Bɔ bɛ̀rɛbaa nɛ 13:9 - LAWA A BOO SONBORE

⁹ Zɔ́n kɛa zɛnaa n die goɛ̃ ka gɔn, goon ka nyaǹ kɛ nɛ ka gɔn laanka ka nyanlɛ ganaa. Á re nyɛɛ ka nɛ mà ka doamaa nɛ, ka n yiri gisĩ a nɛ, ka Dɛnaa a boo lɛ pɛ. Zɔ́n kɛ n die ka yiri gisĩ a nɛ, mà Dɛnaa din na á soo ka nɛ, á ka bɔ Ezipti gána nɛ, ka a din pàã gole kɛ nɛ.

LAWA A BOO SONBORE 2011

⁹ Zɔ́n kɛa zɛnaa n die goɛ̃ ka gɔn, goon ka nyaǹ kɛ nɛ ka gɔn laanka ka nyanlɛ ganaa. Á re nyɛɛ ka nɛ mà ka doamaa nɛ, ka n yiri gisĩ a nɛ, ka Dɛnaa a boo lɛ pɛ. Zɔ́n kɛ n die ka yiri gisĩ a nɛ, mà Dɛnaa din na á soo ka nɛ, á ka bɔ Ezipti gána nɛ, ka a din pàã gole kɛ nɛ.

Bɔ bɛ̀rɛbaa nɛ 13:9 Iomraidhean Croise

Nehemii 1:10

Wɔ nə n din a dí-nyalin lɛa, wɔ nə n din a zaman lɛa! Wɔ dinin lɛn manɛ, ń wɔ bɔ sii ni ka n pàã gole laanka n boo sii la nɛ.

Loen 136:11

* Á Izirayeli bɔ á bɔ Ezipti, a kɔn-narɛɛ a nyɛɛ duduu wa.

Loen 136:12

A din pàã nɛ, a din we ne, a kɔn-narɛɛ a nyɛɛ duduu wa.

Loen 89:13

N din nə ń gɔsɛ laanka gusin a lɛ̀gɔn zɛnaa. Tabɔɔrɔ laanka Ɛrmɔn kelen maǹ nə́ n din para pii.

Bɔ bɛ̀rɛbaa nɛ 12:14

«Lɛ̀ woo lɛ̀, ka die ka n yiri gisĩ bɛa sii kɛ lɛ nɛ, ka baa zɔ́n gole lɛa, ka masɛ guguru kɔ nɛ. A n sii lɛa, màn mɛn ná a sàabiɛ doo duduu wa.»

Bɔ bɛ̀rɛbaa nɛ 12:41

Lɛ̀ biɛsii ka pɔsɔɔ lɛ a lɛ piɛ̃ li, bɛa pinaa kɛ lɛ din taãn-taãn nɛ, Dɛnaa a zaman lɛ soo ka tɛrɛɛnɛ, ǹ nə́ n bɔ Ezipti gána nɛ.

Bɔ bɛ̀rɛbaa nɛ 13:14

Lawa mà bɛ̀ kaa nɛnyaanan nə́ nɔ̀n da ka la kio mà wàa nɛ ka tá kɛ zɛnɛɛ, ka pɛ ǹ nɛ kɛnɛn: «Dɛnaa na á soo ka wɔ nɛ, á wɔ bɔ Ezipti gána nɛ ka a din pàã nɛ, á wɔ bɔ bɛ̀rɛbaa nɛ.

Bɔ bɛ̀rɛbaa nɛ 13:16

Zɔ́n kɛa zɛnaa n die goɛ̃ ka gɔn, goon ka nyaǹ kɛ nɛ ka gɔn laanka ka nyanlɛ ganaa. Á re ka yiri gisĩ a nɛ, mà Dɛnaa din na á soo ka nɛ, á ka bɔ Ezipti gána nɛ, ka a din pàã gole kɛ nɛ.

Bɔ bɛ̀rɛbaa nɛ 13:3

A pɛ zaman lɛ-n kɛnɛn: Ka n yiri kɔ lɛawaa kɛ li, ka soo ka n bɔ Ezipti gána nɛ ǹ mɛn pinaa, ka baa zɔ́n lɛa, gána mɛn bɛ́ ka goã bɛ̀rɛbaa nɛ a nɛ. A giala Lawa na á soo ka ka nɛ ka a din pàã nɛ. Bɛa pinaa kɛ nɛ, ka baran toa ka buuru yɔ bùdɛnaa wɔ ka lɛ-n wa.

