Bɔ bɛ̀rɛbaa nɛ 19:5 - LAWA A BOO SONBORE

^5-6 Kanna kəni, bɛ̀ ka tá n too koe ma lon, ka n masɛ a lɛ kɔ kɔn la lɛ tamaɛ, ka á re goɛ̃ ma din wɔn lɛa, ka n masɛ a wúlu-bɔle zaman lɛa. Kanaa din tumaa n masɛ wɔ lɛa. Sɛnɛ, tɔrɔ mɛn bɛ́ ma din wɔ lɛa á la yii ni, ka dinin man bɛa tɔrɔ kɛ lɛ a minin lɛa tɔrɔn tumaa bii.» Bɛa boon kɛn lɛn pɛ Izirayeli nɛnyaanan lɛn manɛ.

LAWA A BOO SONBORE 2011

^5-6 Kanna kəni, bɛ̀ ka tá n too koe ma lon, ka n masɛ a lɛ kɔ kɔn la lɛ tamaɛ, ka á re goɛ̃ ma din wɔn lɛa, ka n masɛ a wúlu-bɔle zaman lɛa. Kanaa din tumaa n masɛ wɔ lɛa. Sɛnɛ, tɔrɔ mɛn bɛ́ ma din wɔ lɛa á la yii ni, ka dinin man bɛa tɔrɔ kɛ lɛ a minin lɛa tɔrɔn tumaa bii.» Bɛa boon kɛn lɛn pɛ Izirayeli nɛnyaanan lɛn manɛ.

Bɔ bɛ̀rɛbaa nɛ 19:5 Iomraidhean Croise

Siin Giala 17:9

Lawa wusoo á pɛ Abrahamu ni: «Ma lɛ kɔ kɔn la mɛn wɔ kɔn ka n nɛ, ń die n tamaa. N tɔrɔn mɛnɛn dɔn bɛ́ re yii n kio, bɛn dɔn die ǹ tamaa.

Kiin1 8:53

A giala, Dɛnaa Lawa, n din ni ń nə́ ǹ yii gɔgɔɔ̃ kanaa tɔrɔn tumaa bii ń nə́ ǹ baa n kíɛ̃ lɛa ka n goã ń nə́ n dí-nyali Muizu da a pɛ ganaa lɔn, bɛ̀ a bɛ́ á wɔsɛn digolon lɛn waa á soo ǹ ne Ezipti gána nɛ.

KZS1 17:22

Dɛnaa, ń Izirayeli baa n zaman lɛa duduu, n nə́ n baa a Lawa lɛa.

Zɔbu 41:11

Tɛ-buə̃ n soe a lɛ-n, tɛ-pupurii n soe a nɛ.

Zɔbu 41:3

Die a giɔ̀mɔ n ma ganaa, ma tɔn saraa? Màn mɛn tumaa bɛ́ lon kɛ giulun, ma din wɔ nɛ.

Loen 135:4

A din na á Zakɔba tɔrɔn bɔ a wɔn lɛa, a din na á Izirayeli tɔrɔn baa a din a minin lɛa.

Loen 24:1

Davida a loe n ke. Kanaa laanka a gɔ́ɔ̃gɔ́ɔ̃ ǹ màn tumaa n Dɛnaa Lawa wɔ lɛa. Tán nɛ, ka mànan mɛnɛn bɛ́ la, ǹ tumaa n Dɛnaa Lawa wɔ lɛa.

Loen 25:10

Min mɛnɛn bɛ́ Dɛnaa Lawa a lɛ kɔn la ǹ boon kɛn tamaɛ, ka a gɔn waama-n boon kɛn dɔn nɛ, a n bɛn kuĩ ka kɔn-narɛɛ gole ne, á n biɛ̃ duduu zɛnɛɛ ǹ nɛ.

