Bɔ bɛ̀rɛbaa nɛ 3:1 - LAWA A BOO SONBORE

¹ Muizu na á goã ǹ daãgiĩ Zetro a tɔɔn lɛduĩ. Zetro lɛ n Madiã gána a wúlu-bɔlen kiã lɛa. Á woo ka tɔɔn lɛn nɛ don bii, á dɔ kele kɔ́n li. Lawa na á bɛa kele lɛ bɔ á n die n din nyɛɛ la, a tɔ n Sinayii kele.

LAWA A BOO SONBORE 2011

¹ Muizu na á goã ǹ daãgiĩ Zetro a tɔɔn lɛduĩ. Zetro lɛ n Madiã gána a wúlu-bɔlen kiã lɛa. Á woo ka tɔɔn lɛn nɛ don bii, á dɔ kele kɔ́n li. Lawa na á bɛa kele lɛ bɔ á n die n din nyɛɛ la, a tɔ n Sinayii kele.

Bɔ bɛ̀rɛbaa nɛ 3:1 Iomraidhean Croise

Kiin1 19:19

Bɛ kio, Yilii kiɛ̃ á n bɔ walan, á woo Saafaati a nɛgiĩ Yiliizee yaa, bɛ̀ á ke diin buu kɔsɛ. Buu kɔsɔ ǹ dii fuəwensii na á goã a li. A din na á goã buu lɛ kɔsɛ ka dii lɛ a màn paa giala nyɔmɛɛn kɛn nɛ. Yilii kiɛ̃ Yiliizee genli, a ná a dɔnkɛ gole bɔ, á zũ Yiliizee la.

Kiin1 19:8

Yilii dɔ tɔ́n yoo, á màn bii, á mu mi. Bɛa màn-bii lɛ bɛ́ á Yilii gù kaa, á tɔ wɔ lɛawaa pusi laanka tèlò pusi gɔ́ɔ̃ nɛ, yǎa á dɔ Lawa a kele kɛ li, ǹ nə́ bíi Orɛbu.

Loen 106:19

Izirayeli minin lɛn bɛ́ Orɛbu kele lɛ li, ǹ nə́ diin nɛ nyín zɛnaa. Ǹ nə́ kaa tán, ǹ nə́ fɔlɔ màn kooro guguru kɔ.

Bɔ bɛ̀rɛbaa nɛ 17:6

Ma á re golee n nyɛɛnɛ, bǎã kɔ́n nɛ kànaa, Orɛbu kele lɛ la. Kele lɛ dɛ, mu á re soe a nɛ, zaman lɛ mi.» Muizu zɛnaa miɛ̃ Izirayeli nɛnyaanan min golen lɛn yɔrɔ-a.

Bɔ bɛ̀rɛbaa nɛ 18:12

Ǹ daãgiĩ Zetro lɛ woo *wúlu màn tã kunun ǹ ni, ǹ nə́ wúlu màn tɔrɔ kɔsɔn dɔn bɔ ǹ nə́ ǹ kɔ Lawa la. Aarɔn laanka Izirayeli a min golen kɛn tumaa daa màn bii Lawa yɔrɔ-a, kun ka ǹ daãgiĩ Zetro lɛ nɛ.

Bɔ bɛ̀rɛbaa nɛ 19:11

ǹ nə n yɔrɔ bɔ lɛawaa sɔɔbaa ǹ wɔ kɛa lɛa. A giala, Dɛnaa n die gisĩ Sinayii kele kɛ la lɛawaa sɔɔbaa ǹ wɔ pinaa kɛ nɛ, zaman lɛ tumaa yɔrɔ-a.

Bɔ bɛ̀rɛbaa nɛ 19:2

Ǹ nə́ yoo Refidimu, ǹ nə́ daa dɔ Sinayii don, ǹ nə́ golee don lɛ gɔ́ɔ̃ nɛ. Izirayeli giã walan, kele lɛ yɔrɔ-a gɔrɔ.

