Bɔ bɛ̀rɛbaa nɛ 3:16 - LAWA A BOO SONBORE

¹⁶ Woo, n Izirayeli a min golen lɛ sɔkɔn, n pɛ ǹ nɛ kɛnɛn: «Dɛnaa Lawa lɛ, ka digolon Lawa lɛa, Abrahamu ni, Izaaki ni ka Zakɔba nɛ, bɛn Lawa kɛ na á n din nyaa ma nɛ. Á pɛ mà ǹ bɛ́ màn mɛn tumaa zɛnɛɛ ka nɛ Ezipti gána nɛ, mà asɛ n die n doe ka lɛ, bɛa lɛa.

LAWA A BOO SONBORE 2011

¹⁶ Woo, n Izirayeli a min golen lɛ sɔkɔn, n pɛ ǹ nɛ kɛnɛn: «Dɛnaa Lawa lɛ, ka digolon Lawa lɛa, Abrahamu ni, Izaaki ni ka Zakɔba nɛ, bɛn Lawa kɛ na á n din nyaa ma nɛ. Á pɛ mà ǹ bɛ́ màn mɛn tumaa zɛnɛɛ ka nɛ Ezipti gána nɛ, mà asɛ n die n doe ka lɛ, bɛa lɛa.

Bɔ bɛ̀rɛbaa nɛ 3:16 Iomraidhean Croise

Siin Giala 1:7

Bɛ nə́ n zɛnaa miɛ̃. Lawa na á bɛa gèlè lɛ bɔ, a ná a giulun mu laanka a lalan wɔ na, á ǹ bɔ kɔn.

Siin Giala 21:1

Lawa daa á n dɔ Saaraa lɛ, ka a bɛ́ á pɛ-n lɛlɛ lɔn. A n lɛ kɔ la ka sii mɛn nɛ, á bɛ lɛ zɛnaa.

Siin Giala 28:13

A yii n Dɛnaa ganaa golee-n a nyɛɛnɛ, á n pii ni: «Masɛ n Dɛnaa, Abrahamu a Lawa lɛa, man Izaaki a Lawa lɛa. Ń bɛ́ waa-n tán mɛn la, man die koe n din laanka n tɔrɔn la.

Siin Giala 48:15

Á barka da Zozɛfu ganaa, á pɛ: Ma di gole Abrahamu laanka ma di Izaaki tɔ wɔ Lawa yɔrɔ-a, Lawa mɛn bɛ́ giɛ ma walan, yǎa á daa á dɔ pelo ganaa,

Siin Giala 50:24

Zozɛfu tɔ́n pɛ ǹ dɔɔ̃nɔn lɛn nɛ ǹ kɔn pinaa kɛnɛn: «Masɛ a gɛ̀ dɔ á nya. Sɛnɛ, Lawa á die n doe ka lɛ. A n lɛ kɔ Abrahamu laanka Izaaki la ka Zakɔba nɛ, mà á die gána mɛn koe ka la, Lawa á die ka boe a ka bɔ Ezipti gána nɛ, a wo ka-n walan.

Loen 102:21

Á n too kɔ nɔmaa-wɔlen ginii li, a n die yii da gɛ̀ la wolen nyin sii.

Loen 33:18

Sɛnɛ, min mɛnɛn bɛ́ nyɛ́ɛ biɛ Dɛnaa Lawa nɛ, ǹ nə́ n foo doɛ a kɔn-narɛɛ gole kɛ ganaa, Dɛnaa Lawa n giɛ bɛn walan.

Loen 8:4

Bɛ̀ má ga lon ganaa, n din gɔn dí kɛ lɛ, n mui laanka leeren mɛnɛn kaa lon,

Bɔ bɛ̀rɛbaa nɛ 1:8

Bɛ kio ǹ nə́ kii dii koa Ezipti gána lɛ mìi la, kii mɛn bɛ́ a Zozɛfu dɔ̃ wa.

