Bɔ bɛ̀rɛbaa nɛ 4:1 - LAWA A BOO SONBORE

¹ Muizu ná a lɛ si: «Sɛnɛ, á ke! Izirayeli nɛnyaanan lɛn ba re golee ma li wa, ǹ ba re n too koe ma lon wa. Ǹ tá re pii, mà Dɛnaa nə n din nyaa masɛ-n wa.»

LAWA A BOO SONBORE 2011

¹ Muizu ná a lɛ si: «Sɛnɛ, á ke! Izirayeli nɛnyaanan lɛn ba re golee ma li wa, ǹ ba re n too koe ma lon wa. Ǹ tá re pii, mà Dɛnaa nə n din nyaa masɛ-n wa.»

Bɔ bɛ̀rɛbaa nɛ 4:1 Iomraidhean Croise

Kiin1 13:3

Lawa a boo gii-dali lɛ nə n gɔn waa ǹ nɛ á pɛ: «Wúlu bɔ ǹ bǎã lɛ á die n talɛ kɔn, siĩ nyɔɔ mɛn bɛ́ re goɛ̃ a lalan, bɛ á die kiɛ tán. Ka tá re doɛ̃ bɛ li sonbore, mà Dɛnaa Lawa na á boo da.»

Bɔ bɛ̀rɛbaa nɛ 2:14

Giĩ lɛ mà a ganaa: «Die na á n koa kii laanka kiri-wɔle lɛa wɔsɛn mìi la? Ma n giɛ li n masɛ dɔ dɛ, ka n bɛ́ ń Ezipti min kɛ dɛ lɔn?» Nyɛ́ɛ Muizu kũ, á pɛ kɛnɛn: «Haya, maa sii lɛ bɔ kanaa kəni!»

Bɔ bɛ̀rɛbaa nɛ 3:15

Boo da Izirayeli nɛnyaanan lɛn man kɛnɛn: «Dɛnaa Lawa lɛ, ka digolon Lawa lɛa, Abrahamu ni, Izaaki ni ka Zakɔba nɛ, bɛn Lawa kɛ na á ma dia ka li "Dɛnaa" lɛ na a tɔ lɛa yǎa duduu, ka n die bíi miɛ̃ biikoo tumaa li.»

Bɔ bɛ̀rɛbaa nɛ 3:16

Woo, n Izirayeli a min golen lɛ sɔkɔn, n pɛ ǹ nɛ kɛnɛn: «Dɛnaa Lawa lɛ, ka digolon Lawa lɛa, Abrahamu ni, Izaaki ni ka Zakɔba nɛ, bɛn Lawa kɛ na á n din nyaa ma nɛ. Á pɛ mà ǹ bɛ́ màn mɛn tumaa zɛnɛɛ ka nɛ Ezipti gána nɛ, mà asɛ n die n doe ka lɛ, bɛa lɛa.

Bɔ bɛ̀rɛbaa nɛ 3:18

Izirayeli a min golen lɛn tá re n too koe ka lon, ǹ laanka n din tá re woe Ezipti gána a kii lɛ li, ka pɛ-n kɛnɛn: «Dɛnaa lɛ, Ebrəən Lawa lɛa, bɛ na á n din nyaa wɔsɛn manɛ. Kanna, wɔ doamaa nɛ wɔ lɛawaa sɔɔ zii tɔ wɔ, wɔ wo don bii, wɔ *wúlu mànan bɔ wɔa Dɛnaa Lawa nɛ.»

Bɔ bɛ̀rɛbaa nɛ 4:10

Muizu pɛ Dɛnaa nɛ: «Dɛnaa, ma nə n nyankoe, masɛ a boe boo la wa. Bɛ bie á n giala kɔ gunun wa, giĩ bie wa, a kũ n din a boo da masɛ-n ganaa, ma tɔn nə n bɔyaa wa. Ma lɛ á guguru.»

Bɔ bɛ̀rɛbaa nɛ 4:30

Dɛnaa boon mɛnɛn tumaa kɔ Muizu la, a sii nyaa ǹ siin mɛnɛn dɔn nyaa nɛ, Aarɔn boon lɛn pɛ, Muizu dɔ́ siin lɛn zɛnaa zaman lɛ yɔrɔ-a.

Bɔ bɛ̀rɛbaa nɛ 4:31

Zaman lɛ golee ǹ li. Ǹ ná a giala ma, mà Dɛnaa na á Izirayeli nɛnyaanan lɛn nɔmaa ǹ gɔn lɛ yɛ, mà a na á daa, á n die ǹ sii sii la. Ǹ nə́ kaa tán, ǹ nə́ Lawa guguru kɔ.

Bɔ bɛ̀rɛbaa nɛ 6:12

Sɛnɛ, Muizu kɛ pɛ Dɛnaa yɔrɔ-a: «Á ke, Izirayeli nɛnyaanan dinin nə n too kɔ ma lon wa. Faarahɔn nə die n too koe ma lon lɔn, masɛ mɛn bɛ́ maa boo diɛ doɛ̃ wa?»

Bɔ bɛ̀rɛbaa nɛ 6:30

Sɛnɛ Muizu pɛ Dɛnaa nɛ: «Á ke, masɛ a boe boo la wa. Faarahɔn nə die n too koe ma lon lɔn?»

Zeremii 1:6

Má a lɛ si kɛnɛn: «Ebe, Dɛnaa Lawa, ma a boe boo diɛ la wa. Ma yii á kiɛɛrɛ á la yii ni.»

Ezekieli 3:14

Lawa yiri lɛ na á ma saa, á woo ma nɛ. Man má woo, ma yɔrɔ ń kɔsiɛ nɛ, ma foo ń ziziɛ̃ nɛ. Dɛnaa Lawa pàã na á goã ma la taãn-taãnɛ.

Nya ǹ dín 7:25

A na á goã mà a n nyɛɛ ǹ dɔɔ̃nɔn lɛn manɛ, mà Lawa n die ǹ mìi sii ka asɛ pàã nɛ, sɛnɛ, bɛn na a giala ma wa.

Sii yɔrɔ-bɔlen 6:17

Zediɔ̃ tɔ́n pɛ: Bɛ̀ n tá re bǐɛ̃ koe masɛ-a sonbore, sii a kɔnboe nyaa ma nɛ, màn mɛn bɛ́ nyɛɛ, mà n din nə boo diɛ ka ma nɛ.