Bɔ bɛ̀rɛbaa nɛ 15:26

Á pɛ ǹ nɛ: «Bɛ̀ ka ma lɛ si taãn-taãnɛ, ma din mɛn bɛ́ kaa Dɛnaa lɛa, sii mɛn bɛ́ pepere ma gɔn, bɛ̀ ka bɛ zɛnaa, ka n too kɔ maa dí-pɛn ganaa, ka ǹ zɛnaa, haya, ma a re dɔlɔ boe ka ganaa ka busun kɛn nɛ wa. Ma bɛ́ má busun mɛnɛn da Ezipti minin ganaa dɔlɔ lɛa ke lɛn. Sonbore, ma din nə Dɛnaa Lawa lɛ lɛa kaa busu nyɛɛ.»

Bɔ bɛ̀rɛbaa nɛ 23:22

Bɛ̀ ka ma lɛ si, ka maa boo kɛa sii tumaa zɛnaa, man die kaa zɔ́ɔn zɔ́ɔ biɛ, ma ziabaa ǹ ganaa kaa lɛa.

Bɔ bɛ̀rɛbaa nɛ 24:7

Á tɔ́n lɛ kɔ kɔn la ǹ boon sɛ́wɔ kɛ saa, á pɛ ka lɛn gole ne zaman lɛ yɔrɔ-a. Izirayeli nɛnyaanan lɛn nə́ pɛ: «Dɛnaa boon mɛnɛn tumaa da, wɔsɛn tá re bɛn tumaa a siin zɛnɛɛ, wɔ á re n too koe a lon.»

Bɔ bɛ̀rɛbaa nɛ 34:9

á pɛ: «Dɛnaa, bɛ̀ masɛ á kɔɔ̃nɛ n ganaa sonbore, ma nə n nyankoe, n tɔ wɔ kun wɔsɛn nɛ. Ma á doɛ̃, máa minin kɛn lɛn man tɔrɔ too kaka-a lɛa. Sɛnɛ, lɛ kɔ n wɔsɛn sãn laanka wɔa sii baraan toa wɔ nɛ, n ga wɔ ganaa n din wɔn lɛa.»

Bɔ bɛ̀rɛbaa nɛ 6:7

Ma á re ǹ sii, ǹ goã ma din a zaman lɛa, ma dɔ goã ǹ dɔn Lawa lɛa. Ǹ tá re doɛ̃, mà ma din Dɛnaa lɛ nə ǹ Lawa lɛa, Lawa mɛn bɛ́ ǹ boe Ezipti minin nɔmaa ǹ dín li.

Bɔ bɛ̀rɛbaa nɛ 8:22

Muizu pɛ nɛ: «A siĩni a n zɛnaa miɛ̃ wa, a giala, wɔsɛn bɛ́ màn mɛn boe, wɔ́ n koe wɔa Dɛnaa Lawa lɛ la, wúlu màn lɛa, bɛ n *gɔ̀ màn lɛa Ezipti minin gɔn. Ǹ bɛ́ giɛ màn mɛn-a gɔ̀ màn lɛa, wɔ á re boe la wɔ bɛ bɔ, wɔ kɔ Dɛnaa la, bɛ̀ ǹ nə́ ǹ ba wɔ dii ka kɔlɔ-n wa?

Bɔ bɛ̀rɛbaa nɛ 9:29

Muizu pɛ nɛ: «Bɛ̀ ma soo kiwi lɛ lɛ-a lɔn gɔrɔ, ma á re n gɔnɔn goɛ lon, ma gòã-kũ da Dɛnaa ganaa. La a paraa lɛ á re golee, la gii a re kiɛ doo wa, màn mɛn bɛ́ toɛ, n dɔ̃ mà tán kɛ lɛ n Dɛnaa wɔ lɛa.

Loe kɔɔ̃n kɔɔ̃n 8:12

Ma din gɔn tɔ rezɛ̃ da wuru lɛ n bii-a maa lɛa. Haya! Salomɔn! Duu goon lɛ nə n din wɔ lɛa, min mɛnɛn bɛ́ giɛ da nɛ lɛ walan, bɛn wɔ n biɛpaa.

Izayii 1:19

Bɛ̀ ka lɛ kɔ, ka n too kɔ, ka á re gána lɛ a màn sonboren bii.