Bɔ bɛ̀rɛbaa nɛ 13:19

Muizu nə́ ǹ digolo Zozɛfu wen goa. A giala, Zozɛfu dinmaa na á goã á laa Izirayeli nɛnyaanan lɛn ganaa, mà ǹ nə n liɛ, mà ǹ tá re woe ka asɛ wen ne. Á pɛ ǹ nɛ: «Sàabaa ba la wa, Lawa á die bǐɛ̃ zɛnɛɛ ka nɛ. Bɛa biikoo li, ka masɛ wen waa, ka ǹ bɔ kànaa.»

Bɔ bɛ̀rɛbaa nɛ 15:14

Bɛ̀ tɔrɔ kɔsɔn nə́ kɛ ma, ǹ gɔ̀nɔn tá re bìn diɛ. Yɔrɔ-kɔsiɛ á re Filisiti gána minin kuĩ.

Bɔ bɛ̀rɛbaa nɛ 17:5

Dɛnaa pɛ Muizu ni: «Kiɛ̃ zaman kɛ nyɛɛnɛ, n Izirayeli nɛnyaanan lɛn min golen kɔnɔn kũ, n nə ǹ kaa kun n din ni. N tà mu lɛ dɛ ka bàlà mɛn nɛ, bɛ lɛ saa n gɔn, n woo.

Bɔ bɛ̀rɛbaa nɛ 18:12

Ǹ daãgiĩ Zetro lɛ woo *wúlu màn tã kunun ǹ ni, ǹ nə́ wúlu màn tɔrɔ kɔsɔn dɔn bɔ ǹ nə́ ǹ kɔ Lawa la. Aarɔn laanka Izirayeli a min golen kɛn tumaa daa màn bii Lawa yɔrɔ-a, kun ka ǹ daãgiĩ Zetro lɛ nɛ.

Bɔ bɛ̀rɛbaa nɛ 2:25

Lawa yii Izirayeli nɛnyaanan lɛn yɛ, á ǹ sii lɛ dɔ̃.

Bɔ bɛ̀rɛbaa nɛ 24:11

Lawa toa sii baraa kɔ́n bɛa Izirayeli nɛnyaanan min yii guguru-an kɛn lɛn yɛ wa. Ǹ nə́ ga Lawa ganaa, ǹ nə́ wusoo ǹ nə́ màn dɔ bii, ǹ nə́ màn mi.

Bɔ bɛ̀rɛbaa nɛ 3:2

Dɛnaa a lon a dia dí-a wole nə́ n din nyaa nɛ, tɛ buə̃ bii daãn ganaa. Á ga, daãn lɛ n tɛ lɛa, sɛnɛ, a kuĩ wa.

Bɔ bɛ̀rɛbaa nɛ 3:6

Á pɛ nɛ doo: «Ma nə n digolo a Lawa lɛa, Abrahamu a Lawa lɛa, Izaaki a Lawa lɛa, Zakɔba Lawa lɛa.» Muizu màn kɔ a yɔrɔ lɛ, a giala, nyɛ́ɛ na á goã a ganaa a ga Lawa ganaa.

Bɔ bɛ̀rɛbaa nɛ 4:1

Muizu ná a lɛ si: «Sɛnɛ, á ke! Izirayeli nɛnyaanan lɛn ba re golee ma li wa, ǹ ba re n too koe ma lon wa. Ǹ tá re pii, mà Dɛnaa nə n din nyaa masɛ-n wa.»

Bɔ bɛ̀rɛbaa nɛ 4:29

Muizu laanka Aarɔn woo Izirayeli nɛnyaanan min golen tumaa lɛ sɔkɔn.

Bɔ bɛ̀rɛbaa nɛ 4:31

Zaman lɛ golee ǹ li. Ǹ ná a giala ma, mà Dɛnaa na á Izirayeli nɛnyaanan lɛn nɔmaa ǹ gɔn lɛ yɛ, mà a na á daa, á n die ǹ sii sii la. Ǹ nə́ kaa tán, ǹ nə́ Lawa guguru kɔ.

