Bɔ bɛ̀rɛbaa nɛ 14:3 - LAWA A BOO SONBORE

³ *Faarahɔn tá re pii ǹ wɔ paǹ li kəni, mà ǹ nə́ ke n binbirin boe gána lɛ nɛ, ǹ yiri n yoo ne, don papaã ǹ la.

LAWA A BOO SONBORE 2011

³ *Faarahɔn tá re pii ǹ wɔ paǹ li kəni, mà ǹ nə́ ke n binbirin boe gána lɛ nɛ, ǹ yiri n yoo ne, don papaã ǹ la.

Bɔ bɛ̀rɛbaa nɛ 14:3 Iomraidhean Croise

Loen 139:2

N tá maa waa tán laanka maa yoo doɛ̃. N din nə n toɛ sɔsɔɔ n tá maa taasiɛ doɛ̃.

Loen 139:4

Ma laan bɛ̀ ma boo bɔ ma lɛ-n ma da, bɛ̀ nsɛ din dɔ̃ gɔrɔ, Dɛnaa Lawa.

Loen 3:2

Dɛnaa Lawa, maa zɔ́ɔn nə́ mɔnaa-n parɛ! Min mɛnɛn bɛ́ yui ma gialaa, ǹ tá mɔnaa-n parɛ!

Loen 71:11

maǹ pii: Lawa daa. Ka a lɛ gɛwaa, wɔ kũ, min kɔn ba re boe a-n wa.

Bɔ bɛ̀rɛbaa nɛ 14:2

«A pɛ Izirayeli nɛnyaanan lɛn manɛ, mà ǹ nə n lɛ goa ǹ da gole Piayirɔti kiwi yɔrɔ-a, Migdɔli kiwi laanka tà bii ni. Ǹ giã walan Bali-Sefɔn yɔrɔ-a gɔrɔ, kunu tà lɛ ganaa.

Bɔ bɛ̀rɛbaa nɛ 14:4

Lawa mà asɛ á re toɛ Faarahɔn too kaka kɔ, a yoo a ǹ kio loo. Sɛnɛ, mà asɛ á re a din tɔ bɔ ǹ siin zɛnɛɛ Faarahɔn laanka a pàã din tumaa ganaa. Mà Ezipti gána minin tumaa á re doɛ̃, mà asɛ din nə Dɛnaa Lawa lɛa.» Ǹ dɔn nə́ zɛnaa miɛ̃.

Ezekieli 38:17

Masɛ Dɛnaa Lawa n kɛ pii: «Man má n din lɛ boo da maa dí-nyali Izirayeli a Lawa a boo gii-dalin kɛn manɛ haalɛ bibi. A kũ bɛa biikoo lɛ ganaa, bɛn nə́ n boo da lɛ̀ damata gɔ́ɔ̃ nɛ. Man die n din lɛ diɛ, n wo maa minin lɛn gialaa.

Nya ǹ dín 4:28

Lawa din saa lɛlɛ, á siin mɛnɛn taasɛ, á ǹ yɔrɔ bɔ á ǹ koa, minin lɛn man nə́ bɛn lɛ pã ǹ siin dininsɔɔ̃nɔn zɛnaa.

Timəə dí-pɛn 31:21

Bɛ̀ bɔ̀n gigiã laanka nɔmaa dadaran nə́ ǹ yɛ ǹ mɛn waáraa, bɛa loe lɛ á re siére pii ǹ ganaa masɛ wɔ paǹ li. A giala, ǹ nɛnyaanan yiri a re boe ka bɛa loe lɛ a lɔ-n duduu wa. Sonbore ne, masɛ nə n lɛ kɔ ka la ka gána mɛn lɛ a sii ni, a laanɛ masɛ tɔn wo ka kaa walan bɔrɔ wa, sii mɛn a taasiɛ bɛ́ ka gɔ́ɔ̃ nɛ, ma á doɛ̃ pelo dinin gɔrɔ.

Sii yɔrɔ-bɔlen 16:2

Ǹ nə́ pɛ Gaazaa minin manɛ mà Sansɔn daa kànaa. Ǹ nə́ woo wɔlɔ lɛnpɛnɛ, ǹ nə́ kuu kɔ a ganaa kiwi lɛ a kiɛnlɛ-a, tèlò tumu gɔ́ɔ̃ nɛ. Tèlò tumu lɛ gɔ́ɔ̃ nɛ, ǹ nə́ giã kiĩni. Maǹ nə́ goã pii ǹ dinin gɔ́ɔ̃ nɛ mà ǹsɛn man die n yii diɛ, bɛ̀ wɔlɔ fúlu, ǹsɛn nə tɔn dɛ.

Samayeli1 23:23

Duru ǹ bǎãn mɛnɛn tumaa bɛ́, á n boe la, a n duru ǹ ni, ka ga bɛn li, ka ǹ dɔ̃. Bɛ̀ ka waa la ǹ mɛn waáraa, ka n bɔyaa ka da bɔ masɛ li, ma á die woe kun ka nɛ. Bɛ̀ a ta gána lɛ nɛ, ma á die n yii talɛɛ li sɔnbɔraanɛ Zudaa a tanlɛn tumaa a minin bii, ma yɛ.»

Samayeli1 23:7

Ǹ ná a boo da Sayulu ni, mà Davida woo Kelaa. Sayulu tɔ́n pɛ: «Lawa wɔ ma gɔn, a giala, a wo kiwi mɛn nɛ, kungɔn tá a lɛnpɛnɛ, a kiɛnlɛn tá n tiɛ̃ sɔnbɔraanɛ. A dinmaa na á woo n din lɛ tã walan.»