Izayii 41:8

Nsɛ Izirayeli, maa dí-nyali, nsɛ Zakɔba, ma zaman mɛn yii gɔgɔɔ̃, ma n maa giaára Abrahamu tɔrɔ lɛa.

Izayii 43:1

Kanna kəni Zakɔba, Dɛnaa Lawa n kɛ pii n ni, asɛ mɛn nə n zɛnaa, á n da kanaa, Izirayeli: N nyan nyɛ́ɛ baa wa, A giala, n si sii la wole n ka ma din ni. Má n bíi ka n tɔ nɛ, Ma n ma din wɔ lɛa.

Izayii 56:4

Sonbore, Dɛnaa Lawa n kɛ pii: «Giĩbaa bɛ́ a ba min mɛnɛn lon wa, ǹ nə́ maa susu ǹ piin koɛ, ǹ nə́ ma foo siin zɛnɛɛ, ǹ nə́ n gɔn parɛɛ maa lɛ kɔ kɔn la ǹ boon kɛn ganaa,

Zeremii 10:16

Sɛnɛ, kanaa tumaa a zɛnaali ke, Zakɔba wɔ gii lɛa, bɛ ba ka ǹ bɛ́ lɔn wa. A wɔ n ka Izirayeli tɔrɔn nɛ. A tɔ n "Dɛnaa Lawa Pàãyiidɛnaa".

Zeremii 13:11

Dɛnaa Lawa a da ǹ boo á ke: «Minbuiin nɛn bɛ́ maabɛlɛ yii ǹ binbin ni lɔn, ma dɔ n má Izirayeli zaman laanka Zudaa zaman yii ma binbin ni miɛ̃, máa ǹ maa zaman baa, ǹ ma tɔ bɔ, ǹ gugurubaa da ma tɔ la, ǹ ma foo kɔɔ̃n kɔ. Sɛnɛ, ǹ nə n too kɔ ma lon wa.»

Zeremii 7:23

Man má gɔn waa ǹ boo kɛ dinsɔɔ̃ pɛ ǹ nɛ: «Ka n too kɔ ma lon, ma á re kaa Lawa biɛ, ka dɔn nə maa zaman baa. Ma bɛ́ zii mɛn nyɛɛ ka nɛ, ka kɔ bɛ lɛ ka te, kaa siin tá re bǐɛ̃ koe kəni.»

Ezekieli 16:8

Bɛ kio, ma bɛ́ má wusoo má bɔ walan doo, má n yɛ. Bɛa biikoo li, bɛ̀ ń dɔ lɔbaa ganaa. Ma tɔ́n maa mɔnaa lɛkoro lɛ bɔ má kɔ n lɛ, má n sìi duru ni. Bɛ kio má n lɛ kɔ n la, má n liɛ n nɛ. Máa n masɛ wɔ baa ka bɛa yɔrɔ lɛ nɛ. Ma din Dɛnaa Lawa a da ǹ boo ne.

Lawa a wúlu-bɔlen 20:24

Bɛ lɛ na á toa má tɔ́n pɛ kɛnɛn: Ǹ tán lɛ n die ka dinin wɔ biɛ, ma din nə die ǹ tán lɛ koe ka la, gána kɛ lɛ tɔɔ too laanka tán-kɔsiɛ n bǐɛ̃ koe a nɛ. Ma din Dɛnaa Lawa n kaa Lawa lɛa, má ka na, má ka bɔ kɔn ka tɔrɔ kɔsɔn nɛ.

Amɔɔsi 3:2

Kanaa a tɔrɔn tumaa bii, man má ka dininsɔɔ̃nɔn lɛn bɔ. Bɛ lɛ nɛ, ka sii baraa mɛn tumaa zɛnaa, ma á re a dɔlɔ boe ka ganaa.

Amɔɔsi 6:1

Amɔɔsi tɔn pɛ: Kasɛn mɛnɛn bɛ́ giã-n *Siɔn, yii-nyɛɛ la, kasɛn mɛnɛn bɛ́ là nyantoro gɔ́ɔ̃ nɛ, Samarii kele kɛ la, bɔ̀n na á ka yɛ. Ka dinin lɛn man tɔrɔn tumaa a nyɛɛnaandɛnan goledɛnan lɛa. E, Izirayeli tɔrɔn man baa sii die kasɛn kɛn lɛn miãn li!

