Bɔ bɛ̀rɛbaa nɛ 23:2 - LAWA A BOO SONBORE

² Bɛ̀ zaman nə́ n lɛ kaa kun sii baraa ganaa, ka baran mɛ kunun ǹ ni wa. Kiri-wɔlen bǎã nɛ, ka baran nyɛ́ɛ baa zaman kiri kɔkɔrɔ-wɔlen man wa.

LAWA A BOO SONBORE 2011

² Bɛ̀ zaman nə́ n lɛ kaa kun sii baraa ganaa, ka baran mɛ kunun ǹ ni wa. Kiri-wɔlen bǎã nɛ, ka baran nyɛ́ɛ baa zaman kiri kɔkɔrɔ-wɔlen man wa.

Bɔ bɛ̀rɛbaa nɛ 23:2 Iomraidhean Croise

Siin Giala 19:4

Ǹ tɔn waa tán dinin wa, bɛ̀ Sodɔmu kiwi lɛ a minin bɛ́ ǹ nə́ daa kion lɛ lɛnpɛnɛ: tɔntɔraan nɛ, giĩ golen ne, ǹ dinin tumaa, min goã wa.

Siin Giala 6:12

Dɛnaa ga kanaa ganaa, á yɛ mà á ziziɛ̃, a giala, minbuiinin tumaa a tɔ wɔ ǹ gɔn baraa kɔ.

Siin Giala 7:1

Dɛnaa tɔ́n pɛ Nowee ne kɛnɛn: «Wɔ goo lɛ nɛ, n din laanka n kion minin tumaa. A giala, n bɛ́ kanaa kun ka min mɛnɛn nɛ, n dinsɔɔ̃ n pepere, bɛa minin kɛn lɛn bii.

Kiin1 19:10

Yilii ná a lɛ si: «Ma la n paparɛ ka Lawa Pàãyiidɛnaa, Dɛnaa Lawa lɛ a sii ni. Izirayeli minin lɛn nə́ n lɛ kɔ kɔn la lɛ toa walan, ǹ nə́ n wúlu bɔ ǹ bǎãn ziziɛ̃, ǹ nə́ n boo gii-dalin dɛ. Masɛ dinsɔɔ̃ n má goã, maǹ giɛ li, ǹ ma dɔ dɛ.»

Zɔbu 31:34

Ma bɛ́ má zɛnaa miɛ̃, man nyɛ́ɛ biɛ zaman lɛ wuu-n ya? Minin nə ma yii puusə kɔ, bɛ n nyɛ́ɛ diɛ ma ganaa ya? Bɛ bie toɛ ma á n lɛ tiɛ̃, má n giɛ̃ kion wa.

Loen 72:2

Toa a giã n zaman kɛ mìi la ka peperebaa nɛ, a kiri wɔ doobaan ganaa ka telebaa nɛ.

Suusun 1:15

Maa nɛ, n nyan wo kunun ǹ ni wa. N wɔlɔ lui ǹ zii ganaa.

Suusun 18:5

Sonbore kɔ min baraa la a siĩn wa. Mɛnaa min pepere la kiri wɔ ǹ bǎã nɛ, bɛ dɔ n sii bɔnɛɛ lɛa.

Suusun 4:14

N nyan min bɔnɛɛn giã ǹ gɔn lɛn zɔɔ̃ wa. N nyan kɔ sii baraa-zɛnaalin zii lɛ wa.

Zeremii 37:15

Ǹ foo goã yoo-n Lawa a boo gii-dali Zeremii li parsiini, yǎa ǹ nə́ dɛdɛ. Ǹ nə́ tɔn a lɛ tã sɛ́wɔ-kiɛ̃li Zonaatan a kion kɛ nɛ ǹ nə́ bɔyaa ǹ nə́ baa kòso kion lɛa.

Zeremii 37:21

Kii Sedekiasi tɔn pɛ mà ǹ Zeremii da bǎã-lɛduə̃lin sumu kɛ nɛ, ka buuru mɔ̀mɔ mìi goon kɔ la baraabaraa, buuru mɛn bɛ́ boe buuru-dalin bǎã kɛ nɛ yǎa bɛ̀ buuru nya kiwi lɛ nɛ. Bɛa yɔrɔ lɛ la, Zeremii goã bǎã-lɛduə̃lin sumu lɛ nɛ.

Zeremii 38:9

«Dɛnaagiĩ kii ganaa, minin lɛn nə sii mɛn zɛnaa Lawa a boo gii-dali Zeremii ni, sii baraa nɛ. Maǹ nə́ zũ nyankɔrɔ zuzulu ni. A n die giɛ̃ bòo gɔn a giala, màn-bii ba kiwi lɛ-n wa.»

Ezekieli 9:9

Á tɔ́n pɛ ma nɛ: – Izirayeli minin laanka Zudaa minin sii baraa lɛ gole kɔ á la yii ni. Kakaarɛbaa gána lɛ pã, mɛnaa kɔn la kiwi lɛ pã. A giala, maǹ pii: «Dɛnaa Lawa gána lɛ toa walan, a yii a màn kɔn ganaa wa.»

Lawa a wúlu-bɔlen 19:15

Kiri-kuriin gɔ́ɔ̃ nɛ, ka nyan mɛnaa min la wa. Ka nyan pɛ ka kaa pàãwɛɛnaa lon a pàãwɛɛnaabaa taman yii wa, ka nyan nyɛ́ɛ baa pàãma dɔ yii ni a pàãmabaa taman yii wa. Sɛnɛ, ka ka miãn kiri wɔ ka peperebaa nɛ.