Bɔ bɛ̀rɛbaa nɛ 3:20

Ma á re n gɔn siɛ lon, ma koe sii gigiã zɛnaa Ezipti minin bii, ma fuu nyaa ǹ nɛ. Bɛn kio, kii lɛ á re toɛ ka woo.

Bɔ bɛ̀rɛbaa nɛ 7:4

Faarahɔn ba re n too koe n lon wa. Ma á re dɔlɔ boe Ezipti gána ganaa, man pàã nyaa nɛ, ma tɔn soo ka maa zaman kɛ nɛ, Izirayeli nɛnyaanan lɛn, kun ka zia-balin bɛ́ lɔn, ma ǹ bɔ Ezipti gána kɛ nɛ.

Suusun 1:9

Maǹ ka kii bafolo siĩn bɛ́ lɔn n mìi ganaa, ka bɔlɔ-a ǹ gii bɛ́ lɔn n bɔlɔ-a.

Suusun 3:21

Maa nɛ, n gɔn paraa yiridɛnaabaa laanka sii bɔkɔnlɛ ganaa. N nyan nə n na ǹ ganaa duduu wa.

Suusun 7:23

yǎa bɛ̀ gɔn dɔ a ganaa ǹ mɛn waáraa, a n gɛ̀ bɔlɔ pii. A n ka bàan nə́ ke n nanaɛ̃ lɔn woe n doe zɔ̀ɔ nɛ, a ná a ba doɛ̃ mà nyin nya ǹ bǎã-n wa.

Loe kɔɔ̃n kɔɔ̃n 8:6

Ma tɔ kiɛ̃ n foo ganaa, toa n goã ma dinsɔɔ̃ nɛ, a giala, kɔn-narɛɛ lɛ pàã n kaka. N bɛ́ min mɛn narɛ, a toɛ n nə ǹ dɛnaa toa walan wa. Kɔn-narɛɛ n ka tɛ gigiri bɛ́ lɔn, a ná a nimi wa.

Izayii 27:1

Bɛa pinaa, Dɛnaa Lawa á re yui *Leviatan gialaa ka a gɔya sa kaka pàãdɛnaa kɛ nɛ, Leviatan lɛ n miɛ̃ baa-sili lɛa. Leviatan piɛ̃maa-n ka taasiɛ baraa nɛ. Dɛnaa Lawa á re bɛa mu li ǹ màn babaraa lɛ dii.

Izayii 40:10

Á ke, kaa Dɛnaa Lawa n die ka pàã gole ne. Pàã tá a lon, a giã minin mìi la. Á ke, a màn mɛn yɛ, a n die ka bɛ nɛ. A n die ka a dí a saraa nɛ.

Izayii 44:5

Goon tá re pii: "Dɛnaa Lawa wɔ n ka ma nɛ"; kɔsɔ á re n din tɔ koe "Zakɔba"; kɔsɔ á re kiɛ̃ a gɔn ganaa: "Man Dɛnaa Lawa wɔ lɛa", á re n din tɔ koe Izirayeli.

Izayii 49:16

Á ke, má n tɔ kiɛ̃ ma gɔn tìsì bii. N tamaa ǹ kungɔnɔn kɛn, man taasiɛ we bɛn ganaa biikoo yii li.

Izayii 51:9

N yii kaa Dɛnaa Lawa, n yii kaa! N pàã gole nyaa. N yii kaa ka lɛlɛ lɛlɛ bɛ́ lɔn. N din bie ń goã ń màn baraa Rahabu dɛ, ń yìsi mu li ǹ tɔɔ babaraa piɛ̃ wole kɛ fɔ̃ wa?

Izayii 59:21

Sɛnɛ masɛ a paǹ li, ma bɛ́ lɛ kɔ kɔn la mɛn we ǹ nɛ, á ke, Dɛnaa Lawa na á pɛ: Ma yiri n ka la. Má maa boo wɔ ka lɛ-n. A n ka dinin wɔ lɛa, kaa nɛnyaanan nɛ, ka kaa nɔ̀ɔnɔn nɛ, sisia yǎa duduu. Ma a re ǹ sii ka la duduu wa. Ma din Dɛnaa Lawa n má pɛ.

Zeremii 22:24

Ka maa yiikoonaabaa nɛ, ma nə n liɛ, Dɛnaa Lawa a da ǹ boo ne, ta Zozakimu a nɛgiĩ, Zudaan kii Konia n ma gòon ganaa ǹ kaaran lɛa we-n ma gusin a gòon ganaa, man die n boe ma n bɔ a ganaa.

