Bɔ bɛ̀rɛbaa nɛ 21:1 - LAWA A BOO SONBORE

¹ Lawa mà sii zɛnaa ǹ gɔn kɔsɔn nə́ ke, a n siĩni a ǹ pɛ Izirayeli nɛnyaanan manɛ:

LAWA A BOO SONBORE 2011

¹ Lawa mà sii zɛnaa ǹ gɔn kɔsɔn nə́ ke, a n siĩni a ǹ pɛ Izirayeli nɛnyaanan manɛ:

Bɔ bɛ̀rɛbaa nɛ 21:1 Iomraidhean Croise

Kiin1 6:12

«Kion kɛ lɛ n tá doe, bɛ̀ ń tɔ wɔ á kɔnpɛ ka maa landa boon ne, ń maa sii yɔrɔ bɔ ǹ boon kɛn sii zɛnaa, ń maa gɔn waa ǹ boon kɛn tamaa ń kɔ ǹ lɛ, ma goã má boo mɛn pɛ n di Davida nɛ, ma á die bɛ zɛnɛɛ n din ni.

KZS2 19:10

Bɛ̀ ka Izirayeli minin man nə́ bɔ ǹ giã ǹ kiwin ni, ǹ nə́ daa sii yɔrɔ bɔ ka li, bɛa sii lɛn boe la a n woe gɛ̀ dɛ paǹ li, dí-pɛn nɛ, gɔn waa ǹ boon ne hinlaa landa boon. Biikoo tumaa li, ka ǹ doroo, ka zii nyaa ǹ nɛ. Ka bɛ nɛ, ǹ ba re siɛ̃ ǹ wɔ Dɛnaa Lawa lon, a foo yoo ka li hinlaa ka dɔɔ̃nɔn lɛn li wa. Bɛ̀ ka zɛnaa miɛ̃, zɛ̀rɛ re ka kuĩ wa.

Nehemii 10:29

Zaman gialakun lɛ nɛ, Lawa a wúlu-bɔlen ne, Levii tɔrɔn nɛ, kiɛnlɛ-lɛduə̃lin ni, loe-lɔlin ni, Lawa a kion dí-nyalin ni, ka min mɛnɛn tumaa nə n na ǹ nə́ n bɔ gána lɛ a tɔrɔ kɔsɔn kɛn ganaa, ǹ nə́ kɔ Lawa a dí-pɛ lɛ lɛ, bɛn lɔn nɛ, ǹ nɛgiĩn ni, ǹ nɛlɔn nɛ, ka min mɛnɛn tumaa bɛ́ boe la ǹ tá sii a woo ǹ bǎã doɛ̃,

Loen 147:19

A din na a boo nyɛɛ Zakɔba tɔrɔn manɛ. A na a landan laanka a dí-pɛn koe Izirayeli minin la.

Bɔ bɛ̀rɛbaa nɛ 19:7

Muizu wusoo á daa, á lɛ dia zaman lɛ a min golen la, á bɛa boon kɛn lɛn tumaa pɛ ǹ nɛ, Lawa din màn mɛnɛn pɛ nɛ.

Ezekieli 20:11

Má maa landa boon kɛn kɔ ǹ la, má ǹ daraa maa sii yɔrɔ bɔ ǹ boon kɛn ganaa. Bɛ̀ minbuiin nɛ mɛn tá koe bɛn lɛ, ǹ dɛnaa yii á re goɛ̃ koo.

Ezekieli 20:25

Landa siin mɛnɛn bɛ́ ǹ ba re kuu biɛ ǹ nɛ wa, ka sii yɔrɔ bɔ ǹ boon mɛnɛn dɔn bɛ́ ǹ ba re toɛ ǹ yii goã koo wa, ma bɛn kɔ ǹ la.

Lawa a wúlu-bɔlen 18:26

Kasɛn Izirayeli minin lɛn, ka min mɛnɛn bɛ́ gùlin lɛa giã nɛ ka bii, ka maa landa boon laanka maa sii yɔrɔ bɔ ǹ boon kɛn tamaa. Ka nyan toa ka bɛa sii bɔbɔnɛɛ kɛ lɛ kɔn zɛnaa wa.

Lawa a wúlu-bɔlen 18:5

Ka maa landa boon laanka maa sii yɔrɔ bɔ ǹ boon kɛn si. Bɛn lɛn bɛ́ màn mɛn pii, bɛ̀ min mɛn bɛ zɛnaa, ǹ dɛnaa n yiikoonaabaa yii. Masɛ din nə Dɛnaa Lawa lɛa.

Lawa a wúlu-bɔlen 19:37

Ka maa landa boon kɛn tumaa laanka maa sii yɔrɔ bɔ ǹ boon kɛn tumaa tamaa. Ma bɛ́ màn mɛn pii, ka bɛ zɛnaa. Masɛ din nə Dɛnaa Lawa lɛa.

Lawa a wúlu-bɔlen 20:22

Ka maa landa boon kɛn tumaa laanka maa sii yɔrɔ bɔ ǹ boon kɛn tumaa tamaa. Ǹ bɛ́ màn mɛn pii, ka bɛ zɛnaa. Bɛ̀ ka zɛnaa miɛ̃, ma bɛ́ woe giã ǹ bǎã koe ka la gána mɛn nɛ, bɛa gána lɛ a die n boe ka li wa.

Minin nimi 35:24

Zaman lɛ n die bɛ miã sii lɛ yɔrɔ boe gɛ̀-dɛle lɛ laanka gɛ̀ dòo-bɔle lɛ biin ni, a kɔnpɛ ka a yɔrɔ bɔ ǹ gɔnɔn kɛn nɛ.

