Bɔ bɛ̀rɛbaa nɛ 20:2 - LAWA A BOO SONBORE

² «Ma din nə Dɛnaa lɛa, n Lawa lɛ nɛ, ma soo n ne, má n bɔ Ezipti gána a bɛ̀rɛbaa nɛ:

LAWA A BOO SONBORE 2011

² «Ma din nə Dɛnaa lɛa, n Lawa lɛ nɛ, ma soo n ne, má n bɔ Ezipti gána a bɛ̀rɛbaa nɛ:

Bɔ bɛ̀rɛbaa nɛ 20:2 Iomraidhean Croise

Kiin1 18:39

Zaman lɛ bɛ́ á bɛ yɛ, ǹ tumaa nə́ n gɔn na ǹ dinin ganaa, ǹ nə́ bɔ ǹ nə́ kaa tán ǹ lɛ la, ǹ nə́ n toa: «Dɛnaa Lawa lɛ n Lawa lɛa, Dɛnaa Lawa lɛ n Lawa lɛa!»

Kiin2 17:12

Ǹ nə́ dìn guguru kɔ. A da yaa Dɛnaa Lawa na á goã á pɛ ǹ nɛ mà ǹ baran toa ǹ bɛ zɛnaa wa.

Kiin2 17:7

Bɛ na á n zɛnaa, a giala, Izirayeli nɛnyaanan lɛn man nə́ sii la Dɛnaa Lawa, ǹ Lawa lɛ la, asɛ mɛn lɛ goã á ǹ waa á soo ǹ ne Ezipti gána nɛ, á ǹ bɔ Ezipti gána a kii *Faarahɔn gɔn. Ka bɛ dɔ nɛ, Izirayeli nɛnyaanan lɛn nə́ goã ǹ nə́ dìn guguru kɔ.

KZS2 28:5

Bɛ lɛ-n kəni, Dɛnaa Lawa, a Lawa wɔ Siiriin kii gɔn. Siirii minin nə́ boo ǹ la, ǹ nə́ ǹ min gigiã baa kòso nɛn lɛa ǹ nə́ woo ǹ ne Damaasi. Izirayelin kii dɔ nə́ n gɔn da Ahaazi la. Á bɔ̀n da a ganaa taãn-taãnɛ.

Loen 50:7

Maa minin lɛn, ka n too kɔ, man die boo diɛ. Izirayeli minin lɛn, man die n gɔn wɛɛ ka nɛ: Ma din Lawa lɛ n kaa Lawa lɛa.

Loen 81:10

bǎã ba re yii n li lawa kɔsɔ wɔ lɛa wa. N ba re n musin koɛ tán, n lawa kɔsɔ guguru kɔ wa.

Loen 81:11

A giala, mà masɛ din nə n Dɛnaa Lawa lɛa, ma din nə má soo n ne, má n bɔ Ezipti gána nɛ. N lɛ bũ gole, ma á re piɛ̃.

Loen 81:7

Má guĩ saa, má bɔ n kɔrɔ-n, n gɔnɔn nə́ kɛsɛ gugurun gisĩ.

Bɔ bɛ̀rɛbaa nɛ 13:14

Lawa mà bɛ̀ kaa nɛnyaanan nə́ nɔ̀n da ka la kio mà wàa nɛ ka tá kɛ zɛnɛɛ, ka pɛ ǹ nɛ kɛnɛn: «Dɛnaa na á soo ka wɔ nɛ, á wɔ bɔ Ezipti gána nɛ ka a din pàã nɛ, á wɔ bɔ bɛ̀rɛbaa nɛ.

Bɔ bɛ̀rɛbaa nɛ 13:3

A pɛ zaman lɛ-n kɛnɛn: Ka n yiri kɔ lɛawaa kɛ li, ka soo ka n bɔ Ezipti gána nɛ ǹ mɛn pinaa, ka baa zɔ́n lɛa, gána mɛn bɛ́ ka goã bɛ̀rɛbaa nɛ a nɛ. A giala Lawa na á soo ka ka nɛ ka a din pàã nɛ. Bɛa pinaa kɛ nɛ, ka baran toa ka buuru yɔ bùdɛnaa wɔ ka lɛ-n wa.

Bɔ bɛ̀rɛbaa nɛ 15:13

N din zaman mɛn si, n baa n wɔ lɛa, n bɛ nyɛɛnaa ǹ bɔ ka n din a bɔlɔgoondɛnaabaa nɛ, n zii nyaa nɛ ka n din pàã nɛ, n woo ne n lɛ kɔ ǹ gána kɛ nɛ.