Zowɛli 2:11

Dɛnaa Lawa na a zia-baalin lɛn nyɛɛnɛ, a n paraa we. A sɔraasin lɛn man gigiã, ǹ ná a bɔlɔ sii. Dɛnaa Lawa a lɛawaa lɛ, lɛawaa gole ne á nyɛ́ɛ dɔ din diɛ. Die n die n boe a nɛ?

Minin nimi 15:39

Bɛa yɔrɔ lɛ la, wɔ ǹ dɔnkɛn mɛnɛn nə́ ke ka pasa ka-a, ka die ka bɛn wɔ. Bɛ̀ ka bɛa pasa lɛ yɛ, ka yiri tá re gisĩ masɛ a dí-pɛn tumaa nɛ, ka kɔ ǹ lɛ. Bɛ á die toɛ ka n ka a re tɔ we ka foo dùũ laanka ka yii dùũ kio, ka màn kɔsɔn guguru kɔ wa.

Matiə 23:5

Ǹ zɛnaa ǹ siin dinin tumaa n din nyaa sii lɛa. Bɛ lɛ na á toa, bɛ̀ ǹ Lawa a boo bǎãn kɔnɔn kiɛ̃, bɛ̀ ǹ kìri dadaran zumu ǹ ganaa a tɔ-a, bɛ̀ ǹ wɔ ǹ mìi-a hinlaa ǹ gɔn ganaa, pàsa mɛn bɛ́ ǹ tá kiɛ ǹ mɔnaa lɛkoron ganaa, bɛn man sɔsɔrɔ taãn-taãnɛ.

Rɔmu minin 10:8

A na á n pɛ mà wàa dɔn? «Lawa a boo lɛ tá n li foɛɛ̃nɛ, a tá n lɛ-n, a tá n gɔ́ɔ̃ nɛ.» Wɔ bɛ́ boo mɛn laakalɛɛ, bɛ giala n ka kɛ nɛ: Lawa yɔrɔ-a, barka na a goleemali dinsɔɔ̃ nɛ.

Timəə dí-pɛn 30:14

Sɛnɛ, boo lɛ n kunu ka li foɛɛ̃. A din lɛ n ka lɛ-n, a din lɛ n ka foo ne, màn mɛn bɛ́ toɛ ka kɔ lɛ.

Timəə dí-pɛn 5:15

Ka n yiri koa a nɛ, mà ka n ká goã bɛ̀rɛn lɛa Ezipti gána nɛ. Kaa Lawa, Dɛnaa Lawa lɛ na á sii kakan zɛnaa, á ka waa ka pàã nɛ á soo ka nɛ. Bɛ lɛ na á toa masɛ Dɛnaa, kaa Lawa lɛ laa ka ganaa, máa yǎa ka susu ǹ pii koɛ.

Timəə dí-pɛn 6:21

ka pɛ kaa nɛnyaanan lɛn manɛ kɛnɛn: «Wɔ n wɔ́ goã Eziptin kii a bɛ̀rɛn lɛa, Ezipti gána nɛ. Sɛnɛ, Dɛnaa Lawa na á wɔ waa ka pàã nɛ, á wɔ bɔ Ezipti gána nɛ.

Timəə dí-pɛn 6:6

Ma bɛ́ n gɔn wɛɛ ka nɛ ka boon mɛnɛn nɛ pelo, ka toa bɛn nə goã ka yiri ni.

Timəə dí-pɛn 6:8

Màn mɛn bɛ́ toɛ n yiri baran bɔ ǹ nɛ wa, n die ǹ nə ǹ yii n nyàa ganaa, ka n nyanlɛ nɛ.

Sii-nyaan 18:8

Bɛ lɛ a lɛa nɛ, koen mɛnɛn tumaa bɛ́ a wɔ lɛa, ǹ tá re die kiɛ la pinin goon toto: busu ni, gɛ̀-koa nɛ, bòo ne, ka tɛ mɛn bɛ́ re kuĩ. A giala Dɛnaa Lawa mɛn bɛ́ á kiri wɔ a ganaa, Pàãyiidɛnaa nɛ.

Sii yɔrɔ-bɔlen 2:12

Ǹ nə́ Dɛnaa Lawa toa walan, ǹ digolon Lawa lɛ, asɛ mɛn bɛ́ á ǹ waa Ezipti gána nɛ á soo ǹ ne. Ǹ nə́ dìn guguru kɔ, tɔrɔn kɛn lɛn wɔn bii, tɔrɔn mɛnɛn lɛn nə goã ǹ lɛnpɛnɛ. Ǹ nə́ kaa tán bɛn yɔrɔ-a ǹ nə́ ǹ guguru kɔ, ǹ nə́ wɔ Dɛnaa Lawa lon.