaa gìĩ lɛa, a n yiikoonaabaa koe. Die n boe la a bɛa dí kɛ miã nya?

Timəə dí-pɛn 2:36

A saa Aroɛɛrɛ kiwi ganaa Arnɔn tà lɛ-a, ka kiwi kɛ dɔ nɛ, bɛa nyankɔrɔ lɛ nɛ, a wo yǎa Galaati gána nɛ, kiwi kɔn piã wɔ ganaa wa. Wɔa Lawa, Dɛnaa Lawa lɛ ná a tumaa wɔ wɔ gɔn.

Zozoe 11:20

A giala, Dɛnaa Lawa din na á ǹ foo laa, á ǹ kaa kɔn ka Izirayeli minin lɛn nɛ. A na á goã giɛ li, bɛn nə ǹ dɛ ǹ nə ǹ nya lenlen, ǹ nə́ ǹ ba n tɛn toɛ ǹ nɛ wa, ka Dɛnaa Lawa goã á pɛ Muizu-n lɔn.

Piɛrɛ1 2:8

Ka bɛ dɔ-n doo, gòã na ma ganaa ǹ kɔlɔ nɛ, minin daa ǹ gɛ̀fu ni.» Golee Lawa li baãnaan lɛn manə n gòã niɛ a ganaa, a giala, ǹ nə́ n piã, ǹ ba golee Lawa a boo li wa. Lawa na á bɛ lɛ yɔrɔ bɔ ǹ lɛa lɛlɛndun.