Bɔ bɛ̀rɛbaa nɛ 32:1 - LAWA A BOO SONBORE

¹ Zaman lɛ yɛ mà Muizu belebɔ kele lɛ la, a ná a ba gisĩ wa. Ǹ nə́ n lɛ sɔkɔn Aarɔn li, ǹ nə́ pɛ nɛ: «Yoo! N dìn zɛnaa n kɔ wɔsɛn la, dìn mɛnɛn bɛ́ re wɔ nyɛɛnaan boe, a giala, Muizu mɛn soo wɔ nɛ á wɔ bɔ Ezipti gána nɛ, sii mɛn yɛ, wɔ ba doɛ̃ wa.»

LAWA A BOO SONBORE 2011

¹ Zaman lɛ yɛ mà Muizu belebɔ kele lɛ la, a ná a ba gisĩ wa. Ǹ nə́ n lɛ sɔkɔn Aarɔn li, ǹ nə́ pɛ nɛ: «Yoo! N dìn zɛnaa n kɔ wɔsɛn la, dìn mɛnɛn bɛ́ re wɔ nyɛɛnaan boe, a giala, Muizu mɛn soo wɔ nɛ á wɔ bɔ Ezipti gána nɛ, sii mɛn yɛ, wɔ ba doɛ̃ wa.»

Bɔ bɛ̀rɛbaa nɛ 32:1 Iomraidhean Croise

Siin Giala 19:14

Lɔti soo á woo boo da ǹ daãn nɛ, min mɛnɛn bɛ́ mà maǹ die a nɛlɔn we lɔ lɛa. Á pɛ ǹ nɛ: «Haya, ka yoo! Ka soo ka n bɔ bǎã lɛ nɛ, a giala, Dɛnaa n die kiwi lɛ yui.» Sɛnɛ, ǹ daãn lɛn yii li, maǹ pii mà a n sàn koe.

Siin Giala 21:26

Abimelɛki tɔ́n pɛ: «Min mɛn bɛ zɛnaa, ma ba ǹ dɛnaa doɛ̃ wa. N bin bɛ́ n tɔn kɛ pɛ masɛ-n dinin wa, ma dinmaa dɔ tɔn ma wa, yǎa pelo.»

Siin Giala 39:8

Sɛnɛ, Zozɛfu nə́ n piã, á pɛ a dɛnaagiĩ a lɔ lɛ-n kɛnɛn: «Ma bɛ́ maa dɛnaagiĩ kɛ li ke, a na á waa ma la, á n goɛ̃ bɔ a kion sii din tumaa nɛ, a na á ma koa a gɔn mànan tumaa mìi la.

Siin Giala 44:15

Zozɛfu tɔ́n pɛ ǹ nɛ: «Wàa mɛn dí n ka kɛ nɛ ka nya! Ma bɛ́ min mɛn lɛa, ka a doɛ̃ mà máa sii toɛ tìãlɛa ma dɔ̃ wa?»

Siin Giala 44:4

Ǹ bɛ́ ǹ nə́ soo, ǹ nə́ n bɔ kiwi gɔ́ɔ̃ nɛ, ǹ wɔlɔ din ná a tɔn lui taãn wa, Zozɛfu pɛ a kion mìilandɛnaa lɛ nɛ: – Yoo! Minin kɛn lɛn kio loo, n dɔ ǹ ganaa, n pɛ ǹ nɛ: «Wàa na á baa, ka bǐɛ̃ saraa ka baraa nɛ?

Loen 106:19

Izirayeli minin lɛn bɛ́ Orɛbu kele lɛ li, ǹ nə́ diin nɛ nyín zɛnaa. Ǹ nə́ kaa tán, ǹ nə́ fɔlɔ màn kooro guguru kɔ.

Bɔ bɛ̀rɛbaa nɛ 13:21

Dɛnaa dinmaa na á goã ǹ nyɛɛnaa ǹ boe. Lɛawaa li, tɛmaa bara goon nə ǹ nyɛɛnɛ, zii nyɛɛ ǹ nɛ. Tèlò-n tɛ bara goon ne, a n wɔlɔ fúli ǹ ni. Bɛa yɔrɔ kɛ lɛ la, maǹ nə́ goã boe la ǹ nə́ tɔ we penleen laanka tèlò.

Bɔ bɛ̀rɛbaa nɛ 14:11

Ǹ nə́ pɛ Muizu ni: «Yalan man nə́ nyaabaa Ezipti gána nɛ, ń nə́ die wɔ kiɛ gɛ̀ kooro li don bii? Wàa mɛn sii ni ń zɛnaa wɔ-n kɛnɛn? N bɛ́ ń wɔ kũ ń soo wɔ nɛ, ń wɔ bɔ Ezipti gána nɛ.