Bɔ bɛ̀rɛbaa nɛ 15:16

Nyɛ́ɛ laanka yɔrɔ-kɔsiɛ á re kirii ǹ la. Dɛnaa, n pàã gole kɛ a lɛa, ǹ gù á re goɛ̃ giɛ̃ nɛ, yǎa n din a zaman kɛ kiɛ̃, n zaman mɛn lɛ si n baa n din wɔ lɛa.

Bɔ bɛ̀rɛbaa nɛ 15:26

Á pɛ ǹ nɛ: «Bɛ̀ ka ma lɛ si taãn-taãnɛ, ma din mɛn bɛ́ kaa Dɛnaa lɛa, sii mɛn bɛ́ pepere ma gɔn, bɛ̀ ka bɛ zɛnaa, ka n too kɔ maa dí-pɛn ganaa, ka ǹ zɛnaa, haya, ma a re dɔlɔ boe ka ganaa ka busun kɛn nɛ wa. Ma bɛ́ má busun mɛnɛn da Ezipti minin ganaa dɔlɔ lɛa ke lɛn. Sonbore, ma din nə Dɛnaa Lawa lɛ lɛa kaa busu nyɛɛ.»

Bɔ bɛ̀rɛbaa nɛ 20:1

Lawa tɔ́n boon kɛn tumaa da:

Bɔ bɛ̀rɛbaa nɛ 29:46

Ǹ tá re doɛ̃, mà masɛ din lɛ n Dɛnaa lɛa, ǹ mɛn lɛ bɛ́ ǹ Lawa lɛa. Ma din mɛn bɛ́ má soo ǹ ne, má ǹ bɔ Ezipti gána nɛ, má giã kunu ǹ ni. Ma din lɛ n Dɛnaa lɛa, ǹ mɛn lɛ bɛ́ ǹ Lawa lɛa.»

Bɔ bɛ̀rɛbaa nɛ 6:6

Bɛ lɛ taman yii, Muizu, wo pɛ Izirayeli nɛnyaanan manɛ mà ma din nə Dɛnaa Lawa lɛa. Ma á re ǹ boe Ezipti minin nɔmaa ǹ dín kɛn li. Ma á re ǹ boe bɛ̀rɛbaa kɛ nɛ ǹ gɔn. Ma á re ǹ boe ka ma din pàã taãn-taãn kɛ nɛ, ma dɔlɔ bɔ ǹ ganaa sɔnbɔraanɛ.

Izayii 43:3

A giala, masɛ Dɛnaa Lawa nə n Lawa lɛa. Ma din Izirayeli a Lawa sonbore nə n kirisibaali lɛa. Má Ezipti kɔ n nyin giɔ̀mɔ lɛa, má Etiopii laanka Sabaa kɔ n dòo lɛa.

Zeremii 16:14

Á ke, lɛawaan tá re doe, Dɛnaa Lawa a da ǹ boo ne, ǹ ba re pii doo: «Ma nə n liɛ ka Dɛnaa Lawa Yiikoonaa tɔ nɛ, asɛ mɛn Izirayeli minin waa Ezipti gána nɛ á soo ǹ ne.»

Zeremii 2:6

Ǹ nɔ̀n da kɛnɛn wa: Dɛnaa Lawa á maa, asɛ mɛn nə wɔ waa Ezipti gána nɛ, á wɔ nyɛɛnaa ǹ bɔ diə gole ne, don lɛa, piɛ̃-n ka nyankɔrɔ nɛ, gána gere lɛa, a n tì, min ná a boe a-n wa, min ná a ba a-n dɔn wa.

Zeremii 31:1

Dɛnaa Lawa a da ǹ boo á ke: «Biikoo á re doe, ma á re Izirayeli minin sumu lɛn tumaa a Lawa biɛ, ǹ dɔn tá re maa zaman biɛ.»

Zeremii 31:33

Dɛnaa Lawa n pii doo: – Ma bɛ́ re lɛ kɔ kɔn la mɛn we ka Izirayeli minin ni bɛa waáraa lɛ nɛ, á ke. Ma á re maa dí-pɛn kɛn we ǹ yiri ni, ma wɔ ǹ foo ne. Ma á re ǹ Lawa biɛ, ǹ dɔn tá re maa zaman biɛ.

Zeremii 34:13

– Dɛnaa Lawa, Izirayeli a Lawa n kɛ pii: «Ma dɔ goã má lɛ-kɔ wɔ ka ka digolon ne, bɛ̀ ma bɛ́ má ǹ waa bɛ̀rɛbaa ǹ bǎã nɛ Ezipti gána nɛ má soo ǹ ne.

