Bɔ bɛ̀rɛbaa nɛ 3:8 - LAWA A BOO SONBORE

⁸ Man má gisĩ, má n die ǹ sii Ezipti minin kɛn la, man die soe ǹ ne ma ǹ bɔ gána kɛ nɛ, ma wo ǹ ne gána gole sonbore kɔ́n nɛ, tɔɔ-too laanka tán-kɔsiɛ bɛ́ bǐɛ̃ koe gána mɛn nɛ. Bɛa gána kɛ lɛ n Kanaan minin wɔ lɛa, ka Ɛti tɔrɔn ne, Amɔɔrɔ tɔrɔn nɛ, Perɛzi tɔrɔn nɛ, Ivii tɔrɔn ne ka Zebuzu tɔrɔn nɛ.

LAWA A BOO SONBORE 2011

⁸ Man má gisĩ, má n die ǹ sii Ezipti minin kɛn la, man die soe ǹ ne ma ǹ bɔ gána kɛ nɛ, ma wo ǹ ne gána gole sonbore kɔ́n nɛ, tɔɔ-too laanka tán-kɔsiɛ bɛ́ bǐɛ̃ koe gána mɛn nɛ. Bɛa gána kɛ lɛ n Kanaan minin wɔ lɛa, ka Ɛti tɔrɔn ne, Amɔɔrɔ tɔrɔn nɛ, Perɛzi tɔrɔn nɛ, Ivii tɔrɔn ne ka Zebuzu tɔrɔn nɛ.

Bɔ bɛ̀rɛbaa nɛ 3:8 Iomraidhean Croise

Siin Giala 11:5

Minin lɛn bɛ́ kiwi mɛn laanka sanabolo mɛn doe, Dɛnaa gisĩ á ga a ganaa.

Siin Giala 11:7

Haya! Ka daa wɔ gisĩ, wɔ ǹ bɔlɔ lɔlɔkɔn, màn mɛn bɛ́ toɛ, ǹ baran kɔn a boo giala ma doo wa.»

Siin Giala 15:13

Dɛnaa tɔ́n pɛ nɛ: «A dɔ̃ taãnɛ, mà n tɔrɔn tá re giɛ̃ gána kɔ́n nɛ, gána mɛn bɛ́ a ba ǹ wɔ lɛa wa. Min kɔsɔn tá re ǹ biɛ bɛ̀rɛn lɛa, ǹ fuu nyaa ǹ nɛ lɛ̀ biɛsii (400) gɔ́ɔ̃ nɛ.

Siin Giala 15:14

Sɛnɛ, ǹ bɛ́ re bɛ̀rɛbaa ǹ dí nyɛɛ tɔrɔ mɛn nɛ, ma á re dɔlɔ boe bɛ ganaa. Bɛ kio, ma á re soe ǹ ne walan ka gɔn màn gigiã nɛ.

Siin Giala 18:21

Bɛ lɛ nɛ, ma doamaa nɛ ma gisĩ, ǹ zɛ̀rɛbaa lɛ dɔ ma li ka yɔrɔ mɛn nɛ, ma ga a ganaa, bɛ̀ ǹ nə́ bɛa sii baraa kɛ lɛ tumaa zɛnaa sonbore, ma á re doɛ̃.»

Siin Giala 43:11

Ǹ di Zakɔba lɛ tɔ́n pɛ: «Bɛ̀ á miɛ̃, ka gána lɛ a da nɛ sonbore kɔ́n na, ka kaa kaa mànan nɛ, ka wo giĩ lɛ gɔ nɛ. Ka wo ka da gon giĩ kɔɔ̃n kɔnɔn nɛ, ka zoo nyɔɔ nɛ, ka pistaasi laanka amandie nàn nɛ.

Siin Giala 46:4

Ma á re woe kunun n ni Ezipti, ma din dɔ n die n boe Ezipti, ma soo n ne. Bɛ̀ ń gã, Zozɛfu n die n gere biĩ.»

