Bɔ bɛ̀rɛbaa nɛ 23:1 - LAWA A BOO SONBORE

¹ «Soɛ boon mɛnɛn bɛ́, ǹ giala ba we-n taãn wa, ka baran bɛn pɛsɛ̃ piɛ̃ li wa. Ka baran soɛ a siére baa, ka n dɔ zɛ̀rɛdɛnaa lɛ wa.

LAWA A BOO SONBORE 2011

¹ Soɛ boon mɛnɛn bɛ́, ǹ giala ba we-n taãn wa, ka baran bɛn pɛsɛ̃ piɛ̃ li wa. Ka baran soɛ a siére baa, ka n dɔ zɛ̀rɛdɛnaa lɛ wa.

Bɔ bɛ̀rɛbaa nɛ 23:1 Iomraidhean Croise

Siin Giala 39:17

A din boo goon lɛ nɛ á pɛ ǹ zuũ dɔ nɛ: «N da bɛ̀rɛgiĩ mɛn kɔ wɔsɛn la á n Ebrəə min lɛa, bɛ lɛ na á daa masɛ li, mà a n die sàn koe ka ma nɛ.

Samayeli2 16:3

Kii tɔ́n nɔ̀n da la: «N dɛnaagiĩ Sayulu a nɔ̀ɔn Mefibosɛti lɛ á maa?» Siibaa kii lɛ si: «Á ke, a na á giã Zeruzalɛmu. A giala, a n taasɛ mà pelo, mà Izirayeli minin lɛn tá re asɛ digole Sayulu a kiibaa lɛ koe asɛ la.»

Samayeli2 19:27

A ná a lɛ si: «Maa dɛnaagiĩ kii, maa dí-nyali na á ma yiri sã. Bɛ̀ bɛ lɛ bie wa, man má goã, máa man die maa dundun dan kuĩ ma kɛkɛrɛ da a dɔ̀ɔ̃ nɛ, ma dii la, ma wo kunun n ni. A giala, ma gòã lɛ a toɛ ma á tɔ we wa.

Loen 101:5

Min mɛn bɛ́ n duri, ǹ miãn tɔ ziziɛ̃, ma tá re barka boe bɛa dɛnaa-n ka lenlen. Min mɛn bɛ́ n din gole koe, a n giɛ ǹ miãn-a màn kooron lɛa, ma ba boe la ma bɛa dɛnaa a sii si ma ganaa wa.

Loen 120:3

Soɛ-bɔle, soɛ lɛ n die wàa koe n la? Ma n die wàa boe a nɛ?

Loen 15:3

A ba min tɔ baraa pii wa, a ba sii baraa zɛnɛɛ ǹ miãn man wa, a ba ǹ miã tɔ pɔpɔsɛ wa.

Loen 27:12

N baran ma baa maa zɔ́ɔn kɛn màn-bii lɛa wa. A giala, siére soɛ-bɔlen nə́ yoo ma gialaa, ǹ nə́ zoɛ̃ mà ǹ ma nyɛɛ ka ǹ kakaarɛbaa nɛ.

Loen 35:11

Minin man die ǹ nə́ soɛ diɛ ma la, ma bɛ́ ma a sii mɛn doɛ̃ wa, maǹ bɛa nɔ̀n diɛ ma la.

Bɔ bɛ̀rɛbaa nɛ 20:16

- N baran soɛ da min la wa.

Bɔ bɛ̀rɛbaa nɛ 23:7

Ka baran n too kɔ soɛ boon ganaa wa. Ka baran zɛ̀rɛbaãnaa hinlaa min pepere dɛ a gã wa. A giala, masɛ a sonbore koe bɛa sii kɛ lɛ miã a zɛnaali la wa.

Suusun 10:18

Min mɛn bɛ́ zɔ́ɔbaa duri, min naarɛ nɛ. Min mɛn bɛ́ soɛ diɛ ǹ miãn la, baãnaa nɛ.

Suusun 12:17

Min mɛn bɛ́ sonbore pii, a nə n doe kiri a peperebaa lɛ. Min mɛn bɛ́ siére baraa pii, a n màn diɛ siɛ̃ li.

Suusun 14:5

Siére sonbore-pɛli a min siɛ̃ wa. Sɛnɛ, siére baraa-pɛli n soɛ dinsɔɔ̃ boe.

Suusun 17:4

Min mɛn bɛ́ sii baraa zɛnɛɛ, a n boe a din ni, á n too koe boo baraan li. Min mɛn bɛ́ soɛ boe, a nə n too koe soɛ boon li.

Suusun 19:28

Siere-pɛli mɛn laadoo bɛ́ a bie ka dí-pɛn nɛ wa, bɛa màn kɔn lɛa wa. Sii baraa n kɔɔ̃n min baraan ganaa.

Suusun 19:5

Dɔlɔ á re n boe siére baraa-pɛli ganaa ǹ kɔn pinaa. Sɛnɛ, soɛ-bɔli dɔ bɛ á kɔnbɔ ka màn mɛn nɛ, á re bɛ yii.

Suusun 19:9

Dɔlɔ á re n boe siére baraa-pɛli ganaa ǹ kɔn pinaa. Soɛ-bɔli sɛ́ wɔ n ka bɔ̀n nɛ.

Suusun 21:28

Siére baraa-pɛli á re giɛ̃. Sɛnɛ, min mɛn bɛ́ n too koe doɛ̃, bɛ n boo giala yii biikoo yii li.

Suusun 24:28

N nyan nə n miã zɛ̀rɛ baa mìi na a ba la wa. Soɛ bɔ sii ni n ganaa?

