Bɔ bɛ̀rɛbaa nɛ 24:4 - LAWA A BOO SONBORE

⁴ Muizu Dɛnaa a boon lɛn tumaa kiɛ̃. Á yoo baayɛlɛ liliɛ, á *wúlu bɔ ǹ bǎã dɔ kele lɛ genli, á kɔlɔ fulupaa doa, goon nə́ Izirayeli tɔrɔ giala basa gogoonmaa wɔ lɛa.

LAWA A BOO SONBORE 2011

⁴ Muizu Dɛnaa a boon lɛn tumaa kiɛ̃. Á yoo baayɛlɛ liliɛ, á *wúlu bɔ ǹ bǎã dɔ kele lɛ genli, á kɔlɔ fulupaa doa, goon nə́ Izirayeli tɔrɔ giala basa gogoonmaa wɔ lɛa.

Bɔ bɛ̀rɛbaa nɛ 24:4 Iomraidhean Croise

Siin Giala 12:7

Dɛnaa nə́ n din nyaa Abramu ni, á pɛ nɛ: «Man die gána kɛ koe n din tɔrɔn la.» Dɛnaa nə n din nyaa nɛ bǎã mɛn nɛ, Abramu *wúlu bɔ ǹ bǎã dɔ walan Dɛnaa wɔ lɛa.

Siin Giala 28:18

Zakɔba yoo baayɛlɛ yiisoone. A goã á kɔlɔ mɛn wɔ a mìi li, á bɛ saa á doa tán, á nyɔɔ kaa a mìi ni.

Siin Giala 28:22

Ma kɔlɔ doa bǎã mɛn nɛ, bɛa bǎã lɛ á re Lawa a kion biɛ. Lawa bɛ́ re màn woo màn koe masɛ la, ma á re a fùbaa ǹ wɔ boe a wɔ lɛa.»

Siin Giala 31:45

Zakɔba kɔlɔ goon saa á doa tán.

Kiin1 11:30

Ayia bɛa dɔnkɛ dii lɛ kũ á tɔtoɛ̃ kɔn lɛkara fulupaa.

Kiin1 18:31

Á kɔlɔ fulupaa goã, Izirayeli tɔrɔn lɛn lɛ yii li, Zakɔba a nɛgiĩn tɔ bɛ́ tɔrɔn mɛnɛn lɛn ganaa. Zakɔba lɛ nɛ, Dɛnaa Lawa goã á pɛ nɛ mà a tɔ n die goɛ̃ Izirayeli.

Ɛsidrasi 6:17

Maǹ nə́ dii gɔ̀lɔ̀ paabiɛ bɔ, sère gɔ̀lɔ̀ biɛpaa nɛ, ka sère ten biɛsii ni, Lawa a kion lɛ a kɔ Lawa la ǹ wɔ lɛa. Maǹ nə́ butumu fulupaa bɔ, Izirayeli tɔrɔn lɛn lɛ yii li, Izirayeli kuturu a sii baraan sawaa ǹ wɔ lɛa.

Nehemii 10:1

Bɛ lɛ n ke wɔ́ lɛ kɔ kɔn la bɛbiɛ wɔ, wɔ́ kiɛ̃ sɛ́wɔ nɛ, wɔa nyɛɛnaandɛnan nə́ n gɔn bǎã da a nɛ, ka wɔa *Levii tɔrɔn laanka wɔa Lawa a wúlu-bɔlen ne.

Bɔ bɛ̀rɛbaa nɛ 17:14

Dɛnaa pɛ Muizu ni: «Kɛ kiɛ̃ sɛ́wɔ nɛ, a goã gũ yiri ni ǹ sii lɛa. A pɛ Zozoe ne, mà má á re Amalɛki minin papaɛ̃ ka lenlen, min din ná a ba ǹ boo diɛ kanaa doo wa!»

Bɔ bɛ̀rɛbaa nɛ 17:15

Muizu *wúlu bɔ ǹ bǎã dɔ, á tɔ gole kɔ a ganaa: "Dɛnaa n ka maa ziabaa ǹ zanzan bɛ́ lɔn".

Bɔ bɛ̀rɛbaa nɛ 21:1

Lawa mà sii zɛnaa ǹ gɔn kɔsɔn nə́ ke, a n siĩni a ǹ pɛ Izirayeli nɛnyaanan manɛ:

Bɔ bɛ̀rɛbaa nɛ 24:7

Á tɔ́n lɛ kɔ kɔn la ǹ boon sɛ́wɔ kɛ saa, á pɛ ka lɛn gole ne zaman lɛ yɔrɔ-a. Izirayeli nɛnyaanan lɛn nə́ pɛ: «Dɛnaa boon mɛnɛn tumaa da, wɔsɛn tá re bɛn tumaa a siin zɛnɛɛ, wɔ á re n too koe a lon.»

