Bɔ bɛ̀rɛbaa nɛ 4:12 - LAWA A BOO SONBORE

¹² Kanna kəni, woo, ma din tá kun n lɛ nɛ, n doamaa bɛ́ nɛ n boo mɛn da, ma á re n darɛɛ bɛ ganaa.»

LAWA A BOO SONBORE 2011

¹² Kanna kəni, woo, ma din tá kun n lɛ nɛ, n doamaa bɛ́ nɛ n boo mɛn da, ma á re n darɛɛ bɛ ganaa.»

Bɔ bɛ̀rɛbaa nɛ 4:12 Iomraidhean Croise

Loen 105:26

Lawa ná a dí-nyali Muizu dia, ka Aarɔn kɛ nɛ, a din bɔ.

Loen 143:10

Ma daraa n foo sii zɛnaa ganaa, a giala, n din nə maa Lawa lɛa. N yiri sonbore kɛ die a ma da zii pepere la.

Loen 32:9

N nyan nə n mìi baa kaka wa. N nyan goã ka sùi hinlaa dundun bɛ́ lɔn, yǎa n karafɔ we a lɛ-n, n baɛ̃ a biɛn ganaa wa. Bɛ̀ n nə n baa miɛ̃ wa, sii kɔn ba re n yii wa.

Bɔ bɛ̀rɛbaa nɛ 3:12

Lawa pɛ nɛ: «Ma á kunun n ni. Sii mɛn bɛ́ nyɛɛ n nɛ, mà masɛ din nə má n dia bɛ á ke: Bɛ̀ ń soo ka zaman lɛ nɛ ń nə́ ǹ bɔ Ezipti gána nɛ, ǹ tá re dí nyɛɛ Lawa nɛ kele kɛ la.»

Bɔ bɛ̀rɛbaa nɛ 4:13

Muizu pɛ: «Dɛnaa, ma nə n nyankoe, min kɔsɔ mɛn bɛ́ kɔɔ̃nɛ n ganaa, bɛa dɛnaa dia a wo boo kɛ lɛ pɛ.»

Bɔ bɛ̀rɛbaa nɛ 4:15

Boon lɛn pɛ nɛ, n nə ǹ wɔ a lɛ-n. Ma dinmaa tá kun n lɛ nɛ, kun ka a dɔ wɔ nɛ. Ka doamaa bɛ́ ka màn mɛn zɛnaa, ma á re bɛ nyɛɛ ka nɛ.

Bɔ bɛ̀rɛbaa nɛ 4:16

Aarɔn sɛ á re boo diɛ zaman lɛ nɛ n bǎã nɛ, á n die goɛ̃ n boo gii-dali lɛa, nsɛ goã ka a Lawa bɛ́ lɔn.

Izayii 49:2

Á maa boo baa gɔya sa lɛ-bɔle lɛa, Á ma duru a gɔn wúlu li. Á ma baa kiɛ lɛ pɛpɛnɛ lɛa, á ma duru a kòã nɛ.

Izayii 50:4

Ma bɛ́ má kɔnbɔ ma boo mɛn da, ma pàãwɛɛnaa foo taã nɛ, Dɛnaa Lawa n ma darɛɛ bɛ ganaa. Baraabaraa baayɛlɛ, a n ma yii kiɛ, man too kɔ ka kialandɛnaa sonbore bɛ́ lɔn.

Zeremii 1:9

Bɛ kio, Dɛnaa Lawa nə n gɔn saa á da ma lɛ ganaa, á pɛ: «Man maa boo we n lɛ-n.»

Minin nimi 16:28

Muizu tɔ́n pɛ: «Ka tá re doɛ̃ kɛ li kəni, mà Dɛnaa Lawa na a masɛ dia bɛa siin kɛn lɛn tumaa zɛnɛɛ, masɛ bie ǹ zɛnɛɛ ma din li wa.

Marki 13:11

Bɛ̀ ń yaa ǹ nə́ ka kũ mà maǹ woe kiri we ka ganaa, ka baran saa lɛlɛ ka n gɔ́ɔ̃ bii ka kaa da ǹ boo-n wa. Lawa bɛ́ re boo mɛn koe ka la bɛa biikoo lɛ gɔ́ɔ̃ nɛ, ka bɛ lɛ pɛ. A giala, a bie boe ka dinin ni wa, Yiri Fu n die kaa da ǹ boo we ka lɛ-n.

Luku 11:1

Ǹ kɔ́n pinaa Yezu na á goã Lawa nyankoe bǎã kɔ́n nɛ. A bɛ́ á nya, a kialandɛnaa goon pɛ: «Dɛnaa, wɔsɛn daraa Lawa nyankɔ ganaa, ka ZAÃ bɛ́ á goã a ná a kialandɛnan daraa-a lɔn.»

Zaã a sɛ́wɔ 14:26

Yiri Fu, Dɔmalɛ Wole lɛ, maa Díi n die diɛ ka masɛ tɔ nɛ, bɛ lɛ á die ka darɛɛ bɛa siin lɛn tumaa ganaa. Ma boo mɛn tumaa pɛ ka nɛ, á die ka yiri diɛ bɛ yii tumaa nɛ.

Efɛɛzi minin 6:19

Ka Lawa nyankɔ masɛ dɔ a lɛa, bɛ̀ ma á boo diɛ, Lawa boo peperen wɔ ma lɛ-n, man bɔlɔ pɛ ka foo tãbaa nɛ, minin nə boo la, ǹ Boo Tii Kɔɔ̃n a sii-durii kɛ dɔ̃.

Timəə dí-pɛn 18:18

Masɛ n die Lawa a boo gii-dali goon diɛ ka ma din bɛ́ lɔn, ka dinin tɔrɔn lɛn min goon lɛa. Ma á re maa boo we a lɛ-n. Ma bɛ́ re n gɔn wɛɛ nɛ ka sii woo sii ni, a tá re a tumaa pii ka nɛ.