Bɔ bɛ̀rɛbaa nɛ 3:12 - LAWA A BOO SONBORE

¹² Lawa pɛ nɛ: «Ma á kunun n ni. Sii mɛn bɛ́ nyɛɛ n nɛ, mà masɛ din nə má n dia bɛ á ke: Bɛ̀ ń soo ka zaman lɛ nɛ ń nə́ ǹ bɔ Ezipti gána nɛ, ǹ tá re dí nyɛɛ Lawa nɛ kele kɛ la.»

LAWA A BOO SONBORE 2011

¹² Lawa pɛ nɛ: «Ma á kunun n ni. Sii mɛn bɛ́ nyɛɛ n nɛ, mà masɛ din nə má n dia bɛ á ke: Bɛ̀ ń soo ka zaman lɛ nɛ ń nə́ ǹ bɔ Ezipti gána nɛ, ǹ tá re dí nyɛɛ Lawa nɛ kele kɛ la.»

Bɔ bɛ̀rɛbaa nɛ 3:12 Iomraidhean Croise

Siin Giala 15:1

Bɛa siin lɛn kiɛ̃ kio, Dɛnaa nə́ n din nyaa Abramu ni, á pɛ nɛ kɛnɛn: «Abramu, masɛ din nə n tamaa wole lɛa, n baran nyɛ́ɛ baa wa. N saraa á die gole koe parsiini.»

Siin Giala 15:8

Abramu pɛ: «Dɛnaa Lawa, man die n biɛ lɔn ma dɔ̃, má á re maa wɔ biɛ?»

Siin Giala 26:3

Giã bɛa bǎã lɛ nɛ, ma á die goɛ̃ kunun n ni, ma barka wɔ n nɛ. Ma á die bɛa bǎã lɛ koe n din laanka n tɔrɔn la. Man liɛ n di Abrahamu-n ka sii mɛn nɛ, man die bɛ zɛnɛɛ nɛ.

Siin Giala 31:3

Dɛnaa tɔ́n pɛ Zakɔba nɛ: «Wusoo n wo n dikion, ǹ dɔɔ̃nɔn li. Ma á die goɛ̃ kunun n ni.»

Kiin2 19:29

Kɛ n die sii a kɔnboe biɛ n gɔn Ezekiasi: Màn nàn mɛn nə n si á kaa, man die bɛ bii miɛ̃la. Lɛ̀-boe, kaãsaã gɔ́ɔ̃ màn nɛ, ǹ tá re bii. Sɛnɛ, a lɛ̀ sɔɔbaa ǹ wɔ, ka màn da ka kuru, ka *rezɛ̃ dan zumu ka ǹ nɛ bii.

KZS1 9:20

Eleyazaara a nɛ Pinaasi na á goã ǹ nyɛɛnaandɛnaa lɛa lɛlɛ, a giala Dɛnaa Lawa goã kun ni.

Loen 86:17

Sii zɛnaa maa wɔ paǹ li, n nyaa foaãnɛ. Bɛa yɔrɔ kɛ lɛ la, sìi á re maa zɔ́ɔn kuĩ, bɛ̀ ǹ tá yii, mà n din Dɛnaa Lawa nə n doe ma lɛ, n tá ma foo taɛ̃.

Bɔ bɛ̀rɛbaa nɛ 3:1

Muizu na á goã ǹ daãgiĩ Zetro a tɔɔn lɛduĩ. Zetro lɛ n Madiã gána a wúlu-bɔlen kiã lɛa. Á woo ka tɔɔn lɛn nɛ don bii, á dɔ kele kɔ́n li. Lawa na á bɛa kele lɛ bɔ á n die n din nyɛɛ la, a tɔ n Sinayii kele.

Bɔ bɛ̀rɛbaa nɛ 3:13

Muizu pɛ Lawa nɛ: – Á ke! Man die woe Izirayeli nɛnyaanan lɛn li ma pɛ ǹ nɛ: «Ka digolon Lawa na á ma dia ka li.» Bɛ̀ ǹ nə́ pɛ ma nɛ mà a tɔ n die, man die pii ǹ ni máa wàa?