Siin Giala 50:24

Zozɛfu tɔ́n pɛ ǹ dɔɔ̃nɔn lɛn nɛ ǹ kɔn pinaa kɛnɛn: «Masɛ a gɛ̀ dɔ á nya. Sɛnɛ, Lawa á die n doe ka lɛ. A n lɛ kɔ Abrahamu laanka Izaaki la ka Zakɔba nɛ, mà á die gána mɛn koe ka la, Lawa á die ka boe a ka bɔ Ezipti gána nɛ, a wo ka-n walan.

KZS1 1:15

Ivii kiwi wɔn nɛ, Arkii wɔn nɛ, Sini wɔn nɛ,

Nehemii 9:8

Ń bɔlɔgoondɛnaabaa ǹ foo yɛ a nɛ n wɔ paǹ li, ń tɔ́n lɛ kɔ kɔn la wɔ nɛ. Gána ke Kaanaan minin wɔ lɛa, Ɛti minin wɔ lɛa, Amɔɔrɔ tɔrɔn wɔ lɛa, Perɛzi minin wɔ lɛa, Zebuzu laanka Girgazi tɔrɔn wɔ lɛa, ń mà n tá re bɛ koe, a laanka a tɔrɔn la. Ń nə́ n boon lɛn lɛ pã, a giala n tá pepere.

Loen 12:5

Ǹ mɛnɛn lɛn bɛ́ mà kɛnɛn: Wɔsɛn lɛwɔn nə wɔ pàã lɛa. Wɔ lɛ nə n doe wɔ lɛ. Die n die boe wɔ la?

Loen 12:6

Bɛ lɛ nɛ Dɛnaa Lawa pɛ: Masɛ n die yui, ma daa. Ǹ bɛ́ boe nɔmaa-wɔlen kɛn yii-n miɛ̃, doobaan kɛn nə ginii we, man die yui. Ǹ bɛ́ sɛ̀ kiɛ min mɛnɛn ganaa ke, masɛ n die yui kanna kəni, ma bɛn si sii la.

Loen 34:8

Minin mɛnɛn bɛ́ nyɛ́ɛ biɛ Dɛnaa Lawa nɛ, a lon a dia dí-a wole kɛ n bɛn lɛnpɛnɛ, a tá ǹ kirisibiɛ.

Loen 91:15

Bɛ̀ á lɛ dia ma la, ma á re n nyii la. Bɛ̀ fuu yɛ, ma á re goɛ̃ kun ni. Ma á re boe ma da, ma gugurubaa kɔ la.

Bɔ bɛ̀rɛbaa nɛ 12:41

Lɛ̀ biɛsii ka pɔsɔɔ lɛ a lɛ piɛ̃ li, bɛa pinaa kɛ lɛ din taãn-taãn nɛ, Dɛnaa a zaman lɛ soo ka tɛrɛɛnɛ, ǹ nə́ n bɔ Ezipti gána nɛ.

Bɔ bɛ̀rɛbaa nɛ 12:51

Bɛa pinaa taãn kɛ lɛ nɛ, Dɛnaa soo ka Izirayeli nɛnyaanan lɛn nɛ, á ǹ bɔ Ezipti gána nɛ, á ǹ kakaa kun ka zia-baalin bɛ́ lɔn.

Bɔ bɛ̀rɛbaa nɛ 13:5

Dɛnaa n woe ka kiɛ Kanaan minin gána kɛ nɛ, Ɛti minin gána ke ka Amɔɔrɔ minin wɔ nɛ, Ivii minin laanka Zebuzu minin gána kɛ nɛ, a din bɛ́ á n lɛ kɔ, mà a n die gána mɛn lɛ koe ka digolon la. Tɔɔ-too laanka tán-kɔsiɛ n bǐɛ̃ koe bɛa gána kɛ lɛ nɛ. Bɛ̀ Dɛnaa ka kaa bɛ nɛ ǹ mɛn waáraa, ka die ka toa ka bɛa sii kɛ lɛ zɛnaa mui bibinaa kɛ lɛ nɛ.

