Bɔ bɛ̀rɛbaa nɛ 32:4 - LAWA A BOO SONBORE

⁴ Aarɔn bɛa sana kɛ lɛ si ǹ gɔn, á yo á zɛnaa diin nɛ nyí lɛa. Ǹ nə́ tɔ́n pɛ kəni: «Haya, Izirayeli minin lɛn! Kaa lawa lɛ á ke, ǹ mɛn lɛ ka bɔ Ezipti gána nɛ, á soo ka nɛ!»

LAWA A BOO SONBORE 2011

⁴ Aarɔn bɛa sana kɛ lɛ si ǹ gɔn, á yo á zɛnaa diin nɛ nyí lɛa. Ǹ nə́ tɔ́n pɛ kəni: «Haya, Izirayeli minin lɛn! Kaa lawa lɛ á ke, ǹ mɛn lɛ ka bɔ Ezipti gána nɛ, á soo ka nɛ!»

Bɔ bɛ̀rɛbaa nɛ 32:4 Iomraidhean Croise

Kiin1 12:28

Kii Zeroboamu nɔ̀n da min tɛnɛn la ka yiri ni, á diin nɛ nyín paa zɛnaa ka sana nɛ, á pɛ zaman lɛ nɛ: «Kaa wo Zeruzalɛmu lɛ la yii ni, Izirayeli minin lɛn, kaa dìn lɛn nə́ ke, kɛn lɛn man nə́ ka waa Ezipti gána nɛ ǹ nə́ soo ka nɛ.»

Kiin1 12:32

Mui mɛn bɛ́ lɛ̀ a mui a kiwisi baa ǹ wɔ lɛa, Zeroboamu zɔ́n goon zɛnaa bɛ li, a lɛawaa fulusoorobaa ǹ wɔ pinaa. Á bɛ baa zɔ́n lɛa ka ǹ bɛ́ nɛn bɛ̀ ǹ zɛnaa Zudaa gána-n lɔn. Zeroboamu woo *wúlu bɔ ǹ bǎã nɛ. A na á zɛnaa miɛ̃ Betɛli dɔ nɛ, a diin nɛ nyínin mɛnɛn lɛn zɛnaa, á wúlu bɔ ǹ ganaa. A wúlu bɔ ǹ bǎãn mɛnɛn dɔ, á bɛn wúlu-bɔlen bɔ á ǹ koa Betɛli.

Kiin2 10:20

Zewu pɛ: Ka Baali guguru kɔ ǹ lɛ sɔkɔn a lɛ dia. Ǹ nə́ tɔ́n lɛ lɛ dia.

Kiin2 10:29

Sɛn kəni, Nebaati a nɛgiĩ Zeroboamu mɛn lɛ goã á Izirayeli minin kaa sii baraa zɛnaa ganaa, bɛa sii baraan kɛn, Zewu nə n bɔ bɛn wɔlɔ li wa. Diin nɛ nyín sanadɛnan mɛnɛn nə goã Betɛli laanka Dan nɛ, a n bɔ bɛn wɔlɔ li wa.

KZS2 11:15

Zeroboamu ná a din dùũ wúlu-bɔlen bɔ, dìn wúlu bɔ á lɛa, butumu laanka dii nɛn kɔnboen lɛa, a din nə ǹ mɛnɛn zɛnaa.

KZS2 13:8

Kanna kəni, ka n taasɛ mà pàã tá ka lon, ka nə́ n gòãn dii Dɛnaa *Lawa a kiibaa kɛ ganaa á kɔ Davida a kion minin la. Ka n gigiã sɔraasi zaman lɛa. Sana dii nɛn tá kun ka ka nɛ, Zeroboamu nə ǹ mɛnɛn kɔ ka la, mà ǹ kaa lawan baa.

Nehemii 9:18

Ǹ nə́ goã ǹ nə́ sana yo ǹ nə́ diin nɛ nyín zɛnaa nɛ, ǹ nə́ pɛ: «Wɔa lawa lɛ á ke, kɛ lɛ, á wɔ waa Ezipti gána nɛ á soo wɔ nɛ.» Ǹ nə́ sã dadaran wɔ.

Bɔ bɛ̀rɛbaa nɛ 20:2

«Ma din nə Dɛnaa lɛa, n Lawa lɛ nɛ, ma soo n ne, má n bɔ Ezipti gána a bɛ̀rɛbaa nɛ:

Bɔ bɛ̀rɛbaa nɛ 20:23

Kaa boe la, ka masɛ baa ka lawan kɛn bɛ́ lɔn, ǹ nə́ ǹ zɛnaa ka wɔrɔgiala laanka sana-n wa. Kaa boe la, ka bɛn miãn zɛnaa masɛ genli wa.