Bɔ bɛ̀rɛbaa nɛ 19:3

Sɛnɛ, Muizu dii á woo Lawa li. Dɛnaa nə́ n toa kele lɛ la, á lɛ dia la, á pɛ: – N die n kɛ pɛ Zakɔba tɔrɔ minin kɛn manɛ, Izirayeli nɛnyaanan lɛa, n daraa kɛ kɔ ǹ la.

Bɔ bɛ̀rɛbaa nɛ 2:16

Madiã gána a wúlu-bɔlen kiã a nɛlɔn man nə́ goã sɔbaa. Ǹ nə́ daa mu si tù lɛ-a, ǹ nə́ kiɛ goon ne ǹ díi a tɔɔn wɔ lɛa.

Bɔ bɛ̀rɛbaa nɛ 2:18

Nɛlɔn lɛn nə́ wusoo, ǹ nə́ daa ǹ díi Zetro kɛ li, a tɔ n Reweli dɔn. Á nɔ̀n da ǹ la: «Wàa na á baa ka wusoo, ka daa lɛliɛ nɛ kɛnɛn pelo?»

Bɔ bɛ̀rɛbaa nɛ 2:21

Muizu lɛ kɔ á giã bɛa giĩ kɛ lɛ li. A ná a nɛlɔ lɛ goon kɔ la lɔ lɛa, a tɔ n Sipora.

Bɔ bɛ̀rɛbaa nɛ 24:13

Á yoo, ka a kiodɛnaa Zozoe ne, ǹ nə́ dii Lawa a kele lɛ la.

Bɔ bɛ̀rɛbaa nɛ 3:12

Lawa pɛ nɛ: «Ma á kunun n ni. Sii mɛn bɛ́ nyɛɛ n nɛ, mà masɛ din nə má n dia bɛ á ke: Bɛ̀ ń soo ka zaman lɛ nɛ ń nə́ ǹ bɔ Ezipti gána nɛ, ǹ tá re dí nyɛɛ Lawa nɛ kele kɛ la.»

Bɔ bɛ̀rɛbaa nɛ 3:5

Lawa pɛ nɛ: «N baran n mɔrɔ wa! N kɔsɔnɔn waa n nə ǹ bɔ n gòãn ganaa, a giala, n bɛ́ golee-n bǎã mɛn nɛ, Lawa a bǎã nɛ.»

Bɔ bɛ̀rɛbaa nɛ 33:6

Izirayeli nɛnyaanan lɛn nə yoo lɔn, ǹ nə́ n bɔ Orɛbu kele kɛ li, ǹ nə́ ǹ nyaǹ bɔ ǹ mànan wɔ toa.

Bɔ bɛ̀rɛbaa nɛ 4:18

Muizu wusoo, á woo ǹ daãgiĩ Zetro li, á pɛ-n kɛnɛn: «Ma á siĩni ma wusoo, ma wo ma din tɔrɔ minin kɛn li Ezipti gána nɛ, ma ga bɛ̀ ǹ yii á tɔn koo.»

Bɔ bɛ̀rɛbaa nɛ 4:27

Dɛnaa pɛ Aarɔn nɛ: «Wo don bii, n nə n da Muizu lɛ.» Á woo, á n da lɛ Lawa a kele kɛ la, á n sɔɔ a nɛ.

Amɔɔsi 1:1

Boon kɛn man Amɔɔsi a boon lɛa, tɔɔn-tooli lɛa Tekoa. Lawa siin mɛnɛn nyaa nɛ Izirayeli tɔrɔn wɔ paǹ li, bɛn lɛn man ka kɛn nɛ. Bɛa biikoo li, bɛ̀ Oziasi n Zudaa minin kii lɛa, kii Zoasi a nɛgiĩ Zeroboamu n Izirayeli minin kii lɛa. Bɛa siin lɛn zɛnaa kio ne lɛ̀ paa, tán tɔn bìn da.