Bɔ bɛ̀rɛbaa nɛ 3:17

Á pɛ doo, mà asɛ n die soe ka nɛ a ka bɔ Ezipti gána a nɔmaa kɛ li, a wo ka nɛ gána kɔ́n nɛ, tɔɔ-toe laanka tán-kɔsiɛ bɛ́ bǐɛ̃ koe gána mɛn nɛ. Bɛa gána kɛ lɛ n Kanaan minin wɔ lɛa, ka Ɛti minin ni, Amɔɔrɔ minin ni, Perɛzi minin ni, Ivii minin ni, ka Zebuzu minin ni.»

Bɔ bɛ̀rɛbaa nɛ 34:11

«Ma bɛ́ màn mɛn pii ni pelo, bɛ tamaa sɔnbɔraanɛ. Man die Kanaan minin kɛn lui, ma ǹ bɔ n nyɛɛnɛ, ka Amɔɔrɔ minin kɛn nɛ, ka Ɛti laanka Perɛzi minin ni, ka Ivii laanka Zebuzu minin ni.

Bɔ bɛ̀rɛbaa nɛ 5:23

Ma bɛ́ má daa Faarahɔn li, má boo da nɛ n din tɔ nɛ, á màn da zaman kɛ a nɔmaa li, n nə ǹ bɔ bɛa sii kɛ lɛ dɔ-n duduu wa.»

Izayii 36:17

Bɛ kio, ma á re miɛ ka nyɛɛnɛ ma wo ka nɛ gána kɔsɔ nɛ, ka kaa wɔ kɛ bɛ́ lɔn, gána mɛn bɛ́ *belee laanka *rezɛ̃ da n bǐɛ̃ koe a nɛ, buuru laanka duvɛ̃ ná a nɛ.

Izayii 64:1

Bɛ̀ ma n die goɛ̃ ka tɛ bɛ́ lɔn, tewonən kuĩ, hinlaa mu diɛ pipii ganaa. Bɛa yɔrɔ lɛ la, n bɛ́ màn mɛn lɛa, n zɔ́ɔn tá re n tɔ doɛ̃, tɔrɔn tumaa á re bìn diɛ n nyɛɛnɛ!

Zeremii 11:5

Bɛa yɔrɔ lɛ la, ma lɛ-kɔ mɛn wɔ ka ka digolon ne, máa ma á re gána koe ǹ la, bɔ̀nyaa laanka zoo nyɔɔ n baa sii a nɛ, ma á re bɛ lɛ piɛ̃. A din lɛ n ke ka tá a-n pelo.» Má a lɛ si: «Hiĩ Dɛnaa Lawa!»

Zeremii 2:7

Má ka kaa gána sonbore ne, máa ka là yɛ a da nɛ ganaa, ka a gɔ́ɔ̃gɔ́ɔ̃ ǹ mànan dɔn nɛ. Sɛnɛ, kaa daa li, ká a gɔgɔrɛ kɔ. A na á goã ma din wɔ lɛa, sɛnɛ ka baa màn bɔbɔnɛɛ lɛa.

Zeremii 32:22

N goã n nə́ n lɛ kɔ wɔ digolon la ka gána mɛn nɛ, bɔ̀nyaa laanka zoo nyɔɔ n baa sii a nɛ, n bɛ kɔ ǹ la.

Ezekieli 20:6

Bɛa pinaa kɛ lɛ nɛ, má n liɛ má pɛ, máa ma á re ka wɛɛ ma ka bɔ Ezipti gána nɛ, ma gána mɛn yɔrɔ bɔ ma koa ka nɛ, ma wo ka-n walan. Bɛa gána lɛ á siĩni, á la gánan tumaa nɛ. Bɔ̀nyaa laanka zoo nyɔɔ bɛ́ baa sii gána mɛn nɛ.

Lawa a wúlu-bɔlen 20:24

Bɛ lɛ na á toa má tɔ́n pɛ kɛnɛn: Ǹ tán lɛ n die ka dinin wɔ biɛ, ma din nə die ǹ tán lɛ koe ka la, gána kɛ lɛ tɔɔ too laanka tán-kɔsiɛ n bǐɛ̃ koe a nɛ. Ma din Dɛnaa Lawa n kaa Lawa lɛa, má ka na, má ka bɔ kɔn ka tɔrɔ kɔsɔn nɛ.