Bɔ bɛ̀rɛbaa nɛ 20:4

- N baran màn nyín zɛnaa n bɛ baa n Lawa lɛa wa. A baran lon màn yiikoonaa baa wa, tán wɔ nɛ, ka mu giulun wɔ-n wa.

Bɔ bɛ̀rɛbaa nɛ 28:11

N Zakɔba a nɛgiĩn lɛn tɔn kiɛ̃ kɔlɔ màn paa lɛ ganaa, ka kɔlɔ-sɛlɛli bɛ́ a dí nyɛɛ lɔn, n nə n din wɔbaa ǹ wɔ a nyaǹ kiɛ̃ wɔ ǹ ganaa. Bɛ kio, n kɔlɔ màn paa kɛ doa ka sana nɛ.

Bɔ bɛ̀rɛbaa nɛ 28:9

N kɔlɔ sonbore màn paa saa, n Zakɔba a nɛgiĩ fulupaa kɛ tɔ kiɛ̃ ǹ ganaa.

Bɔ bɛ̀rɛbaa nɛ 32:1

Zaman lɛ yɛ mà Muizu belebɔ kele lɛ la, a ná a ba gisĩ wa. Ǹ nə́ n lɛ sɔkɔn Aarɔn li, ǹ nə́ pɛ nɛ: «Yoo! N dìn zɛnaa n kɔ wɔsɛn la, dìn mɛnɛn bɛ́ re wɔ nyɛɛnaan boe, a giala, Muizu mɛn soo wɔ nɛ á wɔ bɔ Ezipti gána nɛ, sii mɛn yɛ, wɔ ba doɛ̃ wa.»

Bɔ bɛ̀rɛbaa nɛ 32:24

Má tɔ́n pɛ ǹ nɛ kəni máa sana n die lon? Ǹ nə́ ǹ waa ǹ toon ne, ǹ nə́ daa ǹ kɔ ma la. Má sana lɛ kaa tɛ-n, á yo, bɛ na á diin nɛ kɛ baa.

Bɔ bɛ̀rɛbaa nɛ 32:3

Zaman lɛ tumaa nə́ ǹ too ne ǹ sana mànan waa, ǹ nə́ daa ǹ nɛ Aarɔn li.

Bɔ bɛ̀rɛbaa nɛ 32:35

Sonbore, Dɛnaa dɔlɔ bɔ zaman lɛ ganaa, ǹ diin nɛ nyín kɛ lɛ a lɛa, ǹ Aarɔn nyankɔ, mà a ǹ mɛn lɛ zɛnaa.

Bɔ bɛ̀rɛbaa nɛ 32:5

Aarɔn bɛ lɛ yɛ, yǎa a *wúlu bɔ ǹ bǎã dɔ màn nyín lɛ yɔrɔ-a, á tɔ́n pɛ kɛnɛn: «Biɛ̃, zɔ́n tán Dɛnaa a lɛa.»

Bɔ bɛ̀rɛbaa nɛ 32:7

Dɛnaa boo da Muizu ni, á pɛ: – Gisĩ fufuu. A giala, n zaman lɛ sàabaa, zaman kɛ lɛ, ń soo ne ń bɔ Ezipti gána nɛ.

Bɔ bɛ̀rɛbaa nɛ 32:8

Á ke, ma zii mɛn nyaa ǹ nɛ, ǹ nə n foo kũ, ǹ nə́ goã bɛ la wa, ǹ nə́ ke ǹ nə́ kanaa ǹ nə́ n bɔ la. Á ke, ǹ nə́ diin nɛ nyín zɛnaa, ǹ ná a guguru kɔ, ǹ nə́ wúlu mànan dɛ a ganaa. Ǹ nə́ pɛ kɛnɛn dɔn dinin: «Haya, Izirayeli minin lɛn, kaa lawa lɛ á ke, ǹ mɛn lɛ ka bɔ Ezipti gána nɛ, á soo ka nɛ.»

Izayii 30:22

N dìn kɛn n wɔrɔ kaa ǹ la n dì kooron kɛn n sana kaa ǹ la, n tá re giɛ bɛn ganaa *gɔ̀ dama-a ǹ mànan lɛa. N tá re ǹ zuĩ ka màn gɔgɔrɛn bɛ́ lɔn, n pɛ ǹ nɛ: «Ka n tá ka n bɔ kànaa!»