Bɔ bɛ̀rɛbaa nɛ 33:14

Dɛnaa Muizu lɛ si: «Ma n giɛ li masɛ dinmaa daa, ma wo susui kɔ ǹ la?»

Bɔ bɛ̀rɛbaa nɛ 4:12

Kanna kəni, woo, ma din tá kun n lɛ nɛ, n doamaa bɛ́ nɛ n boo mɛn da, ma á re n darɛɛ bɛ ganaa.»

Bɔ bɛ̀rɛbaa nɛ 4:15

Boon lɛn pɛ nɛ, n nə ǹ wɔ a lɛ-n. Ma dinmaa tá kun n lɛ nɛ, kun ka a dɔ wɔ nɛ. Ka doamaa bɛ́ ka màn mɛn zɛnaa, ma á re bɛ nyɛɛ ka nɛ.

Bɔ bɛ̀rɛbaa nɛ 8:27

Dɛnaa dí nya á kɔnpɛ ka Muizu a gòã kuĩ diɛ lɛ nɛ. Nyuun sɔn-dɔlen lɛn nə́ n bɔ Faarahɔn ganaa, ka a kiodɛnan nɛ, ka a gána minin ni. Nyuunun lɛn giala kɔ́n din goã wa.

Izayii 37:30

«Ezekiasi, kɛ n die sii a kɔnboe biɛ n wɔ lɛa: Miɛla a lɛ̀ kɛ nɛ, *belee nàn mɛn mɛnaa tán á bɔ a din li, ka ǹ die bɛ lɛ bii. Lɛ̀ boe, ka ǹ die a pere bii. Sɛnɛ, a lɛ̀ sɔɔbaa ǹ wɔ li, ka á re belee diɛ, ka kuru, ka *rezɛ̃ da zumu ka a nɛ bii.

Izayii 41:10

Nyɛ́ɛ nyan nə n kũ wa, a giala, ma á kunun n ni. N nyan ga n para li ka foo ziziɛ̃-n wa. Masɛ din ni n Lawa lɛa. Man pàã koe n la, man die n gú ganaa, man kirisibaa ka maa bɔlɔgoondɛnaabaa nɛ.

Izayii 43:2

Ta ma n mu zuzulu kuri, ma tá kunun n ni. Ta ma n tà kuri, mu á re n kuĩ wa. Ta ma n tɔ we tɛ bii, a re n kuĩ wa. Tɛ buə̃ lɛwɔn ba re miɛ n-a wa.

Izayii 7:14

Bɛ lɛ nɛ, Dɛnaa din nə die sii a kɔnboe koe ka la: Á ke, nɛnɛn tá re nɔ̀ sii, a nɛgiĩ yɛ. Á re a tɔ koe Emanuwɛli, bɛ giala mà "Lawa tá kun ka wɔ nɛ".

Zeremii 1:8

N baran nyɛ́ɛ baa ǹ nɛ wa, ma á kunun n ni, ma n kirisibaa. Dɛnaa Lawa a da ǹ boo ne.

Minin nimi 16:28

Muizu tɔ́n pɛ: «Ka tá re doɛ̃ kɛ li kəni, mà Dɛnaa Lawa na a masɛ dia bɛa siin kɛn lɛn tumaa zɛnɛɛ, masɛ bie ǹ zɛnɛɛ ma din li wa.

Minin nimi 23:21

Dɛnaa Lawa sii baraa yɛ Zakɔba tɔrɔn lɛn ganaa wa. A kɔkɔrɔbaa yɛ Izirayeli minin lɛn ganaa wa. A nə ǹ Lawa Dɛnaa Lawa lɛa, giã nɛ ǹ bii. Ǹ tá n lɛ dii ka a kiibaa nɛ.

Matiə 28:20

Ma dí mɛn tumaa pɛ ka nɛ, ka ǹ daraa ǹ ganaa ǹ nə ǹ nya. Ka dɔ̃: Ma á kun ka-n baraabaraa, yǎa kanaa a nya pinaa.»

Marki 16:20

A kialandɛnan nə́ woo Boo Tii Kɔɔ̃n pɛ bǎã yii tumaa nɛ. Wɔa Dɛnaa goã dí nyɛɛ kunun ǹ ni, bɛ̀ a nyaa ka kaãbaa ǹ siin ni, mà ǹ bɛ́ boo mɛn diɛ mà taãn nɛ.]