Bɔ bɛ̀rɛbaa nɛ 28:21

Kɔlɔn lɛn man die kɔn siɛ ka Zakɔba a nɛgiĩn tɔn lɛn nɛ: kɔlɔ fulupaa ka ǹ dɔn tɔn lɛn bɛ́ lɔn. Maǹ die goɛ̃ Izirayeli nɛnyaanan tɔrɔgiala basa fulupaa kɛ a sii nyaa ǹ sii lɛa.

Bɔ bɛ̀rɛbaa nɛ 34:27

Dɛnaa pɛ Muizu-n doo: «Boon kɛn kiɛ̃, a giala, masɛ n die maa sii giala we boon kɛn lɛn la, ma lɛ kɔ kɔn la wɔ ka n nɛ, ka Izirayeli ni.»

Izayii 19:19

Bɛa pinaa lɛ nɛ, Ezipti gána bii, *wúlu bɔ ǹ bǎã laanka kɔlɔ zumii n die yii Dɛnaa Lawa wɔ lɛa, kunu Ezipti gèlè ganaa.

Lawa a wúlu-bɔlen 24:5

Ka *wùsu sonbore saa, ka buuru mìi fulupaa da nɛ, ǹ gogoonmaa a gugurubaa n doe kilo sɔrɔ.

Minin nimi 17:2

«Lawa a wúlu-bɔle Eleyazaara ke, Aarɔn a nɛgiĩ lɛa, a pɛ bɛ nɛ, a da yon gìĩ kɔɔ̃n kaa ǹ mànan kɛn waa, a ǹ bɔ tɛ lɛ nɛ, a ǹ tɛ nàn pɛsɛ̃ tán tìãlɛ-a. A giala, maǹ nə́ n baa masɛ wɔn lɛa.

Luku 22:30

Ka á re màn bii ka màn mi kun ka masɛ nɛ, maa kiibaa ǹ bǎã kɛ nɛ, ka á re giɛ̃ kii dankanan la, ka goã Izirayeli tɔrɔ fulupaa kɛ mìi la kun ka masɛ nɛ.»

Galaasi minin 2:9

Zaaki ni, Piɛrɛ nɛ, ka ZAÃ nɛ, bɛn lɛn man nə́ goã nyɛɛnaan-bɔlen lɛa. Ǹ nə́ dɔ̃ mà Lawa na á bɛa bǐɛ̃baa ǹ dí kɛ lɛ kɔ masɛ la. Ǹ nə́ n gɔn wɔ masɛ gɔn ka Barnabaasi ni. Bɛ nə́ n baa wɔa kaa kun mìi lɛa, màn mɛn bɛ́ toɛ, wɔsɛn nə wo tɔrɔ kɔsɔn li, ǹsɛn nə wo Zuifun li.

Timəə dí-pɛn 31:9

Muizu bɛa dí-pɛ lɛ kiɛ̃ á kɔ *Levii tɔrɔn wúlu-bɔlen kɛn la, ǹ mɛnɛn lɛn bɛ́ Dɛnaa Lawa a *lɛ kɔ kɔn la ǹ goo guĩ, á kɔ Izirayeli tɔrɔn min golen tumaa dɔ la.

Zozoe 4:20

Ǹ goã ǹ nə́ kɔlɔ fulupaa mɛn goa Zurdɛ̃ tà lɛ bii, Zozoe bɛn da kɔn la Gilgaali.

Zozoe 4:5

Zozoe tɔ́n pɛ ǹ nɛ kɛnɛn: Dɛnaa Lawa lɛ, kaa Lawa lɛa, ka kiɛ̃ ka mɛ a goo lɛ nyɛɛnɛ, ka wo Zurdɛ̃ tà lɛ bii. Ka dinin gogoonmaa kɔlɔ goon saa ka da ka kɔrɔn, Izirayeli nɛnyaanan lɛn tɔrɔn lɛ yii li,

Sii-nyaan 21:14

Maǹ nə́ kungɔn lɛ gòã daa gɛ̀fu fulupaa la, ǹ nə́ Sère Nɛ a dia dí-a wole fulupaa lɛ gogoonmaa tɔ kiɛ̃ gɛ̀fu lɛ gogoonmaa ganaa.