Bɔ bɛ̀rɛbaa nɛ 4:5

Dɛnaa pɛ-n kɛnɛn: «A zɛnaa miɛ̃, n nyaa ǹ nɛ, mà má n din nyaa n nɛ, ma din Dɛnaa lɛ, ǹ digolon Lawa lɛa, Abrahamu ni, Izaaki ni ka Zakɔba nɛ, màn mɛn bɛ́ toɛ, ǹ golee n li.»

Matiə 26:3

Bɛa biikoo li, Lawa a wúlu-bɔlen goledɛnan laanka Zuifun goledɛnan kɔsɔn nə́ woo n lɛ sɔkɔn wúlu-bɔlen kiã Kayifu a sumu-n,

Luku 1:68

«Min tumaa Dɛnaa, Izirayeli a Lawa tɔ bɔ! Á n yɔrɔ da wɔsɛn la, á wɔ nyin si, a giala, wɔ na a din a tɔrɔ lɛa.

Luku 19:44

Ǹ tá re n yui lenlen, n din laanka n gɔ́ɔ̃gɔ́ɔ̃ ǹ minin ni. Ǹ ba re kɔlɔ toɛ ǹ miã la n gɔ́ɔ̃-n wa. A giala, Lawa biikoo mɛn bɔ á daa, mà a nə n sii sii la, n bɛa biikoo lɛ dɔ̃ wa.»

Nya ǹ dín 11:30

Ǹ nə́ bɛ lɛ zɛnaa, ǹ nə́ kɔ Barnabaasi laanka Sooli la, mà ǹ wo wɔ Lawa a sɔmɔ minin lɛn nyɛɛnaandɛnan gɔn Zeruzalɛmu kiwi.

Nya ǹ dín 15:14

Lawa din nə saa lɔn a giala koe li, á minin bɔ tɔrɔ kɔsɔn bii, á ǹ baa a din wɔn lɛa, Simɔn na á wusoo á wɔsɛn yiri da bɛ lɛ nɛ.

Nya ǹ dín 20:17

Pooli bɛ́ Milɛti kiwi, á lɛ dia Efɛɛzi a Lawa a sɔmɔ nyɛɛnaandɛnan la.

Piɛrɛ1 2:12

Ka toa kaa tɔ wɔ ǹ gɔn siĩn kɔ Lawa-nyankɔle baãnaan bii, màn mɛn bɛ́ toɛ, tà maǹ ka tɔ ziziɛ̃, mà ka n baraa-zɛnaalin lɛa ka sii mɛn nɛ, kaa nya ǹ dí sonboren kɛn doɛ̃ nə n baa pàã lɛa ǹ ganaa, ǹ boo la ǹ Lawa guguru kɔ a din nyaa ǹ nɛ pinaa.

Piɛrɛ1 5:1

Min mɛnɛn bɛ́ ka bii, ǹ nə́ Lawa a sɔmɔ lɛ a minin nyɛɛnaandɛnan lɛa, man kɔn ka bɛn nɛ sisia. Ma dɔ dinmaa lɛ n nyɛɛnaandɛnaa lɛa. *Krita fuun mɛnɛn yɛ, ma bɛn yɛ ma yii ni, ma nə ǹ siére lɛa. Krita lɛ bɛ́ re die ǹ mɛn pinaa, ma á re maa wɔ gii yii a gugurubaa kɛ nɛ. Ma á màn mɛn nyankoe bɛa nyɛɛnaandɛnan lɛn lon, bɛ n ka kɛ nɛ:

Uruti 1:6

Bɛ kio, Naomii bɛ́ á ma, mà Dɛnaa Lawa wusoo á bǐɛ̃ kɔ a tɔrɔ minin lɛn ganaa á màn-bii kɔ ǹ la, á yoo, a laanka ǹ manaan nɛ, ǹ nə́ wusoo ǹ nə́ woo Zudaa gána nɛ.