Bɔ bɛ̀rɛbaa nɛ 16:3

Izirayeli nɛnyaanan lɛn nə́ pɛ ǹ nɛ: «Á ke le! Wɔ bɛ́ siĩ soɛ̃, wɔ n màn dɔ bii wɔ n kiɛ̃ Ezipti gána nɛ ǹ mɛn waáraa, toa bɛ̀ Dɛnaa na á wɔ dɛ bɛa biikoo kɛ li. Á ke, ka soo ka zaman kɛ tumaa nɛ, ka daa wɔ-n don gɔ́ɔ̃ nɛ, wɔ n die giɛ̃ ka bòo ne!»

Bɔ bɛ̀rɛbaa nɛ 20:23

Kaa boe la, ka masɛ baa ka lawan kɛn bɛ́ lɔn, ǹ nə́ ǹ zɛnaa ka wɔrɔgiala laanka sana-n wa. Kaa boe la, ka bɛn miãn zɛnaa masɛ genli wa.

Bɔ bɛ̀rɛbaa nɛ 24:12

Dɛnaa pɛ Muizu ni: «Dii n da masɛ li kele lɛ la, n golee kànaa. Man die kɔlɔ sɛlɛɛn kɛn lɛn koe n la, ma dí-pɛn lɛn kiɛ̃ ǹ mɛnɛn ganaa ke lɛn. N die n Izirayeli nɛnyaanan lɛn daraa ǹ ganaa.»

Bɔ bɛ̀rɛbaa nɛ 24:18

Muizu wɔ tɛmaa lɛ li, á dii kele lɛ la. A na á goã kele lɛ la lɛawaa pusi ka tèlò pusi.

Bɔ bɛ̀rɛbaa nɛ 32:11

Sɛnɛ, Muizu Dɛnaa Lawa nyankɔ, mà a n foo basã. Á pɛ nɛ: – Dɛnaa, wàa na á baa, n foo-yoo gɔ́ɔ̃ nɛ, n nə yui n din a zaman kɛ gialaa, n din bɛ́ ń zaman mɛn bɔ Ezipti gána nɛ, ń soo ne ka n din pàã gole kɛ nɛ?

Bɔ bɛ̀rɛbaa nɛ 32:22

Aarɔn ná a lɛ si: – Diɛ̃giĩ, ma nə n nyankoe, n foo baran yoo wa. N dinmaa á doɛ̃, mà zaman kɛ lɛ yii á fuu, a sii baraa zɛnaa.

Bɔ bɛ̀rɛbaa nɛ 32:23

Maǹ nə́ pɛ ma nɛ: «Dìn zɛnaa n kɔ wɔsɛn la, dìn mɛnɛn bɛ́ re wɔ nyɛɛnaan boe, a giala, Muizu mɛn soo wɔ nɛ á wɔ bɔ Ezipti gána nɛ, sii mɛn yɛ, wɔ ba doɛ̃ wa.»

Bɔ bɛ̀rɛbaa nɛ 32:7

Dɛnaa boo da Muizu ni, á pɛ: – Gisĩ fufuu. A giala, n zaman lɛ sàabaa, zaman kɛ lɛ, ń soo ne ń bɔ Ezipti gána nɛ.

Bɔ bɛ̀rɛbaa nɛ 33:3

Ka wɔ bɛa gána kɛ lɛ nɛ, tɔɔ-too laanka tán-kɔsiɛ á bǐɛ̃ koe a nɛ. Ma a boe la ma wo kun ka nɛ bɛa gána kɛ lɛ-n wa, a giala, ka n tɔrɔ too kaka-a lɛa, ma tɔn kiɛ̃ ma ka dɛ ma ka nya zii la.»

Ezekieli 20:8

«Sɛnɛ, ǹ nə́ n gòãn dii ma ganaa, ǹ lɛ kɔ ǹ nə́ n too kɔ ma lon wa. Màn bɔbɔnɛɛn mɛnɛn bɛ́ ǹ yɔrɔ-a, min kɔn na a wɔn kaa wa, ǹ Ezipti minin dìn kɛn toa walan wa. Má tɔ́n pɛ ma din gɔ́ɔ̃ nɛ, máa ma foo mɛn yoo ǹ li ke, máa yǎa ma dɔlɔ diɛ ǹ mìi ni, yǎa man foo nyɛɛ ǹ la Ezipti gána lɛ din gɔ́ɔ̃ nɛ.

Ozee 12:13

Zakɔba baa si á woo Aaramu gána nɛ. Izirayeli nə n din kɔ bɛ̀rɛbaa la, lɔ a lɛa. Lɔ a lɛa, á tɔɔn-lɛduə̃li baa.

Misee 6:4

Maa ka waa a bɔ Ezipti gána-n lɛ sɛ a lɛa nɛ? Maa ka si bɛ̀rɛbaa la lɛ a lɛa nɛ? Hinlaa Muizu dia ka la kɛa lɛa nɛ, ka Aarɔn laanka Miriyamu ni?