Suusun 25:18

Min mɛn bɛ́ soɛ woon diɛ n miã la, a n goon ka bàlà gole ne, gɔya sa hinlaa kiɛ pɛpɛnɛ nɛ.

Suusun 25:23

Piɛ̃ mɛn bɛ́ woe lɛ̀giala-n, bɛ n die ka là nɛ. Soɛ n die ka n miãn foo yoo ne.

Zeremii 20:10

Má boo baraa gigiã ma minin lɛ-n. Maǹ pii: «Nyɛ́ɛ n bǎã tumaa nɛ.» Ǹ tɛnɛn dɔn man pii: «Ka a giala da kanaa.» Maa giaáran dinin man giɛ maa mɛnaa li. Maǹ pii: «Kɔntan, wɔ á re tɔwɛɛ, wɔ pàã la nɛ, wɔ wɔa gɛ̀ dòo bɔ a ganaa!»

Lawa a wúlu-bɔlen 19:11

Ka baran wurumu baa wa, ka baran kɔn yiri sã wa, ka baran soɛ dɔ bɔ kɔn nɛ wa.

Lawa a wúlu-bɔlen 19:16

Ka baran n bibiə̃ ka ka dɔɔ̃nɔn tɔ ziziɛ̃ wa. Min dɔ baran ǹ miã zɛ̀rɛ baa kooro, n kiɛ̃ n minin yaa dii wa. Ma din nə Dɛnaa Lawa lɛa.

Matiə 19:18

Giĩ lɛ tɔ́n nɔ̀n da la: «Ǹ mɛnɛn?» Yezu tɔ́n pɛ: «N baran gɛ̀ dɛ wa, n baran naarɛbaa zɛnaa wa, n baran wurumu baa wa, n baran soɛ da min la wa,

Luku 19:8

Zaase golee Dɛnaa lɛ yɔrɔ-a, á pɛ nɛ: «Mìinaa, á ke, man die ma gɔn màn a talɛɛ koe doobaan la. Masɛ min mɛnɛn bebele lɛlɛ má wɔrɔ si ǹ la, man die didie wɔ doo koe la yǎa gunyin sii.»

Luku 3:14

Sɔraasin dɔn nə́ nɔ̀n da la mà ǹsɛn dɔn doamaa nɛ ǹ wàa mɛn zɛnaa? Á ǹ lɛ si: «Ka baran pàã nyaa min ni ka wɔrɔ si la wa. Ka baran mɛnaa min dɔ la ka soɛ boon ne ka wɔrɔ si la wa. Bɛ din tumaa kio, ǹ bɛ́ saraa mɛn koe ka la, ka toa bɛ lɛ dɔ ka yii li.»

Zaã a sɛ́wɔ 7:51

«A kɔnpɛ ka wɔsɛn landa nɛ, wɔa boe la wɔ dɔlɔ bɔ min ganaa, bɛ̀ wɔ ǹ dɛnaa lɛ gɔ́ɔ̃ ǹ boo ma bɔrɔ wa, wɔ ǹ dɛnaa a zɛnaa ǹ sii dɔ̃ wa.»

Rɔmu minin 3:8

Wàa-n wɔ kurii wɔ pɛ, mà: «Wɔ daa wɔ sii baraa zɛnaa, màn mɛn bɛ́ toɛ, sii bǐɛ̃ bɔ a nɛ?» Min tɛnɛn man ma tɔ ziziɛ̃, ǹ nə́ soɛ diɛ ma la, mà ma n bɛa boon kɛn lɛn pii. Lawa n die dɔlɔ boe bɛa minin kɛn lɛn ganaa a giala yii li.

Efɛɛzi minin 4:25

Bɛ lɛ a lɛa, ka soɛ-bɔ toa walan. Didie sonbore pɛ ǹ miã nɛ, a giala mà wɔ tumaa n gɔ̀nɔn goon a gùn lɛa.

Timəə dí-pɛn 5:20

N baran soɛ da min la wa.

Timote2 3:3

ǹ tá re kakaarɛ koe, ǹ ba re min makara doɛ̃ wa. Ǹ tá re kɔn tɔ ziziɛ̃ wolen biɛ, ǹ ba re n dinin kuĩ wa. Ǹ tá re baraa koe, sii bǐɛ̃ a die kɔɔ̃n koe ǹ ganaa wa.

Piɛrɛ1 3:16

Sɛnɛ, ka bɛ zɛnaa ka foo-basiɛ̃ nɛ, ka min kɔsɔ guguru kɔ nɛ. Ka baran toa ka foo ka zɛ̀rɛ baa ka sii kɔ́n nɛ wa, màn mɛn bɛ́ toɛ, ta maǹ ka tɔ ziziɛ̃ ka sii kɔ́n nɛ, min mɛnɛn dinin bɛ́ boo baraa diɛ ka ganaa, kaa tɔ wɔ ǹ gɔn sonbore kɛ a lɛa kun ka Krita nɛ, sìi wusoo a bɛn kũ.

Sii-nyaan 12:10

Má lɛn gole goon ma, boe lon, a n pii: «Sisia wɔa Lawa na á gɔ̀lɔ̀baa yɛ! A ná a din pàã nyaa, a ná a kiibaa saa. Sisia, a bɛ́ á min mɛn bɔ á baa kii lɛa, pàã n bɛ gɔn! A giala wɔ dɔɔ̃nɔn biɛ-kɔle na á fɔ̃, asɛ mɛn bɛ́ á goã ǹ biɛ koe tèlò-n ka baayɛlɛ nɛ, wɔa Lawa yɔrɔ-a, ǹ nə́ bɔ lon ǹ nə́ zũ tán.