Amɔɔsi 2:10

Ma din lɛ dɔ-n má ka waa má ka bɔ Ezipti gána nɛ, má ka nyɛɛnaan bɔ diə gole kɛ nɛ lɛ̀ pusi gɔ́ɔ̃ nɛ, yǎa ká Amɔɔrɔ tɔrɔn gána kɛ si ǹ la.

Minin nimi 13:18

Ka ga a ganaa, bɛ̀ pàã tá a minin lon, hinlaa bɛ̀ pàã ba ǹ lon wa, bɛ̀ a zaman ba didi wa, hinlaa bɛ̀ á didi.

Minin nimi 13:19

Ka ga a ganaa, bɛ̀ gána lɛ á kɔɔ̃n hinlaa bɛ̀ á laa nɛ, bɛ̀ kungɔn tá pɛnɛɛ nɛ a kiwin ganaa, hinlaa bɛ̀ maǹ bii-a kooro.

Minin nimi 13:27

Maǹ nə́ goã ǹ nə́ boo lɛ yɔrɔ pɛ Muizu-n kɛnɛn: «N wɔsɛn dia gána mɛn lɛ nɛ, wɔ woo. Taãn mà a n pɛ, bɔ̀nyaa laanka zoo nyɔɔ n baa sii a nɛ. A da nɛn nə́ ke.

Zaã a sɛ́wɔ 3:13

A giala, min kɔ́n dii lon á wusoo á gisĩ tán wa, bɛ̀ á n bɔ Min a Nɛgiĩ ni, asɛ nə́ n toa lon á gisĩ tán.

Zaã a sɛ́wɔ 6:38

A giala, ma bie má n toa lon má gisĩ ma din foo sii zɛnaa a lɛa wa, min mɛn bɛ́ á ma dia, man má daa bɛ lɛ foo sii zɛnaa.

Timəə dí-pɛn 1:25

Ǹ nə́ gána lɛ a da nɛ na, ǹ nə́ gũ ǹ gɔn, ǹ nə́ daa kɔ wɔ la. Ǹ nə́ ǹ zii tɔ lɛ a boo laakalaa wɔ nɛ ǹ nə́ pɛ: «Wɔa Lawa, Dɛnaa Lawa bɛ́ gána mɛn lɛ koe wɔ la, gána sonbore ne.

Timəə dí-pɛn 1:7

Ka n bɔyaa kəni, ka zii saa, ka wo Amɔɔrɔ tɔrɔn kele yii tɔrɔn kɛn tumaa nɛ: Nyankɔrɔ lɛ kɛ nɛ ǹ nə́ bíi Arabaa, kele yii kɛ nɛ, ka bǎã kɛ nɛ ǹ nə́ bii *Sefela, diə bǎã kɛ nɛ gusin a lɛ̀gɔn la, Yìsi mu gole lɛ-a basa kɛ nɛ, Kanaan minin gána laanka Liban gána nɛ, yǎa tà gole kɛ lɛ-a, Efrati tà lɛ.

Timəə dí-pɛn 27:3

Bɛ̀ ká Zurdɛ̃ tà lɛ kuru ǹ mɛn waáraa, ka die ka dí-pɛn boon lɛn tumaa kiɛ̃ bɛa kɔlɔn lɛn ganaa. Ka bɛ zɛnaa ka tɔn wɔ gána lɛ nɛ, kaa Lawa, Dɛnaa Lawa bɛ́ gána mɛn lɛ koe ka la. Ka ka digolon Lawa lɛ pɛ ka-n lɔn, bɔ̀nyaa laanka zoo nyɔɔ bɛ baa sii gana mɛn nɛ.