Malakii 3:17

Dɛnaa Lawa Pàãyiidɛnaa tɔn pɛ: «Ma bɛ́ re má pàã nyɛɛ ǹ mɛn pinaa, ma á re bɛn doɛ̃ maa wɔn lɛa, maǹ die ma din a zaman biɛ. Ma á re giɛ ǹ walan ka díi bɛ́ giɛ a nɛ walan lɔn n mɛn bɛ́ a guguru koe.

Korɛnti1 10:26

A giala, a n kiɛ̃ nɛ: «Tán nɛ, ka màn mɛn tumaa bɛ́ la, bɛ din tumaa n Dɛnaa wɔ lɛa.»

Korɛnti1 10:28

Sɛnɛ, bɛ̀ min pɛ ka nɛ mà wúlu bɔ ǹ siĩ ni, a pɛman wole lɛ laanka a gɔ́ɔ̃gɔ́ɔ̃ ǹ taasiɛ a lɛa, ka nyan sɔ̃ wa.

Timəə dí-pɛn 10:14

Ka ga le, lon laanka a golebaa tumaa nɛ, tán laanka a gɔ́ɔ̃gɔ́ɔ̃ ǹ mànan tumaa nɛ, kaa Lawa, Dɛnaa Lawa lɛ wɔn manɛ.

Timəə dí-pɛn 11:27

Ma bɛ́ kaa Lawa, Dɛnaa Lawa a gɔn waa ǹ boon mɛnɛn pii ka-n pelo, bɛ̀ ká n too kɔ bɛn li, kaa wɔ á re bǐɛ̃ koe.

Timəə dí-pɛn 14:2

Kaa Lawa, Dɛnaa Lawa din na á ka bɔ á ka koa a din wɔ lɛa. A din na á ka bɔ tɔrɔ kɔsɔn kɛn tumaa bii kanaa, màn mɛn bɛ́ toɛ, ka a dinsɔɔ̃ gɔn màn baa.

Timəə dí-pɛn 14:21

Ka nyan toa ka màn gere kɔn sɔ̃ wa. Gùlin mɛnɛn bɛ́ kaa kiwin ni, ka kɔ bɛn la, bɛn tá boe la ǹ sɔ̃. Bɛ̀ a miɛ̃ wa, ka sã tii la. A giala, kasɛn man ka gɔrɔn, kaa Lawa, Dɛnaa Lawa a zaman lɛa. Ka baran bòe nɛ siĩ kɔrɛ n dan nyɔ mu li wa.

Timəə dí-pɛn 26:18

Dɛnaa Lawa dɔ pɛ pelo mà ka na a asɛ a zaman lɛa, mà ka na a dinsɔɔ̃ wɔ lɛa, ka a bɛ́ á pɛ ka-n lɔn, ka a gɔn waa ǹ boon kɛn tumaa tamaa.

Timəə dí-pɛn 26:19

A giala, Lawa tɔrɔ kɔsɔn mɛnɛn tumaa zɛnaa, a n die gugurubaa koe ka la, a ka tɔ bɔ, ka golebaa yɛ a la bɛn manɛ. Bɛ gɔ́ɔ̃ nɛ, a n giɛ li ka goã asɛ din wɔ lɛa, ka a bɛ́ á pɛ lɔn.

Timəə dí-pɛn 28:1

Bɛ̀ ká ma bɔlɔ si, ma bɛ́ gɔn waa ǹ boon mɛnɛn tumaa koe ka la pelo, bɛ̀ ká n yiri koa bɛn li ká kɔ ǹ lɛ, kaa Lawa, Dɛnaa Lawa lɛ á re ka siɛ lon, a ka koa kanaa a tɔrɔn tumaa mìi la.

