Bɔ bɛ̀rɛbaa nɛ 3:7 - LAWA A BOO SONBORE

⁷ Dɛnaa pɛ: «Má maa zaman lɛ a nɔmaa yɛ Ezipti gána nɛ, má ǹ lɛ-dɛ ma ǹ lɛduə̃li baraan kɛn dɛ gɔn. Sonbore, ma tá ǹ fuun lɛn doɛ̃.

LAWA A BOO SONBORE 2011

⁷ Dɛnaa pɛ: «Má maa zaman lɛ a nɔmaa yɛ Ezipti gána nɛ, má ǹ lɛ-dɛ ma ǹ lɛduə̃li baraan kɛn dɛ gɔn. Sonbore, ma tá ǹ fuun lɛn doɛ̃.

Bɔ bɛ̀rɛbaa nɛ 3:7 Iomraidhean Croise

Siin Giala 16:11

Ń bɛ́ nɔ̀ mɛn nɛ, ma n die yii nɛgiĩ lɛa. Ń die n na a tɔ kɔ Isimayeli (bɛ giala mà "Lawa ma"), a giala, n nɔmaa gɔ́ɔ̃ nɛ, Dɛnaa nə n lɛ-dɛ ma.

Siin Giala 18:21

Bɛ lɛ nɛ, ma doamaa nɛ ma gisĩ, ǹ zɛ̀rɛbaa lɛ dɔ ma li ka yɔrɔ mɛn nɛ, ma ga a ganaa, bɛ̀ ǹ nə́ bɛa sii baraa kɛ lɛ tumaa zɛnaa sonbore, ma á re doɛ̃.»

Siin Giala 21:17

Lawa nɛginin lɛ lɛ ma, a dia dí-a wole tɔ́n nə n toa lon, á lɛ dia Agaara la, á pɛ nɛ: «Agaara, wàa nə n ganaa? N baran nyɛ́ɛ baa wa, a giala, Lawa nɛ lɛ lɛ ma bǎã lɛ-n walan.

Siin Giala 29:32

Leyaa nɔ̀ si, á nɛgiĩ yɛ, a ná a tɔ kɔ Urubɛn (bɛ giala mà "Ga min a sii Walan"). A giala, a na á pɛ: «Dɛnaa ga maa nɔmaa ganaa, ma zuũ lɛ á die ma narɛ kanna.»

Siin Giala 31:12

Lon a dia dí-a wole lɛ tɔ́n pɛ ma nɛ: «N yii saa n ga butumu sɛsian kɛn tumaa ganaa, a sɛsia wakakadɛnan kɛn laanka a kɛkɛrɛdɛnan kɛn nɛ dii tɔɔn lɛn la. A na á n baa miɛ̃, a giala, Laban bɛ́ sii mɛn zɛnɛɛ n nɛ, ma yii yɛ.

Siin Giala 31:42

Bɛ̀ ma di gole Abrahamu a Lawa, ma di Izaaki bɛ́ nyɛ́ɛ biɛ Lawa mɛn lɛ nɛ, bɛ̀ bɛ bie á goã kun ka masɛ-n wa, bɛ̀ n nə ǹ die toɛ ma gɔn kooro woo. Sɛnɛ, Lawa ga masɛ á nɔmaa ganaa, ma dí kaka mɛn nya, á bɛ yɛ. Bɛ lɛ nɛ, a ná a yɔrɔ bɔ gunun tèlò-n.»

Samayeli2 22:28

Min mɛnɛn bɛ́ n dinin gisĩ, n nə n bɛa dɛnan kirisibiɛ. Min mɛnɛn bɛ́ n dinin gole koe, n nə n bɛa dɛnan gisĩ.

Kiin2 13:4

Sɛnɛ Zoakazi Dɛnaa Lawa nyankɔ, Dɛnaa Lawa ná a nyankɔ lɛ si, a giala Siirii gána a kii lɛ goã boe Izirayeli minin lɛn yii-n lɔn, Dɛnaa Lawa lɛ bɛ yɛ.

Kiin2 20:5

– N lɛ goa n pɛ maa zaman a kii Ezekiasi lɛ nɛ, mà ǹ di Davida a Lawa, Dɛnaa Lawa lɛ mà kɛnɛn: «Má n nyankɔ lɛ ma. Má n yii mu lɛ yɛ. Á ke, man die n kaka koe. Pelo lɛawaa sɔɔ, n tá re woe Dɛnaa Lawa a kion.

Nehemii 9:9

Ń wɔ digolon nɔmaa yɛ Ezipti gána nɛ, ń nə́ ǹ lɛ-dɛ ma Sawɛɛ tà lɛ-a.

Loen 106:44

Ka bɛ yii ni, Dɛnaa Lawa ga ǹ nɔmaa ganaa, á ǹ lɛ dɛ ma.

Loen 12:6

Bɛ lɛ nɛ Dɛnaa Lawa pɛ: Masɛ n die yui, ma daa. Ǹ bɛ́ boe nɔmaa-wɔlen kɛn yii-n miɛ̃, doobaan kɛn nə ginii we, man die yui. Ǹ bɛ́ sɛ̀ kiɛ min mɛnɛn ganaa ke, masɛ n die yui kanna kəni, ma bɛn si sii la.

Loen 142:3

Man maa busii pii a din yɔrɔ-a, man maa nɔmaa nyɛɛ a din yɔrɔ-a.

Loen 145:19

A na a nyɛ́ɛbaama-n wolen foo sii zɛnɛɛ ǹ nɛ. A nə n too koe ǹ lɛ-dɛ li, a tá ǹ kirisibiɛ.