Minin nimi 10:29

Rewuyeli a nɛgiĩ Obaabu ke Madiã gána min lɛa, Muizu daãgiĩ lɛa, Muizu pɛ bɛ nɛ: «Dɛnaa Lawa bǎã mɛn lɛ boo da, á kɔ wɔ la, wɔsɛn man woe walan. Kiɛ̃ n nə n ta kun ka wɔsɛn nɛ. Dɛnaa Lawa nə n lɛ kɔ Izirayeli minin la ka yii-nyɛɛ mɛn nɛ, wɔsɛn tá re toɛ n dɔ wɔ yɛ bɛ nɛ.»

Minin nimi 10:33

Bɛ kio, ǹ nə́ kiɛ̃ ǹ nə́ n bɔ Dɛnaa Lawa a kele bǎã kɛ nɛ, ǹ nə́ lɛawaa sɔɔ zii tɔ wɔ. Bɛa lɛawaa sɔɔ zii tɔ lɛ gɔ́ɔ̃ nɛ Dɛnaa Lawa a *lɛ kɔ kɔn la ǹ goo lɛ goã á woo ǹ nyɛɛnɛ, màn mɛn bɛ́ toɛ, ǹ bɛ́ re boe la ǹ golee bǎã mɛn nɛ, ǹ bɛ dɔ̃.

Luku 2:8

Bɛa kiwi kɛ lɛ a lɛkoro lɛ-a wurun ni, sèren-lɛduə̃lin kɔnɔn man nə́ goã wɛɛ don ǹ tɔɔn li.

Nya ǹ dín 7:30

Lɛ̀ pusi a wo walan kio, lon a dia dí-a wole goon nə́ n din nyaa Muizu ni, tɛ buə̃ bii daãn ganaa, Sinayii kele a don bii.

Timəə dí-pɛn 1:2

Bɛ̀ ń nə́ n toa Horɛbu kele li, ń Seyiiri a kele yii zii kɛ saa, lɛawaa fulugoon tɔ nə n tá we, n tɔn dɔ Kadɛsi-Barneya kiwi.

Timəə dí-pɛn 1:6

– Wɔ bɛ́ Horɛbu kele la, Dɛnaa Lawa, wɔa Lawa na á pɛ wɔ-n kɛnɛn: «Ka belebɔ bɛa kele lɛ la á la yii ni.

Timəə dí-pɛn 4:10

Dɛnaa Lawa na á goã á pɛ ma nɛ, mà ma zaman lɛ sɔkɔn ma kɔ asɛ la. Mà asɛ n die a lɛ gɔ́ɔ̃ ǹ boo pii ǹ ni, màn mɛn bɛ́ toɛ, ǹ nə n daraa asɛ guguru kɔ ǹ gɔn ganaa, ǹ yiikoonaabaa tumaa gɔ́ɔ̃ nɛ, ǹ na a yɔrɔ nyaa ǹ nɛnyaanan dɔn manɛ. A bɛ́ bɛa boo kɛ lɛ diɛ ma nɛ ǹ mɛn pinaa, ká goã goleene kaa Lawa, Dɛnaa Lawa lɛ yɔrɔ-a, Orɛbu.

Sii yɔrɔ-bɔlen 4:11

Ebɛɛrɛ na á goã á n na, á n bɔ a tɔrɔ Kenii minin lɛn ganaa. Muizu ǹ daãgiĩ Obabu tɔrɔn manɛ. Ebɛɛrɛ woo a mɔnaa kion doa yǎa Sanayimu a da sasa kɛ li, kunu Kedɛsi ganaa.

Samayeli1 16:11

Bɛ kio, Samayeli pɛ Zesee-n kɛnɛn: «N nɛgiĩn lɛn tumaa n ke ya?» Zesee ná a lɛ si: «Nɛgiĩn lɛn kiɛɛrɛdɛnaa tá tɔn kio, a na á woo tɔɔn lɛduə̃.» Samayeli pɛ Zesee ne: «Ǹ dia ǹ wo ga li. Bɛ̀ a bie a daa wa, wɔ a re màn bii a kio wa.»