Timəə dí-pɛn 28:9

Bɛ̀ ká kaa Lawa, Dɛnaa Lawa a gɔn waa ǹ boon kɛn tamaa, bɛ̀ ká kɔ a dùũ siin lɛ, á re ka boe a ka koa a din wɔn lɛa, ka a bɛ́ á n liɛ ka-n lɔn.

Timəə dí-pɛn 4:20

Sɛnɛ, kasɛn, Dɛnaa Lawa na á ka waa á ka bɔ Ezipti gána nɛ, nɔmaa kaka bii, màn mɛn bɛ́ toɛ, ka asɛ din wɔn baa, ka ka á ke a lɛa lɔn pelo.

Timəə dí-pɛn 5:2

Wɔa Lawa, Dɛnaa Lawa lɛ lɛ kɔ kɔn la wɔ wɔ nɛ, Orɛbu kele la.

Timəə dí-pɛn 7:6

Kaa Lawa, Dɛnaa Lawa din na á ka bɔ á ka koa a din wɔ lɛa. A din na á ka bɔ tɔrɔ kɔsɔn kɛn tumaa bii kanaa, màn mɛn bɛ́ toɛ, ka a dinsɔɔ̃ gɔn màn baa.

Timəə dí-pɛn 9:29

A da yaa, tɔrɔn kɛn lɛn, n din a minin manɛ, ń sii kakan zɛnaa, ń nə́ ǹ waa ka pàã gole ne, ń soo ǹ ne.»

Tiitii 2:14

A na á n din kɔ wɔa lɛa, mà a wɔ si sii baraa tumaa la. A na á bɛ zɛnaa mà a wɔ baa zaman yoreen lɛa, wɔ na a dinsɔɔ̃ wɔn lɛa, wɔ goã din kɔ sii ganaa wolen lɛa, wɔ dí sonboren nya nɛ.

Ebrəə 11:8

Golee Lawa li na á toa, Lawa bɛ́ á Abrahamu bíi ǹ mɛn waáraa, á Lawa bɔlɔ si. Lawa bɛ́ gána mɛn koe la a wɔ lɛa, á soo a ná a din a gána toa walan, á bɛa zii kũ, a da yaa a ba a woo ǹ bǎã doɛ̃ wa.

Ebrəə 8:9

Bɛa lɛ kɔ kɔn la dii kɛ lɛ a re goɛ̃ ka a zizi kɛ bɛ́ lɔn wa, ma a zizi mɛn wɔ ka ǹ digolon ne, bɛ̀ ma bɛ́ má soo ǹ ne, má ǹ bɔ bɛ̀rɛbaa nɛ Ezipti gána nɛ. Ǹ dinin man nə́ maa lɛ kɔ kɔn la kɛ lɛ ziziɛ̃, bɛ lɛ nɛ, ma dɔ́ tɔ́n nə ǹ toa walan.

Zozoe 24:24

Zaman lɛ wusoo á pɛ Zozoe ne: «Wɔsɛn man die dí nyɛɛ wɔa Lawa, Dɛnaa Lawa lɛ nɛ, wɔ n die n too koe a din lɛ lon.»

Piɛrɛ1 2:9

Sɛnɛ, kasɛn man Lawa a tɔrɔ boe lɛa, tɔrɔ mɛn bɛ́ Kii Lawa a wúlu-bɔlen lɛa. Kasɛn man tɔrɔ lɛa, Lawa koa a gɔrɔn a din wɔ lɛa, tɔrɔ mɛn a minin bɛ́ Lawa wɔn lɛa. A na á ka bíi á ka bɔ wɔlɔ tì li, á daa ka nɛ a din a wɔlɔ fúlu sonbore kɛ li, mà ka a din a sii sonboren kɛn laakalaa.

Samayeli1 15:22

Samayeli pɛ: «Dɛnaa Lawa bɔlɔ si bɛ́ kɔɔ̃nɛ Dɛnaa Lawa ganaa lɔn, *wúlu màn tiɛ̃n laanka wúlu mànan tá kɔɔ̃nɛ a ganaa miɛ̃ ya? Haayii dɛ! Á ke, bɔlɔ si á soɛ wúlu màn nɛ, doree si á soɛ sère pian nyɔɔ nɛ.