Loen 22:24

Kasɛn mɛnɛn bɛ́ nyɛ́ɛ biɛ Dɛnaa Lawa nɛ, ka a tɔ bɔ! Kasɛn, Zakɔba tɔrɔn tumaa, ka a guguru kɔ! Kasɛn, Izirayeli tɔrɔn tumaa, ka nyɛ́ɛ baa nɛ!

Loen 34:4

Ka n lɛ kaa kun ma nɛ ka Dɛnaa Lawa guguru kɔ, ka daa wɔ a tɔ saa lon kun.

Loen 34:6

Nɔmaa-wɔlen mɛnɛn nə n yɔrɔ dia la, bɛn tá re n nyɛnyɛɛ, sìi ba re ǹ kuĩ wa.

Loen 35:22

Haya Dɛnaa Lawa, n yii bɛ́ á yɛ. N nyan nə n lɛ tã kɛ ganaa wa, n nyan nə n wɔlɔ lui ma ganaa wa,

Loen 9:14

Makara bɔ ma-a, Dɛnaa Lawa. Maa zɔ́ɔn kɛn nə nɔmaa mɛn da ma mìi ni, n din ga bɛ ganaa. N din ma kanbaa gɛ̀ ganaa,

Bɔ bɛ̀rɛbaa nɛ 1:11

Bɛ lɛ taman yii, Ezipti minin lɛn nə́ kənən koa ǹ mìi la, maǹ nə ǹ kaa pàã dí nyɛɛ ganaa. Ǹ nə́ màn-bii koa ǹ kiwin dɔ Ezipti gána a kii *Faarahɔn nɛ, Pitomu laanka Ramusɛsi kiwin kɛn manɛ.

Bɔ bɛ̀rɛbaa nɛ 1:8

Bɛ kio ǹ nə́ kii dii koa Ezipti gána lɛ mìi la, kii mɛn bɛ́ a Zozɛfu dɔ̃ wa.

Bɔ bɛ̀rɛbaa nɛ 22:23

Ma foo á re busi ka li, ma ka kɔ ǹ la, ǹ ka dɛ ka gɔya san nɛ, kaa lɔn nə giɔɔrɔn baa, kaa nɛnyaanan nə nɛ-toenən baa.

Bɔ bɛ̀rɛbaa nɛ 33:13

Sisia kəni, bɛ̀ a kɔɔ̃n kɔ n ganaa sonbore, zii nyaa masɛ nɛ, ma boo la ma n din dùũ dɔ̃, ma tɔn kɔɔ̃n kɔ n ganaa, a wo nyɛɛnɛ. N yiri koa a-n dɔn, mà tɔrɔ kɛ lɛ nə n din wɔ lɛa.»

Bɔ bɛ̀rɛbaa nɛ 5:10

Dí mìilandɛnan laanka zaman-lɛduə̃lin lɛn nə́ soo, ǹ nə́ pɛ zaman lɛ-n kɛnɛn: «Faarahɔn pɛ, mà asɛ a buu koe ka la doo wa.

Bɔ bɛ̀rɛbaa nɛ 5:6

Bɛa pinaa lɛ nɛ, Faarahɔn pɛ dí mìilandɛnan kɛn manɛ, Ezipti minin lɛa, ka zaman-lɛduə̃lin kɛn nɛ, Izirayeli minin lɛa:

Izayii 63:9

Ǹ nɔmaan kɛn tumaa gɔ́ɔ̃ nɛ, a dɔ nɔmaa. Lawa a dia dí-a wole mɛn bɛ́ golee ne a yɔrɔ-a, bɛ lɛ dinmaa na á ǹ kirisibaa. A kɔn-narɛɛ laanka a makara-doɛ̃ kɛ taman yii, á ǹ si á ǹ kaa. Ǹ sii tumaa gɔ́ɔ̃ nɛ, á n dɔ ǹ lɛ, á goã kunun ǹ ni lɛawaan kɛn tumaa gɔ́ɔ̃ nɛ ǹ nə́ kiɛ̃.

Minin nimi 20:16

Wɔ tɔ́n nə n lɛ dɛ Dɛnaa Lawa ganaa, á wɔa lɛ-dɛ lɛ ma, á lon a dia dí-a wole goon dia á daa wɔ waa á soo wɔ nɛ Ezipti gána lɛ nɛ. Á ke, wɔ n kaa gána gèlè la Kadɛsi kiwi, wɔ n walan sisia.

Nya ǹ dín 7:34

Sonbore, má maa tɔrɔ lɛ a nɔmaa yɛ Ezipti gána nɛ, má a ginii lɛ dɔ ma, man gisĩ má n die sii sii la. Sisia Muizu, woo. Masɛ n die n diɛ Ezipti gána nɛ.»

Ebrəə 4:15

Wúlu-bɔlen kiã mɛn bɛ́ a ba wɔa pàã wɛɛnaabaa doɛ̃ wa, bɛ bie wɔ lon wa. Wɔa wúlu-bɔlen kiã lɛ damagɔ́ɔ̃li ǹ siin fuu yɛ, yɔrɔ din tumaa la ka wɔ dɔn bɛ́ lɔn, sɛnɛ, asɛ sii baraa zɛnaa wa.

Samayeli1 9:16

«Biɛ̃ kɛnɛn yirəə, ma á die giĩ goon diɛ n li, a n Bɛnzamɛn tɔrɔ lɛa. N die n nyɔɔ lɔ a ganaa, màn mɛn bɛ́ toɛ, a maa zaman Izirayeli lɛ a kii baa, a ǹ si Filisiti minin lɛn la. A giala, má maa zaman lɛ a nɔmaa yɛ, ǹ lɛ-dɛ dɔ ma ganaa.»