Minin nimi 36:13

Dɛnaa Lawa gɔn waa ǹ boon laanka sii yɔrɔ bɔ ǹ boon mɛnɛn kɔ Muizu la á ǹ kɔ Izirayeli minin lɛn la, Moabu gána a nyankɔrɔ lɛ nɛ, kunu Zurdɛ̃ tà li, Zerikoo kiwi yɔrɔ-a, ǹ dinin lɛn man ka kɛn nɛ.

Matiə 28:20

Ma dí mɛn tumaa pɛ ka nɛ, ka ǹ daraa ǹ ganaa ǹ nə ǹ nya. Ka dɔ̃: Ma á kun ka-n baraabaraa, yǎa kanaa a nya pinaa.»

Timəə dí-pɛn 15:12

Bɛ̀ ka dɔɔ̃n *Ebrəə min lɛ mɛn nə́ n din sã ka la bɛ̀rɛ lɛa, giĩ-n hinlaa lɔ nɛ, a doamaa nɛ a dí nya ka nɛ lɛ̀ sɔrɔ gɔ́ɔ̃ nɛ. A lɛ̀ sɔbaabaa ǹ wɔ, ka n gɔn bɔ a ganaa a woo a n bɔ ka li, a ná a din gɔn wìi a lɛa.

Timəə dí-pɛn 4:14

Bɛa waáraa kɛ lɛ nɛ, Dɛnaa Lawa nə́ n gɔn waa ma dinmaa nɛ, mà ma ka daraa Landa boon laanka sii yɔrɔ bɔ ǹ boon lɛn ganaa. Ka bɛ́ re kiɛ̃ ka kaa gána mɛn lɛ nɛ, ka si ka baa kaa wɔ lɛa, ka doamaa nɛ, ka kɔ bɛa boon lɛn lɛ walan.

Timəə dí-pɛn 4:45

Sii zɛnaa ǹ gɔnɔn manɛ, landa boon laanka sii yɔrɔ bɔ ǹ boon ne, Muizu pɛ á nyaa Izirayeli minin lɛn manɛ, bɛ̀ ǹ bɛ́ ǹ nə́ soo Ezipti gána nɛ.

Timəə dí-pɛn 4:5

Ma á ke má ka daraa landa boon laanka sii yɔrɔ bɔ ǹ boon lɛn ganaa, ka maa Lawa, Dɛnaa Lawa bɛ́ á n gɔn waa ma-n lɔn. Ma pɛ ka-n lɔn, ka bɛ́ re kiɛ gána mɛn lɛ nɛ, ka si ka baa kaa wɔ lɛa, ka zɛnaa walan miɛ̃.

Timəə dí-pɛn 4:8

Tɔrɔn mɛnɛn bɛ́ gigiã ka wɔ bɛ́ lɔn, ǹ mɛn a landa boon laanka a sii yɔrɔ bɔ ǹ boon man pepere ka dí-pɛn kɛn tumaa bɛ́ lɔn, ma á ǹ pii ka yii-n pelo?

Timəə dí-pɛn 5:1

Muizu Izirayeli minin lɛn tumaa biì á pɛ ǹ nɛ: – Izirayeli minin lɛn, ma bɛ́ landa boon laanka sii yɔrɔ bɔ ǹ boon mɛnɛn kiɛ ka too-n pelo ke, ka n too kɔ bɛn li. Ka n daraa ǹ ganaa, ka ǹ tamaa, ka kɔ ǹ lɛ.

Timəə dí-pɛn 5:31

Sɛnɛ, nsɛ golee kànaa, ma li. Ma á re gɔn waa ǹ boon kɛn tumaa pii n ni, landa boon kɛn nɛ, ka sii yɔrɔ bɔ ǹ boon kɛn nɛ. Ń die n nə ǹ daraa bɛn lɛn ganaa, ǹ kɔ ǹ lɛ gána kɛ lɛ nɛ, má n koe ǹ la, ǹ wɔ lɛa.»

Timəə dí-pɛn 6:1

Gɔn waa ǹ boon lɛn man ka kɛn nɛ kànaa, ka landa boon laanka sii yɔrɔ bɔ ǹ boon ne. Kaa Lawa, Dɛnaa Lawa na á pɛ, mà ma ka daraa ǹ ganaa, màn mɛn bɛ́ toɛ, ka kɔ ǹ lɛ gána lɛ nɛ, ka bɛ́ re kiɛ̃ ka kaa gána mɛn lɛ nɛ, ka si ka baa kaa wɔ lɛa.

Timəə dí-pɛn 6:20

Bɛ̀ kaa nɛnyaanan nə́ nɔ̀n da ka la ǹ mɛn pinaa: «Mà wàa na á baa, wɔa Lawa, Dɛnaa Lawa doroo ǹ boon kɛn kɔ ka la, ka landa boon laanka sii yɔrɔ bɔ ǹ boon kɛn nɛ,»

Tesaloniki1 4:1

Bɛ tumaa woo a n tiləə, dɔɔ̃nɔn lɛn, ka doamaa bɛ́-n ka tɔ wɔ lɔn, ka sii tɔn kɔɔ̃n kɔ Lawa ganaa, wɔ́ ka daraa bɛ ganaa. Sonbore, ka n tɔ we miɛ̃; sɛnɛ sisia, wɔ ǹ ka nyankoe parsiini ka wɔa Dɛnaa Yezu tɔ nɛ, wáa ka n doa ka wusoo ka màn da li.