Ezekieli 20:19

Ma din Dɛnaa Lawa n kaa Lawa lɛa. Ka tɔ wɔ a kɔnpɛ maa landa boon kɛn nɛ, ka maa sii yɔrɔ bɔ ǹ boon kɛn tamaa, ka kɔ ǹ lɛ.

Ezekieli 20:5

A pɛ ǹ nɛ mà masɛ Dɛnaa Lawa n kɛ pii: «Ma bɛ́ má Izirayeli tɔrɔn lɛn yii gɔgɔɔ̃ ǹ mɛn pinaa, má n liɛ Zakɔba tɔrɔn lɛn nɛ. Má n din nyaa ǹ nɛ Ezipti gána nɛ, má n liɛ má pɛ: Ma din Dɛnaa Lawa n kaa Lawa lɛa.

Ezekieli 20:7

Má pɛ ǹ nɛ kɛnɛn: Màn bɔbɔnɛɛn kɛn ka yɔrɔ-a, didie na a wɔn goa, a ǹ zũ. Ka baran n dinin gɔgɔrɛ kɔ ka Ezipti minin dìn kɛn nɛ wa, masɛ din Dɛnaa Lawa n kaa Lawa lɛa.

Ozee 12:10

Sɛnɛ, masɛ nə n Dɛnaa Lawa lɛa, a kũ Ezipti gána ganaa. Man die toɛ n wusoo doo n giã mɔnaa kionən ne, ká maa da ka lɛ pinaa kɛ bɛ́ lɔn.

Ozee 13:4

A kũ n soo Eziptin ganaa, Izirayeli man Dɛnaa Lawa, n Lawa lɛa, n ba Lawa kɔsɔ doɛ̃ masɛ kio wa. N kirisibaali kɔsɔ banban bɛ̀ á n bɔ masɛ nɛ.

Lawa a wúlu-bɔlen 11:45

A giala, ma din Dɛnaa Lawa n ma ka waa má ka bɔ Ezipti gána nɛ, màn mɛn bɛ́ toɛ, ma kaa Lawa baa. Bɛ lɛ taman yii, ka doamaa nɛ ka goã masɛ wɔbaa nɛ, a giala, man yoreene.

Lawa a wúlu-bɔlen 19:36

Màn zɔɔ̃ ka kilo taãn nɛ, ka litiri taãn nɛ. Masɛ din Dɛnaa Lawa n kaa Lawa lɛa. Ma din ni má ka waa, má ka bɔ Ezipti gána nɛ.

Lawa a wúlu-bɔlen 23:43

màn mɛn bɛ́ toɛ, kaa nɛnyaanan dɔn nə dɔ̃, mà masɛ bɛ́ má Izirayeli minin lɛn waa má ǹ bɔ Ezipti gána nɛ, mà masɛ n má ǹ kaa giã siã giulun ganaa. Masɛ din Dɛnaa Lawa n kaa Lawa lɛa.

Lawa a wúlu-bɔlen 25:38

Ma din Dɛnaa Lawa n kaa Lawa lɛa. Ma din ni má ka waa, má ka bɔ Ezipti gána nɛ, má n die Kanaan gána kɛ koe ka la, màn mɛn bɛ́ toɛ, ka masɛ baa kaa Lawa lɛa.

Lawa a wúlu-bɔlen 25:42

A giala, Izirayeli minin kɛn lɛn, masɛ nə́ ǹ waa má ǹ bɔ Ezipti gána nɛ, maǹ masɛ a dí-nyalin lɛa sisia. Bɛ lɛ n ke, min doamaa bie a n sã ka ǹ bɛ́ bɛ̀rɛ siɛ̃ lɔn wa.

Lawa a wúlu-bɔlen 25:55

A giala, Izirayeli minin lɛn man masɛ din a dí-nyalin lɛa. Maǹ masɛ din a dí-nyalin lɛa, a giala, ma din ni má ǹ waa, má ǹ bɔ Ezipti gána nɛ. Masɛ din Dɛnaa Lawa n kaa Lawa lɛa.

Lawa a wúlu-bɔlen 26:1

Ka baran dìn zɛnaa wa. Ka baran màn nyín hinlaa tíĩ doa wa, ka baran kɔlɔ sɛlɛ ka da tán gána lɛ nɛ, ka bɛ guguru kɔ wa. A giala, masɛ din Dɛnaa Lawa n kaa Lawa lɛa.

Lawa a wúlu-bɔlen 26:13

Masɛ din Dɛnaa Lawa n kaa Lawa lɛa. Masɛ din ni má ka waa má ka bɔ Ezipti minin kɛn gána nɛ, màn mɛn bɛ́ toɛ, ka baran bɛn bɛ̀rɛn baa doo wa. Ma din ni má Ezipti minin pàã kɛ nya má bɔ ka mìi ni, màn mɛn bɛ́ toɛ, ka dɔn nə goã ka dinin gɔn wìi a lɛa.

