Bɔ bɛ̀rɛbaa nɛ 27:2 - LAWA A BOO SONBORE

² N bìbìn dɔ a gùrùn wɔkɔnlɛ ǹ bǎã sii kɛ tumaa ganaa, ǹ goã doa-n kɔn ka wúlu bɔ ǹ bǎã lɛ nɛ, n zan tã kaa la.

LAWA A BOO SONBORE 2011

² N bìbìn dɔ a gùrùn wɔkɔnlɛ ǹ bǎã sii kɛ tumaa ganaa, ǹ goã doa-n kɔn ka wúlu bɔ ǹ bǎã lɛ nɛ, n zan tã kaa la.

Bɔ bɛ̀rɛbaa nɛ 27:2 Iomraidhean Croise

Kiin1 1:50

Adoniya nyɛ́ɛ baa kii Salomɔn nɛ. Bɛ lɛ nɛ, á yoo á woo *wúlu bɔ ǹ bǎã lɛ karan kũ.

Kiin1 2:28

Sii mɛn nə n zɛnaa, Zoabu bɛ́ á bɛ ma, á baa si á woo Dɛnaa Lawa a mɔnaa kion lɛa sumun, á *wúlu bɔ ǹ bǎã lɛ a karan kũ. A na á zɛnaa miɛ̃, a giala, Zoabu lɛ goã Adoniya kio, a na a goã kun ka Abusalɔn sɛ-n wa.

Kiin1 8:64

Bɛa pinaa kɛ lɛ dɔ nɛ, bǎã mɛn lɛ bɛ́ Dɛnaa Lawa a kion lɛ nyɛɛnɛ, a sumu fúlu bii, kii Salomɔn bɛ dɔ yoreen kɔ wúlu bɔ ǹ bǎã lɛa. Bɛa bǎã lɛ nɛ á wúlu mànan tã a nɛ, á wúlu mànan kɔ Lawa la, ka zɔ́ɔ da Lawa nɛ ǹ wúlu mànan nyɔɔ nɛ; a na á bɛ zɛnaa miɛ̃ a giala wúlu bɔ ǹ bǎã mɛn goã zan lɛa Dɛnaa Lawa yɔrɔ-a, bɛ́ goã kiɛɛrɛ á la yii ni, *wúlu màn tiɛ̃n lɛn laanka Lawa gɔ ǹ mànan lɛn ganaa ka zɔ́ɔ da Lawa nɛ ǹ wúlu mànan lɛn nyɔɔ nɛ.

Kiin2 16:14

Wúlu bɔ ǹ bǎã mɛn goã zan lɛa, Dɛnaa Lawa yɔrɔ-a, kii lɛ bɛ sɛ saa, á bɔ a bǎã nɛ kion lɛ nyɛɛnɛ, wúlu bɔ ǹ bǎã dii lɛ laanka Dɛnaa Lawa a kion lɛ bii ni, á da wúlu bɔ ǹ bǎã dii lɛ genli, dia-n woe gɔsɛ a lɛ̀gɔn la.

KZS2 4:1

Salomɔn nə *wúlu bɔ ǹ bǎã zɛnaa zan lɛa. A gùrù sii lɛ a gogoonmaa n mɛtərə fù, a wo lon nə mɛtərə sooro.

Loen 118:27

Dɛnaa Lawa dinsɔɔ̃ n Lawa lɛa, a din na á n yɔrɔ bǐɛ̃ da wɔ la. Ka daa wɔ paã wɔ luu buruun gũ wɔ gɔn, wɔ wo yǎa a *wúlu bɔ ǹ bǎã kɛ nɛ.

Bɔ bɛ̀rɛbaa nɛ 27:3

N bǎã lɛ a ton kaa ǹ tasanan zɛnaa ka zan tã nɛ, ka a ton goa ǹ lasan nɛ, ka a mà pɛsɛ̃ ǹ tàanan nɛ, a siĩ fɔ̃ ǹ bàlàn nɛ, ka tɛ nàn kaa ǹ mànan nɛ.

Bɔ bɛ̀rɛbaa nɛ 29:12

Dii lɛ mà bɔ ka n gòon ne, n da *wúlu bɔ ǹ bǎã lɛ a bìbìn ganaa. Bɛ kio, a mà gialakun kɛ lɛ tumaa kaa wúlu bɔ ǹ bǎã lɛ giala ganaa.

Bɔ bɛ̀rɛbaa nɛ 38:30

A na á kɔn yɛ ǹ kion lɛ a kiɛnlɛ bàlàn kɛn giãmala ǹ mànan zɛnaa ka bɛa zan tã kɛ nɛ, ka wúlu bɔ ǹ bǎã kɛ laanka a tɛmɛ kɛ nɛ, ka a màn bisinin tumaa nɛ.