Timəə dí-pɛn 28:11

Dɛnaa Lawa nə n lɛ kɔ ka digolon la mà á re bǎã mɛn lɛ koe ka la, á re yii-nyɛɛ koe ka la bɛa gána lɛ nɛ: á re toɛ ka gɔ́ɔ̃gɔ́ɔ̃ ǹ nɛnyaanan nə mɔnaa taãn-taãnɛ, kaa tɔɔn nɛ, ka ka bɛ́ màn mɛn yii kaa tán dí gɔ́ɔ̃ nɛ.

Timəə dí-pɛn 6:3

Izirayeli minin lɛn, ka goã bɛ̀ ka n too kɔ bɛn lɛn li, ka n yiri koa ǹ li, ka kɔ ǹ lɛ. Bɛ̀ ká zɛnaa miɛ̃, kaa wɔ á re bǐɛ̃ koe. Ka á re mɔnɛɛ gána lɛ nɛ taãn-taãnɛ, bɔ̀nyaa laanka zoo nyɔɔ bɛ́ baa-sìi gána mɛn nɛ, ka ka digolon Lawa, Dɛnaa Lawa bɛ́ á n lɛ kɔ ka la lɔn.

Timəə dí-pɛn 7:1

Ka bɛ́ re woe gána mɛn lɛ sii ka baa kaa wɔ lɛa, kaa Lawa, Dɛnaa Lawa á re toɛ ka wɔ bɛa gána lɛ nɛ. A din nə die tɔrɔ gigiã lui a ǹ bɔ ka nyɛɛnɛ, ǹ mɛnɛn bɛ́ mɔnaa nɛ ǹ nə́ la ka nɛ, ǹ pàã dɔ din nə́ la kaa wɔ nɛ: Ɛti tɔrɔn manɛ, Girgazi tɔrɔn nɛ, Amɔɔrɔ tɔrɔn nɛ, Kanaan minin ni, Ferɛzi minin ni, tɔrɔ kɛn ǹ nə́ ǹ bíi Ivitin, ka Zebuzu tɔrɔn nɛ. Ǹ kaa kun tɔrɔ sɔbaa.

Zozoe 5:6

Sonbore, Izirayeli minin lɛn man nə́ n binbirin bɔ don, lɛ̀ pusi gɔ́ɔ̃ nɛ. Zaman mɛn tumaa soo Ezipti, ǹ mɛnɛn bɛ́ boe zia-baa la, yǎa bɛn tumaa papaã ǹ nə́ nya. A giala, ǹ nə n too kɔ Dɛnaa Lawa lon wa. Bɛ lɛ nɛ, á n liɛ bɛ lɛ a biikoo li, mà asɛ a re toɛ ǹ yii mɛ gána kɛ lɛ ganaa doo wa. Bɛ bie wa, Dɛnaa Lawa na á goã á n lɛ kɔ ǹ digolon la, mà asɛ n die bɛa gána kɛ lɛ koe ǹsɛn la, bɔ̀nyaa laanka zoo nyɔɔ bɛ́ baa sii gána mɛn nɛ.

Zozoe 9:1

KIIN mɛnɛn tumaa goã Zurdɛ̃ tà a lɛ̀nyɛɛn gɔn la kele yii kɛ nɛ, ǹ mɛnɛn dɔn nə goã nyankɔrɔ basa kɛ nɛ, ka kɔ̀ gole lɛkoro lɛ-a tumaa wɔn kɛn nɛ, a wo diri Liban gána la, bɛn tumaa bɛa siin lɛn boo ma. Bɛ lɛ nɛ, Ɛti tɔrɔn kii ni, Amɔɔrɔ tɔrɔn wɔ nɛ, Kanaan minin wɔ nɛ, Perɛzi tɔrɔn wɔ nɛ, Evii tɔrɔn wɔ nɛ ka Zebuzu tɔrɔn wɔn nɛ,

Zozoe 9:7

Izirayeli minin nə́ pɛ Evii tɔrɔn lɛn manɛ mà kɔntan ǹ giã ǹ bǎã din wɔlɔ á kunu ǹsɛn ganaa. Bɛ̀ á miɛ̃, mà ǹsɛn man siɛ lɔn ǹ tɔn lɛ kɔ kɔn la wɔ ka ǹ nɛ?