Nya ǹ dín 11:21

Dɛnaa din na á goã n doe ǹ lɛ, bɛ lɛ taman yii, min gigiã nə́ n yɔrɔ bɔyaa ǹ nə́ da Yezu la, ǹ nə́ golee li.

Nya ǹ dín 7:7

Sɛnɛ, gána mɛn bɛ́ re ǹ biɛ bɛ̀rɛn lɛa ke lɛn, ma á re kiri kuri bɛ la. Bɛ kio, ǹ tá re soe, ǹ daa ǹ masɛ guguru kɔ gána kɛ nɛ.

Rɔmu minin 8:31

Wɔ n die pii mà wàa kəni? Bɛ̀ Lawa tá kun wɔ nɛ, die n die boe wɔ la?

Timəə dí-pɛn 31:23

Bɛ kio, Dɛnaa Lawa nə́ n gɔn waa Nunu a nɛgiĩ Zozoe dɔ nɛ, á pɛ nɛ: «N gù we yii, n nə n foo taã. A giala, man lɛ kɔ Izirayeli minin lɛn la ka gána mɛn a sii ni, n din lɛ n die woe ǹ ne walan. Ma din Lawa á re goɛ̃ kunun n ni.»

Ebrəə 13:5

Wɔrɔ-narɛɛ baran goã kaa sii tumaa zɛnaa mìi lɛa wa. Màn mɛn bɛ́ ka lon, ka toa bɛ ka yii kã. A giala, Dɛnaa din na á pɛ: «Haayii! Ma a re n gɔn boe n ganaa duduu wa, ma a re n toɛ walan wa.»

Zozoe 1:5

A n toa n yii n koo, min kɔn ba re golee n yɔrɔ-a a yɔ bɔ n ganaa wa. A giala, masɛ goã kun ka Muizu-n lɔn ke, man die goɛ̃ kun ka n dɔ-n miɛ̃. Ma a die n gɔn boe n ganaa wa, ma a re n toɛ walan duduu wa.

Sii yɔrɔ-bɔlen 6:12

Dɛnaa a lon a dia dí-a wole lɛ nə́ n din nyaa nɛ, á pɛ-n kɛnɛn: Dɛnaa Lawa tá kunun n ni, zia-baali zanbia gole!

Sii yɔrɔ-bɔlen 6:16

Dɛnaa Lawa tɔ́n pɛ Zediɔ̃ nɛ kɛnɛn: Ma á re goɛ̃ kunun n ni, ma á re Madiã minin lɛn tumaa dii kun.

Sii yɔrɔ-bɔlen 6:17

Zediɔ̃ tɔ́n pɛ: Bɛ̀ n tá re bǐɛ̃ koe masɛ-a sonbore, sii a kɔnboe nyaa ma nɛ, màn mɛn bɛ́ nyɛɛ, mà n din nə boo diɛ ka ma nɛ.

Sii yɔrɔ-bɔlen 6:21

Bàlà mɛn bɛ́ Dɛnaa Lawa a lon a dia dí-a wole lɛ gɔn, á bɛ lɛkoro zɔɔ̃ siĩ lɛ laanka buuru lɛ ganaa. Tɛ soo gɛ̀fu lɛ nɛ, á siĩ lɛ laanka buuru lɛ kũ. Bɛ kio, Dɛnaa Lawa a lon a dia dí-a wole lɛ papaã á n bɔ a yɔrɔ-a.

Sii yɔrɔ-bɔlen 7:11

Ǹ bɛ́ boo mɛn diɛ walan, n too kɔ li. N foo á re taɛ̃, n boo la n wo minin lɛn gialaa.» Zediɔ̃ woo kun ka a dí-nyali Puraa nɛ, yǎa ǹ zia-baalin lɛn giã ǹ bǎã lɛkoro-a.

Samayeli1 14:10

Sɛnɛ bɛ̀ ǹ nə́ pɛ mà wɔ da ǹsɛn ganaa, wɔ n woe, a giala, bɛ n nyɛɛ mà Dɛnaa Lawa na á ǹ wɔ wɔ gɔn.»