Azee 1:4

«Kaa giã kaa kion siĩnin kɛn nɛ biikoo na á dɔ ka yii li, a da yaa masɛ dɔ wɔ n ziziɛ̃-n tán ka yɔrɔ-a? Á kɔnbɔ ka giã kion siĩnin kɛn nɛ ka nyaǹ kaa ǹ gɔ́ɔ̃ nɛ, masɛ wɔ n kɛbɔlɔ biɛ?»

Marki 15:15

Pilati bɛ́ li a zaman lɛ foo basã, á nɔmaa á Barabaasi bɔ á kɔ ǹ la. Bɛ kio, á minin kaa Yezu ganaa, ǹ nə́ duwəə ka sɔsɔrɔ nɛ, á tɔ́n kɔ sɔraasin la mà ǹ wo dere gɔn-lakerekaã ganaa.

Nya ǹ dín 24:27

Lɛ̀ paa bɛ kio, Pɔrsiisi Fɛstusu daa Feliksi a bǎã saa. Feliksi bɛ́ giɛ li a Zuifun foo kɔɔ̃n kɔ ǹ sii zɛnaa, á Pooli toa kòso-n.

Nya ǹ dín 25:9

Sɛnɛ, Fɛstusu bɛ́ giɛ li mà a sii kɔɔ̃n kɔ Zuifun ganaa, á pɛ Pooli ni: «N tá li n wo Zeruzalɛmu, n kiri lɛ nə n kuru walan masɛ yɔrɔ-a ya?»

Rɔmu minin 1:32

A laanɛ ǹ tá doɛ̃ ke mà Lawa pɛ mà bɛa siin kɛn lɛn zɛnaalin doamaa-n ka gɛ̀ nɛ, ǹ ba goɛ̃ bɛa siin kɛn lɛn zɛnaa dinsɔɔ̃ li wa, sɛnɛ, a zɛnaali kɔsɔn dɔn man kɔɔ̃nɛ ǹ ganaa.

Timəə dí-pɛn 1:17

Sii yɔrɔ bɔ gɔ́ɔ̃ nɛ, ka nyan toa ka minin bɔkɔnlɛ wɔ wa. Ka n too kɔ doobaa lon, ka ka bɛ́ n too koe pàãma dɔ lon lɔn, ka baran nyɛ́ɛ baa min kɔn yii-n wa. A giala, sii yɔrɔ bɔ n Lawa a sii lɛa. Bɛ̀ sii mɛn a yɔrɔ bɔ la ka pàã nɛ, ka da a yɔrɔ pɛ ma nɛ, ma ga a ganaa.»

Timəə dí-pɛn 16:19

Ka nyan toa ka sii yɔrɔ bɔ ǹ gɔn ziziɛ̃ wa. Ka nyan bɔnbii-a wɔ wa, ka nyan toa min ka lɛ pii ka màn nɛ wa. A giala, lɛ pii ǹ màn nə sii-dɔ̃lin yii tiɛ̃, a min peperen kaa boo kɔkɔrɔ diɛ ganaa.

Timəə dí-pɛn 24:17

Ka nyan sii kɔkɔrɔ zɛnaa ka mɛnaa gùli laanka nɛ toen la wa. Ka baran lɔ giɔɔrɔ a mɔnaan si la giɔ̀mɔ lɛ koa ǹ màn lɛa wa.

Zozoe 24:15

Sɛnɛ, bɛ̀ dí nya Dɛnaa Lawa nɛ lɛ a siĩni ka yii li wa, ka dinin bɛ́ li ka dí nya min mɛn nɛ, ka bɛ bɔ pelo. Ka digolon nə lawa kɔsɔn mɛnɛn guguru kɔ bɛ̀ ǹ bɛ́ tɔn giã-n Efrati tà kio, hinlaa ǹ bɛ́ giã-n Amɔɔrɔ tɔrɔn mɛnɛn gána nɛ, bɛn dìn kɛn. Masɛ laanka maa kion minin ni sɛn, wɔsɛn man die dí nyɛɛ Dɛnaa Lawa nɛ.»

Samayeli1 15:24

Sayulu pɛ Samayeli ni: «Má sii baraa zɛnaa. Ma Dɛnaa Lawa a dí-pɛ tamaa wa. N boo mɛn pɛ, ma bɛ si wa. A giala, man má nyɛ́ɛ baa zaman lɛ nɛ, má ǹ bɔlɔ si.

Samayeli1 15:9

Sɛnɛ, Sayulu laanka zaman lɛ Agaagi toa walan. Tɔɔ sonboren mɛnɛn bɛ́ tɔɔ bisinin laanka tɔɔ dadaran bii, tɔɔn mɛnɛn bɛ́ ǹ nə́ kasã, ǹ nə́ bɛn toa walan. Sère tenən ne, ka màn mɛn din tumaa goã siĩni, ǹ lɛ kɔ, ǹ nə́ bɛn bɔ̀n baa wa. Sɛnɛ, ǹ mɛnɛn tumaa goã pɛrɛɛ nɛ, ǹ nə́ ǹ ba giɔ̀mɔ boe wa, ǹ nə́ bɛn tumaa bɔ̀n baa lenlen.