Bɔ bɛ̀rɛbaa nɛ 17:1 - LAWA A BOO SONBORE

¹ Izirayeli nɛnyaan zaman lɛ tumaa yoo Sini don lɛ nɛ, ǹ nə́ woo nyɛɛn ka ǹ tɔ-wɔ nɛ, á kɔnpɛ ka Dɛnaa a boo ne. Ǹ nə́ golee Refidimu bǎã nɛ, sɛnɛ, mu goã a tan zaman nə́ mii wa.

LAWA A BOO SONBORE 2011

¹ Izirayeli nɛnyaan zaman lɛ tumaa yoo Sini don lɛ nɛ, ǹ nə́ woo nyɛɛn ka ǹ tɔ-wɔ nɛ, á kɔnpɛ ka Dɛnaa a boo ne. Ǹ nə́ golee Refidimu bǎã nɛ, sɛnɛ, mu goã a tan zaman nə́ mii wa.

Bɔ bɛ̀rɛbaa nɛ 17:1 Iomraidhean Croise

Bɔ bɛ̀rɛbaa nɛ 15:22

Muizu Izirayeli nɛnyaanan lɛn nyɛɛnaa ǹ bɔ. Ǹ nə́ soo ǹ nə́ n bɔ Sawɛɛ tà bǎã nɛ, ǹ nə́ n yɔrɔ dia Suuru a don la. Ǹ nə́ tɔ wɔ lɛawaa sɔɔ don gɔ́ɔ̃ nɛ, ǹ nə́ ǹ ba mu yii wa.

Bɔ bɛ̀rɛbaa nɛ 16:1

Ǹ nə́ soo Elimu, ǹ nə́ woo dɔ Sini don, Elimu laanka Sinayii kele bii ni. Ǹ nə́ woo dɔ walan, ǹ soo Ezipti gána nɛ a mui paabaa ǹ wɔ a lɛawaa fulusooro pinaa.

Bɔ bɛ̀rɛbaa nɛ 17:8

Amalɛki minin nə́ daa zia da Izirayeli nɛnyaanan ganaa Refidimu bǎã nɛ.

Bɔ bɛ̀rɛbaa nɛ 19:2

Ǹ nə́ yoo Refidimu, ǹ nə́ daa dɔ Sinayii don, ǹ nə́ golee don lɛ gɔ́ɔ̃ nɛ. Izirayeli giã walan, kele lɛ yɔrɔ-a gɔrɔ.

Minin nimi 20:2

Zaman lɛ daa á fɔ̃ mu li, ǹ nə́ tɔ́n kaa kun ǹ nə́ yoo Muizu laanka Aarɔn gialaa.

Minin nimi 9:17

Bɛ̀ tɛmaa bara lɛ yoo kion lɛ lalan ǹ mɛn waáraa, Izirayeli minin lɛn dɔn man yui gɔrɔ ǹ nə ǹ zii tɔ wɔ. Bɛ̀ tɛmaa bara lɛ golee bǎã mɛn nɛ, ǹ dɔn man golee walan.

Minin nimi 9:23

Izirayeli minin lɛn man nə́ goã golee á n kɔnpii ka Dɛnaa Lawa a da ǹ boo ne, maǹ nə́ goã yui, á n kɔnpii ka Dɛnaa Lawa a da ǹ boo ne. Maǹ nə́ goã Dɛnaa Lawa a dí nyɛɛ, á n kɔnpii ka daraan kɛn nɛ Dɛnaa Lawa goã á ǹ kɔ Muizu la á ǹ kɔ ǹ la.