Amɔɔsi 2:10

Ma din lɛ dɔ-n má ka waa má ka bɔ Ezipti gána nɛ, má ka nyɛɛnaan bɔ diə gole kɛ nɛ lɛ̀ pusi gɔ́ɔ̃ nɛ, yǎa ká Amɔɔrɔ tɔrɔn gána kɛ si ǹ la.

Rɔmu minin 10:12

Min tumaa n bɛ gɔ́ɔ̃ nɛ, bɔkɔnlɛ banban doo Zuifun laanka tɔrɔ kɔsɔn bii ni wa, a din Dɛnaa goon lɛ nə ǹ tumaa wɔ lɛa, á n bǐɛ̃ zɛnɛɛ a nyankɔlen tumaa nɛ.

Rɔmu minin 3:29

Lawa lɛ din kánaa, Zuifun dininsɔɔ̃nɔn Lawa nɛ? Táa tɔrɔ kɔsɔn dɔn wɔ nɛ! Taãn-taãnɛ!

Timəə dí-pɛn 13:10

Sɛnɛ, yǎa ǹ nə ǹ dɛnaa dii a giɛ̃. A bɛ́ mà a n min mɛn lɛ sɔmɛ diɛ dì guguru kɔ ganaa, bɛ lɛ doamaa nɛ a n gɔn saa a dɛ bibinaa nɛ, zaman lɛ tumaa tɔn nə gòɛ̃ wɔ a-n bɛ kio.

Timəə dí-pɛn 15:15

Ka n yiri koa li, mà ka n ká goã bɛ̀rɛ lɛa Ezipti gána nɛ, mà kaa Lawa, Dɛnaa Lawa lɛ na á ka bɔ a nɛ. Bɛ lɛ na á toa, ma á n gɔn wɛɛ ka nɛ ka bɛa sii lɛ-n pelo.

Timəə dí-pɛn 20:1

Bɛ̀ ká soo ká woo zia baa kaa zɔ́ɔn ganaa, bɛ̀ ká sùin laanka wotoron yɛ, ka zaman nɛ mɔnaa nɛ ǹ nə́ la ka nɛ, ka baran nyɛ́ɛ baa wa. A giala, kaa Lawa, Dɛnaa Lawa lɛ tá kun ka nɛ. A din lɛ na á ka waa á ka bɔ Ezipti gána nɛ.

Timəə dí-pɛn 5:15

Ka n yiri koa a nɛ, mà ka n ká goã bɛ̀rɛn lɛa Ezipti gána nɛ. Kaa Lawa, Dɛnaa Lawa lɛ na á sii kakan zɛnaa, á ka waa ka pàã nɛ á soo ka nɛ. Bɛ lɛ na á toa masɛ Dɛnaa, kaa Lawa lɛ laa ka ganaa, máa yǎa ka susu ǹ pii koɛ.

Timəə dí-pɛn 5:6

«Masɛ din Dɛnaa Lawa lɛ n kaa Lawa lɛa. Ma din ni má ka waa má ka bɔ bɛ̀rɛbaa nɛ Ezipti gána nɛ.

Timəə dí-pɛn 7:8

A giala, Dɛnaa Lawa na á ka narɛ. A lɛ kɔ kɔn la mɛn wɔ ka ka digolon ne dɔn, á bɛ lɛ pã. Bɛ lɛ nɛ, Dɛnaa Lawa din ka si ka pàã nɛ. Á ka bɔ bɛ̀rɛbaa nɛ, á ka bɔ *Faarahɔn gɔn, Ezipti minin kii ke.

Sii yɔrɔ-bɔlen 2:1

Dɛnaa Lawa a lon a dia dí-a wole nə́ n toa Gilgaali, á woo Bokimu á pɛ: – Ma din ni má ka waa Ezipti má soo ka nɛ. Man má woo ka kaa gána kɛ nɛ, ǹ mɛn lɛ bɛ́ má n lɛ kɔ ka digolon la ka a sii ni. Má n liɛ má pɛ: «Ma lɛ kɔ kɔn la mɛn wɔ ka ka nɛ, ma a re bɛ toɛ̃ duduu wa.»

Sii yɔrɔ-bɔlen 6:10

Má pɛ ka nɛ: «Ma din Dɛnaa Lawa lɛ n kaa Lawa lɛa. Ka bɛ́ Amɔɔrɔ tɔrɔn mɛnɛn gána nɛ, ka baran nyɛ́ɛ baa bɛn lawan kɛn man wa.» Sɛnɛ, ka n too kɔ masɛ a boo li wa.