Minin nimi 14:22

Masɛ máa minin kɛn lɛn min kɔn ba re we gána lɛ-n wa. Ǹ nə́ maa gugurubaa yɛ, ka kaãbaa sii dadaran kɛn nɛ má ǹ zɛnaa Ezipti gána laanka diə gole gɔ́ɔ̃ nɛ. A laanka bɛ yii ni, ǹ nə n da ma gɔ́ɔ̃ li lɛ da wa. Ǹ nə́ ma bɔlɔ dɔ tii. Bɛ lɛ n ke, ma n lɛ kɔ ǹ digolon la ka gána mɛn lɛ nɛ, ǹ min kɔn yii ba re miɛ bɛ-a wa, a giala ǹ nə́ ma daa.

Matiə 24:43

Bɛ̀ kiondɛnaa n wurumu a da tèlò-n biikoo doɛ̃, a nə n yii dɔrɛɛ, a ba re toɛ a na a kiɛnlɛ yiɛ wa.

Matiə 24:48

Sɛnɛ, bɛ̀ dí-nyali baraa mɛn nɛ, a n pii a din gɔ́ɔ̃ nɛ, maa dɛnaagiĩ a die wusii sisia wa,

Nya ǹ dín 17:29

Haya, ka bɛ́ Lawa din tɔrɔ lɛa, ka doamaa bie ka taasɛ, mà Lawa n kɔnboe ka sana nɛ, ka wɔrɔgiala nɛ, ka kɔlɔ mɛn tumaa nə n zɛnaa, á kɔnpɛ ka minbuiin nɛ a gɔn a kɔɔ̃nbaa laanka a taasiɛ-n wa.

Nya ǹ dín 19:26

Ka dinin yii tá a ganaa, hinlaa ka tá a boo miɛ, mà Pooli lɛ bie a dí nyɛɛ Efɛɛzi kiwi dinsɔɔ̃-n wa, a n goon Azii gána din tumaa nɛ. A n pii zaman nɛ a tá ǹ sɔsɔmɛ, ǹ bɛ́ dìn mɛnɛn zɛnɛɛ ka ǹ gɔnɔn nɛ, mà bɛn ba Lawa taãnan lɛa wa.

Nya ǹ dín 7:40

Sonbore, ǹ nə́ pɛ Aarɔn nɛ: «Dìn zɛnaa n kɔ wɔsɛn la, dìn mɛnɛn bɛ́ re wɔ nyɛɛnaan boe, a giala, Muizu mɛn soo wɔ nɛ á wɔ bɔ Ezipti gána nɛ, sii mɛn yɛ, wɔ ba doɛ̃ wa.»

Timəə dí-pɛn 31:8

Dɛnaa Lawa din tá re miɛ̃ n nyɛɛnɛ, á re goɛ̃ kun n ni. A re n gɔn boe n ganaa wa, a re n toɛ walan wa. N baran nyɛ́ɛ baa wa, n baran toa màn kɔn nyɛ́ɛ da n ganaa wa.»

Timəə dí-pɛn 9:1

Izirayeli minin lɛn, ka n too kɔ! Ka n die Zurdɛ̃ tà kuri pelo. Tɔrɔn mɛnɛn bɛ́ didi ǹ nə́ la ka nɛ, ǹ pàã dɔ din la kaa wɔ nɛ, ǹ kiwi nə́ dadara kungɔnun nə́ ǹ lɛnpɛnɛ, sasa lon ka piwɔɔn, ka n die bɛa tɔrɔn lɛn lui.

Timəə dí-pɛn 9:9

Dɛnaa Lawa lɛ kɔ kɔn la mɛn wɔ kɔn ka nɛ, a bɛ lɛ a boo kiɛ̃ kɔlɔ-sɛlɛɛn mɛnɛn ganaa, man má goã má dii kele lɛ la, má woo bɛn lɛn si. Ma lɛawaa pusi ka tèlò pusi n kele lɛ la, ma a màn bii wa, ma a mu mii wa.

Zozoe 7:13

Yoo n *gɔ̀ bɔ zaman lɛ ganaa. N die n pɛ ǹ nɛ mà ǹ gɔ̀ bɔ ǹ dinin ganaa biɛ̃ ǹ taman yii. A giala, masɛ Dɛnaa Lawa lɛ, Izirayeli minin Lawa lɛa, ma din ni má pɛ máa ma ǹ kurəə mànan mɛnɛn goa ganaa, máa bɛ kɔn tá ǹ dinin Izirayeli minin kɛn lɛn bii. Ǹ ba boe la ǹ nə n yɔrɔ da ǹ zɔ́ɔn lɛn la doɛ̃ wa, yǎa ǹ bɛa màn kɛ lɛ boe ǹ boe ǹ bii.

Piɛrɛ2 3:4

ǹ pɛ: «Táa Dɛnaa lɛ pɛ mà á die! Á maa die dɔn kəni? A giala, wɔsɛn díin nə́ gã, sɛnɛ, màn kɔ́n tɔn nə n bɔyaa wa, màn tumaa na a tan, ká a bɛ́ á goã kanaa diɛ waáraa lɔn.»