Izayii 46:6

Min tɛnɛn man sana gigiã wɛɛ ǹ lon, maǹ wɔrɔ zoɛ̃ kilo la. Maǹ pii sana-yoli ni, mà a dì zɛnaa a kɔ ǹsɛn la. Bɛ kio, maǹ kiɛ tán dì lɛ yɔrɔ-a, ǹ na a guguru kɔ.

Ezekieli 23:8

A kɔrɔbaa mɛn lɛ giala kɔ Ezipti gána nɛ, a bɛ lɛ da wa. A giala, maǹ nə́ goã giɛ̃ kun ni haalɛ a tenmaa waáraa, ǹ nə́ goã a nɛniɛbaa ǹ nyɔn kɛn kuĩ, bɛ̀ ǹ da naarɛbaa ganaa.

Ozee 10:5

Nyɛ́ɛ n Samarii minin kɛn ganaa ka ǹ diin nɛ nyín kɛa sii ni, Bɛti-Avɛn kiwi. Zaman lɛ n wuu pii dì lɛ taman yii. Min mɛnɛn bɛ́ n dinin biɛ a wúlu-bɔlen lɛa, bɛ́n man bìn diɛ a nyɛɛnɛ. A giala a siĩnbaa lɛ woo sɔsɔɔ ǹ ganaa.

Ozee 13:2

Kanna kəni, maǹ woe nyɛɛnɛ ka ǹ sii baraa zɛnaa nɛ. Ǹ nə́ ǹ wɔrɔ yo ǹ nə́ màn nyínin zɛnaa nɛ, manə ǹ dinin foo sii dì zɛnɛɛ, ǹ tumaa n gɔn dí-nyalin màn zɛnaan lɛa. Maǹ pii ǹ wɔ paǹ li: Wɔ doamaa nɛ wɔ wúlu mànan kɔ ǹ la! Minin man dii nɛn nyínin guguru koe!

Nya ǹ dín 17:29

Haya, ka bɛ́ Lawa din tɔrɔ lɛa, ka doamaa bie ka taasɛ, mà Lawa n kɔnboe ka sana nɛ, ka wɔrɔgiala nɛ, ka kɔlɔ mɛn tumaa nə n zɛnaa, á kɔnpɛ ka minbuiin nɛ a gɔn a kɔɔ̃nbaa laanka a taasiɛ-n wa.

Nya ǹ dín 7:41

Maǹ nə́ diin nɛ zɛnaa bɛa biikoo kɛ lɛ li, ǹ nə́ wúlu bɔ bɛa dì kɛ lɛ ganaa, ǹ nə́ ǹ dinin gɔn màn zɛnaa kɛ lɛ guguru kɔ ka nyɛnyɛɛ nɛ.

Korɛnti1 10:7

Ka dɔn baran dì guguru kɔlen baa, ka ǹ dɔn min tɛnɛn bɛ́ ǹ nə́ zɛnaa lɔn wa. Lawa a sɛ́wɔ n bɛ lɛ pii kɛnɛn: «Zaman lɛ kaa tán, ǹ nə́ màn bii ǹ nə́ màn mi, ǹ nə́ yoo ǹ nə́ dì lɛ a bɛ̀ baa.»

Timəə dí-pɛn 9:16

Má daa yaa, bɛ̀ ka á ke ká sii babaraa la kaa Lawa, Dɛnaa Lawa la: ka n ká sana yo, ka diin nɛ nyín zɛnaa nɛ. Dɛnaa Lawa zii mɛn nyaa ka nɛ mà ka kɔ lɛ, ká kanaa ká n bɔ bɛ la gɔrɔ.

Sii yɔrɔ-bɔlen 8:24

Zediɔ̃ wusoo á pɛ ǹ nɛ: «Man die sii goon nyankoe ka lon: Ka bɔ zia la ka sana kaaranan mɛnɛn nɛ, didie bɛ kɔn kɔ masɛ la.» Sonbore, sana kaaranan man nə́ goã Madiã minin lɛn too ne, a giala, maǹ nə́ goã nyɔɔsɔ᷉ gána minin lɛa.

Sii yɔrɔ-bɔlen 8:27

Zediɔ̃ bɛa sana lɛ saa, á màn nyín zɛnaa nɛ, á koa a kiwi Ofra. Sɛnɛ, Izirayeli min tumaa na á goã woe bɛa dí nya ǹ mɔnaa kɛ lɛ guguru koe, ǹ nə́ kɔrɔbaa zɛnɛɛ. A din lɛ dɔ na á Zediɔ̃ laanka a kion minin da sii ni.