Ezekieli 43:15

Wúlu bɔ ǹ bǎã lɛ a lon bǎã ke kùsì ná a nɛ, bɛa la a wo lon nə gùrù yii sii, kara màn sii na a tan, kara goon gùrù gogoonmaa lalan.

Lawa a wúlu-bɔlen 16:18

Wúlu bɔ ǹ bǎã mɛn lɛ á ke kɔn yɛ ka Dɛnaa Lawa nɛ ǹ kion lɛ yɔrɔ-a, a wusoo a da walan, a gɔ̀ bɔma-a ǹ landa zɛnaa bɛ dɔ a lɛa. A dii gɔ̀lɔ̀ lɛ laanka butumu lɛ mà saa, a kaa wúlu bɔ ǹ bǎã kɛ a bìbìn ganaa, a gùrùn ganaa.

Lawa a wúlu-bɔlen 4:18

Wúlu bɔ ǹ bǎã mɛn bɛ́ kɔn yɛ ǹ kion lɛ nɛ, Dɛnaa Lawa yɔrɔ-a, a mà lɛ kɔn lɔ bɛ dɔ a bìbìn ganaa. Dii mà lɛ a gialakun kɛ tumaa, a wo bɛ kaa tán wúlu bɔ ǹ bǎã lɛ genli, ǹ mɛn lɛ bɛ́ kɔn yɛ ka Lawa nɛ ǹ kion lɛ a kiɛnlɛ-a.

Lawa a wúlu-bɔlen 4:25

Wúlu-bɔle lɛ goon nə n gòon sã bɛa tɔɔ lɛ a mà li, á lɔ wúlu bɔ ǹ bǎã kɛ karan ganaa. Bɛ kio, a tɔn mà lɛ a gialakun kɛ kaa tán wúlu bɔ ǹ bǎã lɛ genli.

Lawa a wúlu-bɔlen 4:7

Da yon gìĩ kɔɔ̃n tã ǹ bǎã mɛn dɔ bɛ́ kɔn yɛ ǹ kion kɛ nɛ, Dɛnaa Lawa yɔrɔ-a, a mà lɛ kɔn lɔ bɛ dɔ a karan ganaa. Dii mà lɛ a gialakun kɛ tumaa, a wo bɛ kaa tán wúlu màn tã ǹ bǎã kɛ genli, ǹ mɛn lɛ bɛ́ kɔn yɛ ka Lawa nɛ ǹ kion lɛ a kiɛnlɛ-a.

Lawa a wúlu-bɔlen 8:15

Muizu tɔ́n na a bɔlɔ kuru, a ná a mà si. Á n gòon sã bɛa mà lɛ li, karan mɛnɛn tumaa bɛ́ wúlu bɔ ǹ bǎã lɛ gùrùn ganaa, á lɔ bɛn ganaa, a wúlu bɔ ǹ bǎã lɛ baa Lawa wɔ lɛa. Á mà lɛ a gialakun kaa tán wúlu bɔ ǹ bǎã lɛ genli màn mɛn bɛ́ toɛ a Lawa wɔ baa, ǹ boo la, ǹ sii baraa sawaa ǹ wúlu bɔ la.

Zakarii 9:15

Dɛnaa Lawa Pàãyiidɛnaa á re a zaman tamɛɛ. Ǹ tá re boe ǹ zɔ́ɔn la, ǹ nə ǹ baragii kɔlɔn yɔyɔrɛ. Ǹ tá re màn mii, ǹ bìn diɛ gole wɔ ka yɔ bɛ min yii ganaa lɔn. Ǹ tá re piɛ̃ ka *wúlu màn mà bɛ́ lɔn paan nɛ, hinlaa ka mà mɛn bɛ́ ǹ kaa *wúlu bɔ ǹ bǎã karan ganaa.

Minin nimi 3:31

Keyati tɔrɔn lɛn man nə́ goã giɛ *lɛ kɔ kɔn la ǹ goo kɛ walan, tabala kɛ nɛ, bolon da ǹ bǎã kɛ nɛ, mànan kɛn nɛ ǹ nə́ dí nyɛɛ ǹ nɛ Lawa a kion, ka kion lɛ a bii kuru kɔn-a ǹ mɔnaa kɛ nɛ, ka a wɔ kɔn lɛ ǹ dí tumaa nɛ.

Ebrəə 6:18

A na á ga li, mà a foo-doa ǹ sii màn paa zɛnaa wɔ nɛ, a lɛ-kɔ kɛ laanka a liɛ kɛ nɛ. Lawa a boe la, a soɛ bɔ bɛa sii paa kɛ lɛ gɔ́ɔ̃-n wa. Wɔsɛn mɛnɛn bɛ́ kiɛ Lawa yele, wɔ nə́ n gɔn parɛɛ Lawa din a foo doa ǹ màn kɛ ganaa á kɔ wɔ la, bɛa sii paa kɛ lɛ n wɔ foo taɛ̃ parsiini.